Imp. : saus

j. Imp. : presques.

198 Epistre d'ung Amant

A stheure pense, maintenant je prens joye ; Joyeulx je riz, et subit je Ihermoye : Brief, sans repos oii prendre mon allaine, Incessamment je prens travail et peine; Une heure seuile mon esprit n'a repos ; Jamais ne suis en ung mesmes propos ; En telle sorte je m'en voys esbatant Qu'au vray parler je faitz des esbas tant Que chascun prent de me suyvre plaisir, Parquoy souvent )'en ay maint desplaisir.

Si la cause me voulloys demander De ma follye, au long te le mander Point je ne crains ; tant de peur ne me laitz Que voulusse celer les tiens meffaitz.

C'est pour autant que veu me suis jadis Que tu prenoys gros soullas à mes dit/., Que bien venu je estoye en ta mayson ; Feust en esté ou en aultre saison.

Recueil j'avoye de toy très agréable; Séant je estoye le premier à ta table; En aucun lieu jamais n'eusse prins place Que à l'opposite ne feusse de ta face; Réfection tu n'eusses prins aulcune, — Ouy et feusse à menger une prune, — Que à y venir par toy semond n'y feusse. Quelque malheur, quelque mal que lors j'eusse, Tu transmetoys vers moy ta chamberière Pour sçavoir d'elle quelle estoit ma manière, Qu'il me failloit, de quoy je estoye marry ; A bien narrer, si j'eusse ton mary Pour lors este, peine n'eusse tant pris

HABANDONNÉ. 199

De me complaire, car ton cueur estoit pris

De mon amour, et sera grandement,

Quant de ma part par ma foy et serment

En rien ne t'eusse pour mourir esconduycte.

Tousjours avoys de moy seure conduicte

En quelque part que chemin prinse ou santé;

De toy n'estcye, ne toy de moy absente ;

Ensemble estions tousjours incessamment,

Et à tous deux estoit peine et tourment

Quant ne povions, — ne le fault proparler, —

L'ung avecq l'autre joyeusement parler.

Brief, nous estions deux corps en ung vouloir,

Nous en faisions très bien nostre devoir,

Sans fiction, d'amour très singulière,

Rions ensamble et faisions bonne chère;

Mais maintenant, ne sçay de qui tournée,

Mescongnoissante et d'aucun subornée,

D'ung cueur villain et d'ung vouloir meschant,

Te voys de moy en tous lieux te cachant,

Ne faisant compte de cil qui t'a servye

Loyallement la pluspart de sa vie,

Nomplus que si jamais ne l'avoys veu,

Comme ung estrange et barbare incongneu.

Vers moy ne tournes tes faulx yeulx, qui sont vers,

A tout le moings si ce n'est de travers,

Ne plus ne moings comme si voulloys dire

Estre envers moy remply le tien cueur d'yre.

Penser ne peulx ne conclure la chose D'ont peult sortir telle methamorphose.

De quelle source vient ta mutation, D'ont est issue ta machination ;

200 Epistre d'ung Amant

Fors [si] ce n'est d'ung vouloir glorieux,

Ouitrecuydé, superbe, ambitieux,

Duquel es plaine depuis ung peu de temps,

Qui mes cinq sens faict estre mal contens

Vers ta personne, car je ne fiz forfaict,

Mal, desplaisir, meschant tour ou meffaict

Oncques en ma vie, ne ne vouldroys forfaire,

Mais au contraire tousjours plaisir te faire.

Tu l'as congneu, et congnoistras encore

Quant tu vouldras, pour le moings d'une poire,

Car je suis prest, soit de nuyct ou de jour,

A te obeyr sans y faire séjour,

Ainsi que celle que j'ayme et aymeray

Tant qu'en ce monde mortel je viveray ;

Et combien que m'as voulu fortbannir

De ton amour, et du tout me bannir

De ta maison, comme lasche de cueur,

Ne regardant là où gist ton honneur,

Ce néantmoings, comme constant et ferme,

Sans point user de quelque fâcheux terme,

Le tien honneur, encontre toute envye,

M'efforceray garder toute ma vie

Pour les plaisirs que m'as faict d'autre foys,

Desquelz encores grosse estime je foys,

Lesquelz, ma dame, si continué eussez,

Plus à priser de loyaulté tu feussez

Que d'avoir faict si lasche trahison

A celluy là qui, sans comparaison.

T'a longuement beaucoup plus fort amée

Qu'onques ne fit Dido le roy ^née.

Ou que Paris Hélaine impudicque;

Encores faict, non obstant ta traficque

HABANDONNÉ. 201

Et villenye : le cueur plus noble il a Que nompas cil qui te depucella, Ou que celluy que as voullu de ta grâce Mectre et bouter en sa désirée place, Lequel jà saiche que, tant n'ayt de richesse Comme tu as, néantmoins sa noblesse Vault bien la tienne, son cueur est immuable Contre le tien, qui est trop variable.

Ingrat, mauvais, lequel vit sans police, Tant seullement tirant à l'avarice.

Je suis certain que en trouveras dix mille Plus opulans, plus beaulx et plus habilles, Plus triumphans, éloquens sans mesure, En rhetoricque sçavans plus que Mercure, Ingénieux, puissans et bien formez, Frisques, mignons, et trop mieulx renommez Que je ne suys, farcys en beau langaige. De besoigner tousjours prestz à l'ouvraige ; Mais dire je oze, escoutes bien mes ditz, Que en ce monde tu n'en trouveras dix Qui tellement eussent crainte de faire Chose parquoy je te deusse desplaire.

Je suys celluy, la chose est bien notoire, Qui a laissé le menger et le boyre, Qui a laissé maistre, terre et chevance, Honneur, soûlas, et mondaine plaisance, Qui ay banny de moy toute sagesse, Des bonnes meurs laissé la belle ' adresse. Qui ay acquis en lieu de bien follye.

En lieu de joye triste melencolie,