Nom vulgaire est pris ici comme l'opposé de nom propre

igo Epistre

Rondeau par le Chevalier Transfiguré , composé au nom de la très sacrée Majesté et très chreslien roy Fransçois^ premier de ce nom.

Comble d'honneur, fondement de noblesse, Basti sus roch de valeur et prouesse , Soleil rendant vertueulx luminaire , Royal mirouer à tous roys exemplaire , Tu as ressource de toute gentillesse.

Filz de Palas , tant sacrée déesse D'armes et sens , plaise à Dieu que sans cesse Par haultains faicts ton nom soit en mémoire , Comble d'honneur.

Bannir as faict de court la larronnesse Avarice, qui lesmeschans cueurs blesse, Dont Pegasus n'a garde de soy taire , Car jusqu'aux cieulx publie ceste affaire En exaltant ton cueur plain de largesse. Comble d'honneur.

Au Roy, mon souverain seigneur.

upplie très humblement vostre très humble subget et très obéissant servii teur le Chevalier Transfiguré , de pre- ' sent prisonnier en ceste ville de Paris, es prisons de Malheur, comme ainsy soit que luy, estant jeune, aiant le cueur plus grant que le corps et le vouloir plus grant que le povoir,

DU Chevalier transfiguré, igi

ait tant couru pour aclaindre honneur, que, tousjours continuant sondit cours , luy est advenu Fortune avoir eu en despit sa trop haute entreprise , ainsi que de coustume eUe a en desdain les cueurs valleureux, à cause de quoy seuliement , et sans aultre forfaict , la faict constituer en la dicte prison , enferré des fers de Douleur et lyé des cordes de Regretz , par les mains de deux femmes et ung homme , nommées Procès , Maladie et Povreté , qui sans repos le baient, gehainent et tormentent, sans l'avoir aucunement desservi , car il ne sera point trouvé que jamais il ayefaicte meschanceté ou cas digne de reprehension, et n'a ledit suppliant aultre recours synon d'iceulx très grans tors et griefz très humblement appeller à la souveraine court de vostre miséricorde , ce qu'il fait piteusement ; mais maladie ne veut souffrir qu'il ayt loy d'avoir audience pour remonstrer son infortune; toutesfois gist son seul espoir aux piedz de vostre bénigne grâce et immense bonté qui seuUement luy entretient ce peu de reste de vie qu'il a dedans le corps , bien sachant la coustume des très chrestiens roys de France estre telle de délivrer les prisonniers à leur joyeux advenement. Par quoy il a en ce tant ferme fiance qu'il pense estre seurde soneslargissement, et pareillement, comme il soit de coustume, aux changemens des roys. plusieurs choses eulx muer , luy, qui jusques icy a esté très malheureux , espoyre que votre très grant bonheur commendera à Fortune d'ores avant luy estre plus favorable. Ce considéré, plaise à vostre très no-

192 Epîstre du Chevalier transfiguré.

ble clémence , en faveur tant de luy que de la rasse dont il est descendu , en laquelle se sont trouvés , selon leur portée, plusieurs bons serviteurs pour les roys voz prédécesseurs, que aussi en contemplation du service qu'ilalousjours eu envie de faire , et mesmement de son temps et jeunesse, sans oblier ses biens qu'en ce vouloir a despenduz, le faire jecter de la dicte prison et fers dessus dicts , et oultre plus faire bannir de sa compaignie Povreté seulement; car Maladie et Procès , à cause , comme il croit , de vostre bon heur tout comble de félicité, ne luy sont si rigoureux qu'ils ont esté ; et luy, ainsi délivré de ladicte Povreté, Dieu aidant, apointera bien aux aultres. Ce que Vostre Majesté très sacrée fera bien aiséement, en prononçant, de vostre très gratieuse et melliflue bouche coralline, seuUement ce libéral mot : Oy, et il priera Dieu pour vous.

Le Testament d'un Amoureux qui mourut par amours. Ensemble son Epitaphe. Composé nom'ellement * .

L'Acteur.

u temps que Phebus se lougeoit Dans la maison des enfans deLédée^, Et que tout arbre florissoit Que paravant tout estoit defeuilée, Par froit, par ventz, par nèges, par gelée; Qu'Am.our, volant entre petis oyseaulx, Faisoit chanter chansons et ditz nouveaulx,

Tous cueurs humains , par la loy de nature , S esjouyssoient , car c'estoit la saison , Mettans arrier tous soucys , toute cure , Chantans chansons et rondeaulx à foyson. J'estoye tout seul, qui avoye achoison Estre marry de corps , de cueur et d ame Pour la perte qu'avoye fait de ma dame.

1. Voici le titre complet : Le testament d\n amoureux qui mourut par amours. Ensemble son epitaphe composé nouvellement et le De Profundis des amoureulx. In-8 golh. de 8 ff. Le testament en a six, et le De Profundis est sur les deux derniers. Nous donnons cette seconde pièce à la suite.