A : plaist. — 2. B : ces

DE DAME VeROLLE. 233

Garye à coup du baulme odorifère ,

Venus la baise et ces mots luy profère:

« Las ! qui t'avoit , ma niepce , m'amye ,

Ainsi navrée et en mort endormye ?

Que je le sache , affin de m'en venger. «

Lors Volupté monslra Tare estranger

Et une fleiche encor de son sang taincte

Qui presque l'a mortellement attaincte.

Venus regarde et congnoist l'arc de Mort ,

Dont de despit ses belles lèvres mort.

« Gardez, pour Dieu! dist-elle, d'y toucher,

Filles , gardez ; ha ! le notable archier

Qui a changé son très bel arc d'ivoire

A cestuy-cy. Vous vous enyvrez voire ;

Est-ce bien fait? Vous enyvrez-vous doncques?

Sus qu'on le preigne, et, sans faultes quelzconques,

Qu'il soit porté hors de nostre manoir

Avec son arc hideux , horrible et noir.

Mais gardez bien de toucher à main nue

Ne arc , ne fleiche. 0 quel desconvenue !

Je sçay de vray qu'il en a fait du mal. »

Lors une nymphe entour l'arc enormal

Et la sagette enveloppe (en) ung lappiz ,

Et le tout gette au loing, de peur de piz ,

Par la fenestre es fossez du chastel ,

Qui est si beau qu'au monde n'y a tel.

Mais de la fleiche et de sa grant poison

Il se perdit des poissons à foison ;

Cignes, canars, laissèrent le repaire,

Et de plongeons mourut plus d'une paire.

Tant devient l'eaue amaire et pestilente

Du fort venin de la fleiche dolente.

234 Le Triumphe

Et puis à coup quatre nymphes , du moins ,

Prindrent le lict à tous les quatre coings,

Et l'enfant nud , qui du fort vin est pasle ,

Tout doulcement portèrent hors du pasle ^

Et Tout posé emmy la basse-court,

Là où la bise à tous lés souffle et court.

Ce fait, Venus au dongeon les rappelle,

Puis par accord toutes ses gens et elle

De toutes pars le pourpris barré ont,

Et ung serment entre eulx jurent et font

Que là-dedans Cupido n'entrera

Jusques à ce que son arc il raura ,

Qui est tant beau , tant riche et tant doré ,

Qu'au monde n'est ung arc si honnoré.

El, ce disant par bon accord notable,

Voicy venir ung bruyt espoventable

De gens cryans crys d'orrible pitié ,

Lesquelz la Mort, par force et maulvaistié ,

A grans trouppeaulx chassoiten les bâtant

Vers le chastel , où des dames a tant.

Alors Venus mect l'œil à la verrière ,

Voit tant de gens , s'escrie à la barrière :

« Portiers, fermez , levez le pont-levis !

Onques de jour tel tumulte ne veis ! »

Lors les portiers, en grant peur et destresse,

Feirent le vueil à leur dame et maistresse ,

Et tout à coup montèrent aux créneaux;

Et Venus s'orne, etprent chaînes, anneaux,

Tissus, rubans, coueffes , guimples* , atours,

Pour plaire aux gens , car bien on scet les tours ,