X. B : grandz. — 2. A : s'efforce

DE DAME VerOLLE. 287

Où est ton arc si noble et triumphant ? Qu'en as-tu faict ? Ha ! malheureux enfant , Qui , pour tuer tous ceulx de nostre hostel , As aporlé cy dedans l'arc mortel, Va , va là veoir * dehors qui te demande , Et ne reviens jamais s'on ne te mande. » Ainsi disoyt Venus ayant grand dueil , Dont à Amours la lerme vint à l'œil , Et bat sa coulpe et ores luy recorde De son meffaict et hait son ivresse orde , Et bien s'excuse à présent du mescompte

Des arcs changez , dont il a dueil et honte , Et dit ainsi à sa mère : « Ha ! ma dame, Certainement je suis digne de blasme ; J'en ay regret, et le cueur m'en remort

Tant d'avoir beu avec Thorrible Mort ,

Comme d'avoir par erreur prins l'arc sien :

Car bien j'entens qu'elle a ores le mien.

Mais je suis seur bien tost le recouvrer,

Et désormais plus saigement ouvrer.

Or, je vous pry, mais qu'il ne vous desplaise ,

Où est donc l'arc de la vieille mauvaise ?

Je luy vueil rendre à sa malle santé

Et puis le mien ravoir à voulenté. »

— ce Si tu te veulx de le rendre empescher,

Dist lors Venus , il le convient pescher,

En ces fossez , où je l'ay faict ruer;

Car une flesche a bien cuydé tuer

Ma Volupté , ta fille gente et belle.

Et là dehors t'attend la Mort rebelle ,