B : Yoys

238 Le Triumphe

Qui ton arc tient , dont plusieurs viellars bat,

Et leur faict faire ung très piteux sabbat ,

Et, puis qu'ainsi à mal es destiné ,

Va-t-en souper là où tu as disné. »

Quant la déesse eust finy ce propos,

Elle s'en va , et la fière Atropos

Pendant ce temps à voix obscure et noyre,

Rebondissant tout ainsy que tonnoirre ,

Disoyt ainsi : « Hau , Venus la déesse ,

Bien doibs avoir au cueur joye et lyesse

Quant ton garson , ce joUy fringuereau ,

Est devenu maintenant ung bourreau.

Regarde ung peu ki belle boucherie *

Qu'il a cy faict de jeunesse florie.

Tous ces gallans bien verds et bien gaillars

Il a occis, et j ay faict ces vieillars

Tous amoreux ; n'est-ce pas ung chef-d'œuvre ?

Or sus, il fault que vostre place s'œuvre,

Et que j'y entre avec toute ma bende,

Et , s'il y a dame qui ne se rende ,

Je feray tant que Cupido la tue ,

Qui de mon arc si très bien s'esvertue.

Regardez cy voz amys qui sont mors.

Si n'en avez du cueur dueil et remors,

Vous estes plus que vives roches dures ,

Quand par Amours souffrez telles laidures.

Sus donc à coup, mes dames, respondez,

Ou aultrement mon assault attendez 2 ;

Si vous feray tout à coup amoureuses

Et tout ainsi que ceulx-cy langoureuses?