I. imp. : Et

102 L'Honneur

En les meslant toutes ensemble ;

Le tout enfin pourpre ressemble

Et si est pourpre proprement,

Mais garder fault expressément

Que l'une ne l'autre ne excède, 805

C'est ainsi que l'on y procède.

En armoyrye plusieurs la tiennent'

Pour couleur, aultres^ riens n'en tiennent,

Et, pour ce que des aultres est faicte,

Aucuns la tiennent moins parfaicte, 810

Disans que vertus nulles n'a

Sinon des autres ce qu'elle a.

Je vous diray en oultre plus ;

Aucuns la tiennent pour le plus

Noble et excellente pour ce 815

Qu'elle est extraicte de la source

D'aultres toutes en gênerai ;

Pour ce Testât impérial

Au temps prétérit s'en vestoit

Et par honneur s'en revestoit, 820

Car toutes aultres elle comprent

Selon son origine et prent.

Encores ainsi se deust faire

Qui vouldroit au droict satisfaire.

Celluy qui premier en porta 825

Et qui premier vestu en a Fut Tullius Hostilius, Au temps Numa Pompilius.

Pierres précieuses sans nombre Semblables sont et [de] tel ombre. 830