Imp. : riioiiMDe.j

DE l'Homme et de l'Argent. 3a5

Les hommes soDt tous plains de vanitez, En ville, en bourgs, en chasteaulx et citez ; Mais par cela ne laissent de mourir, Le corps s'en va en la terre pourrir.

Tu te vantes par grande arrogance Que par argent sont baillez les estatz.

Que proffite d[e] estre roy de France, Ou empereur ayant plusieurs ducatz, Et prisonnier ensemble à grant tas?

La mort si print César, aussi Pompée, Charles-le-Grantet le bon Machabée.

L'Argent.

Pour remettre en toy entendement Et radresser ton parler en raison, Je te diray : Adam premièrement Immortel fut par sa création , Mais puis après sa varication^ Il fut mortel et tous ses successeurs ; Cela est vray, nous en sommes tous seurs.

La mort par luy print sa possession De tous humains à perpétuité.

Qui fut à tous grande subjection , Car à la mort sommes tous invitez , Qui est à tous grande calamilez , Sur les humains, laquelle durera Tousjours jusques fin le monde prendra.