VII

pour estre plus fresches et disposées à me faire, cy après, service, lorsque l'affaire le requerra, il n'ose comparoir en campagne, et s'esloigner du lieu où il s'est mis entre les deux rivières de Dordoigne et de Garonne.

Yoylà, Monsieur de La Mothe Fénélon, en peu de parolles , ce qui s'est passé despuys ceste ouverture de pacification et de la lentitude avec laquelle il y a esté, jusques icy , procédé par ceux de la Rochelle ; ne voullant oublier à vous dire que , voyant, aulcuns cappitaines qui avoient dressé, il y avoit plus de trois mois, une entreprise sur la dicte ville de la Rochelle, que l'on m' avoit voulleu ainsi surprendre ma ville de Bourges, se délibérèrent , il y a quelques trois sepmaines, de se mettre en debvoir d'exécuter la dicte entreprise , laquelle toutesfoys n'a pas réheussi ; vous ayant bien voullu représenter toutes ces choses affin que , sçachant à la vérité comme elles sont passées, vous vous puissiez opposer aux faux bruits que mes rebelles pourroient faire courir par dellà pour rendre odieuses mes actions et déportemens, ainsi que c'est leur artifice accoustumé. Et sur ce, etc.

Escript à Angers , ce xxjc jour de janvier 4570.

CHARLES. BRUL-ART

US ROY A HE* DR LA MOTHE FÉNÉLON

— du vi« jour de tebvrier 1 570. — Négociation de la paix. — Articles proposés. — Levées faites en Allemagne pour Elisabeth. — Assurance donnée par l'ambassadeur d'Angleterre qu'elles sont dirigées contre les rebelle* du Nord.— Injonction faite à l'ambassadeur d'interpeller la reine pour savoir si elles ne doivent pas servir contre la France. — Teneur des articles proposés.

Monsieur de La Mothe Fénélon, par les despéches que je vous ay cy devant faictes , vous aurés esté adverti

bien amplement de ce qui a esté faict et négocié, jusques ici , pour parvenir jusques à quelque bonne pacification des troubles estantz en mon royaulme. Et à présent que les députés de la Royne de Navarre, des Princes de Navarre et de Gondé, et de l'Admirai sont venus, de leur part, devers moy, qui m'ont proposé et baillé par escript certains articles de ce que ceux de leur parti désirent que je leur accorde, après avoir bien et meurement considéré sur rceulx ce que je puys raisonnablement faire en leur faveur, pour donner un bon et heureux repos à tous mes subjects ; et voullantuser envers eux, encore qu'ils m'ayent griefvement offencé, plustôt de mansuétude, de bonté et de clémence que d'extrême sévérité et justice, je me suis résollu de leur accorder le contenu des articles que je vous envoyé présantement, affin que vous fassiés entendre, de ma part, à la Royne d'Angleterre, combien j'ay estimé le bon conseil et advis qu'elle m'a donné, tant par ses lettres que par ce que vous m'avés , par pleusieurs fois, escript de sa part, de tâcher de parvenir à la réconciliation de mes dicts subjects par une bonne pacification.

Et voullant les conserver et ne souffrir point qu'en se perdant ils attirent avec eux une grande ruine en toute la Chrestienté, ainsi qu'il ne pourroit advenir aultrement s'il n'y estoit donné quelque prompt remède , et n'obmettre rien du bon debvoir d'un bon prince pour ramener gratieusement ses subjects dévoyés au bon chemin qu'ils doibvent tenir, en luy rendant l'obéissance à laquelle ils sont naturellement obligés ; espérant que, s'ils sont encore possédés de quelque bon zelle et ont en leurs cœurs quelque peu de reste de la bonté et fidélité naturelle que, de tout temps, les peuples françois ont heu à leurs rois, ils accepteront

fort volontiers les susdictes conditions. Et par là la dicte Roy ne d'Angleterre pourra juger et cognoistre de quel zelle j'y procède , selon ma bonté et clémence accoutumée; et que, où mes dictz subjects, eslevés en armes, se monstreroient si desraisonnables qu'ils ne voulussent accepter ce que je leur fais offrir présentement , ains continuer en leurs malheureuses entreprises; qui donneroient clairement à cognoistre qu'ils seroient poussés d'une pure ambition pour usurper, s'ilz pouvoient, l'auctorité qui m'est deue, que je m'asseure, de la bonne et sincère amitié qui est entre nous, qu'elle ne leur baillera aulcune aide, secours ny faveur, sçachant bien comme il importe à un roy et prince souverain de réprimer et chastier ses subjects, quand ils prennent les armes contre luy, et mesme s'ils se monstrent si obstinés qu'après avoir grandement failli, comme ils ont, et usant envers eux de la grâce et bonté que je fais, ils ne se voulloient recognoistre et rendre le debvoir et l'obéissance qu'ils me doibvent.

Je viens tout présentement d'avoir ad vis certain , d'Allemaigne , que la Roy ne d'Angleterre a faict faire une le-, vée de huict mille reystres soubz la charge du duc Holstain et du comte de Hemdem; et, d'aultant que le Sr de Norrys, son ambassadeur, m'est venu trouver, despuys deux jours, lequel m'a dict avoir charge expresse par lettres de la Royne d'Angleterre, sa Maistresse, de me faire entendre en quel état estoient, à présent, les troubles et affaires de son royaulme, et comme ceux, qui s'estoient eslevés contre elle, s'estoient presque tous retirés vers l'Escosse, et qu'elle espéroit en avoir bientost une bonne issue ; et , pour ceste occasion , elle avoit résollu de faire une levée de gens de guerre de ses subjects , tant de cheval que de

pied, la plus grande qu'elle pourroit, pour establir ses affaires et estre obéie , et par ce moyeu empescher que Fou ne puisse point faire , par ey après , aulcune aultre eslévation contre son auctorité ; et qu'elle me prioit de ne me mettre en peyne et soubçon de ceste grande levée et assemblée de gens de guerre qu'elle faisoit, d'aultant que ce n estoit que pour servir en son royaulme , et pour se faire obéir à ses dicts subjects, et non pour ayder et favoriser aulcunement ceux qui portent les armes contre moy, m'offrant tout ce que je debvois espérer de son amitié ; je vous ay bien voulleu advertir de tout cella affin que vous luy en parties de ma part , d'aultant que son ambassadeur ne m'a rien dict, ni à la Roy ne, Madame et Mère, de la dicte levée, et qu'elle vous die ouvertement, sans rien dissimuler, si c'est pour ayder et favoriser ceux qui portent les armes contre moy, comme on me mande qu'elle est faicte à ceste intention, ou si ce n'est seulement que pour s'en servir contre ses dicts subjects. Et faictes en sorte que vous en puissiés jsçavoir la vérité et m'en advertir incontinent, et vous prendrés garde au visage et à la contenance de la dicte Dame, comme elle recevra ce que vous luy dires, me remettant à vous d'y adjouxter ou diminuer , selon que vous cognoistrés qu'il en sera de besoin pour mon servisse. J'ai reçu vos lettres du xxje du passé, avec l'instruction que vous pensiés bailler à La Croix ', et ay bien veu et considéré tout ce que vous m'avés mandé, à quoy je vous fairay responce par la première dépesche, estant trez aise d'entendre si particulièrement toutes les nouvelles de ce qui se passe par dellà, et que vous continuiés à m'en tenir ad-

' Voyez lxxxh' dép., tom. ni, pag. 20 , et le Mémoire joint, pag. 27.

verty, à toutes les occasions qui s'offriront, et le plus souvent que vous pourrés ; priant, etc.

Escript à Angers , le vjc jour de febvrier 4570.

CHARLES. fizes.