DE MORVILLERS, ÉV. D'ORLÉANS

LE ROY A r DE LA MOTHE FENÉLON.

—du viii« jour de mars 1570. —

Réclamation à raison du pillage d'un navire français échoué en Angleterre.

Monsieur de La Mothe Fénélon, f escriptz présentement à la Royne d'Angleterre la lectre, que je vous envoyé, en faveur de François Salomon , Jehan Golombel et Jehan

Chenadec, marchands et bourgeois de ma ville de Vannes, en Bretaigne, sur ce qu'ilz m'ont faict entendre qu'au mois de novembre dernier passé, ils auroient faict conduire jusques en Flandres le navire à eulx appartenant, nommé la Bonne Âdvanture , de Vannes , et icelluy faict charger de plusieurs marchandises, entre aultres, de diverse sorte de soyes , comme tafetas et satins , toilles de Hollande , plomb, estein , crain , cires , bufles , poudre fine et grosse , grand nombre d'érain en œuvre, serges d'Arscot et aultres marchandises , revenants bien à la valleur d'environ dix huict mille livres. Lequel navire, ainsi chargé, ils avoient délibéré faire amener au dict Vannes en Bretaigne , et , ayant prins la route du dict païs, seroient, environ le quinzième jour de janvier dernier, arrivés au port de Rosco , distant du dict Vannes de xl lieues ; et estimans, après y avoir quelque temps séjourné, avoir le vent à propos et commode pour faire voille , se seroient mis en mer, où le vent leur auroit esté si impétueux et contraire que le dict navire feut jeté en la coste d'Angleterre, cuydans y estre en aussy grande seuretté comme en mon royaulme , pour la bonne et parfaicte amitié, bienveillance et commune intelligence qui est entre noz royaulmes, païs et subjects.

Les habitants du dict lieu de Falmeu, et aultres circonvoysins, subjects de la Royne d'Angleterre, se seroient jectés sur la dicte navire, et icelle déprédé , pillé , saccagé , remporté toutes les marchandises et choses qui estoient dessus, montants et revenants à la susdicte somme d'environ dix huict mille livres, oultre les agrès, appareils et munitions y estants, vallants plus de deux mille livres, qu'ils auroient aussy prins, remportés, et faict constituer prison-

uiers le maistre du dict navire , nommé Loys Corno , ensemble les mariniers qui y estoient.

Par quoy, et que je me suis tousjours asseuré, comme je fais encore, que la dicte Royne d'Angleterre ne le voudroit aucunement tollérer ni permettre, et qu'elle ne Ta jamais entendu, je vous prie, Monsieur de La Mothe Fénélon, après luy avoyr présenté mes dictes lettres, faire telle instance envers elle que le dict navire, et marchandises gui estoient dessus, agrès, appareils et munitions, soyent randus et restitués à ceux de mes dictz subjects, aux quels ils appartiennent, si les choses sont encores en nature ; sinon la juste valleur et estimation d'iceulx , et les mariniers, et aultres personnes estants dessus, mis en plaine et entière liberté. Vous verres les informations qui de ce ont esté faictes, lesquelles vous sont présentement envoyées, et employées la créance, que je vous donne par ma dicte lettre à la Royne d'Angleterre, de tous les plus honnestes propos et remonstrances dont vous vous pourrés aviser; m'advertissant, à la première occasion, de ce que vous aurés faict et de la responce que vous en aurés heûe. Et sur ce, etc.

Escript à Angers le vnje jour de mars 1570.

CHARLES. fizes.

LE ROY A Mr DE LA MOTHE FÉNÉLON.

— du xn« jour d'apvril 1 570. — Remertiemens sur les offres de médiation d'Elisabeth, que la pacification prochaine doit rendre inutiles. — Remontrances sur les arméniens fait» en Angleterre. — Déclaration du roi qu'il ne souffrira pas qu'ils soient tournés contre l'Ecosse. — Demande qo'ÉHsabeth retire ses troupes de ce pays, et qu'elle rende la liberté à Marie Stuart — Garantie offerte par le roi pour l'exécution du traité. — Ordre donné pour qu'il soit satisfait aux réclamations des Anglais sur la pèche des côtes. — Argent envoyé à Marie Stuart.

Monsieur de La Mothe Fénélon , j'ay receu voz lettres des ixe et xixe du mois de mars dernier; après, j'ay eu celles que m'a aportées le Sr de Vassal qui sont du xxvije du dict moys , ensemble les mémoires et instructions que vous luy avés baillé '; et, oultre le contenu d'icelles, encore quelles soient bien amples, entendu tout ce qu'il m'a particullièrement dict et exposé de vostre part , suyvant la charge qu'il en avoitde vous. Despuys , j'ay aussy receu les aultres lettres du dernier d'icelluy mois a, me trouvant, en tout et partout, si bien et si suffisamment esclairci de tout ce qui se pouvoit apprendre, du costé du lieu où vous êtes , qu'il n'est possible de plus ; tellement qu'avec très juste occasion j'en demeure fort content et satisfaict.

Et pour vous y faire responce, j'ay veu et remarqué, en premier lieu, ce que vous me faictes sçavoir du grand et singulier désir que avoit la Royne d'Angleterre, ma bonne sœur, d'intervenir et s'employer à la pacification des troubles de mon royaume , s' offrant d'envoyer pour cest efiaict par deçà quelqu'un des siens , personnage de qualité correspondante à un tel négoce, ou bien d'en

' Voyez xciv% xcvi" et xcvii' dép. ,tom. m , pag. 79, 85 et 88. 2 Voyez xcvni" dép., tom. m, pag. 103.

traiter par delà avec le cardinal de Chastillon. Sur quoy je ne la puis que grandement remercier de ceste sienne bonne vollonté et affection en mon endroict, vous priant faire de ma part cest office envers elle, avec toutes les plus honnestes parolles dont vous pourrez aviser , l'asseurant que, en semblable ou aultre occasion, je luy voudrois très vollontiers faire paroistre, par effaict, la correspondance de nostre bonne et commune amitié. Mais il ne sera point de besoin luy donner ceste peyne, d'aultant que ceulx de mes subjectz rebelles , qui se sont eslevés et prins les armes contre mon autorité, m'ont toujours faict remonstrer ne voulloir point entrer en capitulation avecque moy, qui suis leur roy et prince naturel et souverain; mais seullement avec toute révérence et humilité recevoir les offres que je leur fairois, tellement que , sur l'acceptation d'icelles que je leur ay cy devant envoyées , ils ont depputé quelques uns d'entre eulx pour me venir trouver, estantz desjà si bien acheminés qu'ils seront ici dans peu de jours, espérant que l' effaict de la dicte pacification sera bientost résollu : dont je nefaudray de vous advertir incontinent, affin que vous en faictes part et communication à la dicte Dame. A laquelle vous jremonstrerés cependant, pour le regard de ce qui touche le faict de si grandes forces , et l'ordre qu'elle donne encore tous les jours de les augmenter, ensemble les fournir de provisions et munitions de guerre, que je ne puis aulcunement penser que ce soit seullement pour chastier, comme elle dict , les fugitifs de son royaume qui se sont retirés au païs de la Royne d'Escosse, mais bien estimer et me persuader qu'elle a aultre intention , encore qu'elle soit sa proche parante ; ce que je ne pourrai aulcunement souffrir ni tollérer, ayant le cœur grand et bon comme

j'ay , et qui ne voudrois aucunement dégénérer aux vertueux et magnanimes actes des Rois, mes prédécesseurs, qui ont toujours heu ceste résollution devant les yeux : d'employei non seulement les forces et moyens xpie Dieu leur a donné en main, mais encore leurs propres personnes, pourrellever et soulager les opprimés. Par quoy il ne faut pas que la Royne d'Angleterre trouve estrange si, pour l'ancienne et estroite amitié , alliance et confédération qui a esté de tout temps observée , et, de règne en règne, continuée et corroborée entre mes dicts prédessesseurs Rois et ceux d'Escosse, aussy pour m'estre la Royne du dict païssi prosche parente co/pme elle est, estant ma belle sœur, j'embrasse et veux embrasser le faict de sa cause comme la mienne propre , m'asseurant qu'en un si bon et saint œuvre je serai assisté de Dieu, faisant, comme je fairai, pour une Royne et princesse catholique , la quelle en ceste affliction ne sera jamais abandonnée du Roy d'Espaigne ni de tous les aultres princes chrestiens.

Mais pour n'en venir point jusque là , et devant que les choses passent plus oultre , vous prières de ma part la dicte Royne d'Angleterre de faire rettirer ses forces du dict païs d'Escosse saris y en renvoyer d'aultres, au contraire mettre la Royne du dict Escosse en liberté pour gouverner et commander en son dict royaulme, ainsi qu'elle doibt et luy appartient de faire , estant née royne et princesse souveraine du dict païs , ou bien en laisser faire à ceux qui , de par elle et soubz son autorité, seront commis et depputés au dict gouvernement , attandu mesme que en cessi ne luy a esté donné aulcun empeschement sinon par ceux qui tiennent le parti d'icelle Royne d'Angleterre; avec laquelle je seray toujours très aise de continuer tous les bons offices

d'amitié qui me seront possibles, l'asseurant que la Roy ne d'Escosse gardera, de sa part, tous les traités qui ont esté cy devant, et seront cy après, faicts et accordés avec la Royne d'Angleterre et ses prédécesseurs , et qu'elle vivra avec elle, gardant tout le debvoir d'une bonne et syncère amitié, sans y contrevenir aulcunement ; et que je luy en veux donner telle promesse et asseurance qu'elle aura occasion d'en avoir grand contentement.

Au demeurant, Monsieur de La Mothe Fénélon, j'ay veu par le double que vous m'avés envoyé de la lettre que vous ont escript ceux du conseil d'Angleterre, la plaincte que font les pescheurs de la Rie contre ceux de mes subjects, lesquels ilz prétendent contrevenir aux ordonnances fàictes sur le faict des dictes pescheries, chose que je n'ay jamais entendue jusques àceste heure. Et, à la vérité, je suis bien aise de le sçavoir, pour l'envie et la bonne affection que j'ay d'y pourvoir et remédier : et, à ceste fin, j'escriptz présentement au Sr de La Meilleray, mon lieutenant au gouvernement de Normandie, s'enquérir et informer bien soigneusement et dilligemment du faict d'icelles pescheries , et des contraventions aux dictes ordonnances, pour, sur ce, réduire et remettre les choses en Testât qu'elles doibvent estre, et y demeurer en sorte qu'il n'en advienne plus aucune plainte ; et qu'il ne faille à m' ad vertir incontinent de tout ce qu'il en aura faict et exécuté , affin que je vous le fasse entendre pour leur remonstrer par delà, et ez lieux et ainsi qu'il en sera de besoin, tellement que l'on cognoisse partout l'envie que j'ay de vivre en bonne et mutuelle amitié avec la dicte Royne d'Angleterre.

Je vous advise, Monsieur de La Mothe Fénélon, que la somme de dix sept mille livres, d'une part, et cinq mille

qui seront cy après envoyés en Angleterre , n'est à aultre fin que pour estre baillée à la Royne d'Escosse, ma belle sœur, et non ailleurs, pour luy ayder à subvenir en ses affaires, comme estant de ses deniers ; par quoy vous le luy fairez bailler et en prendrez quittance d'elle pour vostre descharge, que vous m'envoyerez pour faire aparoir comme elle les aura receus entre ses mains ; vous ayant bien voullu renvoyer le dict Sr Vassal, sur lequel me remettant, je prie, etc.

Escript à Ghasteaubriant le xije jour d'apvril 1570. CHARLES. fizes.

LE DUC D ANJOU A Mr DE LA MOTHE FÉNÉLOBT.

(Lettre escrite de la main de Monsieur le Due.) — du xne jour d'apvril 1570. — Protestation faite par le duc d'Anjou qu'il n'a jamais déclaré avoir l'intention, aussitôt la paix conclue , de faire une entreprise en Angleterre pour délivrer Marie Stuart.

Monsieur de La Mothe Fénélon, vous verres par la despesche du Roy, Monseigneur et frère, responcive à celles que nous avons cy devant receu de vous , et mesme par le Sr de Vassal qui vous est présentement renvoyé, le voulloir et l'intention de Sa Majesté sur toutes vos dictes despesches, estant le tout si bien et amplement déduict qu'il ne me reste à vous dire davantage là dessus. Mais, pour le regard de ce que vous m'escrivés, en particullier, touchant quelques propos qui avoient esté tenus à la Royne d'Angleterre , et dont elle se sentoit piquée ; disant que j'avois voullu persuader quelques gentilshommes, venus du camp de nos ennemis, à franchement recevoir les conditions de la paix que l'on leur oflroit, et quitter toutes aultres passions pour se réu-

nir ensemblement à une mesme bonne et entière vollonté, et que, après, je les mènerais aune très honnorable entreprise en Angleterre, pour y dellivrer une Royne que Tony détenoit prisonnière ; tellement qu'il sembloit par là que je luy voulleusse desjà dénoncer la guerre, dont elle ne pensoit m' avoir aulcunemeut donné l'occasion : sur quoy, Monsieur de La Mothe F énélon , vous luy a vés fort bien et sagement respondu .

Et fault que je vous die qu'il estoit impossible de faire en cella meilleur office que celluy que vous avés faict, qui est la vraye et pure vérité, lorsque vous luy avez faict entendre qu'une telle vollonté ne m' estoit point tombée dans le cœur; et quand bien il en auroit heu quelque chose, ce que non, toutesfois tant s'en fault que je l'heusse dict à ceux que je tenois et tiens encore pour ennemis , durant le temps qu'ils porteront les armes contre moy , que seullement je ne l'heusse pas voulleu descouvrir à mes amis ; vous priant d'assurer , de ma part , la Royne d'Angleterre que je trouve aultant estrange ceste nouvelle comme elle est éloignée de la vérité , n'y ayant jamais pensé en quelque sorte que ce soit. Mais ce sont quelques turbulents, esprits malicieux, qui s'exercent et passent le temps à forger telles malheureuses inventions; la priant bien fort de n'en voulloir croire aulcune chose, mais au contraire que j'ay toujours heu devant les yeux ceste bonne et ferme intention de voir ces deux royaumes, de France et d'Angleterre, continuer et persévérer en leur commune et mutuelle amitié; et à faire , de ma part, tous les meilleurs offices que je pourrois pour donner tesmoignage par effaict de ma dicte bonne vollonté, qui ne sera jamais aultre. Sur ce, etc.

Escript à Chasteaubriant , le xije jour d'apvril 1570. Vostrebon ami. HENRY.

LE BOY A Mr DE LA MOTIIE FÉNÉLON.

— du i?« jour de may 1570. —

Détails sur la négociation de la paix qui est près d'être conclue. — Réponse faite aux articles par les princes de Navarre et de Condé. — Insistance du roi pour qu'Elisabeth retire se» troupes d'Ecosse. — Affaires de Marie Stuart. — Résolution du roi de faire rendre Justice sur les plaintes des Anglais.

Monsieur de La Mothe Fénélon , j'ay receu voz lettres des ixe, xnje et xvnje du moys passé !, et par icelles entendu, bien et particulièrement, en quel estât sont toutes choses de par delà, et tout ce qui s'y est passé jusques à l'arrivée du présent porteur qui est à vous; et m'avés faict bien grand plaisir de me tenir si souvent et si amplement adverti des occurrences du lieu où vous estes. Je n'heusse pas tant demeuré à vous faire responce sans ce, que j'attandois le retour du Sr de Biron, et ce qui réhussiroit de la négotiation de la paix, par la venue des depputés que la Royne de Navarre et les Princes, ses fils et nepveu, ont envoyéd evers moy; lesquels, oultre le contenu ez articles que je leur avois cy devant envoyés par le dict sieur de Biron, et dont je vous ay donné adviz et envoyé coppie, m'ont faict, de leur part, plusieurs aultres particullières supplications et demandes de ce qu'ils désirent obtenir de moy. Et ayant mis en considération les grandes calamités, misères, oppressions et ruines dont mes pauvres subjects sont continuellement affligés, pour raison des guerres provenant des troubles qui ont esté cy devant et sont encore à présent en mon royaulme, et pour éviter un plus grand

1 Voyez c, ci' et cir dép., tom. ni, pag. 110, 1 13 et 116.

mal et donner quelque repos et soulagement à mes subjects, j'ay bien voulleu , puisqu'il n'y avoit aultre moyen de parvenir à une pacification , leur accorder ce que vous verres par les responces que je leur ay faictes , dont je vous envoyé un double , affin que vous sçachiés les causes et raisons et occasions pour lesquelles je me suis condescendu à leur octroyer plus que de ce que je leur avois mandé par le susdict Sr de Biron et le Sr de Malassise , conseiller en mon conseil privé; ce que vous pourrés dextrement et sagement faire" entendre à la Royne d'Angleterre, et luy en parler avec tel propos et langage que vous cognoistrés qu'il en sera de besoin pour mon servisse. Et n'oubliés de la remercier aussy bien fort, de ma part, de la grande démonstration qu'elle a tousjours faicte de désirer la paix et repos en mon royaulme, et la bonne vollonté qu'elle a heue de s'y employer elle mesme, tellement qu'estant toutes choses aux termes qu'elles sont , et veu les grandes et raisonnables offres que je leur fais, j'espère qu'il ne sera poinct de besoin de luy donner ceste peyne ; et que ceux de mes subjects, estant de la nouvelle opinion, qui se sont eslevés contre moy, ne s'oublieront point tant qu'ils ne reçoivent la grâce que je leur fais avec les conditions contenues es dictes responces qui leur seront offertes de ma part. Autrement, avec juste occasion, je ne pourrois penser d'eux qu'avec très mauvaise vollonté, et que ce seroit plustôt leur ambition qui les pousseroit à continuer la guerre que le zelle qu'ils disent avoir à la conservation de leur religion. Et sur ce faict je ne puis mander aultre chose jusques au retour du Sr de Biron et de Malassise.

Au demeurant, Monsieur de La Mothe Fénélon, j'ay trouvé très bons tous les bons offices que vous avés faict, de

ma part, envers la dicte Dame pour la dicte Royne d'Escosse, ma belle sœur; et m'asseure que, suyvant ce que je vous ay escript par mes dernières lettres , que le Sr de Vassal vous a aportées, vous n'aurés rien oublié de mon intention pour tascher et empescher, par tous les moyens que vous aurés peu, que les forces qu'elle voulloit envoyer en Ecosse n'ayent passé oultre, ce que je désire que vous continués , et y faictes tout ce qu'il vous sera possible. Et pour le regard du secours que. la dicte Royne d'Ecosse désire estre par moy envoyé en son royaulme , j'ay donné charge au présent porteur de vous faire sur ce entendre ce que j'ay résollu , et aussy du surplus de ce qui est contenu ez instructions et mémoires que vous luy avés baillé.

Quand à la plaincte que ceux de la Royne d'Angleterre vous ont faicte pour un de ses subjectz qui a perdu un navire , et dont vous m'avés envoyé la requeste qu'ils vous en ont présentée, j'ay commandé que l'on vériffie le faict et qu'il en soit faicte telle punition et justice qu'il appartient, qui est tout ce que je vous escripray. Et sur ce, etc.

Escript à Chasteaubriant le ive jour de may 1570.

CHARLES. fizes.

LA ROYNE MÈRE A Mr DE LA MOTHE FÉNÉLON.

— du ive jour de may 1570. —

Conférence entre la reine-mère et l'ambassadeur d'Angleterre. — Offre de l'ambassadeur de faire la proposition du mariage du duc d'Anjou avec Elisabeth. — Désir delà reine que La Mothe Fénélon appuie les projets de mariage de Leicester.

Monsieur de La Mothe Fénélon, j'ay receu voz lettres du ixe? xnj* et xvnjc du moys passé, auxquelles l'on a dif-

féré de vous faire responce , tant pour attendre le retour du S1 de Biron et des depputés que la Royne de Navarre et les Princes, ses fils et nepveu, ont envoyé devers le Roy, Monsieur mon fils, que pour vous avoir mandé, par le Sr de Vassal, tout ce que nous vous pouvions escrire jusques à ce que l'on ait veu la résollution qui seroit prise de la négotiation de la paix. Et pour ce que, par les lettres que le Roy, Mon dict Sieur et fils, vous escript et les responces qu'il leur a faictes, qu'il vous envoyé, vous serés bien amplement instruict de tout ce qui s'est passé en cest affaire jusques à présent ; m'en remettant là dessus , je ne vous en manderay aulcune chose en la présente, m'asseurant que vous en fairez sagement et dextrement entendre à la Royne d'Angleterre ce que vous verrez et cognoistrez qu'il en sera de besoin;

Vous voullant bien advertir comme , à la dernière audience que je donnay à son ambassadeur, estant sur le propos de la Royne, sa Maistresse, je luy dis que le Roy, Mon dict Sieur et fils, et moy desirions, pour l'amitié que nous luy portons , qu'elle voullût mettre la Rope d'Escosse en liberté, et luy ayder et favoriser en tout ce qu'elle pourroit pour la remettre en son royaulme , avec l'autorité qui luy est deue ; et aussy qu'elle prît une résolution de se marier et de choisir quelqu'un qui feust à sa dévotion et de qui elle peut disposer à sa vollonté ; et par ce moyen elle demeureroit en plus grand repos en son royaulme, et osteroit les occasions des troubles qu'elle a heue naguières, et encores a; et que ceux, qui prétendent succéder après elle, n'auroient plus de prétexte d'y faire les remuements et menées qu'ils font ordinairement.

Sur quoy le dict ambassadeur me fit responce que , si

je parlois pour mon fils, le Duc d'Anjou, qu'il en escriroit vollontiers, et qu'il pensoit que sa Mestresse auroit bien agréable d'en ouïr parler.

Et, sur ce, je luy remonstray que l'âge de mon fils estoit si inesgal au sien que cella ne se pourroit effectuer, et qu'elle debvoit regarder d'en choisir quelqu'un dans son royaulme tel que bon luy sembleroit : ce que je désire que vous faciès entendre au comte de Lestre , et comme , suivant ce que vous m'en avés cy devant escript , et les propos qu'il vous en avoit tenus , j'ay dict cella au dict ambassadeur; et que ce n'esta aultre fin que pour luy faire cognoistre la bonne vollonté que le Roy, Mon dict Sieur et fils , et moy luy portons , et que nous avons faict et fairons tous les bons offices que nous pourrons pour luy ayder à parvenir à ce qu'il peut désirer en cest endroict; nous asseurant aussy qu'il faira tousjours tous. les bons offices qu'il pourra envers sa Mestresse pour entretenir la bonne amitié qui est entre nous.

Quand au faict de la Royne d'Escosse, vous verres ce que le Roy, Mon dict Sieur et fils , vous en escript , et entendrés, tant par sa lettre que par ce que nous avons dict au présent porteur, qui est à vous , sur ce plus amplement son intention; qui me gardera de vous faire la présente plus longue. Sur ce, etc.

Escript à Chasteaubriant le iv« jour de may 1570. CATERINE. fizes.

LE ROY A M* DE LA MOTHE FÉNÉLON

' — du xxxi8 jour de may 1 570.—

Affaires d'Ecosse.— Nouvelle déclaration du roi pour qu'il soit enjoint à Elisabeth de retirer ses troupes de ce pays. — Offre acceptée par le roi de s'établir médiateur entre Elisabeth et Marie Stuart. — Charge donnée à l'ambassadeur de se rendre auprès de la reine d'Ecosse.— Instruction pour le traité qui pourrait être conclu.

Monsieur de La Mothe Fénélon, j'ay receuvoz lettres des xxnje et xxvije apvril, et iijc et vnje du présent moys de may1, par lesquelles vous me faictes bien et particullièrement entendre tout ce qui s'est passé de delà; et mesmes pour les forces que la Royne d'Angleterre a faict acheminer en Ecosse ,• la façon de laquelle on y a procédé , ayant bruslé partout où ils ont passé , et prins le chasteau de Humes , où ils ont mis garnison , la deffaicte de la plus grande partie des forces qu'avoit milord Scrup, et particullièrement la responce que la Royne d'Angleterre vous a faicte, luy ayant faict entendre ce que je vous avois escript, et donné charge de luy dire, de ma part, pour le faict de la Royne d'Escosse et des forces qu'elle faisoit passer en son royaulme, et que, pour l'ancienne allience et amitié qui est entre ces deux royaulmes , je ne pourrois moins faire que de la secourir; ayant bien notté et considéré tout ce que vous m'en avés mandé et ce que Sabran, présent porteur, oultre le contenu en voz despesches , m'en a faict entendre amplement de vostre part. Sur quoy je vous veux bien advertir que j'ay trouvé très bon tout ce que vous en avés faict, qui est conforme à mon intention etvollonté,

1 Voyez cm', civ, cv« et cvi' dép., tom. m, pag.129, ISO, 133 et 138.

ayant résollu de tenir le mesme langage à son ambassadeur, lorsqu'il m'en parlera.

Et cependant vous pourrés voir la dicte Dame , et luy dire que les propos, que je luy ay faict tenir par vous, ne sont point pour rompre aulcùnement la forme de paix et amitié que nous avons ensemble; qu'elle sçait bien que ce n'est pas une allience nouvelle que je fais avec la Royne d'Escosse et son royaulme, pour ce qu'il y a neuf cens ans qu'elle a esté ainsi continuée par les Rois, mes prédécesseurs, et ceux du dict Escosse ; et que, pour mieux entretenir l'amitié qui est entre nous, je n'avois point voullu, suyvant la prière et requeste que son dict ambassadeur m'en avoit faicte, envoyer aulcunes forces en Escosse , sur l'asseurance qu'il m' avoit donnée que la dicte Dame n'y en envoyeroit point aussy. Et voyant à présent le contraire, et que la Royne d'Escosse et les principaux de son païs me voudroient ou pourraient sommer de les secourir, suyvant les traités, je ne pouvois moins faire, pour entretenir l'amitié d'une part et d'aultre, que de luy faire remonstrer ce que vous luy avés desjà dict; et que, pour les raisons et considérations susdictes , je la prie de rechef de ne rien faire ou entreprendre sur la dicte Royne d'Escosse et son royaulme, et d'en faire incontinent rettirer ses forces, ayant bien agréable l'offre, qu'elle vous a faicte, de voulloir recevoir les conditions que la Royne d'Escosse luy demandoit sur la commodité de ses affaires , ou que je luy faisois offrir pour elle.

Et pour mieux et plus tôt acheminer ceste négociation , vous la prierez de vous permettre d'aller trouver la dicte Royne d'Escosse pour luy en communiquer, et qu'elle puisse appeller aulcunsde son conseil, telz qu'elle ad visera,

affin qu'avec eulx elle puisse faire mettre par escript tout ce qui sera nécessaire pour l'entretènement d'une bonne paix, amitié et concorde entre elles deux; et que je vous ay donné charge de dire à la Royne d'Escosse que je desire que, de sa part, elle garde et fasse observer et entretenir inviolablement tout ce qui sera faict et accordé entre elles , et aussy qu'elle pardonne à tous ses subjects pour tout ce qu'elle pourroit prétendre avoir esté faict par eulx, soit en faveur de la Royne d'Angleterre, ou autrement. Et pour cest effaict, Monsieur de La Mothe Fénélon, vous regarderez par tous les moyens dont vous pourrés aviser à conduire si bien ceste résolution qu'elle a prinse, qu'il s'en puisse ensuivre bientost un bon accord, et la Royne d'Escosse mise en liberté et en l'authorité et commandement qu'elle doibt avoir en son royaulme.

Au demeurant, Monsieur de La Mothe Fénélon , je vous envoyé un extraict de la lettre, que le maréchal de Dampville m'a escripte par Le Béloy, de la deffaicte d'un grand nombre d'hommes de cheval et à pied, qu'il a faicte sur mes subjects rebelles, affin que vous puissiez faire entendre au vray à la dicte Dame, et où il sera de besoin , ce qui en est. Et en attandant le retour des susdicts de Biron et de Malassise, que j'ay envoyé devers les Princes de Navarre et de Gondé, et l'Admirai , pour leur faire entendre ma dernière résollution sur ce qu'on nous faict requérir et supplier, je suis allé en Bretaigne pour y prendre plaisir à la chasse; et m'achemine présentement , par la Normandie, vous avisant que vous ne me sçauriés faire servisse plus agréable que de me tenir ordinairement et continuellement adverti de toutes les nouvelles et occurences de delà, comme vous avés très bien , et à mon contentement , faict jusques

ici, ainsi que j'ay donné charge à Sabran vous dire plus particullièrement de ma part. Sur ce, etc.

Escript à Mortaing, le dernier jour demay 1570.

Monsieur de La Mothe Fénélon, despuys la présente escripte, j'ay reçue voz lettres desxnje et xvije de ce moys *, par lesquelles vous m1 ad ver tissez de ce qui s'est passé de delà, despuys voz dernières lettres, et de combien a servi ce que vous aviés faict entendre à la Royne d'Angleterre de ma part , ayant faict rettirer ses forces en la frontière ; et sur ce que vous me mandez particullièrement de l'expédient que la dicte Dame veut prendre sur les affaires de la Royne d'Escosse, et comme elle pourra traicter seurement avec elle , de trois poincts ; sçavoir est : du tiltre qu'elle prétend à la couronne d'Angleterre, d'une ligue et de la religion.

Pour le regard du tiltre et de la religion vous regarderez avec la dicte Royne d'Escosse et son conseil ; et quand à la ligue qu'elles pourr oient faire ensemble, il n'est pas raisonnable, comme vous sçavés, qu'elle soit faicte à mon préjudice ; et pour oster la Royne d'Angleterre de tout soupçon, et luy faire mieulx cognoistre comme je veux vivre en bonne amytié avec elle, vous luy fairez entendre de ma part que je veux et désire entrer en ceste ligue avec elle et la Royne d'Escoce. Et , pour cest effaict , je veux et entend que vous y faictes pour moy, et en mon nom , tous ce que verres et cognoistrés estre requis et nécessaire pour le bien de mon servisse , ainsi que j'ai donné charge plus particulière audict Sabran de vous dire. Cexxxje jourdemay 1570.

CHARLES. fizes.

• Voyez cvii'et cvm'dép., tom. m, pag. 150 et 154.

LE ROY A Mr DE LA MOTHE FE1VÉLON.

— du x« jour de juing 1 570. —

Approbation de la négociation faite par l'ambassadeur concernant l'Ecosse. — Consentement donné par le roi au rappel des forces qu'il envoyait dans ce pays. — Confiance qu'Elisabeth va procéder au traité pour la restitution de Marie Stuart. — Lettre de M* de Fizes. Déclaration que le roi ne consentira pas à ce qu'il soit accordé des otages français pour assurer l'exécution du traité relatif à Marie Stuart , mais qu'il ne s'oppose pas formellement à ce qu'il soit donné des otages écossais.

Monsieur de La Mothe Fénélon , despuys le partement de Sabran pour s'en retourner devers vous, j'ay receu vos lettres du xxije et xxvije du passé \ par lesquelles vous me faictes bien particullièrement entendre tout ce qui a esté fait et négotié par vous, tant avec la Royne d'Angleterre que ceux de son conseil , pour le faict de la Royne d'Escosse et de son royaume ; les cinq poincts qu'ils ont mis en avant pour parvenir à quelque bon accord, et pour accomoder les différents qui sont entre elles ; et aussy les seurettés que la dicte Royne d'Angleterre demande pour Tentretènement de ce qui sera traicté et arresté, et enfin ce qui a esté résollu suivant le mémoire qui m'en a esté par vous envoyé. Sur quoy j'ay bien voulleu vous advertir que j'ay heu fort agréable tout ce que vous avés dict et faict entendre de ma part à la dicte Dame , et loue grandement la sagesse , prudence et dextérité de laquelle vous avés usé , selon que vous avés cogne» qu'il en estoit de besoin, et que l'occasion se présentoit; ce qui ne sçauroit avoir esté faict mieulx ni plus à propos , ni dont je puisse avoir plus de contentement et satisfaction , ni plus conforme

1 Voyez cix' et ex* dép., tom. ni, pag. 157 et 161.

à mon intention et vollonté, ayant résollu de tenir ce mesme langage à son ambassadeur qui m'a faict demander audience; laquelle j'espère luy donner dans deux jours, que je pourray eatre à Alançon.

Et pour le regard de ce que vous avés accordé avec la dicte Dame et ceux de son conseil, ainsi qu'il est mis par escript par le dict mémoire ; vous luy direz que , pour luy faire cognoistre comme je veux , de ma part , satisfaire à tout ce que vous luy avés dict , promis et accordé , et mesmes pour luy donner plus grand tesmoignage de la vollonté que j'ay d'entretenir la bonne amitié qui est entre nous , que , ayant agréable tout le contenu en icelluy, j'ay incontinent contremandé les cappitaines, avec les forces que j'avois déjà envoyées en Escosse, m'asseurant aussy que, de sa part , elle faira le semblable pour les deux mille arquebusiers qu'elle y a envoyés, despuys qu'elle a faict rettirer son armée à Barwich , et les vaisseaux qu'elle a fait mettre en mer ; et que, de bonne foy, et avec telle syncérité qu'il appartient, et que je doibs espérer d'une Royne et princesse telle comme elle est , qu'elle satisfaira à ce qui est desjà accordé , et parachèvera de conclurre et arrester tout ce qui reste pour remettre la Royne d' Escosse, ma belle sœur , en liberté et en l'auctorité et commandement qu'elle doibt avoir en son royaulme , et aussy pour mettre une bonne fin, par accord et voye amiable, à tous les différents qui peuvent être entre elles et leurs royaulmes , affin que, par cy après, il n'y puisse survenir aulcune altération ni différent.

Et voyant comme vous avés fort sagement et bien conduit cest affaire jusques ici, je ne vous en manderay aulcune chose en particullier , m'en remettant et reposant de

tout sur vous pour le négotier, selon et ainsi que vous cog-

uoistrés estre convenable pour ma grandeur et réputation,

et pour le bien et commodité de ceste couronne. Sur ce, etc.

Escript à Argentan le xc jour de juing 1570.

Monsieur de La M othe Fénélon , despuys la présente escripte, j'ay receu vostre lettre du premier de ce moys1, à laquelle n'est point de besoin de vous faire aultre responce, y estant satisfaict par ce que je vous mande cy dessus, sinon que j'ay esté bien aise d'entendre ce qui s'est passé despuys vos dernières lettres.

CHARLES. fizes.

(Plus est escript dans la lettre de Mr De Fizes à Mr de La Mothe Fénélon).

Monsieur, comme je voullois fermer ce pacquet, Leurs Majestés ont receu vos lettres du 1er de ce moys , que je leur ay faict voir, et particulièrement à la Royne ce que m'avés escript sur ce que vous prévoyés que la Royne d'Angleterre s'opiniastrera d'avoir des ostages pour l'entretènement du traitté qu'elle faira avec la Royne d' Escosse , nommément le filz , si elle peut , et principalement quelques uns de la maison de Guise ou d'Aumale. Surquoy Sa Majesté m'a commandé vous escrire qu'elle n'en veut point parler au Roy , sçachant qu'il ne trouvera poinct bon et ne voudra , en quelque sorte que ce soit , bailler aulcuns otages françois. Et, pour le regard du Prince d'Escosse et des seigneurs escossois , qu'il ne s'en souciera pas, sinon en tant que vous verres que cella luy pourra servir,

1 Voyez cxi' dép., tora. m, pag. 171.

et que, pour ce regard, luy eu accorde ce que Ton advisera. Le Xe jour de juing 1570.

Vostre bien humble et affectionné amy et serviteur.