VII

Je vous diray, Monsieur, sans flaterie, que, tant plus je vois de vos dépesches , plus je loue le chemin que vous tenez ; et espère que, le continuant, les affaires , que vous maniés, succéderont à bonne fin , au contantement du Roy, et sans offense de la princesse près de laquelle vous estes.

Au reste, vous entendes, par la dépesche du Roy et ce que vous dira le présent porteur, l'intention de Leurs Majestez sur tous les poincts de vos précédentes. Et vous diray seullement que bien heureux seroient les rois et monarques de la Chrestienté, si, de bonne foy, se voulloient ensemble réconcilier et se conforter les uns les aultres à maintenir leur juste auctorité dessus leurs subjectz; lesquels on void, de toutes parts, ne tendre à aultre fin qu'à secouer le joug et se dellivrer de toute subjection. Ils autorisent souvant des mauvais exemples, dont ils souffrent ordinairement à leur tour.

Monsieur, je me recommande humblement à vostre bonne grâce, et prie Dieu vous donner, en santé, longue vie.

D'Angers le iijc jour de mars 1570.

Yostre bien humble ami et serviteur.