ARTICLES PRÉSENTÉS A LA ROYNE D'ANGLETERRE

par M' de La Mothe Fénélon , et responses faictes , au nom de la Royne , par milord de Burgiey.

— du xvn« jour de novembre 1572. —

Par une dépesche du Roy, du troysiesme de ce moys, au S7 de La Mothe Fénélon, son ambassadeur, il luy a manàé présenter une sienne lettre à la Royne d'Angleterre, sa bonne sœur, et une autre de la Royne , sa mère, et encores une aultre de Monseigneur, frère de Sa Majesté, lesquelles estants en créance sur le dict ambassadeur, il a expliqué sa dicte créance à Sa Majesté et aux seigneurs de son conseil aux articles qui s'ensuy vent :

Art. 1er. Le premier est comme le Roy, sur les couches de la Royne Très Chrestienne, sa femme, qui sont premières et ont esté heureuses et sans aucun danger, et sur la naissance d'une petite princesse leur fille qu'il a pieu à Dieu leur donner, il a bien voulu faire une espécialle conjouyssance avec .la Royne d'Angleterre, sa bonne sœur, comme avec celle d'entre tous ies princes et princesses de la Chrestienté qu'il s'asseure que reçoit plus de plaisir d'entendre ses prospérités, et qu'il la prie de vouloir desjà mectre ceste sienne petite parante au roolle de ses meilleures alliées , et des plus certaynes confédérées , comme sont tous les aultres de ceste couronne.

Âéponse. — Au premier, Sa Majesté a respondu à Monsieur l'Ambassadeur-

Art. S. Qu'il la prie de croire qui! persévère et persévérera très constamment en la résolution qu'il a prinse, d'entretenir à jamays la vraye et parfaicte amitié qu'il luy a jurée, et observera droictement tous les poinctz du traicté qui est entre eulx, et la secourra, quand elle en aura besoing, contre qui ce soit au monde, et fut ce pour cause de religion ; et qu'il se resjouy t infiniment de ce que par les responces qu'elle a faictes, icy , au dict Sr de La Mothe , et par celles qu'elle luy a faictes faire à luy mesmes, par delà, par le Sr de Walsingham, depuis l'événement des choses de Paris, elle luy a renouvelle, et luy a confirmé la semblable persévérance de sa part vers luy, ce qui luy entretient bien vifve, et à la Royne, sa mère, l'espérance de l'aultre bon propos de Monseigneur le Duc, son frère, et leur augmente , de plus en plus , à tous eulx , l'extrême désir qu'ilz ont de le veoirbtentost effectuer; dont, touchant ces deux poinctz, il requiert que, quant à celuy de la confédération, il plaise à la Royne, sa bonne sœur, d'accomplir ce qui reste des deux articles du commerce et de la

paix d'Escosse, affin qu'on ne puisse , cy après , arguer le traicté d'invalidité comme n'ayant sorty à effect; et, quant à l'alliance, qu'elle luy vueille fère et à la Roy ne, sa mère, entendre la plus ample déclaration de sa volonté , ainsy qu'ilz l'ont attendues, et attendent , depuis plusieurs jours en çà , avec très grande dévotion , et la souhaitent de tout leur cueur estre bonne.

jflépontf.— Sa Majesté désire eu tontes sortes entretenir et parfaire le tretté, et faire dresser une eatape de merchandises en quelque lieu en France ; mais qu'en ayant parlé et faict parler par les seigneurs de son conseil à leurs merchans, ilz les ont trouvés le plus estrangiez et plus esmerveillez du monde de ce que, après tant de massacres et murtres faictz en France , Sa dicte Majesté et ses dicts conseillers leur parlent de dresser estape et trafiquer par dellà ; disans que, puysque le Roy n'a tenu à ses, propres subjeotz ce qu'il leur avoit promus par l'éedict de pacification, à plus forte rayson ne s'y doibvent ilz, qui sont estrangiers, et ne veulent s'y fyer jusques à tant qu'ils verront que les choses soient mieux pacifiées en France, et qu'il y ait meilleur ordre ; —Touchant la paix d'Ëscoce , que Sa Majesté pense que la paix feust desjà conclue sans la mort du régent , mais qu'elle a entendu, par lettres de M« Quillegrey, que toutz ceulx de la noblesse du dict pays se doibvent assembler, au quinziesme de ce mois, pour pourvoir, tant sur la forme du gouvernement du pays que sur la paix, et, par aultres lettres de ceulx du party du Roy, que, si la paix ne se conclud, que cella vient de France, y ayans ceulx du chasteau de Lislebourg des ministres , et mesmes le cappitaine d'icelluy, son frère, et aultres, desquelz ilz ont eu advertissement de ne rien accorder et qu'ilz auront tout secours de France.

Art. 5. Que cependant le Roy, pour ne laisser la dicte Dame , sa bonne sœur, incertayne touchant l'oppinion qu'elle pourroit avoir de luy, sur ee qui est advenu contre le feu Admirai et les siens, encores qu'elle et tous les autres princes du monde s'en deussent rapporter à la simple parolle de luy, qui en doibt le seul compte à Dieu et non à aultre , si a il voulu donner à elle ceste «spéciale satisfaction que de luy envoyer les jugements et arrétz que sa court de parlement de Paris a donnez contre le dict Admirai et deux de ses complices , sur les preuves, vérification et confession du faict, selon que la dicte court ne juge jamays aultrement ; et qu'il s'est trouvé que la conspiration avoit esté véritablement faicte ( s*ilz n'eussent esté bientost prévenuz ), d'aller exécuter jusques dans le logis du Roy oeulx qu'ilz réputoient leurs ennemys, et n'espargner la personne

de la Roy ne, sa mère, ny celle de Messieurs ses frère», voire s'adresser à luy mesmes, ou pour le moins le retenir en leur puissance, et se rendre si fortz près de luy qu'il n'eust peu dire sinon qu'il estoit à leur mercy et discrétion ; en quoy s*ilz en fussent allez jusques là, il nesçayt s'ilz n'eussent passé plus avant, car ilz avoient desjà mandé à tous ceux de leur religion de ptendre incontinant les armes, et à ceux qui estoient les plus prestz de se rendre , le nj» jour, dans Paris ; dont il rertiect bien au bon jugement de la Royne , sa' bonne sœur, de considérer à quelle extrémité alloient les choses , et si Dieu n'a pas usé d'une singulière grâce et d'une espécialle protection vert luy de l'avoir délivré et les siens, et son estât, d'ung si éminent péril ; et que Dieu luy est tesmoing que nul, soubz le ciel, se fust plus opposé que luy à la ruyne de l'Admira 1 et de ceux qui ont souffert avec luy, s'il n'eust esté meu contre eulx de F extrême nécessité de ce dangrer.

Réponse. — Sur le 5e, Sa Majesté en remet le tout an Roy. Art. 4. Qu'il veult bien donner compte à la Royne, sa bonne sœur, .comme le Pappe envoyé le cardinal Ursin, légat devers luy, lequel estoit party de Romme avant la blessure et la mort du feu Admirai, et que tout ce qu'il a peu entendre de sa commission est qu'il le vient prier et presser d'entrer en la ligue contre le Turc, entendant le merveilleux et extrême appareil de guerre que le diet Turc faict pour furieusement assaillir, ceste année prochayne, par mer et par terre, la Ghrestienté, de quoy le Roy a bien voulu faire entendre à la dicte Dame le grand regret qu'il y a, et quelle est son intention et délibération là dessus.

Réponse.-* Au 4», que Sa Majesté trouve bonne la négociation du dict cardinal Ursin sur la ligue contre le Turc; mais qu'elle verra bien s'il y négociera aultre chose ou contre elle ou contre ses affères, et y pourvoyrra.

Art. 5. Que touchant l'armée du dict S'Strossy, qu'il est très certain qu'en septembre dernier il l'avoit cassée, veoyant qu'il n'apparoissoit, d'aucun endroict de son royaulme, qu'il y deust avoir mouvement, et, grâces à Dieu, les choses ne monstrent qu'il y en doibve encores avoir beaucoup ; néantmoins, de tant que ceux de la Rochelle monstrent de se vouloir opiniastrer, cela et non aultre occasion Ta contrainct de la fère rassembler et mectre sus de rechef, afin que, s'ilz ne se ravisent, il mecte ordre, commant que ce soit, que l'auctorité luy en demeure ; ayant dellibéré d'y envoyer Monsieur d'Anjou, son frère, pour les admonester de leur debvoir, avec les plu»

hormestes conditions el les meilleures et plus grandes seuretez qui se pourront adviser; et, si ces gracieux moyens n'ont lieu , lesquelz, desjà une fois, ilz avoient monstre de les vouloir accepter et encores en font quelque semblant, il y employera, à la fin, la force. A quoy il aura ung extrême regrect qu'il en faille venir à tant : néantmoins il a délibéré ne cesser qu'il n'en soit venu à bout.

Âépome. — Que Sa Majesté désire infinyeinent qu'iceulx de la Rochelle rendent toute l'obéyssance qu'ilz doibvent au Roy, et qu'elle mettra peyne de les y exorter, et vouldroit bien avoir quelque assurance pour leur donner de soy mesmes, et mesmes à ceulx là qui se sont adressez à elle, qui disent qu'ilz ne se peuvent aulcunement fier au Roy, veu mesmes que, ayant esté publié en France plusieurs éedictz pour fère retourner ceulx de la religion en leurs maysons, pour y vivre paysiblement , despuys les massacres advenuz à Paris, ceulx qui s'y sont fiez et s'en sont retournez en leurs dictes maysons y ont esté tuez.

Art. 6. Qu'il estime que la difficulté qu'ilz font procède plus de la persuasion d'aultruy el de l'espérance qui leur est donnée de ne debvoir estre habandonnez, que de volonté qu'ilz ayent de se rebeller, car il a sceu et a veu, par aulcunes lectres qui ont esté naguières interceptées, comme le comte de Montgommery et aulcuns aultres françoys, qui sont par deçà, leur mandent et les asseurent bien fort qullz auront, soubz main, tout le secours qu'ilz voudront de la Royne d'Angleterre , et toute l'assistance qui leur sera nécessaire de son royaulme, sans que, pour cela, elle se déclare à la guerre contre luy. Ce qu'il n'a creu en façon du monde, ains a jugé incontinant que cela procédoit de la passion de ceux qui escripvoient les lectres , et plustost s'asseure il de tirer toute ayde et faveur d'elle en ce qu'il aura besoing ; ny pareillement n'a creu que ce soit par sa commission que aucuns capitaynes de mer, françoys, ayent, ainsy qu'on luy a dict, équipé en guerre quelques vaisseaux par deçà, et se soient associez avec d'aultres capitaynes de mer, angloix, pour conduire ceste praticque, et pour empescher la navigation, comme desjà ilz la troublent beaucoup ez costes de Normandie et Bretaigne , ainsy que plusieurs plainctes luy en viennent tous les jours.

Sur quoy il suplie la Royne, sa bonne sœur, et la conjure, au nom de la parfaicte et loyalle amitié que , devant Dieu et les hommes, ilz se sont sainctement et fort solemnellement jurée l'un à l'autre, que, comme il a eu, et a, et ne veult cesser d'avoir, durant tout son règne, ung singulier respect à tout ce qui pourra en quelque sorte concer-

ner Sa Majesté et totis les poinctz de leur mutuelle ligue et le repos de son royaulme, qu'il luy plaise, de son costé, avoir le mesmes esgard vers luy ; et que, sans s'arrester aux persuasions des gens passionnez, ny aux inventions controuvées pour luy engendrer des scrupules et défiances dans le cueur, elle veuille persévérer ez bons termes de la vraye et inthime amitié qui est commancée entre eux, comme, de sa part, il y demeurera immuable à jamais, et qu'elle vueille passer onltre à Paultre unyon qui s'en fera indissoluble par ceste plus estroicte alliance, laquelle luy et la Royne, sa mère , et tous ceux de leur couronne persistent de désirer plus instamment que jamays, et y ont plus d'affection qu'à chose qui soit aujourdhuy au monde.

Réponte. — Sur le 6*, qu'ayant le comte de Montgommery escript à Sa Majesté, dez le commancement, bien au long, son infortune et callamité, et prié de permettre qu'il vint devers elle , Sa dicte Majesté le luy auroit reffuzé, et qu'estant cejourduy venu le dict comte en ceste dicte ville, il ne sçayt pourquoy ni à quelles fins ; — Et pour le regard de ces capitaynes françoys, qui ont équipé en guerre quelques vaysseaulx par deçà, que Sa Majesté n'en a rien sceu, et queicelluy milordde Bourgley prie Monsieur l'Ambassadeur de luy nommer tant les dicts capitaines que les portz et havres où ilz se sont équipez, pour en fère fère telle poursuyte et punition contre les gardiens et aultresqui auroient baillé faveur ou permission de ce fère que le dict Sieur Ambassadeur en sera contant.— En ce qui concerne Paultre unyon, que Sa Majesté entend du mariage, qu'elle a naguières receu lettres, et le dict Sr Bourgley aussi, de Mr de Walsingam, par lesquelles il mande que, en une audience qu'il a eu de la Royne Mère, parlant de ce faict, et expressément de l'entreveue, il a trouvé la dicte Dame si réfroydie sur ce point qu'il luy semble le faict estre à n'en plus parler.

Art. 7. Qu'il est très marry qu'on ayt rapporté aux seigneurs du conseil d'Angleterre qu'il ayt commandé faire ny le massacre de Rouan ny les aultres qui ont suivy depuis ez aultres lieux ; car c'est la plus grande imposture et la plus faulce calomnye qui ayt esté jamais mise sus à nul prince, ayant au contraire, par plusieurs foys, escript à ses lientenantz et gouverneurs et nommément au S* de Carouges à Rouan, qu'ilz eussent à prendre très soigneusement garde que ces désordres n'advtnsent ; lesquelz l'on craignoit assez , veu l'insolence d'aucunes mesehantes personnes qui avoient le cueur au sang et au pillage, et qui n'ont espargné les biens des Catholicques non plus que

des Huguenote ; et que Dieu, devant lequel il chemyne, luy est tesmoing qu'il a ung mortel regret que pas ung de eeulx qui n'a voient intelligence avec les chefz de la conspiration ayent souffert, et que bientost Ton ouyra parler de la puuition exemplaire qui sera faicte à Rouan et aultres lieux contre les autheurs de ces violances.

Jiépanse. — Sur le 7% que Sa Majesté s'en remect au Roy.

Art.%. Que, au regard de ce que Mr le cardinal de Lorrayne a faict insonore à Romme sur la porte de l'hostel Sainct Louys », ce n'est chose où Ton doibve avoir esgard, car l'on sçayt assez que ce n'est ny du sceu ny du commandement du Roy, qui n'a accoustumé de négotier ses affaires au dict lieu que par son ambassadeur.

Jtèponse. — Sur le 8% que Sa Majesté trouve ceste responce fort froyde , toutesfoys qu'elle la reçoit, puisqu'elle vient du Roy ; et qu'elle ne peult croyre qu'estant le dict Sr cardinal de Lorrayne le premier éclésiastique, premier du conseil du Roy, et premier de la noblesse de France , qu'il ay t tant présumé de soy que d'ozer rien faire publier à Rome sans le sceu et commandement du Roy.

Art. 9. Et quant auxfrançoys qui ont passé en ce royaulme , lesquelz monslrent s'y estre relirez pour cause de leur religion, qu'il désire qu'ilz s'en retournent paisibles en leurs maisons , et quïlz y seront bien traictez, et que, sur son honneur et sur la foy et vérité, qu'il dotbt à Dieu, il ne le leur sera faict aucun tort ny desplaisir.

Jtëpoiue.— Sur le 9*, que Sa Majesté désire iufinyement qu'ilz s'en retournent en leurs maysons et qu'ilz rendent toute obéyssance au Roy ; mais que, de les y contraindre, elle s'en sentiroit grandement chargée en sa conscience, si ilz y avoient mal, et en penseroit estre cause ; mais qu'elle gardera bien que* eulx ny aultres, quelz .qui soyent , ny attempteront ny pratiqueront rien contre le Roy et son honneur, ny de faict ny de parolle.

Art. 10. Qu'il a faict expédier au Sr de Walsingham les lectres patentes et provisions qu'il luy a demandées pour raccommodement des affaires des Angloix en son royaulme, et qu'il prio la Royne d'Angleterre, sa bonne sœur, de croire qu'en nulle part de la terre habitable, ses marchandz et subjectz ne trouveront de plus seur accez, plus de faveur, plus 4e bon recueil, plus de bon et librecommerce, plus de bonne expédition de justice et tout bon traiotement qu'ilz feront en la France et en tous les endroictz d'icelle ; et qu'il a plaisir que la flotte pour les vins soit allée à Bourdeaux, y ayant mandé de la bien

» Voyei le texte de cette pièce, ci-dessus, page 36 1.

ci favorablement recueillir ; et il suplie aussi la dicte Daine, sa bonne sœur, de commander une semblable bonne expédition de justice à ses subjectz par deçà ; car il en reçoit tous les jours beaucoup de plainctes.

réponse. — Sur le 40% que Sa Majesté n'a encores rien entendu de ses merchandz, qui sont allez à Bourdeaux, comme ilz ont esté îraictez, et qu'estans de retour, sellon ce qu'ilz rapporteront à Sa Majesté du trettement qu'ilz y auront receu, elle randra responce au dict Sieur Ambassadeur.

cxxxyni