LA JEUNE ROYNR A LA ROYNE D'ANGLETERRE

— du xix* jour de novembre 1572. —

Prière à la reine d'Angleterre pour qu'elle contente à tenir l'enfant du rot sur les fonts de baptême.

Très haulte, etc., le Roy, nostre très honnoré Seigneur et espoux , envoyant le dict Sr de Mauvissière , chevallier de son ordre, présent porteur, par delà, pour vous prier, de sa part, d'estre contante de faire tenir en vostre nom, sur les sainctz fonds de batesme, la belle petite fille qu'il a pieu à Dieu nous donner, nous avons bien voulleu par luy mesmes vous faire pareille requeste, de nostre costé, avec ceste asseurance que vous Taures bien agréable. Nous vous prions donc que vous veuilles estre l'une des marraines de nostre dicte fille , et envoyer de deçà personne convenable pour cest effect. En ce faisant, nous recepvrons ceste faveur à grand et singullier plaisir pour nous en revancher eu toutes les occasions qui s'en pourront jamais présenter , oultre que ce sera pour, de plus en plus, fortifier ceste vraye et parfaicte amitié qui est de présent , et espérons en Dieu que continuera à tousjours, entre ceste couronne et la vostre, comme vous entendrés plus avant du dict Sr de Mauvissière, sur lequel nous en remettant, nous prierons Dieu,

très haulte, etc., vous avoir en sa très saiBcte et très digne Je.

Escript à Paris le xix' jour de novembre 1572.

— du 111e jour de décembre 1572. —

Prochaine arrivée du seigneur envoyé d'Allemagne par l'empereur et l'impératrice pour le baptême. — Désir du roi qu'Elisabeth envoie promptement le seigneur qui doit la représenter. — Arrivée du légat du pape ; protestation du roi que la reine d'Angleterre n'a rien à craindre de la négociation dont 11 est chargé. —Délibération au sujet de l'Ecosse. — Envoi fait à l'ambassa-

. deur d'un livre pour être distribué secrètement

Monsieur de La Mothe , en attandant que je vous renvoyé Sabran, j'aceuseray la réception de voz deux dépesches, des ixe et xve du mois passé \ et vous diray par ceste cy qu'ayant ci devant envoyé devers F Empereur, Monsieur mon beau père, et l'Impératrice, Madame ma belle mère, pour les advertir de la grâce qu'il a pieu à Dieu me faire de me donner une belle fille , et pour prier ma dicte belle mère de la tenir sur les sainctz fondz de baptesme, j'ay eu nouvelles qu'ilz ontdépesché et envoyé par deçà le Sr de Caen, grant escuyer du dict Sieur Empereur, pour faire cest office en son nom; lequel est party et s'achemine pour estre bientost icy ; qui me faict désirer et prier que vous faciès en sorte que la Roy ne d'Angleterre , Madame ma bonne sœur et cousine, envoyé aussy, pour ce mesme effect, bientost par deçà, celluy qu'elle advisera pour y arriver ainsi et en mesmes temps que le dict grand escuyer, affin que le baptesme de ma dicte fille se face , comme je

1 Voyei gclxxxiv" et cctxxxV dép., tom. v, pag. 100 et 200.

vu. 26

désire, incontinent après la prochaine feste des Roy s; auquel jour j'ay aussy escript à mon oncle, Monsieur de Savoye, se trouver pour estre le compère.

Je vous diray, au demeurant, que le léguât de NostreSainct Père le Pape est, despuis huict ou neuf jours, arrivé en ceste ville. Il me vint hier veoir, Tayaut honnorablement receu, estant le respect que mérite la personne de celluy de la part de qui il est envoyé. Je m'asseure que son arrivée pourra bien apporter quelque nouveau doubte à ma bonne sœur et cousine, la Royne d'Angleterre, pour les discours et faulx bruictz que font courrir ceux qui désirent altérer nostre amityé; mais je vous prie l'asseurer, et ses ministres, que je suis si fermement résolu à persévérer en l'amityé d'entre elle et moy, et entrettenir entièrement nostre dernier traicté, qu'elle se peut asseurer que, de mon costé, il ne sera jamais faict chose qui y puisse rien diminuer ni innover.

Je feray bientost une résolution sur les affaires d' Escosse et vous renvoyeray incontinent le dict Sabran; priant Dieu, etc.

Escript à Paris, le iijc jour de décembre 1572.

CHARLES

Monsieur de La Mothe, je vous envoyé une douzaine de livres d'une espistre faicte par Carpentier, que je désire qui soit secrètement publiée et faicte courir de main en main, sans que l'on saiche que cella vienne de vous ny de moy; mais que l'on dye et croye qu'elle a esté imprimée en Allemaigne. Je vous y en envoyerai , d'icy à quelque temps , qui seront en françois, dont il faudra que faciès de mesme.

CHARLES. pinart.

Nota. — A partir de cette époque , la correspondance du roi avec la Mothe Fénélon se trouve imprimée dans lei additions aux Mémoires de Castelnau, tom. in , pag. 265 à 283. Nous ne donnerons, ici, queles lettres inédites. On peut consulter, dans le recueil précité, les lettres du roi des 9, 10, 19, 32 «t 25 décembre 1572, et une lettre du duc d'Anjou, en date du 19 décembre, pièces n°» i à yiu.

LA ROYNE MÈRE A Mr DE LA MOTHE FÉNÉLON.

— du xe jour de décembre 1572. —

Espoir que le baptême sera l'occasion d'un renouvellement d'alliance. — Detir de Catherine de MédicU pour que l'ambassadeur fasse tous ses efforts afin de ramener à la soumission les protestaiis réfugiés en Angleterre.

Monsieur de La Mothe Fénélon , j'espère , comme vous, que, s'il y a espérance que la Royne d'Angleterre, ma bonne sœur et cousine, doibve demeurer eu amitié avec nous, qu'il se verra aisément en l'occasion qui se présente d'envoyer par deçà pour le baptesme de ma petite fille , que je prie Dieu qui soit ocazion de renouer , à bon ^ssiant , le propos du mariage d'elle et de mon fih le Duc, qui en est infiniment servitteur affectionné, et est devenu grant et fort, de sorte qu'il est tout homme et ue dispariroit plus , comme elle craignoit, auprès d'elle; car il est fort changé depuis qu'elle disoit que l'on l'eust prins pour son filz. Je vous prie, Monsieur de La Mothe, adviser, par ous les bonst moyens que pourrés, remettre si bien ce propos que nous y puissions voir clair bientost, car, si elle veult espérer d'avoir des enfans , il est temps de se résoudre à se marier.

Nostre baptesme ne se peust faire qù'ung peu après les Roys , d'autant que Monsieur deSavoye , qui y viendra en personne , ne sauroit estre guières devant ce temps là par deçà, et cepandant, si vous pouviés remettre le dict pro*

pos de mariage, et que celluy qui viendra par deçà pour cest effect eust quelque charge pour en négocier avecque nous, ce seroit ung grand bien et ung grand heur que deux si bonnes œuvres se peussent faire ensamble. Je vous asseure que nous ne faudrions pas de vous envoyer moyen de fère force présentz et grâces à ceulx qui nous y aideront, si nous cognoissons que Ton y marche de bon pied et franchement.

Je vous prie de fère, aussy dextrement que avés acoustumé, ce que vous est commandé envers ceulx des subjectz du Roy, Monsieur mon filz, qui sont par deçà, qu'ilz reçoivent les honuestes et raisonnables conditions qui leur sont offertes, et que s'asseurent, sur nostre honneur, qu'il ne leur sera faict mal ny déplaisir ez personnes ny biens , et aussy que la dicte Royne n'assiste ceux de la Rochelle. Vers les susdictz l'on uze tousjours de tous les honnestes et gracieux moyens dont Ton se peust asseurer pour les atirer à se recognoistre et à accepter les assurances qu'il est possible de désirer de leurs vies et biens et repos, à jamais, se conformant à la volonté du Roy, Mon Seigneur et filz.

Escript à Paris , le xe jour de décembre 1572.

CATERINE pinart.

LE DUC D'ALENÇON A Mr DE LA MOTHE FÉNÉLON.

(Lettre escripte de la main de Monseigneur le Duc.) — du xe jour de décembre 1 574. —

Vive assurance de reconnaissance envers l'ambassadeur. — Protestation de dévouement envers la reine d'Angleterre.

Monsieur de La Mothe Fénélon , je n'auray jamais tant de bien que celluy, que j'attendz tous les jours, d'avoir cest heur que je puisse sçavoir que la Royne d'Angleterre

m'ait en sa bonne grâce , et qu'elle pregne en bonne part l'afection et délibération que j'ay de luy faire toute ma vie service. Vous pouvés beaucoup en cella; car j'ay esté asseuré qu'elle et ses principaux ministres, vous aymans et estimans comme ilz ont occasion 9 pour avoir esté ung sy honneste et agréable ministre du Roy, Mon Seigneur et frère, auprès d'elle, feront beaucoup pour vous, si vous voulés soigneusement, comme je vous en prie , à toutes occasions asseurer ceste princesse de ma grande et perfectement vraye affectionnée bonne volonté envers elle , et la supplier de me départir ses bonnes grâces et me recepvoir en icelles , comme son bon et loyal serviteur, et à ce propos, luy baiser les mains, de ma part , toutes et quantes foys qu'en verres l'occasion ; et je prieray Dieu, etc. Escript à Paris , le xc jour de décembre 1572. Votre bien bon amy. FRANÇOIS.

Nota. Les lettres suivantes , datées de 1573, étaient inédites. Elles complètent la correspondance publiée par Le Laboureur, dans les Additions aux Mémoires de Castelnau. Voyez ce que nous avons déjà dit à ce sujet dans les prolégomènes, tom. i, pag. xlj , et dans Tavis qui précède ce volume.

Voici la liste des lettres datées de 1575, et imprimées par Le Laboureur, tom. m, paç. 283 à 572, n°* vin à lxxxii.

Lettrée du roi des 25 janvier; 5, 7, 15, 25 février; 1er, 4, 17, 19, 21, 26, 29 mars; 21, 24, 25, 29 avril; 18, 24, 25 mai; 25, 29 juin; 1er, 6, 15, 20 juillet; 5 août; 15 octobre ;. 4, 11, 24, novembre ; 2, 5, — , 14 et 29 décembre 1575.

Lettres de la reine-mère des 25 janvier ; 5, 7, 13, 25 février; 50 mars ; 21, 29 avril ; 25 juin ; 15 juillet ; 28 novembre; 22 et 29 décembre 1575.

Lettres du roi de Pologne des 18 , 20 juillet ; 95 septembre et — novembre 1575.

Lettres du duc d'Alençon des —avril; — septembre; 4 novembre ; 22 et 29 décembre 4575.

LA ROYNE MERE A Mr DE LA MOTHE FÉNÉLOIV.

(Post-scriptum inédit.)

— du xxiiie jour de janvier 1573. —

Vive assurance d'amitié de Catherine de Médicis à l'égard d'Elisabeth. { Adjousté de la main de la Boy ne. )

Je vous prie faire mes recommandations à la bonne grâce de la Royne d'Angleterre, et hiy dire que je ne croyrai jaqiais que, pour avoir le Roy, mon filz, mis sa vie et son royaulme en seuretté, qu'elle ne nous ayme et ne nous soit la bonne sœur et asseurée amie que nous luy voulions estre, et que je la prie que, à ce coup, nous cognoissioos, par sa résolution sur le propos de mon fils le Duc, sa bonne volonté.

CATERINE

LA ROYNE MÈRE A M* DE LA MOTHE FÉNÉLON

— du xxii0 Jour de febvrier 1 57 3 \ —

Instances pour que l'ambassadeur empêche Elisabeth de déclarer la guerre, —Recommandation pour les affaires d'Ecosse»

Monsieur de La Mothe, le Roy, Monsieur mon filz, vous esclarsit si amplement de son intention qu'il n'est besoin vous en faire redite. Aussy ne sera ceste ci que pour vous prier presser le plus que vous pourés le faict du mariage , et toutesfois si à propos que nous y puissions voir clair le plus tost qu'il sera possible; et au demeurant, entretenir si bien la Royne d'Angleterre que, si elle estoit persuadée, et qu'elle eust quelque mauvaise volonté de nous faire entre-

* Le Laboureur n'a donné, sous cette date, que le post-scriptum de cette lettre.

tenir à la guerre, qu'elle puisse changer sa délibération, et se résouldre à nous aymer comme nous l'aymons, de nostre part, de tout bon cueur, et qu'elle et nous observions et entretenions nostre dernier traicté entièrement. Je vous recommande aussy les affaires d'Escosse , à quoy il est nécessaire qu'ayés soigneusement l'œil, et nous sera plaisir que nous donniés incontinent advis de Testât où s'y retrouvent toutes choses ; priant Dieu , etc.

Escript à Paris , le xxije jour de febvrier 1573.

CATERINE. pinart.

LA ROYNE MÈRE A Mr DE LA MOTHE FÉNÉLON.

— du iM jour de mars 1 573. — Désir du roi de conserver la paix avec Elisabeth et les princes protestait» d'Allemagne. — Nécessité de découvrir leurs projets afin de se tenir prêt à la guerre , si elle devenait nécessaire.

Monsieur de La Mothe , voz deux dernières dépesches des xuje et xvje du mois passé l, nous mettent en peyne pour ce que , par l'une , nous ne sçaurions désirer plus d'honnestes parolles de la continuation de l'amitié d'entre la Royne d'Angleterre et le Roy, Monsieur mon 61z, et, par l'aultre, qui est la dernière, vous nous représantés beaucoup de choses qui nous font craindre le contraire ; avecque les autres advis que nous avons d'ailleurs.

Voilà pourquoy Mon dict Sieur et filz vous faict entandre le désir qu'il a d'en estre esclairsi; et, de ma part, je vous prie mettre peyne de voir clair , et nous en advertir incontinent ; car , si la dicte Royne se vouloit déclairer , ou que, sans y mettre son nom, elle y employât ses sub-

• Voyeï cgc* et ceci' dép., tom. v, pag. 253 et Î5S.

jectz, vaysseaulx et moyens, soubs prétexte de noz subjectz mal affectionnés, il seroit très nécessayre que pourveussions d'heure à l'armement de quelques vaysseaulx , oultre ce qui est du costé de la Rochelle, pour l'expugnation de laquelle il ne se pert une seule minute d'heure de temps, comme vous escript bien amplement Mon dict Sieur et filz , qui me gardera de vous en faire redite. Mais, vous priant, pour la fin, que vous regardiés surtout le moyen qu'il y a de mettre quelque bonne fin en la négociation du propos de mariage; car, continuant, il n'y a chose que nous desirions plus, ni qui soit tant nécessaire pour le bien des affaires de la dicte Roy ne et de ses principaulx ministres, que cella, ny aussy, à vous dire vray, qui nous confirme plus d'amitié avec les princes de la Germanye comme nous desirons, délibérant Mon dict Sieur et filz de faire aussy envers eux , pour establir une vraye et parfaicte amitié , ce qu'il pourra , affin de leur oster l'oppinion mesmes qu'avoit icelle Royne que ayons faict ligue pour leur coure sus ; chose à quoy je ne consentiray jamois, désirant l'amitié des princes et princesses, noz voisins et voysines, plus que nul aultre chose. Mais aussy, après que nous avons faict tout ce qui se peut pour ceste occazion , si nous recognoissions que l'on conteronast nostre dicte amitié, je ne serois pas d'advis de nous soucier guières de ceux qui n'en feroient poinct de cas.

Pénétrés le plus avant que vous pourrés éz occazions des voyages que se font fère si fréquentement, de l'ung à l'aultre, la dicte Royne et les dictz princes, et nous en donnés advis et aussy des aultres occazions ; priant Dieu, etc.

Escript à Saint Léger, le premier jour de mars 1573. CATERINE. pinakt.

LA ROY NE MERE A Mr DE LA MOTHE FÉjVELON.

— du xi?e jour de mars 1573. —

Affaires d'Ecosse. — Nécessité de protéger Edimbourg. — Inquiétudes sur le silence de Mr de Yérac — Recommandation de la négociation du mariage.

Monsieur de La Mothe , je vous prie , suivant ce que le Roy, Monsieur mon filz, vous escript1, regarder de faire tout ce que pourrés pour conforter ceux qui sont dedans le chasteau de Lislebourg , car il est bien à craindre que le comte de Morton les force, s'ilz n'ont esté secoureus de ce que le frère du lair de Granges a receu pour leur porter, dont je vous prie nous escripre au vray des nouvelles; et pareillement de l'arivée de Vérac, auquel vous ne devés faire difficulté d' escripre que nous sommes bien esbahis d'estre si longtemps sans avoir de ses nouvelles et que nous en sommes eh peyne. J'estime que la Royne d'Angleterre ne vous refuzera pas ung passeport pour envoyer quelqu'ung qui ayt entendement devers les Anglois. Vous manderés, de bouche, ce que verres qui sera à propos, et luy vous en mandera aussy, de sa part ; ou bien , si voyés qu'il n'y eût poinct de danger, vous vous èscriprés l'ung à l'aultre en chiffre. Il est très nécessaire d'avoir l'œil de ce costé là, suivant ce que vous mesmes escripvés. Voylà pourquoy je vous prie de rechef y fère tout ce qu'il vous sera possible, et nous escripre, le plus tost et le plus souvant que vous pourrés, les responces que vous avés eues sur les lettres que vous avons escriptes par Vérac pour le faict du mariage, pour lequel je vous prie uzer de tous les moyens

1 Voyez Castelnau , tom. w, pag. 309.

qu'il vous sera possible affin que en ayons l'heureuze Gd que desirons, car toutz les aultres affaires ne sauroient que bien aller si cestuy là réussist; priant Dieu, etc. Escript à Paris, le xmf jour de mars 1573.

CATERINE. pinart.

LE ROY A M* DE LA MOTHE FÉlfÉLON.

— du xxiii* jour d'apvril 1573.—

Audience accordée au docteur Dale , nouvel ambassadeur. — Audience de congé donnée à Walsingham. — Nouvelles de l'expédition de Montgommery. — Plaintes contre les secours qui lui ont été fournis en Angleterre. — Surveillance qu'il importe d'exercer sur les projets des protestant — Désir du roi que Mr de Vérac ou Sabran puissent passer en Ecosse.

Monsieur de La Mothe Fénélon, le Sr Yalentin Dale, nouveau ambassadeur de la Royne d'Angleterre, me vint trouver avant hier, après disner, et la Royne , Madame et Mère, aussy, avec lettres de croyance qu'il nous présenta de la part de la dicte Dame Royne, et visitta aussy la Royne, ma femme. Son propos ne fut que de la bonne et syncère affection que icelle Dame , sa Maistresse , porte à l'entrettènement de nostre mutuelle amitié , selon nostre dernier traicté. Sur quoy je n'oubliay à luy déclarer bien expressément combien j'y avois de bonne et droicte intention. Par mesme moyen, le Sr de Walsingam qui y estoit aussy, print congé de moy, et, en ce faisant, me dict qu'il avoit une vollonté très parfaicte de faire tous bons offices non seullement pour voir continuer l'amitié d'entre icelle Dame Royne et moy, mais aussy pour l'augmenter aultant qu'il sera possible; et me promit qu'il tiendra la main, de tout son pouvoir, à ce que les propos du mariage d'elle et de mon frère, le Duc d'Àlençon, puissent réheus-

— AU — sir à l'heureuse fin que nous désirons ; voyant le dict Sr de Walsingam , comme il nous a déclaré , qu'il n'y a point de meilleur et plus certain moyen pour estreindre l'amitié et l'union entre ces deux couronnes et rendre noz amitiés parfaictes et indissolubles, que le dict mariage.

Ce que nous luy avons bien confirmé pour estre cella très véritable, et, sur ce, faict fort expresse démonstration de la droicte intention que nous y avons, affin qu'il en asseure la dicte Dame Roy ne, sa Maistresse, quand il sera par delà, comme, de luy mesmes, il s'y est offert; disant à ma dicte Dame et Mère qu'il espère bientôt revenir avec une bonne occasion, en ce royaulme, de nous faire un bon servisse : qui s'entend pour le faict du dict mariage et entretènement de nostre dict dernier traicté.

Nous avons baillé au dict Sr de Walsingam la responce que nous faisons aux lettres que nous avons receues d'elle, desquelles je vous envoyé les doubles , enclos avec la présente. Le dict Sr de Walsingam s'en retourne fort content et bien affectionné, comme il démonstre, à faire, quand il sera par delà, tous bons offices. Aussy en a il toutes les occasions qu'il est possible; car il a receu y pendant sa résidence, toutes les honnestes faveurs qu'il pouvoit désirer par deçà, et, à son partement, il luy a esté faict présent d'une fort belle chaine de mil escus , oultre les deux présents qu'il a eus à la conclusion' et fermement de nostre dict traicté.

Au demeurant, Monsieur de La Mothe Fénélon, je vous diray comme le comte de Montgomery arriva près de la Rochelle dès dimanche dernier, sur les quatre heures du soir, où il pareust avec environ cinquante vaisseaux , et mouilla l'ancre à la portée du canon de mon armée navalle

et de la terre, du costé du dict lieu de la Rochelle , pour essayer de secourir la ville; mais, à ce que m'escript mon frère, le Duc d'Anjou, j'espère qu'il n'en rapportera que la honte ; mes gallères et vaysseaulx estant fort bien pourveus d'hommes, et de tout ce qui leur est nécessaire , et attiltrés à la faveur de deux forts, que mon frère a faict édiffier aux deux costés de l'embouscheure du havre de la dicte Rochelle ; de sorte que je ne redoubte pas beaucoup le dict Montgomery. Mais l'occasion, pour laquelle j'ay advisé vous faire incontinent ceste dépesche, est pour ce que je sçay entièrement que Me Hacquins et pleusieurs anglois sont avecque luy, ayants la Prime Rose et plusieurs aultres vaisseaulx appartenants , ou qui ont appartenu à la Royne d'Angleterre ; et davantage que tous les dictz vaysseaulx ont arboré et portent les croix rouges droictes, comme ont accoutumé les gens de guerre de la dicte Royne d' Angleterre, chose dont je croy bien qu'elle désavouera le dict de Montgomery, et les anglois qui sont avecque lui. Toutesfois cela luy touche grandement, et ne puis que je n'en demeure fort mal édiffié , comme estant cella directement contre nostre dernier traicté , la foy et promesse que nous nous sommes jurée, et expressément promise l'un à l'aultre, et qu'elle et ses ministres vous ont, ces jours icy, si souvent encores réittérée.

Voilà pourquoy je vous prie aller incontinent trouver la dicte Royne et le luy faire entendre , taschant, aultant qu'il vous sera possible, à vous esclercir sur ce avec elle, et apprendre le plus que vous pourrés de ses délibérations pour m'en donner incontinent advis par ce porteur ; et pour ce que , tout ainsy que l'on vous a par delà tousjours asseuré que icelle Royne ne se mesloit poinct des entreprinses

du dict Montgomery, mais au contraire qu'elle avoit, suivant la bonne amitié d'entre elle et moy, faict tout ce qu'elle a peu pour luy traverser et nuire , ayant empesché ses subjects de se mettre avec luy pour me venir faire la guerre, le dict Walsingam m'en 3, de mesme, tousjours ainsy parlé et à la Royne Ma dicte Dame et Mère , et fort affirmativement asseuré.

Au surplus, encore qu'il ait prins congé de moy, et que je luy aye faict faire le présent de mille escus , ainsi que je vous ay escript , je luy ay escript , et au docteur Dale son successeur, la lettre de laquelle je vous envoyé le double, espérant qu'il sera icy demain, et que je parleray à luy de tout cessy, affin qu'il le puisse faire entendre , de ma part , à icelle Royne, sa Mestresse ; dont cepandant je Yous ay bien vouleu advertir par ce porteur exprès , affin que , s'il en escrivoit quelque chose par delà qu'il pensât que je le voulleusse rettenir, que vous asseuriés bien qu'il est en toute liberté, et que, aussytost que j'auray parlé à luy de cest affaire, il pourra, quand il voudra , s'acheminer en Angleterre, sans qu'il luy soit faict aulcun tort ny desplaisir, ni donné davantage de retardement.

J'ay veu l'ordre quavés donné pour faire advertir mon frère, le Duc d'Anjou, des délibérations du comte de Montgomery; mais ce n'est pas assés que cella. Je désire et vous prie de n'espagner deux ni trois cens escus, pour envoyer gens aux ports et havres , où s'assemblent les vaisseaux qui doivent aller avec le dict Montgomery, et en y ayés plusieurs qui ne sçachent rien les uns des autres, comme je vous ay cy devant escript; affin que soyez mieux et plus seurement adverty et que me puissiés donner advis de tout. 11 en faudra aussy envoyer au lieu où s'arment

— AU — les dictz grands vaisseaux d'icelle Roy ne , et seroit bon que en eussiés pareillement du costé de Yarwich pour voir quel équipage il s'y faict pour l'entreprise d'Escosse ; où je desire bien /pie Vérac s'achemine pour le bien démon servisse, ou, si la dicte Royne ne veut qu'il y aille , d'en estre résolleu pour y en envoyer quelque aultre. Et cependant je desirerois que y fissiés passer Sabran bien instruict de vous et du dict Yérac , affin qu'il y fist le mieux qu'il pourroit pour le bien de mon servisse , sellon les dépesches que nous vous avons cy devant faictes et la charge qu'avons donnée au dict Vérac; priant Dieu, etc.

Escriptà Fontainebleau, le xxnje jour d'apvril 1573.

Il est très nécessaire que vous fassiés toute la plus grande dilligence que pourrés pour envoyer Vérac ou Sabran en Escosse , car il importe grandement, pour le bien de mon service, que je y aye quelqu'un, affin d'entrettenir tousjours ceux qui me sont bien affectionnés de la bonne vollonté qu'ilz ont aux affaires qui me concernent, et à tout ce qui dépend des traictés et alliances d'entré les Escossois mes prédécesseurs et moy.

LA ROYNE MÈRE A Nr DE LA MOTBE FÉNÉLON.

— du xxve jour de may 1573. — Nouvelle de l'élection du duc d'Anjou comme roi de Pologne.

Monsieur de La Mothe Fénélon , nous avons présentement eu advis que mon filz , le Duc d'Anjou , a esté esleu Roy de Poloigne, les ve et vjc de ce moys, par la commune voix et vœux par escript de trois parts, dont les quatre

font le tout, de tous les évesques, palatins et noblesse du dict royaulme , de sorte qu'il ne restoit plus que les vœux à publier, comme il se debvoit faire dedans trois jours après. Et, ainsi que l'on nous escript, il n'y apoiuct de difficulté que la dicte élection ne soit publiée et résolue , dont je vous ay bien voullu advertir en dilligence, affin que, si cella peut servir , comme je ne doubte pas qu'il ne fasse , à l'affaire de mon fils le Duc , et pour nous faire avoir la bonne responce de la Royne d'Angleterre que nous espérons pour le faict du mariage , vous usiés de ces bonnes nouvelles envers la dicte Royne et ses principaux ministres, comme vous verres qu'il sera à propos, pour leur représenter la grandeur et moyen qu'ont ceux de ceste maison de la maintenir et assister, vous estendant sur ce subject, comme je m'asseure que sçaurés très bien faire, ainsi que verres qu'il sera à propos : et de tout je vous prie nous escripre le plus tôt que vous pourrés de bonnes nouvelles que nous attandons aussy de ce costé là en bonne dévotion; priant Dieu, etc.

Escript à Fontainebleau , le dimanche , xxve jour de may 1573.

CATERINE. pinart.

LE ROY A M* DE LA MOTBE FÉNÉLON

— du xxix* jour de may 1573. —

Négociation du mariage. — Espoir de la prochaine réduction de la Rochelle. —Affaires d'Ecosse. — Méfiance du roi contre sir Arthus Chambernon.

Monsieur de La Mothe Fénélon , il n'est pas possible de désirer propos plus honnestes que ceux que la Royne d'Angleterre , ma bonne sœur et cousine , vous a tenus

en la dernière audience qu'elle vous a donnée , comme j'ay veu par vostre dépesche du xxnje de ce moys ', sur le faict de l'entrevue de mon frère le Duc d'Alençon et d'elle. Toutesfois elle a différé d'acorder la dicte entrevue que premièrement elle ne feust satisfaicte et esclercie des deux doubtes où elle est, comme particulièrement vous avés entendu en la dicte audience $ et que vous m'avez bien amplement discouru par vostre dicte dépesche , ainsi que nous avons veu aussi par les lettres qu'elle en a escriptés à ceste fin à la Roy ne , Madame et Mère; laquelle luy faict si claire responce, et a, oultre cella, si expressément faict entendre à son ambassadeur , en l'audience qu'elle luy adonnée, ceste après dînée, nostre droicte intention, comme vous verres par le double que je vous envoyé de la lettre de ma dicte Dame et Mère, que j'estime que, si icelle Royne a aussy bonne vollonté à la dicte entreveue et au dict mariage que nous avons tous , qu'il n'y aura plus de difficulté qui empesche qu'elle ne se fasse , et que , s'il plaict à Dieu qu'ilz se soient agréables l'un à l'aultre, comme je le désire , que bientost après nous ne voïons une heureuse fin de ceste négociation par la résollution du dict mariage ; pour lequel vous la pouvés tousjours fermement asseurer que nous procédons avec toute syncérité, et ^ans que la poursuitte qu'en faisons soit à aultre intention ( et Dieu en est le tesmoing ) , que pour fortifier et rendre parfaicte l'amitié d'entre elle et nous et nos communs subjectz , et qu'elle se puisse si bien establir par le moyen dii dict mariage , comme aussy n'y a il rien qui y soit plus propre qu'elle demeure perdurable ,

1 Voyez cGGxviii' dép., tom. v, pag. 550.

nette et entière , et que les deffiences , qui naissent entre elle et moy depuis quelque temps , puissent estre du tout déracinées et amorties, ayant advisé de vous renvoyer Vassal expressément en la meilleure dilligence qu'il pourra; d'aultant que son dict ambassadeur a asseuré Ma dicte Dame et Mère que , pour estre bien certain que icelle Royne , sa Maistresse , aura ces nouvelles bien agréables , il les luy escript dès aujourdhuy par courrier exprès. Et il sera bien à propos qu'incontinent après vous luy présenties la lettre de Ma dicte Dame et Mère pour, par mesme moyen , résouldre les seurretés du voyage et passage de mon dict frère, que je désire que vous obteniés les meilleures que pourrés, et que vous m' en advertissiés incontinant, affinque, quand nous en serons d'accord, vous en rettiriés les expéditions;

Espérant cepandant que la Rochelle se réduira bien-' tost en mon obéissance , car estant les Suisses arrivés dans mon armée et ceux de dedans la dicte ville se trouvans en très grande nécessité et hors d'espérance de secours, j'estime que bientost ils seront forcés, s'ilz ne sont si sages que d'accepter les raisonnables conditions qui leur sont offertes pour évitter leur ruine et la désolation qui se peut attandre d'un assault , que mon frère , le Roy esleu de Pouloigne, faira donner le plus tard qu'il pourra, suivant mon intention, pour le désir qu'il a, comme aussy ay je de ma part , de les conserver ; et estant pour ceste occasion bien d'advis , suivant ce que nous avés escript par le dict Vassal que, si le cappitaine Franchotti a de si bons et grands moyens qu'il vous a dict, et accès parmi ceux de la religion, pour composer les troubles, qu'il vienne, le plus tost qu'il pourra , suivant le passeport que je vous ay

dernièrement envoyé pour luy , et il se peut assurer que je luy donneray toute favorable audience et telle qu'il la peut désirer. Et encores, s'il veut, pour le plus court, s'acheminer par mer , comme il me semble que sera bien à propos, droict en ma dicte armée, et s'adresser à mon dict frère, auquel j'en ay escript présentement, je m'asseure qu'il luy donnera aussy toute favorable audience, et les moyens d'exécuter sa bonne vollonté , car il a tout pouvoir général et particulier de moy pour cest effaict.

J'ay veu ce que me mandés pour le faict d' Es cosse , et comme , à la fin , la dicte Royne a laissé passer V érac et Sabran, mais je n'ay pas opinion qu'il leur soit permis , ny à l'un ni à l'aultre, d'entrer en Escosse; car il se voit bien clairement que icelle Royne a faict tout ce qu'elle a peu, despuis quelques moys, pour nous amuser et esblouir les yeux, affin que cepandant elle peut faire ses affaires en Escosse, ce que je m'asseure vous aurés bien cogneu ; et suivant ce que je vous ay si souvant escript et comme vous me mandés avoir faict , vous aurés si bien et si souvent adverti ceux du chasteaude Lislebourg, qu'ilz auront courage ; et quelque batterie que l'on fasse, ilz tiendront pour le moins jusques en septembre, ainsi que j'ay entendu d'aulcuns de deçà qui sçavent leurs intentions. Voilà pourquoy je désire que vous me mandiés en quel estât ilz se trouvent à présent , s'il vous est possible de le sçavoir , comme j'estime qu'il vous a et sera tousjours aisé, et si vous n'aurés pas moyen de leur faire tenir ce que je vous ay ces jours icy escript , car , encores que je sçache bien que les Escossois soient fort légers et que aulcuns de ceux, qui sont dans le dict chasteau, soient soubçonnés d'estre de cçste condition, si m'asseurai je principalement au lair de Granges, que je

croy, l'ayant tousjours si bien traicté comme j'ay faict et veux faire, qu'il ne permettra poinct que les anciennes alliances que mes prédécesseurs et moy avons en Escosse, et les moyens que j'ay accoustumé d'y avoir aussy , soient diminués comme sans doubte ilz seroient, si le dict comte de Morthon , qui ne faict rien qu'en faveur et pour la Royne d'Angletere, s'impatronisoit du dict chasteau de Lislebourg. Et, pour ceste cause, en les confortant tousjours secrettement , et en l'affection qu'ilz ont jusques icy déclarée me porter pour le bien de leur patrie et de leur souveraine , il fault aussy que vous contînmes à faire instance , envers la dicte Royne d'Angleterre et ceux de son conseil, à ce quç , suivant nostre dernier traicté , il ne se poursuive ni fasse aulcune chose qu'avec le consentement des Sw de Vérac ou Sabran, s'ilz y peuvent passer. Autrement j'auray juste occasion de m'en sentir.

Quand aux onze premiers articles de l'instruction que vous avez baillé à Vassal , je désire que vous ayés tousjours l'œil aux poinctz contenus par iceulx , et que journellement vous me teniés adverti de ce qui se faira et tramera en cella, y donnant par vous, soubz main , comme sçaurés très bien faire, toutes les traverses que vous pourrés, affin que, surtout, le Prince d' Escosse ne puisse estre transporté comme il est déclaré par les dictz articles que l'on propose.

J'ay veu aussy ce que vous a dict le Sr Ghambernon, visadmiral d'Angleterre. Tout ce qu'il vous a faict entendre n'est qu'artifice : voylà pourquoy il n'y eschet aulcune responce , si ce n'est que, quand les effectz suivront ses paroiles , je les auray bien agréables , et cependant je vous diray que , comme vous verres par un extraict que je vous envoyé, aulcuns des anglois qui estoient avec Montgomery,

son beau frère , ont esté bien battues y ayans perdu quattre des meilleurs vaisseaux qu'ilz eussent , et esté contraînctz de quitter et abandonner l'isle de Belle Isle. J'espère que, si le dict Montgomery se peut rencontrer et descouvrir en mer, qu'il sera par les miens, qui sont aHés après , battu et traicté comme il mérite.

J'ay pareillement veu ce que me mandés des recherches et impositions excessives qui se font et que l'on a mis seules marchandises qui arrivent à Calais. C'est chose que j'ay remise à ceux de mon conseil pour y adviser. Quand la résolution en sera prinse, je vous en advertiray; priant Dieu, etc.

Escript à Fonteinebleau, le xxixe jour de may 1573. CHARLES. pinart.