CLX1V

LA ROYWE MÈRE A Mr DE LA MOTHE FÉNÉLON.

— du xxve jour d'apvril 1574. —

Audience accordée à l'ambassadeur d'Angleterre pendant la maladie du roi. —Intercession d'Elisabeth en faveur de La Mole. — Déclaration faite par Catherine de Médicis des motife qui ne permettront pas d'user de clémence envers lui , s'il est condamné.

Monsieur de La Mothe Fénélon, l'ambassadeur de la Royne d'Angleterre, Madame ma bonne sœur, m'est venu aujourdhui trouver, et a commencé à me dire que sa Maistresse avoit esté grandement resjouie, quand elle avoit entendu, par sa dépesche , que le Roy, Monsieur mon filz, et moy continuons toute bonne amitié envers elle , et que les choses que Ton disoit de mon filz le Duc , sur l'occasion de ce qui est cy devant advenu, "ne se trouvoient tel-

les que on en avoit faict courir le bruict , qui estoit bien le plus grand desplaisir quelle pouvoit recevoir; car, comme l'amitié singulière, qu'elle luy avoit tousjours cy devant portée, estoit principalement fondée sur celle qu'elle avoit aveeque le Roy, Mon dict Sieur et filz, et moy, aussy quand il seroit mal avec nous , elle n'en pourroit que grandement diminuer. Ce que je luy ay conforté et remercié de ce que, en cella, elle randoit un bien ample tesmoignage de la syncérité de son affection, l'asseurant, comme la vérité est, que nostre amitié vers elle est telle et aussy syncère qu'elle ait esté cy devant, et que nous avons tout désir de restreindre tousjours de plus eu plus ; et que , Dieu mercy, il estoit en aussy bonne intelligence avec nous que nous le sçaurions souhaitter pour nostre contentement, et que sa vollonté et la nostre n' estoit qu'une mesme chose.

Puis il m'a dict qu'il avoit à parler au Roy, Mon dict Sieur et filz, quelque chose de la part de sa Maistresse, mais, à cause de son indisposition , il ne le voulloit empescher, m' ayant déclaré que c'estoit de La Molle , lequel ayant veuet estimé pour gentilhomme fort honneste , elle a quelque occasion de penser qu'il ne luy seroit poinct tombé au cœur de faire une meschanceté ; toutesfois qu'etye ne sçavoit pas de quoy il peut estre chargé, mais que, s'il y avoit chose qui ne feust de si grand grief et offence qu'elle peut estre remise , qu'elle prieroit vollontiers pour luy. En quoy elle estoit incitée d'aultant plus qu'elle avoit tousjours recogneu la bénignité çt clémence de mon dict tilz si grande envers ses subjectz , qu'il avoit tousjours fort vollontiers pardonné, mesmement à ceux qui , par plusieurs fois , ont prins et porté les armes , les ayant, après cella ,

aultant favorablement traictés que pourrait faire le plus clément prince du monde , comme encbres il se voyoît aujourdhuy qu'il leur faict de si belles et raisonnables offres que , quand ilz ne les voudront accepter , îlz mériteront d'en estre blasmés de tout le monde, et que tous les princes, qui font profession de leur religion, leur seroient contraires.

Là dessus , je luy ay respondu que j'estois bien aise qu'il fît ce jugement avec la vérité, mais , quand à ce qui touche le pardon qu'a faict le Roy, Mon dict Sieur et filz, à ses subjectz, quand Hz se sont cy devant eslevés en armes, c'a esté lorsqu'ilz ont faict coguoistre que ce qu'il* en faisoient n'estoit que pour le faict de leur religion , et estre en cella contentés de ce qui serviroit à la satisfaction de leur conscience , et que, leur y ayant esté pourveu , ilz luy ont randu l'obéyssance telle que debvoient de bons subjectz ; mais, pour le regard du dict La Molle , il y a voit bien d'autres considérations ; car estant une personne qui a esté nourrie près de nous., et se peut dire > de nostre pain , luy ayant , Mon dict Sieur et filz , faict de l'honneur et de ia faveur, non pas comme à unsubject et serviteur, mais aultant quasi qu'il eut sceu faire à un qui luy eut esté cornpaignon, la faulte , qu'il pouvoit avoir faicte , estoit beaucoup plus grande en son endroict que de toutes aùltres personnes; qu'il sçavoit bien que, quand semblables accidentz estoient ad vertus en Angleterre, la Roy ne, sa Maistresse, n'avoit pas pardonné h ses propres parentz , et avoit laissé traicter telle chose par la justice, ainsi qu'il estoit raisonnable , et comme l'on faict présentement , estant le dict La Molle et ceux qui sont accusés comme luy entre les mains des premiers juges de ce royaulme , qui sont les gens de

la cour de parlement de Paris ; par lesquelz tout homme accusé eu ce dict royaulme désire estre plustost jugé que par nulz aultres, par la grande et singullière intégrité qui est recogneue en eux.

A quoy il n'a peu contredire , mais a plustot approuvé ce que je luy en déclarois , me disant si on ne peut sçavoir encores de quoy le dict La Molle est convaincu?

A quoy je luy ay respondu qu'il ne se sçavoit poinct; mais que cest affaire estoit traicté avec toute la syneérité qui se peut dire , et que , après avoir esté le procès faict, nous en fairions part à sa dicte Maistresse pour luy faire cognoistre le fonds de la vérité des choses, que nous ne voudrions demeurer celé à personne qui nous touche d'amitié si intime.

C'est, en somme, le contenu des propos qui se sont passés entre nous, desquelz je vous ay bien voullu donner advis, affin que , si la Roy ne, ma dicte bonne sœur, vous en parle, par delà , ou vous dict ce qu'elle en aura sceu de son dict ambassadeur, vous en puissiés estre d'aultant plus asseuré par ce que présentement je vous en mande, et vous y conformer.

Au surplus , Monsieur de La Mothe Fénélon , attendant qu'il vous soit faict responce sur la dépesche que nous a porté le Sr de Vassal ', je vous prieray d'user tousjours envers ma dicte bonne sœur de toutes les démonstrations de nostre bonne amitié qu'il sera possible , comme aussy ne nous est elle aulcunement diminuée par ces nouveaux accidentz, mais plustost accreue ; priant Dieu , etc.

Escript au chasteau de Yincennes , le xxve jour d'apvriH574. CATERINE. brulart.

1 Voyez cccLxxv'dép., tom. ?i, pag. 77.

LE ROY A W DE LA MOTIIE FÉNÉLOIV.

— du ii« jour de may 1574. —

Protestation du roi qu'il n'a pas l'intention de s'allier avec le roi d'Espagne. — Son désir de voir réussir le mariage du duc d'Alençon. — Offre de faire prochainement l'entrevue. — Recommandation de surveiller les menées des protestans français en Angleterre. — Promesse qu'il sera fait droit aux réclamations désir Arthus Chambernon. — Situation désespérée de Montgommery en Normandie. — Assurance que le roi est en meilleure santé. — Condamnation et exécution de La Mole et de Coconas.

Monsieur de La Mothe Fénélon , comme vostre secrétaire estoit dernièrement sur le poinct de partir et avoit desjà sa dépesche, Vassal arriva avec la vostre, du xvc du passé , despuys laquelle j'ay receu celle du xixe * ; et pour vous y respondre , je vous diray que j'ay bien considéré le mémoire dont vous avés chargé le dict Vassal, contenant plusieurs advis qui monstrent bien que celluy qui vous les a donnés a une singullière affection à la conservation de moy et de mon estât ; dont je sçauray bien faire mon proBct , Dieu aydant ; mais, quand à ce qui touche les persuasions que Ton se veut donner par delà, que j'ay une privée intelligence et commuuiquation de conseilz avec le Roy Catholique , et ce que l'un des conseillers de ma bonne sœur vous a voulleu faire croire , c'est chose de la créance de laquelle j'estime qu'ilz sont grandement esloignés, et que l'on vous en a parlé pour vous faire ouvrir et déclarer là dessus, mes actions faisans assés cognoistre à ceux qui en voudront juger sainement que je ne suis poinct plus affectionné ez choses qui touchent le dict Roy Catholique que en ce qui

1 Voyez ccclxxV et ccclxxvi' dép. , lom. vi, pag. 77 et 80. Le mémoire qui était joint à la première de ces dépêches n'a pas été transcrit sur les registres de l'ambassadeur.

concerne ma bonne sœur, l'amitié de la quelle j'ay recerché et recerche de confirmer perpétuellement par tous les meilleurs moyenz qu'il m'est possible.

En quoy il se peut dire que je n'y ay rien oublié de ce que je y ay peu advancer de mon costé, et que, si, du costé de delà , la disposition y eut esté aussy ouverte et sincère, ilenfeût desjà sorti un bon eflaict au commun bien et utilité de noz deux royaulmes; et bien que ces derniers accidentz survenus soient telz qu'ilz ont interrompu le dessein et délibération que j'avois pris de m'aproscher de la Picardie , pour facilliter l'entreveue de mon frère le Duc d'Alençon, ainsy que je vous l'ay cy devant escript, si est ce qu'ilz n'ont en rien diminué la bonne vollonté que j'ay tousjoucs eue d'establir, par le moyen de son mariage , une indissoluble amitié entre noz deux royaulmes. Auquel désir je continue persévèremment, comme je feray jusquesà ce que je voye que , du costé de delà , il ne s'en pourra plus rien espérer, n'ayant jamais donné à cognoistre au docteur Dale , qui est icy ambassadeur résident , qu'il y eût aulcun refroidissement, de mon costé, en ce regard.

Bien ay je peu monstrer que ceste entreveue de mon frère , le duc d'Alençon , ne se pouvoit pas faire à ceste heure, et jusques à ce que les choses soyent un peu mieux remises qu'elles ne sont encores, et mesmes qu'il semble, par le propos qu'il m'a tenu de la part de sa Maîstresse, que , si elle cognoissoit une mauvaise intelligence de mon dict frère envers moy et la Royne, Madame et Mère, ceHa diminueroit beaucoup la bonne amitié qu'elle luy portoît, fondée principallement sur la bonne affection q u'elle a l'endroit de Ma dicte Dame et Mère et de moy. De quoy il a esté requis qu'elle feust premièrement asseurée , sellon

qu'il a esté faict par les propos que Ton a eus avec son dict ambassadeur, et ce que vous avés eu charge de luy en exposer par delà ; vous voullant bien dire que j'ay tant de désir de voir lé faict de ce mariage conduict à une bonne et heureuse fin, que, si ma dicte bonne sœur vous veut asseurer qu'après avoir veu mon dict frère, elle l'espousera, sans qu'il se mette plus en avant aulcune difficulté , incontinent que l' estât des affaires de mon royaulme aura esté un peu remis, ce que j'espère dans peu de temps, je m'aproscheray de la dicte frontière de Picardie pour effectuer ceste entreveue , et luy fairay bien cognoistre que je ne suis aulcunement réfroidy du dict mariage ; mais qu'il m'en demeure le mesme désir que je y ay eu cy devant , lequel m'est pleustost accreu que diminué.

J'ay veu ce que me mandés des excuses et prétextes que le comte de Montgomery a faict entendre , par delà , l'avoir induict à se venir employer au secours de ceux qui se sont eslevés en armes , lesquelz sont aussy faulsement controuvés que toutes les aultres mauvaises inventions de telles personnes , pour donner coulleur à leurs méschantes entreprises. Or, en cella, et aux réquisitions qu'il faict d'avoir quelques secoues, soit de gens ou de navires, et aussy aux sollicitations que le ministre Yilden , Robineau et le ministre de La Noue , nommé Textor, font par delà , c'est à vous à y avoir l'œil soigneusement ouvert, et faire de bien vives instances envers la Royne d'Angleterre à ce qu'elle ne souffre , selon ce qui appartient à nostre commune amitié et aux derniers traictés que nous avons faict,, qu'ilz soyent ouïs aux choses qu'ilz pourront requérir pour fomenter le trouble de mon dict royaulme et le secours de ceux qui se sont eslevés , et d'empescher qu'ilz n'obtien-