VII

— 4tiG — nent rien d'elle ni de ses subjecU, directement ou indirectement , qui est le meilleur servisse que me sçauriés faire pour le présent.

J'ay veu la coppie que ra'avés envoyée du mémoire que vous a présenté le sir Arthus Chambernon, sur lequel ce que je vous peux dire c'est que le comte de Montgomery faict assés cognoistre, par tous ses déportementz , qu'il n'a aultrè voilante que de poursuivre la ruine de mon royaulma, en tout ce qu'il pourra ; dopt il ne méritte de recevoir de moy aulcun bon traictement en ses biens, comme cy devant je hiy avois offert, s'il se feust contenu doucement : àquoy je ne suis pas délibéré d'entrer. Mais, pour le regard de ce qui touche l'intérest du filz du dict Chambernon, et la jouissance qu'il demande pour luy du dot de sa femme, fille du dict comte, sur les biens qu'il a en ce royaulme, montant douze mille livres, je luy en fairay tousjours faire bonne justice en faveur de ma dicte bonne sœur; mais je désire que vous empeschiés décrément que, souhz umbre de cella, il n'entreprenne un voyage de par deçà, de peur que ce ne feust pour aultre mauvaise Intention. En quoy vous luy pourrés remonstror qu'il n'est poinct de besoin qu'il s'y achemine pour telle occasion , mais qu'il suffira qu'il fasse présenter sa requeste par l'ambassadeur, qui est icy résidant, sur laquelle il aura toute la favorable responee qu'il sera possible.

Au surplus, Monsieur de La Mothe Fénélon, je vous diray comme s' estant le dict comte de Montgomery réduict dedans Sainct LA, (to tenant à caste heure assiégée), enfiu ppur ue s'y trpuver trop seurement, j'ay sceu que, avec vingt et cinq ou trante chevaux , il s'est hazardé de sortir pour s'aller mettre dans C are n tan. J'ay envoyé bonne

quantité de canons, poudres et munitions de ma ville de Paris au Sr de Matignon pour assiéger ces deux places là, oultre ce qu'il en a desjà de mon pals de Normandie , de sorte que j'espère que, dans peu de temps, il les aura remises en mon obéissance, n'estant encore en bon estât de fortification.

Ne me restant rien à vous dire, Monsieur de La Mothe Fénélon, si ce n'est que je ne fais poinct de doubte que l'on ne parle diversement, au lieu où vous estes, de Testât de ma disposition, mesmement à cause des médecins de Paris, que j'ay faict venir pour me voir ; et affin que vous n'en soyés en peyne, et en sçachiés la vérité , je vous asseure quem'ayant faict tirer du sang, je me sens grandement soulagé , et me trouve sans aulcune doulleur, avec espérance que , dans peu de jours , je seray entièrement guéri , et pourray me lever, Dieu aydant.

Et finirois en cest endroict ceste lettre , n'estoit qu'il faut que je vous die encores comme La Molle et le comte Goconas feurent hier jugés à avoir la teste tranchée, et le jugement exécuté , ayants esté convaincus d'avoir attenté contre mon estât; et ont recogneu, avant que de souffrir le dernier supplice, que, méritoirement et à juste occasion, ilz avoient esté condemnés à mort, et que leur fin serviroit de grand exemple à toutes personnes qui auroient au cœur telles mauvaises entreprises, que celles qu'ilz ont tentées ; se pouvant dire qu'il a esté usé , à la confession et jugement de leur procez , de toute la plus grande sincérité, et les choses pesées avec le plus grand respect qui se puisse observer, et que, s'il se feût peu trouver quelque excuse pour eux , elle eût esté employée ; mais ilz se sont trouvés si coulpables que eulx mesmes se sont condemnés et

confessés dignes de mort beaucoup plus cruelle que celle qu'ilz ont soufferte; priant Dieu, etc.

Escript au boys de Vincennes, le ije jour de may 1574.

J'ay faict garder ceste dépesche jusques aujourdhuy que je vous puis asseurer ma santé m'estre tousjours de plus en plus confirmée , et me trouver si bien , à ceste heure , que j'espère sortir dans peu de jours.

CHARLES. BRULART

LE DUC D'ALENÇON A Mr DE LA MOTHE FÉNELON.

— du i9T jour de juing 1574. —

Reconnaissance de la régence de Marie de Médicis par le duc d'Alençon, après la mort du roi Charles IX. — Même déclaration faite par le roi de Navarre. — Acte de reconnaissance, par le parlement de Paris et les princes du sang, des pouvoirs conférés à la reine-mère.

Monsieur de La Mothe , je ne saurois assés vous exprimer l'extrême regrect, qui me demeure, de la perte, que j'ay faicte, du Roy Mon Seigneur et frère, qu'il a pieu à Dieu appeller à sa part. Toutesfois, me conformant à sa saincte vollonté , et considérant que c'est chose commune à tous hommes , je me forceray de surmonter ceste dolleur le plus vertueusement qu'il me sera possible, et vous diray que la dernière vollunté du Roy , Mon dict Seigneur et frère , a esté que la Royne , Madame et Mère, régist et gouvernast les affaires de ce royaume., en attendant le retour du Roy de Poullogne, Mon Seigneur et frère, ;ce qu'elle a accepté , meue de l'affection qu'elle porte au bien d'icelluy royaume. En quoy, sellon le naturel debvoir que j'ay envers la Royne, Madame et Mère , je m'esforceray

de luy randre tout service et obéissauce, vous priant, de vostre part, vous conformer en cella en ce qui est de vostre charge , et y randre la mesme dilligence et fidellité que vous avés faict le passé, comme nous avons toute fiance en vous ; priant Dieu, etc.*

Escript au bois de Vincennes, le premier jour de juing 1574,

Vostre bon amy. FRANÇOYS.

LE IlOY DE NAVARRE A M* DE LA MOTHE FÉNÉLON.

— du Ier jour de juing 1 574. —

Monsieur de La Mothe Pénélon, vous verres par la lettre que la Royne vous escript ! , comme il a pieu à Dieu disposer du feu Roy Mon Seigneur , perte qui est si notable à ce royaume qu'il ne peult qu'il n'en demeure ung regret infini à tous ceux qui en sont serviteurs affectionnés. Mais il nous demeure une bien grande consolation de ceste affliction , qui est que Sa Majesté, sentant sa fin, pour tesmoigner le singulier désir qu'elle a tousjours eu au repos de ses subjectz, a ordonné, par §a dernière vollunté, que l'administration et régence des affaires demeurent à la dicte Dame, attandant l'arrivée du Roy de Poullogne. Ce qu'elle sçaura très bien faire par sa prudance et la longue expériance qu'elle en a, et aussy pour la dévotion grande qu'elle a à ceste couronne. En quoy je l'assisteray et recognoistray, sellon qu'elle en est très digne par ses vertus, comme et semblablement fairont toute les principaux et bien affectionnés ministres de ceste couronne ; vous priant , de

1 Voyez la lettre dé Catherine de Médicis, en date du 31 mai 1574, Additions aux Mémoires de Castelnau, n* cxi, tom. m, pag. 405. .

ses ambassadeurs , qui sont par deçà, ont voulleu faire envers mon filz le Duc d'Ail en çon ; auquel il a esté offert , au nom de la dicte Dame , de luy fournir comptant cinquante mille escuz, luy fère squdoyer deux mille reistres, vingt mille lansquenetz, sans d'autres françois, et tous les préparatifs et vaisseaux de guerre qui sont , comme Uz l'ont assuré , tous pretz , à faire voille , en Angleterre , pour s'en servir , s'il eust vouHeu croire le mauvais conseil et les persuasions que luy ont faict faire les dictz ambassadeurs , ainsi que mon dict filz mesme m'a déclairé , m'asseurant , comme je vous ay escript par ma dicte dernière dépesche, qu'il aymeroit mieux mourir .que de tumber en telle faulte. Et aussi m'assuray je bien que la dicte Dame Royne est trop saige et princesse si vertueuse qu'elle ne vouldroit pas avoir commandé à ses dictz ambassadeurs telles choses ; mais que ce sont de mauvais ministres qu'elle a , qui font ces mqulvais offres, d'eux mesme s.

Vous luy dires que je vous ay commandé de luy en donner compte et la prier, de ma part, ne trouver maulvaiz si je faictz arrester prisonniers ceux qui suivent et sont avec ses dictz ambassadeurs, faisant les menées auprès d'eux envers mon dict filz le Duc d'Aliençon, et en divers autres lieux et en aulçunes maisons de ceste ville, comme je sçay, aussy certeinemant tout ce qu'ilz y ont faict , et ceux mesmes qui méritent pugnition. Toutesfois, pour le respect de la dicte Dame et de ses dictz. ambassadeurs , il n'en sera faict aulcun tort ni déplaisir , mais les ferrai seullement mettre prisonniers pour vérifier le présent cas pour ceulx dont je suis advertye; ayant, dès hier, faict prandre Bonacourcy, qui est ung de ceux par qui ilz faisoient porter ceS belles offres à mon dict filz , comme aussy je say certainement

que le cappitayne Jaccob a faict bien souvant, despuis quelque temps; priant Dieu, etc.

Escript à Paris , le Ve jour de juing 1574.

Monsieur de La Mothe, despuis ceste lettre escripte, j'ay pensé qu'il vault mieux que je diffaire de faire prandre le dict cappitaine Jaccob et autres qui se sont meslés des dictes menées , fréquantant avec les dictz ambassadeurs d'Angleterre. Et pour ce , je vous prie que personne ne sçaiche le contenu en ceste lettre que vous , à qui je remectz de dire à la dicte Royne ce que verres qui sera à propos de tout ce que dessus, et vous comporterés avec elle et ses ministres, par dellà, de façon que nous puissions faire continuer avec elle ,* et elle avec nous , la bonne et parfaicte amityé que nous nous sommes jurée et promise par nostre dernier traicté , et que je m'asseure que le Roy, Monsieur mon filz, continuera et entretiendra de sa part, mais qu'il soit arrivé ; ainsi que je vous ay escript par ma dicte dernière dépesche.

CATERINE. piNARi.