CLXV1II

LA ROY IV E HÉ G ENTE A Btr DE LA MOTHE FÉNÉLON.

— du vme jour de septembre 1574. —

Audience accordée à l'ambassadeur d'Angleterre. — Comparution devant Catherine de Médlcis du secrétaire contre lequel elle a porté plainte. — Excuses qu'il présente. — Déclaration de l'ambassadeur qu'Elisabeth enverra prochainement en France une députation pour féliciter ie roi sur son avènement.

Monsieur de La Mothe Fénélon , en attandant que le Roy, Monsieur mon filz, qui arriva seullement avant hier en ceste ville , vous puisse faire ample responce à la dépes-

cfae que vous nous avés faicte par Vassal ', et mander son intention sur toutes les aultres choses qui sont à résouldre pour lefaictde vostre charge etd'Escosse, dont il se résoudra dans trois ou quattre jours, je vous diray que, hier après disner, l'ambassadeur de la Royne d'Angleterre, ma bonne sœur et cousine , m'ayant faict demander audience, amena en icelle le secrettaire que je vous ay escript qui a faict de si bons offices par deçà , comme je fis aussy entendre à la dicte Dame Royne par la lettre que je luy escrivis dernièrement de ma main , et de laquelle le dict secrettaire m'a rapporté responce , escripte de la main d'icelle Royne, dont je vous envoyé le double , affin que vous voyez de quelle façon elle a pris ce que je luy ay mandé du dict secrettaire; qui voulloit s' excuser des choses passées comme s'il n'eut sceu que c'estoit, et qu'il ne s'en feust poinct meslé.

Sur quoy luy demandant s'il s'en voulloit justiffier , et qu'il y avoit icy des gens, par devers lesquelz Ton le mettroit, qui esclerciroient bientost ce faict, selon ce que la dicte Royne m'escrivoit que ce seroit bien faict de le faire chastier, s'il avoit faict ceste faulte ; ce qui l'a bien estonné , estant assés empesché à me respondre sur cella : car, voyant qu'il- voulloit monstrer de n'estre poinct coulpable , je luy ay réittéré, par deux ou trois fois, ce propos, auquel le dict ambassadeur s'est entremis, et a dict qu'il valloit mieux que les choses passées s'oubliassent.

Et est entré en aultre propos : que icelle Royne , sa Maistresse , envoyeroit bientost par deçà un seigneur de qualité pour se condoulloir avec lé Roy, Monsieur mon filz,

• Voyez ccccr dép. du 24 août 1574, tom. vi, pag. 214.

de la mort du feu Roy, que Dieu absolve, et par mesme moyen le visiter à son advènement; asseurant, le dict ambassadeur, que sa dicte Maistresse a tout bon désir de continuer en bonne et vraye amitié et intelligence avec Mon dict Sieur etfilz, si elle cognoit qu'il en veuille aussy réciproquement user eason endroict, de mesme conune faisoit le Roy mon dict 61z , dont je l'ay bien asseuré que oui, et qu'il l'entendra de luy mesmes à sa première audience; priant Dieu, etc.

Escript à Lion, le vnje jour de septembre 1574. CATERINE. pinart.

LE BOY (HENRI III ) A Mr DE LA MOTHE FÉNÉLON.

— du xxiii* jour de novembre 1574. —

Voyage du roi , Henri III jusqu'à Avignon. — Accident arrivé au passage dit pont Saint-Esprit.— Désir du roi de rétablir la paix dans son royaume.— Protestation d'amitié envers la reine d'Angleterre.— Assurance que le roi veut maintenir le traité conclu par son frère.

Monsieur de La Mothe Fénélon , vous aurés veu , par ma dernière dépescbe , la résolhition que j'avois prise de m'en venir en ceste ville, où je me suis acheminé suivant cella, estant arrivé dès mècredy dernier; et s'est mon voyage bien porté , grâces à Dieu , sinon qu'il est advenu que l'un des batteaux, où estoient aulcuns des officiers de la Royne de Navarre, ma sœur, heurta , passant soubz une des arches du pont Sainct Esprit, par la mauvaise conduitte du marinier qui en avoit la charge , la pile de la dicte arche, et s'ouvrit; de aorte que une partie des dictz officiers se noyèrent et mesme le premier maistre d'hostel de ma dicte sœur, Àlfonce de Gondy, et une partie des meubles

qui estoient sur le dict batteau se sont perdus, l'aultre partie, tant des hommes que des meubles, a esté sauvé.

L'occasion prihcipàlle de mon dict voyage par deçà est pour regarder et essayer, comme j'ay tousjôurs faict , despuis mon retour en ce royaulme, d'attirer ceux de mes subjectz, qui se sont eslevés en armes, à ce qui est de leur debvoir, sans voufloir négliger en cella âuleune chose que je penseray y pouvoir profitter, avec ma réputation , pour l'establissement du repos de ce dict royaulme; car, quand je ne verrois et ne sçaurois qu'il est temps de le faire, mon intention est, quelque chose que l'on veuille faire croire par delà, d'y pourvoir plustot par la voye douce que celle de la force , bien que les moyens de la dernière ne me soyent si courts que l'on faict publier en Angleterre. Il ne tiendra donc qu'à mes dictz subjectz éslevés qu'ilz ne jouissent bientost du repos qu'ilz doibvent désirer et pourchasser, et selon ce, qu'ilz se monstreront raisonnables, en leurs demandes et à recevoir les conditions que je leur veux donner, l'on jugera de leurs cœurs et affection à la tranquillité publique de ce royaulme : en quoy, lorsque je y verray quelque avancement, vous en serés adverti.

Cependant, Monsieur de La Mothe Fénélon, entrettenés tousjours la dicte Royne et ses dictz ministres en ce que je vous ày escript despuis mou retour, qui est que je ne desire rien tant que de continuer en vraye et parfaicté amitié avec icelle Royne, et que, si elle est bien disposée en cella, qu'aussy suis je, et d'entrettenir entièrement , de ma part, le dict traicté comme il fault donques qu'elle fasse de la sienne, sans assister, ou faire assister , en quelque façon que ce soit, mes subjectz eslevés; me délibérant d'estre envers elle, pour tout ce que je luy promettray, si sincère

qu'elle aura toute occasion de s'en louer. Aussy desirè je bien qu'elle en face de mesme, et que ceui de mes subjectz qui me font la guerre , sans se voulloir remettre et retourner à leur debvoir envers moy, ne trouvent faveur et assistance envers elle et ses principaux ministres, à mon préjudice;4 ce que j'estime que n'adviendra plus,, quand .elle entendra la droicte vollonté dont je veux procéder envefrs elle et ses subjectz , que je désire estre aussy réciproque d'elle envers moy et les miens, comme vous l'en pourrés tousjoiirs bien asseurer, attandaht que ceux que j'envoyeray dé bref par delà y puissent arriver. r

Je fais responce aux lettres que le Sr de l'Anguillier m'a escrites, et luy envoyé un passeport, comme il le demande , que vous luy fairés seurement tenir ; priant Dieu, etc.

Escript à Avignon le xxnjc jour de novembre 1574.

HENRY. pinart.

Nota. — Pour Tannée 1875, il ne s'est trouvé dans les papiers de l'ambassadeur qu'une seule lettre inédite du roi en date du 24 mars, et Le Laboureur n'en a publié lui-même qu'un très- petit nombre.

Voiries Additions aux Mémoires de Castelnau, tom. m , p. 444 à 466, n°* oxlvii à cli, et noB u à xvm des nouvelles additions:

Lettres du roi des 5 mars ; 2, 4, 21 mai ; 5 , 21 juin ; 7 , 29 juillet, et 7 août 1375.

Lettres de la reine-mère des 4 mai et 29 juillet 1575.

LE ROY A M* DE LA MOTBE FÉNÉLON

-— du xxive jour de mars 1575. —

Satisfaction du roi au sujet de la communication de son mariage à la reine d'Angleterre. — Assurance qu'il continuera toujours à maintenir l'amitié avec elle.— Satisfaction de la conduite tenue par Elisabeth à l'égard de Marie Stuart — Espoir que la mission de Mr de La Châtre aura un bon résultat. — Prochaine arrivée des députés envoyés par le prince de Condé.

Monsieur de La Mothe Fénélon , j'ay receu voz trois dépesches des vije, xje et xivc ', sur lesquelles ce que j'ay à vous dire c'est que je demeure très satisfaict de ce que vous avez sceu bien déduire à la Royne d'Angleterre, ma bonne sœur, touschant le faict de mon mariage , qui n'apportera aulcune nouveaulté en la commune bonne amitié et intelligence que je veux avoir, qui demeurera tousjours ferme de mon costé , sans la souffrir altérer en quelque sorte que ce soit. Et ne se peut rien adjouster sur ce subject à ce que vous avés sceu déduire sagement, que je laisseray pour vous déclarer qu'il y a grande apparance que , si cest armement de ma dicte bonne sœur se continue, que ce sera à quelque aultre fin que du secours du Roy Catholique, mon frère, veu que le grand commandeur luy a faict dire qu'il n'a voit point de charge de l'accepter, sinon pour le secours du Pais Bas contre le prince d'Orange; à quoy ma dicte bonne sœur ne s'est point délibérée.

Je suis, au surplus, bien aise que, après avoir faict difficulté sur l'acceptation des petitz présentz que luy a envoyé la Royne d'Escosse, ma belle, sœur, enfin elle les ait re-

1 Voyez ccccxxxvn', ccccxxxvI^• et ccccxxxix* dép., tom. vi, pag. 390, 395 et 398.

ceus aimablement , ayant suivi en cella son royal naturel ,• qui ne peut estre corrompu par le» malignes persuasions de ceux qui, par tous moyens, essayent de l'exciter contre ceste princesse prisonnière.

Je m'asseure que le Sr de La Chastre sera , à ceste heure, arrivé par delà, et que sa charge aura grandement aydé à disposer bien toutes choses entre nous, ainsi que je le désire.

Au demeurant , je vous diray comme je suis attandant les députés de mon cousin , le Prince de Condé , qui arriveront, comme j'espère, dans le xxvjc ou xxvije de ce mois. Et sur ce, je prie Dieu, Monsieur de La Mothe Fénélon, qu'il vous ait en sa saincte et digne garde.

Escript à Paris, le xxrve jour de mars 4575.