A QUELQUES VILLES DE LANGUEDOC

Chers et bien amez, Si nous n'estions si accoustumez que nous, sommes à surmonter par la vérité de nos actions et fassistance de nos bons subjects les impostures et artifices ordinaires des ennemys de nostre Couronne , nous prendrions plus d'alarmes qu'en vérité nous ne pouvons faire des calomnies et detraclions inventées et publiées de . nouveau par le duc de Joyeuse et ses adherens, pour colorer l'usurpation qu'ils ont nagueres faicte de l'auctorité du parlement et de la liberté des habitans de nostre ville de Thoulouse. Mais comme Dieu nous a faict la grâce de descouvrir et faire congnoistre à un chacun la fin à laquelle tendoient telles inventions, nous vous exhorterons et prierons seulement de croire que, si nous eussions voulu accorder au dict duc ce qu'il nous a faict demander pour establir sa maison, au préjudice d'autruy et de nostre service , il n'auroit feinct entreprise contre sa personne ni figuré la perte de la religion catholique , comme il s'est efforcé de faire par plusieurs mensonges dont il a rempli les lettres qu'il a escriptes à aulcunes villes de par delà depuis sa rébellion, pour les envelopper en icelle. Mais il a eu crainte que, sur l'arrivée de par delà de nostre amé et féal le s"" de Vie, conseiller en nostre conseil d'Estat, les officiers et habitans de nostre dicte ville de Thoulouse prissent resolution de nous reconnoistre et obéir, recevans satisfaction et contentement des provisions desquelles nous l'avons chargé pour conserver nostre religion et les faire jouir de leurs libertés, privilèges et franchises, ensemble les aultres villes qui attendoient nostre volonté par iceluy, sans s'opiniastrer pour ses affaires particulières, selon son désir, se deffiant d'en obtenir de nous l'accomplissement entier tel qu'il nous l'avoit faict proposer, à cause de l'immoderation d'icelluy et de la bonne

et favorable response que nous avions neanlmoins advisé de luy l'aire' ; il a sur cela chassé de nostre dicte ville les gens de bien qui pouvoient juger de Tun et de l'autre sans passion , et s'efforce de persuader qu'il l'a faict avec raison, ingrat des bons offices que luy et les siens ont receus de ceulx qu'il traicte si indignement à présent, lesquels ont couru toutes sortes de fortunes pour eux et l'ont mesme tiré du couvent, se confiant en sa simplicité et droicture simulée, qui a despuis produit des effects indignes des vœux qu'ils avoient faicts. Or combien que nous estimions que vous ne serés si mal conseillez que de quitter vostre Roy, la vérité et vostre propre salut, pour espouser les misères et passions qui sont inséparables de telles gens, neantmoins nous avons bien voulu vous prier de ne vous y laisser circonvenir, mais plustost nous ayder à les ranger k la raison pour obvier aux calamitez et désolations que leur contumace apportera au pays, vous asseurans que nul ne nous peut devancer en zelle pour la conservation de la religion catholique, apostolique et romaine , de laquelle Dieu nous a faict la grâce de faire profession, en intention-^l'y vivre et mourir, comme nous espérons que chacun cognoistra par nos actions mesmes , au contentement de Nostre Sainct Père le Pape, lequel, usant de sa bonté et charité accoustumées, a de nouveau permis et faict sçavoir aux Capucins, Minimes et aultres religieux obligez par vœu de préférer ses commandemens à tous autres, de prier Dieu pour nosti'e prospérité et santé et pour le bien de nos affaires, comme nous ont fraichement signifié et faict sçavoir les religieux des dicts ordres, dans lesquels, si le dict duc se fust maintenu et conservé comme il estoit obligé de faire-, il n'auroit de présent doubté de la bonne intention en nostre endroict de Sa Saincteté, comme il s'efforce d'en faire doubter nos subjects trop malicieusement; dont nous ne doublons point que Dieu ne le punisse, à la confusion de tous ceulx qui l'assistent en ses desseings, qui ne tendent qu'à livrer nos villes aux ennemys de ceste Couronne , pour captiver la liberté de nos subjects, les investir de leurs biens et assouvir leurs

Il obtint un million et le bâton de ^ Voyez ci-dessus, page 229,1a note sur

maréchal. ce duc de Joyeuse, ie capucin.

passions. A quoy nous espérons que Dieu nous Icra la grâce de remeddier avec l'ayde de tous nos bons subjects, que nous exhortons, à ceste cause, de nous assister et servir en ceste occasion avec toute fidélité, diligence et affection : et nous vous prometterons de le recognoistre à vostre soulagement. Donné à Fontainebleau, le dernier jour d'apvi^il 1 596.

HENRY

[ 1595. J — 3o AVRIL. -11"^

Orig. — Musée britannique, biblioth. Cottonienne , Caligula , E. X, foi. 4ii. Transcription de

M. Delpit.