PAR LE PAPE
Nostre amé et féal, Les ennemys de nostre Couronne ayans entreprins l'invasion d'icelle devant le trépas du feu Roy, nostre très honoré seigneur et frère, ont tousjours despuis poursuivy si chaudement leurs ambitieux desseings, qu'ils ne nous ont pas quasy donné le loisir de respirer : de sorte que si Dieu, nostre unique et souverain protecteur, ne nous eust assisté si favorablement qu'il luy a pieu faire par sa saincte grâce, ensemble nos bons et loyaux subjects, dont la
' Nous donnons cette circulaire d'après II fut conseiller au parlement de Bordeaux,
l'exemplaire adressé à Gilles de Noailles, maître des requêtes, conseiller d'état, am-
évéque de Dax , sixième fils de Louis de bassadeur en Angleterre , en Ecosse et en
Noailles et de Catherine de Pierre-Bussière. Pologne. Il mourut en 1600.
mémoire nous sera éternelle, nous estions en danger de succomber sous le faix de leurs conspirations et aultres inventions, avec lesquelles ils nous ont plus travaillé quavec leurs forces, encores qu'elles ayenl esté très grandes. Mais, comme ceulx qui combattent pour la justice doibvent tout attendre de sa divine bonté, c'a tousjours esté aussy le principal et plus utile fondement sur lequel nous ayons basty nos espérances , dont nous avons véritablement recueilly tant de sortes de bénédictions et advantages, que l'exemple n'en sera rrioins admirable à la postérité qu'en est à nous-mesmes incompréhensible la fruiction, accompagnée d'une obligation et gratitude immortelle : entre lesquelles grâces, comme nous faisons tenir le premier lieu à celle que son Sainct-Esprit nous a donnée, parmy tant d'espines, de la Foy catholique , apostolique et romaine , par le moyen de laquelle nous avons esté receus et incorporez en son Eglise très saincte, nous prisons, et faisons marcher après, celle cpie nous avons naguère receue de la bénédiction et absolution souveraine, dont il a pieu à Nostre Sainct Père le Pape nous honorer; en laquelle nous pouvons dire aussy que la vertu et pieté de Sa Béatitude s'est surmontée soy-mesme, s'estant monstre non seulement vray vicaire de Jesus-Christ , telle qu'Elle est, mais encore vray père de justice, et protecteur de la France et des âmes affligées; de quoy nous devons, en particulier et tous nos subjects en gênerai, éternelles louanges à Dieu premièrement, qui a fortifié Sa Saincteté en ceste action, pleine de pieté et de prudence, et secondement à la personne de Sa Béatitude , qui a voulu et peu vaincre les difficultez et oppositions infinies avec lesquelles nos dicts ennemys ont incessamment, voire trop inhumainement, traversé la constance et juste poursuicte que chascun sçait que nous en avons faicte, depuis que nous avons esté touchez du sainct désir de nostre conversion , jusques à ce que nous ayons obtenu, pour l'entier repos de nostre ame et le contentement de nos peuples , ceste dernière consolation. De laquelle nous n'eussions tant différé de vous en donner advis, nous en conjouir avec vous, et vous prier "d'en faire rendre grâces à Dieu en vostre église et en toutes celles de vostre diocèse, par pro-
cessions générales, et aultres oraisons et prières (ainsy que vous adviserés estre pour le mieux, comme nous vous prions maintenant de faire, à la réception de la présente), si nos dicts ennemys, redouLlans leur rage accoustumée contre nous et nostre Royaume , ne nous en eussent divertys, nous contraignans d'accoiurir en ces frontières, où nous avons esté despuis continuellement bandez et occupez à nous opposer à leurs attentats, desquels elles n'avoient que trop senty la rigueur durant nostre esloignement , à nostre très grand regret. Mais nous vous prions de recompenser ce retardement par la mortification et chaleur de vos prières , pour les rendre d'autant plus dignes d'un don si précieux qu'est celuy qui se présente; pour lequel, oultre la considération de nostre royale personne et la tranquillité des consciences de nos subjects, qui n'estoient encores satisfaicts, nous voyons ce Royaume reconcilié avec le Sainct Siège , et en chemin de recouvrer, par la grâce de Dieu et par le moyen d'icelle , son ancienne et première grandeur et force; car nous espérons que ceste source de bénédictions en produira tant d'aultres , que nous atteindrons à ce but auquel nous avons tousjours aspiré et travaillé, sans espargner nostre sang : comme nous vous prions aussy que ce soit celuy plus que jamais de vos vœux et sacrifices, après la gloire de Dieu. Donné au camp de Traversy, prés la Fere, le xxij® jour de novembre lÔgÔ.
Orig. — Archives royales de Bavière. Copie transmise par M. ie ministre de France à Munich.
