ÉLECTEUR DU SAINCT EMPIRE

Mon Cousin, J'ay sceu du s' de Sancy, conseiller en mon conseil d'Estat, à son retom- auprès de moy, vostre bonne disposition; dont

' Frédéric IV, qui eut pour tuteur le lisabeth de Hesse. Il avait succédé à son prince Casimir son oncle, était fils de père en l'année 1 583, et il mourut le g sep- Louis VI, comte palatin du Rhin, etd'E- tembre i6io

j'ay receu tout contentement, pour la parfaicte amitié que je vous porte et les bons effects que je continue à recevoir de la vostre, que je chéris grandement, et dont il me deplaist n'avoir à présent plus de moyen de vous rendre meilleur tesmoignage. J'avois envoyé par delà le dict s"" de Sancy exprés pour cest eiïect, et mesme pour vous donner contentement et à mes aultres amys , sur les affaires de l'evesclié de Strasbourg, comme vous sçavés qu'il avoit bien commencé, ayant obtenu du duc de Lorraine et du cardinal son fils, que le fort de Benfelt seroit du tout desmantelé; mais comme les hommes sont sul^jects à changer d'advis, selon le temps et les accidens qui naissent, celuy qui advint à Dourlens, estant encores le dict s"" de Sancy par delà (lequel a esté depuis suivy de plusieurs aultres plus fascheux et dommageables pour moy , et par conséquent pour mes amys ) l'ont empesché , ou du moins différé l'exécution entière du dict desmantellement, à mon très grand regret. J'ay esté contrainct aussy appeller auprès de moy le dict s"" de Sancy et le régiment de lansquenets levé avec vostre aide , encore qu'il eust esté destiné ailleurs , ayant cru que vous et mes amys n'auriés que bien agréable que je m'en servisse en ceste nécessité, puisqu'elle me pressoit le plus; et comme mes ennemys sentant ma venue m'ont quitté la campagne, de sorte que j'ay assiégé ceste ville de la Fere, où je me retrouve de présent, laquelle, pour estre fort advancée dedans mon Royaume , m'importe merveilleusement , j'espère aussy regagner avec le temps et l'assistance de mes bons amys les advantages que mon esloignement de ceste province a donné moyen et hardiesse à mes dicts ennemys d'y acquérir sur moy ; pour après reprendre , s'il est possible , les erres de nos premiers desseings. Mais, d'autant qu'ils ont de présent tourné toute leur puissance de ce costé , où s'achemine encore le cardinal Albert d'Aus- Iriche, il est nécessaire aussy que je m'y fortifie le plus qu'il me sera possible , mesmement sur l'armée du dict cardinal et des forces nouvelles qui le suivent; au moyen de quoy je vous prie trouver bon que j'y retienne encore le dict régiment 'de lansquenetz, et ne laisser pour cela, non seulement de fournir les ving mille florins, pour l'en-

/i62 LETTRES MISSIVES

tretenement d'iceluy, que vous m'avés promis, jàçoit que le dicl fort de Benfelt ne soit du tout desmanlelé, mais aussy tant faire pour moy, mon Cousin, que d'y adjousler encores dix mil pour faire jusqu'à trente mil en tout, sans quoy il m'est impossible, en Testât où je me retrouve, de retenir le dict régiment, duquel si j'estois abandonné, je serois grandement afibibly; et vous m'obligerés de plus en plus à vous aimer et rendre la pareille, quand l'occasion s'en présentera, comme je vous prie croire que je feray de bon cœur. Je vous prie aussy de vous employer envers les aultres princes, nos amys, ([ui ont interest en ceste cause, à ce qu'ils facent le semblable de leur part; car leur conservation est si conjoincte au bien de mes affaires et de mon Royaume, que je ne puis avoir mal qu'ils ne s'en ressentent, et vous plus que nul aultre, pour estre l'inimitié que le roy d'Espagne vous porte et à vostre maison , passée si avant que d'avoir voulu obliger les siens par son testament d'en pourchasser la ruine, laquelle vous ne pouvés mieux empescher qu'en favorisant mes affaires et m'aidant à luy faire la guerre ; car tant que ce Royaume la luy continuera et s'opposera à ses desseings , luy ny les siens ne vous peuvent nuire; chose que il luy seroit facile de faire aultrement, comme vous pouvés bien juger. Au moyen de quoy, je vous prie faire tant pour moy et pour vous , que de entretenir encores auprès de moy le dict régiment toute l'année prochaine , et faire que nos dicts amys y contribuent aussy, et je vous promets de m'en revancher, et qu'il ne se présentera jamais occasion que vous ayés besoing de moy et des forces de mon Royaimie, que je ne vous en secoure à vostre contentement, mon Cousin, comme j'ay commandé au s' de Bongars vous faire plus amplement entendre de ma part, vous baillant la présente. Je prie Dieu, mon Cousin, qu'il vous ayt en sa saincte et digne garde. Escript au camp devant la Fere, le xxnj^ jour de novembre i ôgÔ.

[ 1595. ] 2k NOVEMBRE. — I""'.

Orig. — Archives royales de Stullgard. Copie transmise par M. Duvernois de Besançon.