GOUVERNEUR ET MON LIEUCTENANT GENERAL EN BOURGOGNE

Mon Cousin, Je vous fais entendre par aultre lettre ma volunté sur le différend intervenu entre le baron de Senecey et le s' de Tavannes. Celle-cy est pour respondre à la vostre, par laquelle me donnés advis du progrés du cardinal d'Austriche, dont j'ay esté bien ayse d'estre adverty particulièrement, comme vous faictes par vostre dicte lettre, ayant fort agréable que vous ayés faict advancer les gens de pied et la cavalierie que vous amenés en mon armée. Mais il est besoing que les suivies de prés , pour les employer à la seureté des villes de la frontière de Champaigne et aultres effects desquels vous pouvés seul prendre l'occasion. Quant aux desseings du dict cardinal et à l'inclination qu'il peut avoir à la paix ou à la guerre, quand il s'approchera de ceste frontière, nous verrons, mon Cousin, ce qu'il aura sur le cœur, estant bien ayse qu'il n'ayt voulu accepter les offres de la fortune. Je vous ay mandé par ma dernière comme j'ay renvoyé

l'ambassadeur de Savoy e, et vous ay donné advis de ce que j'ay faict

traicteravec luy. Je crois que vous aurés faict, de vostre part, ce qui

est requis pour la continuation de la trefve de Bresse, suivant ce que

je vous ay escript par mes précédentes, estant à propos que le baron

de Lux aille sur les lieux pour la faire observer. Le président '

depputé du duc de Savoye , m'a promis , quand il est party d'auprès de

moy, que son maistre ne feroit la guerre à ceulx de Genève, l'ayant

asseuré que s'il l'entreprenoit, je les assisterois, comme je vous

prie de faire s'ils en ont besoing, au cas que le dict duc de Savoye

leur face la guerre; dont je vous prie advertir ceulx du dict Genève,

et les asseurer qu'ils ne manqueront de secours. Vous ferés entendre

sur ce ma volunté au dict baron de Senecey, avant vostre partement,

affin qu'il les assiste en tout ce qu'il pourra, s'ils en ont besoing. Je

vous envoyé les lettres adressantes aux cappitaines de gendarmes,

pour venir avec vous et amener leurs compaignées. Mais je vous

prie, mon Cousin, que cela ne vous retarde; car je désire, suivant ce

que je vous ay escript, que me veniés treuver incontinent. Je treuve

bon que vous preniés le chemin droit à Mouzon, pour joindre les

forces qu'avés faict advancer, costoyant l'armée de mes ennemys. Ceulx

de la Fere commencent à avoir de la nécessité , et espère les presser

encore davantage dans trois ou quatre jours , que je feray arrester le

cours de la rivière. En attendant de vos nouvelles par le retour du

courrier que je vous ay envoyé, je prieray Dieu qu'il vous ayt, mon

Cousin, en sa saincte garde. De Folembray, le xvij^jour de janvier

HRNRY.

POTÎER.

Le nom est resté en blanc dans Toriginal

Imprimé. — Les Corses français , par I'Hermite-Souliers. Pans, 1667, in-8°, p. 67.