A MON COUSIN LE S"^ D'ORNANO
MARESCHAL DE FRANCE ET MON LIEUTENANT GENERAL EN MON PAYS DE DAULPHINÉ.
Mon Cousin, Ce n'a pas esté pour ne m'eslre bien souvenu de la promesse que je vous ay faicte, ou en avoir mis Teffect en aulcune dispute, que je ne vous ay envoyé plus tost ceste depesche pour vous mettre en possession de la charge de mareschal de France, dont je vous ay cy-devant pourveu; laquelle estoit preste et résolue il y a longtemps, n'estoit que j'estois, de jour à aultre, attendant les depputez que l'on m'a dict qui viennent icy de la part des Estats de Daulphiné, et que je voulois, par un aultre voyage, vous pouvoir dire quelque chose de la resolution que j'aurois prise de leurs propositions. Mais puisqu'ils ne sont point encore arrivez, je n'ay pas voulu différer davantage à vous envoyer vostre expédition, qui est la dispense de vostre serment pour un an, avec ordonnance d'exercer vostre dicte charge dés à présent; qui est l'effect de ma dicte promesse, estant fort content de la discrétion que vous m'avés tenue, pour accomplir celle que vous m'avés faicte de ne publier point vostre dict pouvoir sans en avoir ma permission. J'ay au reste ouy ce porteur sur la créance que vous luy avés donnée; mesme sur le faict du comte de la Roche, auquel, suivant vostre advis, je me suis résolu de luy accorder ce que vous m'avés faict entendre qu'il désire; et renvoyé le dict porteur avec les depesches qui sont pour ce nécessaires, pour se conduire en cela selon et ainsy que vous luy ordonnerés. Il fault que de vostre part vous pourvoyés à luy faire payer ce qui luy est deub d'estat et appointemens , tant de luy que de ses cappitaines , et aussy à luy augmenter sa garnison jusques à deux cens hommes de pied, et luy entretenir sa compagnie de gens d'armes; dont je vous fais une depesche que vous pourrés montrer à ceulx des Estats et aultres qu'il sera besoing. Mais je n'aurois pas plaisir
qu'après toutes ces asseurances , le dict comte de la Pioche en denieurast sur ses incertitudes ordinaires. Il fault, s'il accepte ce que je hiy envoyé , qu'il me vienne incontinent trouver, et face déclaration certaine de sa volonté. Ce que je m'asseure que vous sçaurés manier de sorte qu'il n'en succédera que bien; ce qui me gardera de vous faire icy un plus long propos, me remettant de ce que j'auray k vous dire de surplus sur la créance de ce dict porteur : priant Dieu, mon Cousin, vous avoir en sa saincte garde, Escript à Folembray, le xx^ janvier 1 696.
HENRY
FORGET
Orig. — Arch. de M. te marquis de Bourdeiile.
A MONS« DE BOURDEILLE
CAPPITAINE DE CINQUANTE HOMMES D'ARMES DE MES ORDONNANCES , SENESCHAL ET GOUVERNEUR DE MON PAYS DE PERIGORD.
Mons"^ de Bourdeiile , J'ay veu par vostre depesche , et entendu encore plus particulièrement par ce porteur. Testât de mon pays de Perigord, et comme les factions n'y sont pas encore du tout esteintes. J'escris à mon cousin le mareschal de Matignon de prendre par là le chemin de son retour de Rouergue , mesme y donner quelque temps de séjour, pour, avec vostre advis et assistance, pourveoir à faire cesser les dictes pratiques, qui viennent plus des animositez d'aulcuns particuliers qu'à mon advis d'aultre cause générale. Toutesfois il est bien nécessaire d'y avoir tousjours les yeux ouverts, comme je vous prie de faire, et doresnavant faire vostre principal séjour en la ville de Perigueux. Il faut aussy observer ce qui se fera en Angoulmois et Xainctonge, où j'ay envoyé mon cousin le duc de la Trimouille, avec lequel je vous prie d'avoir bonne correspondance, comme je luy ay ordonné de la rechercher avec vous. J'ay aussy entendu de ce porteur comme vous vous estes comporté par delà sur la suslevation qui s'estoit faicte d'aulcuns du plat pays, dont j'ay contentement;
ayant au reste remis à mon conseil pour vous eslre pourveu sur les advances que pouvés avoir faictes par delà pour mon service; et pour vous aider à supporter la despense que vous y faictes en vostre particulier, je vous ay faict don de la somme de un cens escuz sur les deniers qui peuvent estre entre les mains du syndic, ainsy cpie ce dict porteur me l'a demandé. J'espère que Dieu mettra quelque fin à ces misères, et me donnera meilleur moyen que je n'ay encore de recognoistre mes serviteurs; entre lesquels vous ne serés pas oublié. J'ay remis le reste de ce que j'avois encore icy à vous dire à la créance de ce dict porteur, duquel vous sçaurés aussy ce qui se passe par deçà : qui me gardera de vous faire icy plus long propos. Sur ce je prie Dieu, Mons*" de Bourdeille, qu'il vous ayt en sa saincte garde. Escript au camp de Folambray, le xxnij^jour de janvier 1696.
HENRY
FORGET
Orig. — Arch. de M. le baron de Bernon, à la Guillemaudière, en Vendée.
