I.ETÏIU:S DE HENRI l\. I\. 8t

soit bien lost mis en hesongne , puisque c est chose que nous avons résolue. Ayés en mémoire donques, mon Cousin, conmie de faire depescher Tevesque d'Evreux et le s"^ Virginio Ursiii , avec les s" de Keau\ et de Buzanval ; me donnant advis du temps qu'ils pourront parlii', aiïin que je lace laire leurs depesches. Je renvoyé par delà la Bastide, pour celle d'Auvergne, dont il vous rendra si bon compte que je ne vous en feray redite. Mais il me semble, mon Cousin, que ce seroit une despense fort superlKie et inutile que d'entretenir vingt, hommes dans la citadelle de S-Denys, car les Suisses font la garde y la ville, et n'estime pas qu'il en puisse arriver faulte, nos affaires estant en Testât qu'elles sont. Je m'attens de voir bientost le s"^ de Vicq, au(juel j'en diray mon advis.

Je vous envoyé une lettre du s' de 8 -Luc, par laquelle vous verres en quel estât sont les affaires de son costé- et ce dont il a besoing, tant pour l'artillerie que pour les vivres, et principalement pour recouvrer des avoines; dont je vous prie conférer avecie s' d'Incarville, affin de trouver moyen d'y pourveoir; car si les gens de cheval n'ont de quoy nourrir leurs chevaulx, ils ne serviront pas, et toutesfois en ealx consiste nia principale force. Commandés doncques qu'il y soil {)ourveu, je vous prie, comme je fais Nostre Seigneur, mon Cousin, qu'il vous ayt en sa saincte gaide. Escript à Mondidier, ce x\uf jour

de mars 1097, au soi).

HENRY

DE NELFVII.LE.

1597. - 19 MARS.— l'«.

Orig. — Arch. du canlon de Soleure. Envoi de M. l'ambassadeur de France en Suisse.

A NOS TRES CHERS ET GRANDS A MIS , ALLIEZ ET CONFEDEREZ , LES ADVOYERS ET CONSEIL DE LA VILLE ET CA^^ON DE SOLEURE.

Très chers et grands amys, alliez et confederez, Nous avons jeceu avec beaucoup de satisfaction et contentement les nouvelles ofhes et

'En Bretagne.

déclarations de voslre bonne volonté, que vous nous avés faictes, tant par vos dernières letties que par ce que le cappitaine Preda, vostre deppulé, nous a représenté de vostre part, par la bienveillance réciproque de vostre endroict, et que nous n'avons rien plus à cœur que de recognoistre envers vous les bons offices que nous en avons tousjours receus, tant en vostre part que par l'assistance de vos gens de guerre; portant un extresme regret de ce que les grandes et excessives despenses ([ue nous avons à supporter pour la deffense de nostre Couronne nous ont empesché de satisfaire plus tost à ce qui est de vos censés. Mais il n'y aura plus de faulte, Dieu aydant, y ayant faicl establir un bon ordre pour l'advenir. Ce pendant nous avons faict pourveoir à vous faire fournir à Lyon deux advances de vos dictes censés; et le surplus des arreraiges d'icelles vous sera acquicté dans ceste année, et le capital des soixante douze mil escuz dans quatre années suivantes; à iaulte de quoy vous pouvés faire poursuivie et saisir sur la douane de Lyon, suivant la teneur de l'obligation qui vous a esté passée, laquelle, autant que besoing sera, nous vous avons confirmée, et vous permettons de faire, en sorte que vous n'en serés plus cyaprés en peine. Ces! tout ce que Testât de nos affaires présentes nous a permis de faire pour vostre contentement; dont nous vous prions de vous contenter et croire cju'<à mesure que les moyens nous croistront, vous serés de ceulx qui en auront meilleur part, nous sentans obligez de vous gratifier entre tous aultres pour les preuves particulières que vous nous avés, en toutes occasions, rendues de vostre bonne affection, laquelle nous vous prions de nous continuer, et prendre toute asseurance de la nostre : priant sur cela Dieu qu'il vous ayt. Très chers et grands amys, alliez et confederez, en sa saincte et digne garde. Escript à Montdidier, le xix* jour de mars lôgy.

ilENRY.

FORGET

Imc

1597. 19 MAKS.-II'

Orig. — H. N. Fonds Bélhune, Ms. 9044, fol. 5i. Cop. — B. N. Suppl. fr. Ms. 1009-2.

[AU CONNÉTABLE

Mon Cousin, J'aiTivay hier aiisoirdans cette ville, etvais présentement monter à cheval pour aller conférer avec mon cousin le mareschal de Biron ce que nous avons à faire. Toutes les compagnies de cheval et de pied que j'ay mandées commencent à arriver et s'assembler aux rendésvous que je leur ay donnez ; et touLesfois nous n'avons les commissaires des vivres, ny aulcun moyen d'avoir du pain pour leur donner, de sorte que je crains bien que tout se desbande et rompe à mesure qu'elles arriveionl ; car le pays et les villes sont si pauvres qu'il n'y a moyen d'en rien tirer pour les secourir. 11 y a long-temps que je vous ay escript ceste nécessité, vous priant d'y pourveoir. Vous ni'avés mandé avoir faict im marché pour faire fournir vingt mil pains par jour, sept mois durant. Toutesfois ceulx avec lesquels vous avés traicté ne comparoissans point, je me trouve en peine. Je sçay bien que ceulx de mon conseil avoient donné de l'argent au commissaire des vivres, pour distribuer du pain aux compagnies de l'armée jusques à la fm de ce mois; mais les tirant maintenant des lieux où elles estoient en garnison, je ne trouve personne icy qui veuille respondre de la dicte fourniture ny de la charge des dicts commissaires de vivres. Partant, je vous prie leur commander si expressément de me venir trouver, qu'ils n'y facent point de faulte et ne me facent plus longtemps languir après eulx. Vous ne m'avés aussy envoyé que dix mil escuz pour payer la cavallerie légère qui est aux garnisons, estimant que les deniers revenans-bons de la monstre qui en seroit faicte, pourroient suppléer au deffault de la dicte somme; mais je prevoy que mon arrivée icy nous privera de ce mesnage, d'autant que les dictes compagnies se trouveront complètes; au moyen de quoy je vous prie nous faire tenir encores jusques à trois mil escuz pour le parfaict de la dicte monstre,

en laquelle il fauldra comprendre celle de mon nepveu le comte d'Auvergne. Les regimens de gens de pied de Champagne etPiedmont ne pouvant venir icy, parce que ils sont nécessaires où nous les avons envoyez, il fault par force que je commande aux compagnies qui sont par deçà de faire levu's creues jusques à cent hommes pour enseigne, tant à celles qui doihvent servir en l'armée que aux autres qui demeurent aux garnisons, comme je vous ay desjà faict escrire. C'est pourquoy je vous prie faire augmenter le fonds du payement du troisiesme mois des dictes compagnies de l'armée et des dictes garnisons à la raison susdicte. Envoyés-moy aussy le coUonel Baltazar et ses gens, et pourvoyés au faict de l'artillerie, en diligence, car sans cela nous ne pouvons rien faire.

Le cheval du s"^ de S -Luc s'estant abattu sur luy, allant à la ville, il s'est desnoué la jambe, dont je suis en grande peine, et chose qui m'est arrivée très-mal à propos, car il me fera faulte auprès de mon cousin le comte de S'-Paul, mais il n'y a point de remède.

Je vous prie me mander aussy quelle resolution vous avés prise

pour payer la gendarmerie et m'esclaircir de toutes choses par vos

premières, car je suis en peine de n'avoir aucune response à tout ce

que je vous ay escript. Souvenés-vous aussy de faire advancer en çà

toutes les compagnies de cheval et de pied qui sont en la Beausse et

ailleurs, et faire apporter l'argent pour payer la compagnie d'Alba-

nois de Splandien ' , qui est icy seuUe auprès de moy : priant Dieu,

mon Cousin, qu'il vous ayt en sa saincte garde. Escript à Mondidier,

le xix*^ jour de mars i 597.

HENRY

DE NEUFVILLE

' Splandian , l'aîné des bâtards de Mont- tragues et du Hallier, viguicr d'Avignon et morency, était fils du connétable et de Ca- élu député de la noblesse du couUat Vetherine du Castellet. Il fut seigneur d'En naissin en i6A5, année de sa mort.

1597.— 19 MARS.-IIK.

Orig. autographe. — B. i\. Fonds Bétliune , Ms. 9044, fol. 46. Cop. — B. N. Suppl. fr. Ms. 1009-2.

[AU CONNÉTABLE

...Mon Cousin, J'ay receu vostre lettre du x.vj^ de ce mois, et vous remercie de la peine que vous prenés à faire pourveoir à nos nécessitez, qui se font sentir encores davantage icy que là où vous estes; car, mon Cousin, vous sçavés que sans argent, sans pain et sans canons et munitions de guerre, il est difficile de conserver une armée ny d'en tirer service. J'en suis là reduict, et toutesfois logé en im pays si aflligé et destruict, qu'il faict compassion à ceulx. qui en ont le moins. J'ay sceu l'ordre que vous avés commencé à y donner, ayant conclu vostre marclié avec les munitionnaires pour la fourniture du pain, qui sera un très grand souUagement. Mais faictes-les venir au plus tost,et les advertissés de dresser leur magasin en deux lieux, l'un vers Corbye et l'autre à Abbeville, car je fais estât d'assembler mes forces en deux endroicts, principalement à ce commencement. Je vous prie aussy de faire advancer Baltazar et ses gens , puisque vous les avés contentez , et donner moyen au s"^ de Bor de redresser nostre equippage d'artilierie , et pourveoir d'heure au payement du troisiesme mois de mon armée et de nos garnisons, où il fault par nécessité que je permette les recrus, tirant les compagnies de l'armée; aultrement elles demeureroient trop foibles et en péril. On me mande qu'il n'y a de quoy y Dourveoir, mais il vault mieux manger nostre bled en vert sur les efforts qu'il fault que je face présentement, que de perdre mes aultres villes comme nous avons faict celle d'Amiens. Partant je vous prie y avoir esgard et donner ordre aussy au payement delà cavalerie légère, pour le parfaict duquel il fault encores trois mil escuz, comme je vous ay escript. Mandés-moy particulièrement quel estât vous avés faict pour la gendarmerie, et vous souvenés de mander partout que l'on face apporter en ce pays des avoines par la rivière de Somme et par celle

d'Oise, car je preveoy que nous en aurons grande disette, de sorte qu'il sera impossible de nouriir les chevaux, ayant mesme l'argent en la main. Mes gardes aussy me veulent abandonner, faulte de payement, en somme tout nous mancque, et si je ne suis secouru, il faudra que j'abandonne tout. Je sçay que vous y faictes tout ce que vouspouvés avec mes serviteurs que j'ay laissez en mon conseil, mais il fault faire des eflorts extraordinaires pour avoir revanche de nostre misérable perte, dont je ne perds l'espérance si je suis assisté.

Je vous envoyé le double d'une certaine lettre interceptée , escripte par un qui est en la dicte ville, qui doibt avoir charge aux vivres pour les ennemys, par laquelle vous verres comme les habitans sont traictez et en quel estât est la ville. Vous la monstrerés à ceux de mon conseil, et puis vous la supprimerés. Je vous envoyé aussy une lettre pour mon cousin le cardinal de Florence, laquelle je vous prie luy envoyer par le s*" de Bellievre, si vous n'y pouvés aller, et faire sur icelle les offices que vous jugerés convenables au mérite d'icelluy. Je n'ay encores voulu mander mon advis à la coiul de Parlement ny au premier président sur leurs belles déclamations, parce que il me semble que mes œuvres leur doivent nieshuy dessiller les yeux et desmentir ceulx qui se preignent à moy de leurs maux, desquels ils ne discourroient si à leur ayse qu'ils font, si j'eusse attendu à bien faire qu'ils le m'eussent conseillé et n'eusse esté assisté d'autres que d'eulx. Je ne me plains pas tant des fols ou insolens connue je fais des chefs, qui sont plus sages et mieux informez des alfaires, ou le doibvent estre, que les aultres, d'avoir permis que l'on ayt passé si avant que l'on a faict ; car telles délibérations tumultuaires sont indignes de juges ordonnez pour punir les tumultes et séditions, et scandalisent plus qu'ils n'ediffient ceux qui les voyent, comme je m'asseure que vous n'avés oublié leur remonstrer. Mais quand je sçauray plus particulièrement quelle en aura esté la lin , je leur en manderay ce qu'il m'en semble. Cependant il ne sera que bien à propos qu'ils saichent de vous, mon Cousin, que je ne suis content de ce qui s'est passé, et que si Tappichension du péril ou du mal publicq en a des-

voyé aucuns, je sçauray bien les redresser dedans le droicl chemin de

la révérence et de l'obeïssance qui me doiht estre portée, quand j'en

seray adverty.

Souvenés-vous aussy de faire depescher le s' Verginio Orsin, ayant

faici escrire au s'^ de Maisse qu'il suive la resolution que vous avés

prise avec luy sur ce qu'il vous a proposé : priant Dieu, mon Cousin,

qu'il vous tienne en sa très saincte garde. Escript à Mondidier, ce

XIX* jour de mars 1^9 -y.

HENRY

DE NEUFVILl.E.

1597. 19 MARS. — ÏV'"^

Orig. — B. N. Fonds Béthune, Ms. 9044, fol. 54. Cop. — B. N. Suppl. fr. Ms. 1009-2.

[AU CONNÉTABLE

Mon Cousin, Je vous escris ceste lettre en faveur de mon cousin le prince de Conty, qui m'a envoyé icy un des siens pour se plaindre du mauvais traictement qu'il dict recevoir de ceulx du conseil de mes finances, qui luy desnient de luy faire payer comptant deux mil escuz qui luy sont deubs du reste de sa pension de l'année dernière, ou quelque autre somme par advance sur celle qui luy doibt estre payée en l'année présente, laquelle j'ay reduicte à douze mil escuz, sur les deniers tant ordinaires qu'extraordinaires, m'estant réservé de luy faire payer les huict mil escuz restans sur les premiers moyens extraordinaires qui se présenteront pendant le courant de ceste année : et par ce que j'ay commandé à mon dict cousin de me suivre en ceste province, et que je sçay bien qu'il ne le peut faire sans moyens, je vous prie adviser à ce qu'il soit traicté le plus favorablement que faire se pourra et qu'il n'ayt occasion de me faire nouvelle plaincte; car sa demande estant juste et raisonnable, je me promets que chacun y apportera la facilité que je désire, et que mon dicl cousin aura occasion de demourer content du traictement qu'il recevra de vous et de

ceulx de mon dict conseil. Je le vous recommande doncques, car c'est

chose que j'ay très à cœur : et prie Dieu, mon Cousin, qu'il vous ayt

en sa tres-saincte et digne garde. Escript à Mondidier, le xix® jour de

mars 1697.

rme

Orig. — B. N. Fonds Béthune, Ms. 9044, fol. ^9. Cop. — Suppl. fr. Ms. 1009-2.

[AU CONNÉTABLE

Mon Cousin , J'ay jugé estre à propos pour mon service d'envoyer en Auvergne et en Rouergue le s"^ de Rocquelaure , pour prendre possession de la charge que je luy ay donnée aux dicts pays et me faire service en plusieurs occasions qui s'y olTrent, où je sçay que sa présence me sera très-utile et aux dicts pays. Au moyen de quoy, je vous prie de commander aux s"^ de Gesvres et de Fresnes luy bailler les depesches nécessaires pour faire ce voyage, et qu'elles soyent promptement et favorablement expédiées, affin qu'il parte tant plus tost et qu'il me serve aussy plus utilement, car je désire qu'il me revienne trouver dedans le mois de juillet avec sa compaignie de gens d'armes, au payement de laquelle je vous prie aussy vous souvenir de faire pourveoir, m'asseurant qu'il la me amènera bonne. J'escris au s' de Fresnes qu'il luy baille la commission pour faire assembler les estais de Rouergue en la ville de Rhodez , encores qu'ils ayent acoustumé d'estre tenus à Villefranche qui est ville royale, au lieu que l'autre est episcopale. Mais il n'est raisonnable les convocquer aii dict Villefranche, que les habitans ne soient purgez de la mort de Sanneusan, et que semble que peu après celle-cy il sera plus à propos pour mon service de les tenir en l'aultre qu'ailleurs , pour y faire tousjours recognoistre davantage mon auctorité et affermir les habitans en lem' debvoir. Doncques commandés-en les depesches nécessaires. Faictes aussy ouïr les depputez du hault pays d'Auvergne , qui sont à la suite

de mon conseil il y a long-temps, et tenés la main que leurs cahiers

soyent respondus le plus favorablement que vous le pourrés, tant

pom* les recompenser aucunement du temps qu'ils ont perdu en leur

poursuicte , que pour donner plus de moyen au dict s"^ de Rocquelaure

d'estre mieux venu, receu et obey pour mon service au dict pays,

comme je désire qu'il soit : et je prieray Dieu, mon Cousin, qu'il

vous ayt en sa très saincte et digne garde. Escript à Mondidier, ce

xix^jour de mars 1597.

HENRY

DE NEUFVILLE

Orig. autographe. — B. N. Fonds Béthune, Ms. 9067, fol. 21.

A MON COMPERE LE CONNECTABLE DE FRANCE

Mon compère, Oultre la lettre générale que je fais à ceulx de mon conseil pour expédier la certification de soixante mil escuz que j'ay ordonnez pour le voyage du cappitaine la Villodoré, je vous en ay bien voulu particulièrement faire ce mot pour vous prier de tenir la main et commander la dicte certification estre promptement expédiée, à ce que le dict la Villodoré puisse partir comme je le luy ay commandé. J'estime autant de ce voyage que de nul autre. Ceste-cy n'est à autre fin; car par M. de Roquelaure, qui part ce matin, vous sçaurés de mes nouvelles. A Dieu, mon compère. Ce xx""^ mars, à Mont-

didier.

HENRY

Orig. — B. N. Fonds BéUiune, Ms. 9044, fol. 60. Cop. — Suppl. fr. Ms. 1009-2.

Mon Cousin, Je vous renvoyé Mainvllle, par lequel j'ay receu les lettres que vous m'aviés escriptes, comme j'ay fa i et la précédente. Je sçay en vérité que vous faictes tout ce que vous pouvés avec mes bons serviteurs pour me secoiu'ir. Je fais aussy ce que je puis par deçà pour relever nos affaires, tombées parla faulte d'aultres que de moy, et fault que nous prenions tous courage et facions, comme Ton dict, de nécessité vertu. Nos ennemys ont des nécessitez aussy bien que nous, et sans ce dernier malheur ils seroient peut-estre plus empeschez que nous. Ils sont foibles d'hommes; encores une partie de leurs Espaignols leur est inutile, parce qu'ils sont mutinez et ne peuvent estre renforcez de trois ou quatre mois. C'est pourquoy il fault que nous facions un effort dedans ce temps-là qui contraigne la Fortune de tourner son bon visage de nostre costé, s'il est possible, affm de pouvoir avec honneur prendre tels conseils que nous jugerons estre à propos pour le salut de l'Estat; car tous ceulx qui se prennent par nécessité engendrent plustost un mespris qu'ils ne proufictent au public. Il fault, pour ce faire, que chacun donne son travail, ses gaiges et ses pensions au pubhc, comme je suis prest à faire de mon costé. Partant, advisés par delà à ordonner de toutes choses comme vous jugerés estre à faire, pour me secourir en la nécessité présente, trouvant par advance l'argent qu'il nous fault pour soustenir ce fardeau durant ces quatre mois, aflin d'empescher nostre cheute entière; car il est certain que si dedans ce temps-là nous ne faisons quelque efifect qui remette sus nos affaires, nous périrons honteusement. Je sçay, mon Cousin, que vous le cognoissés et appréhendés avec ceulx de mon conseil aussy bien que moy et davantage; que vous faictes tous ensemble ce que vous pouvés pour remédier à ce malheur : aussy je

ne vous escris cecy pour vous exciter davantage à y poun'eoir, mais seulement poiu* vous faire entendre ce que j'en pense et estime qu'il se doibt faire, et vous prie de faire exécuter. Je ne vous escris point les particularitez auxquelles il est nécessaire donner ordre, parce que je les vous ay desjà mandées; et, sy, je ne vous feray la présente plus longue , par ce qu'il fault que je monte à cheval pour faire aujourd'huy unze lieues de chemin. Je prie Dieu, mon Cousin, vous avoir en sa saincte garde. Escript à Bertheul, ce xxj^ mars i 597.

Orig. autographe. — B. N. Fonds Béthune, Ms. 9109, fol. 8. Cop. — B. N. Fonds Fontanieu, Ms. P. 78, fol. 17 recto; et Suppl. fr. Ms. 1009-3.

A MA COUSINE LA DUCHESSE DE NEVERS

Ma Cousine , j'ay commandé à m"" de Rocquelaure de vous voir et

vous dire certaines particularitez desquelles je l'ay chargé; croyés que

vous aimant comme je fais et que vous en devés faire estât, que je ne

vous conseille en cela que ce que je voy et cognoy estre de vostre

bien. C'est pourquoy je me promets que vous vous y conformerés, et

me tesmoignés en cela que vous m'aimes : et remectant le surplus à la

suffisance du dict s"" de Rocquelaure , je ne vous en diray davantage, que

pour vous prier de le crere, et Dieu vous avoir, ma Cousine, en sa

garde. Ce xxij"® mars , à Hangest.

HENRY

Orig. — B. N. Fonds Béthune, Ms. 9044, fol. 64. Cop. — Suppi. fr. Ms. 1009-2.

[AU CONNÉTABLE

Mon Cousin, J'ay esté adverty que cy-devant l'on a apporté à Paris une grande et notable somme de deniers et aultres choses de valeur.

que mes ennemys ont faict cacher en une maison en la dicte ville; dont peu de gens ont cognoissance : sur quoy j'ay advisé d'envoyer mes lettres patentes de commission à un des conseillers de ma court de Parlement , pour s'en saisir de ma part et m'en servir aux affaires de la guerre , où j'en ay tant de besoing. Je fay ce mot pour vous prier ne faillir, incontinent la présente receue, d'advertir m"^ le Chancelier qu'il ne face difliculté de sceller la dicte commission, et vous d'assister de vostre bon conseil et de telles forces qu'il sera besoing le commissaire pour l'exécution de ma volonté , sans vous arrester aux empeschemens que l'on y vouldroit apporter, comme chose où il va tant de mon service et du bien de mes affaires. M'asseurant que n'y ferés faulte, ne vous feray la présente plus longue, que pour prier Dieu vous avoir, mon Cousin, en sa saincte garde. Escript à Picqui-

gny, en haste, le xxiij'^ mars iSgy.

HENRY

DE NEUFVILLE

Orig. — B. N. Fonds Béthune, Ms. 9044, foi. 72. Cop. — B. N. Suppl. fr. Ms. lOO'J-2.

[AU CONNÉTABLE

Mon Cousin, Les commissaires et munitionnaires des vivres sont arrivez icy avec Escures, très à propos pour me soulager et servir aux occasions qui se présentent; mais je vous prie de faire advancer Baltazart avec ses gens, dont je n'ay encores aucimes nouvelles. J'ay enfin faict faire la monstre à nostre cavallerie légère, le plus exactement qu'il m'a esté possible; et toutesfois j'y ay peu gagné, joinct que je ne suis pas icy en estât et lieu pour user d'extresme rigueur envers les gens de guerre, qui n'ont receu payement il y a plus de cinq mois; et vous diray que je suis plus estonné comment ils vivent et servent à ce prix là, que je n'ay occasion de me plaindre d'eulx pour ce regard. 11 fault doncques que je sois secouru des trois mil escuz que je vous ay demandez pour parfaire le payement de ce mois à la dicte caval"

lerie, ou que je donne congé à une partie d'iceile, à présent que je suis prest à m'aller loger dedans le pays de mes ennemys, pour m'opposer aux forces qu'ils veulent jecter dedans Amiens. Mon Cousin, je ne puis désespérer des dictes compagnies sans désespérer aussy de mes affaires. Mes cousins les ducs d'Espernon et de Joyeuse s'en iront dedans quatre ou cinq jours, qui emmèneront avec eulx une bonne troupe de gens, dont je seray grandement affoibly, de sorte que, si je ne suis renforcé et secouru d'aultres, il fauldra que je me retire; et j'aime autant mourir que d'estre reduict à cela. Si mes ennemys aussy avoient gagné ce point sur moy, ils tireroient un si grand advantage de l'acquisition qu'ils ont faicte de la dicte ville d'Amiens, en laquelle ils ont délibéré de faire deux citadelles, que je ne sçay si nous les pourrons jamais regaigner. Toute la France y debvroit accourir. Pour moy, j'y mets volontiers ma personne et ma vie, tant j'affectionne le salut public; et vous asseure que si je pouvois recouvrer ceste perte à la France au prix d'icelle, je la tiendrois bien employée, et ne pourrois aussy eslire un plus honorable tombeau.

Faictes doncques, je vous prie, mon Cousin, avec ceux de mon conseil, que je sois secouru promptement, et que le troisiesme mois de mon armée ne soit retranché pour ma bien-venue en icelle. Fourvoyés aussy à l'artillerie, afin que nous puissions relever nostre équipage, sans lequel nous pouvons bien espérer, mais nous ne pouvons rien entreprendre ny exécuter d'importance , comme vous sçavés mieulx que nul autre. Les ofîiciers d'icelle et les cappitaines du charroy demandent leur troisiesme mois, protestans de tout quicter s'ils ne ie reçoivent; Galaty en dit autant, et vous prie me mander si vous avés entendu en mon conseil, faisant le marché que vous avés faict avec les dicts munitionnaires , qu'ils fourniront le pain aux Anglois , ou si vous ferés payer au commissaire d'iceulx douze cens escuz par mois pour leur continuer le pain, comme il doibt faire jusques à la fin du présent; afiin que j'en esclaircisse les dicts munitionnaires, auxquels j'ay commandé de dresser leurs magasins , pour la nourritUTe de mon armée en Picardie, aux villes d'Abbeville, Corbie, Mon-

flidier et Peronne. Mais je ne sçay quel ordre vous avés donné pour mettre sus les magasins ordinaires de toutes les villes de la frontière, lesquels sont vuides de grains, et les dictes villes si mal pourveues. que sy Tennemy pouvoit tenir la campagne, il prcndroit, sans tirer un seul coup de canon, tout ce qu'il assiegeroit. C'est encores pourquoy il fault nécessairement que je sois fort, pour conserver les dictes villes et encourager les habitans, lesquels sont si effrayez de la perte d'Amiens, que si je me mettois sur la deffensive, ils traicteroient et prendroient party , comme ceulx qui desespereroient de leur conservation. Il est certain aussy que si nous donnons loisir à l'ennemy de bastir les dictes citadelles et recognoistre l'advantage qu'il a gagné sur nous, comme il adviendra si nous prenons le party de la dicte deffensive, il aura bien tost estendu ses limites jusques au cœur de la France: et je vous repeteray encores une fois, mon Cousin, que j'aime mieux mourir que de voir cela. Faictes doncques, je vous prie, que chacun s'esvertue, que je sois secouru d'argent et de gens de guerre, principalement de cavallerie, affm de conserver la campagne; et me mandés si vous avés arresté l'argent, et nous l'employerons ceste année au payement de la gendarmerie, et quand on en pourra tirer service; et regardés avec le trésorier ordinaire des guerres, ou aultres que vous estimerés le pouvoir faire, si on pourra tirer de l'argent du taillon par advance , pour payer vostre compaignie de gensdarmes et les aultres que j'ay mandées, car autrement la vostre n'y pourra demeurer, et les aultres ne s'y achemineront point; car peu de gens ont moyen à présent de faire les dictes advances. Souvenés-vous aussy que nous n'envoyons point en Italie, et qu'il n'y a personne en Angleterre ny en Hollande qui ayt soing de mes affaires. Le s' de Sillery vous dira ce que je luy faict escrire sur la depesche du s"" Jacob, aiEn d'en user par vostre advis; mais je présuppose que l'on a pourveu à tout ee que l'on a promis au s"^ de Lesdiguieres, affin qu'il exécute ce que nous avons arresté^; dont je vous prie de m'esclaircir par vos premières

' Il s'agit de la rupture des négociations avec le duc de Savoie. Voyez ci-dessus, la lettre du 23 octobre 1 596.

et faire part de la présente à ceuix de mon Conseil : priant Dieu, mon Cousin, vous avoir en sa saincte et digne garde. Escript à Hangest-sur- Somme , ce xx!!!)*^ jour de mars i 697.

HENRY

DE NBUFTILLB.

1597. — 2Zi MARS.— II°'^

Orig. — B. N. Fonds Béthone , Ms. 9044, fol. 66. Cop. — Suppl. fr. Ms. 1009-2.

[AU CONNÉTABLE

Mon Cousin, J'ay toute occasion d'aimer et affectionner le s' d'Esne\ pour les bons et agréables services que j'ay receus de luy, et ceulx que j'en espère encores à l'advenir. Il y a quelque temps qu'il est prisonnier en ceste frontière entre les mains de mes ennemys, et me souvient qu'estant au siège devant la Fere, je promis à mon cousin le <:omte de Chaligny de l'en retirer, et, pour cest effect, luy faire payer trois mil escuz pour sa rançon; et par ce que je persiste encore en ce désir, je vous prie affectueusement, mon Cousin, m'ayder à exercer ceste charité à l'endroict de ce gentilhomme, et adviser avec ceulx de mon conseil le moyen qu'il y aura de luy faire fournir les dicts trois mil escuz , lesquels ne luy pouvans peut-estre , à cause de Testât auquel sont mes affaires, estre fournys si promptement, vous me ferés un service très agréable de luy en faire bailler une si bonne et seiu*e assignation que, sur l'espérance d'en retirer l'argent, il puisse empnmter la dicte somme de quelques-uns de ses amys pour se libérer de ceste captivité, car il est personne que je désire gratiffier et retirer prés de moy; de quoy je vous prie parler à ceulx de mon conseil, et leur faire entendre la recommandation que je vous en ay faicte, qui n'est point

' Simon de Pouilly , baron d'Esne et de duché de Lorraine qu'il était recommandé

Manonville, seigneur de Loupy, était ma- à Henri IV par le comte de Chaligny,

réchal de Barrois et gouverneur de Stenay. prince lorrain, frère de la Reine douai-

C'est en sa qualité de grand dignitaire du rière et du duc de Mercœur.

commune : priant Dieu, mon Cousin, qu'il vous ayl en sa très saincte

et digne garde. Escript à Hangest-sur-Somme, le xxiiij'^ jour de mars

HENRY

Mon Cousin, si vous ne pouvés faire fournir comptant les dicts trois

mil escuz au dict s' d'Esne, je vous prie au moins faictes-luy bailler

trois ou quatre cens escuz pour luy donner moyen de s'en retourner

pourveoir à ses affaires.

DE NECFVILLE.

Cop. — Arcli. municipales d'Abbeville. Registre authentique des délibérations de iSgft a 1ÎJ97

ibl. 120. Envoi de M. Louandre.

Imprimé. — Histoire d'Abbeville, par le même, p. 338.

Cop. — B. N. Fonds Béthune, Ms. 8955 , fol. 36 recto.

A NOS CHERS ET BIEN AMEZ LES MAYEUFi. ESCHEVINS, MANANS ET HABITANS DE LA VILLE D'ABBEVILLE.

Chers et bien amez, Puisque les habitans de nostre ville d'Amiens se sont si laschement laissez surprendre, et se sont perdus avec tant d'imprudence et d'opiniastreté, au refus qu'ils ont faict de recevoir seulement en leurs fauxbourgs les garnisons de Suisses dont nous les avons souvent faict solliciter, il fault, à nostre très grand regret, qu'ils en portent la peine; et parce que les Espagnolz, qui se sont emparez de la dicte ville, entr'autres barbaries qu'ils y ont exercées, ont conlrainct les dicts habitans de rachapter leurs vies et personnes et celles de leurs femmes et enfans avec les meubles qu'ils leur ont voulu laisser, après avoir pillé ce qu'ils avoient de plus précieux, et que pour recouvrer l'argent du dict rachapt les dicts habitans d'Amiens pourroient avoir recours à nos villes, mesmes à la vostre, nous vous deffendons très expressément de les secourir d'aulcun denier, et tant parce que cela epuiseroit d'argent vostre dicte ville et augmenteroit d'autant nos dicts ennemys, que parce qu'il nous importe de leur oster, en tout ce qu'il

LETTRES DE HENRI IV. IV. gi

722 LETTHES MLSSJVES

nous sera possible, le moyen de recouvrer argent pour nous fau'e la guerre et à nos subjects. Donné à Vinacourt, le xxv'jour de mars i 097.

HENRY

DE NEUFVILLR.

Orig. autographe. — B. N. Fonds Béthune, Ms. 9057, f'oL 4. Cop. — B. N. Fonds Fontanieu , Ms. P. 78, fol. 78 reclo; et Suppl. fr. Ms. 1009-2.

A MON COMPERE LE CONNESTABLE DE FRANCE

Mon compère, le s"^ Virginio Ursin m'a escript qu'il est encores là, et qu'il perd l'espérance d'estre depesché dedans le temps (ju il iault qu'il parte. Je vous prie y mettre la main et vous en faire croire ; car vous sçavés combien cela importe; et si je perds ceste occasion, je ne la recouvreray jamais. Parlés-en au s' de Sancy, et faictes tant, je vous prie, qu'il soit depesché en une sorte ou aultre. A Dieu, mon compère. Ce xxvij^ mars à Pechevillers.

HENRY

1597. — 3o iMARS. — K

Orig. — B. N. Fonds Béthune, Ms. 9044 , fol. 83.

[AU CONNÉTABLE

Mon Cousin, J'ay permis à mon cousin le duc d'Espernon d'aller faire un tour en Angoulmois et Xainctonge pour donner ordre à ses atïaires , sur l'asseurance qu'il m'a donnée de me revenir trouver pour me servir et assister en ceste frontière sur les occasions qui se présentent. Je luy ay faict expédier mes lettres de pouvoir, pour commander en mon pays de Limosin, et vous en ay bien voulu escrire ceste-cy, pour vous prier de le faire trouver bon à ma sœur la duchesse d'Angoulesme, et la disposer de se conformer à ma volonté, l'asseurant que je luy feray tomber en main le gouvernement de Bourbonnois, amsy que je luy ai faict dire, ou luy donneray telle autre recompense,

qu'elle aura occasion de se contenter; à quoy je me promets (jii'elle s'accommodera d'autant plus aisément que c'est chose où ii va de mon service et de la seureté du dict pays de Limosin, ce que je vous prie luy représenter de telle sorte qu'elle n'attribue cela à faulte de bonne volonté, mais à Testai présent de mes affaires, qui requièrent que j'en use amsy. Me remectant du reste sur mon dict cousin le duc d'Espernon, je prie Dieu, mon Cousin, qu'd vous ayt en sa saincte garde, Escript à Vinacourt, le xxx*^ jour de mars 1597.

DE NEUFVILLE

1597.~3oMAus. -II' .

Orig. — B. N. Fonds Béthune, Ms. 9044, fol. 7^^ Cop. — Suppl. fr. Ms. 1009-2.

[AU CONNÉÏARLE.]

Mon Cousin , Vous entendrés de mon cousin le duc d'Espernon en quel estât il me laisse icy, comme je suis conlrainct de commencer bien tost ma diette pour la conservation de ma santé, et qu'il est impossible que les forces qui y sont assez foibles, tant de cavallerie que d'infanterie, y subsistent, si elles ne sont payées, et principalement la cavallerie, à cause de la cherté des vivres; de sorte que si, m'envoyant letroisiesme mois de la dicle armée, vous n'adjoustés quelque chose pour la dicte cavallerie, sans double elle se débandera entièrement. Je sçay, mon Cousin, que vous faictes tout ce que vous pou> vés, avec ceulx de mon conseil, pour surmonter toutes nos nécessitez, et vous remercie de la peine que vous avés prise d'en conférer avec les chefs et principaulx des compaignies , et d'aller à la cour des Aydes et à l'hostel de ville pour cest etfect; toulesfois vous sçavés que mon armée ne peut vivre de cela seulement; et si à ce commencement d'année nous nous trouvons empeschez à la faire languir comme elle faict, je crains bien qu'elle soit encores plus" mal traictée à l'advenir. d'autant que les deniers que vous y avés destinez ne viendront à propos; de

-rlk LETTRES MISSIVES

sorte qu'il fauldra que j'abandonne tout, si je ne veulx courre icy une très misérable fortune; à quoy je vous advise que je me resouldray bien plustost, y deussé-je perdre la vie, que de laisser en proie ceste frontière à mon ennemy, comme vous dira mon dict cousin le duc d'Espernon. Et puisque vous avés faict bailler trois mil escuz au s' de Bnzenval, avec quoy il vous a promis de s'en retourner en sa charge, envoyés-le-moy incontinent, affin que je luy baille sa depesche, car il est nécessaire qu'il s'en retourne en Hollande , où mes affaires ont besoing d'assistance. Envoyés-moy aussy la Corbiniere, et je vous renvoyeray le s" de Villeroy si tost que le s"^ de Gesvres sera arrivé, avec mon intention et advis sur le faict de la gendarmerie, qui sera très mal traictée ceste année, puisque vous avés confondu le taillon dedans le fonds de l'armée. Je prie Dieu, mon Cousin, qu'il vous tienne en sa saincte garde. Escript à Vignacourt, ce xxx^jour de mars 1^97.

HENRY

DE NEUFVILI.E.

[1597.] ~3i MARS.-P«.

Orjg. autographe. — B. N. Fonds Bétljune, Ms. 9086, fol. 32. Cop. — Supp). fr. Ms. 1009-2.

A MON COMPERE LE CONNESTABLE DE FRANCE

Mon compère, Vous sçaurés de mes nouvelles par mon cousm le duc d'Espernon; et par ce mot, que mon intention est que le quartier deu de l'année passée à la compagnie du s' comte de Candalle, son fils, et deux de la présente à celle de mon dict cousin, soient payez, à ce que vous ordonniés les assignations nécessaires poui' le payement des dicts quartiers, comme chose que je désire, et non-seulement en cela, luy donner tout le contentement qu'il me sera possible, méritant mieux son affection à mon service. A Dieu, mon compère. Ce

xxxj^ mars, à Vignacourt.

HENRY

Orig. — B. N. Fonds Béthune, Ms. 9044, foi. 78. Cop.— Suppl. fr. Ms. J 009-2.

[AU CONNÉTABLE

Mon Cousin, J'ay faict escrire mon advis sur la dernière dépêche au s^ de Schomberg, que le s' de Gesvres m'a envoyée, affin de la vous faire entendre et à ceulx de mon conseil , pour après y faire faire telle response que vous jugerés estre convenable; m'estant contenté d'escrire au dict s"" de Schomberg qu'il face ce que vous luy ordonnerés, tant sur la négociation avec le duc de Mercure, pour la paix ou pour la trefve, et celle que l'on luy a commise avec ceulx de la Religion prétendue reformée, que pour son retour et ses frais, dont il faict instance par ses dernières. Je me remettray doncques à ce que vous en resouldrés, pour vous prier de voir une lettre que le s' de Bouteville m'a escripte de Senlis, laquelle je vous envoyé, parce que, ayant remis l'evesque dedans la ville, par vostre prière, je ne veulx rien ordonner sur la plaincte que l'on me faict de luy , sans vostre advis. Partant je responds au dict s"" de Bouteville qu'il s'en adresse à vous, et je me remects aussy à ce que vous en ordonnerés ; priant Dieu, mon Cousin, qu'il vous ayt en sa saincte garde. Escript à Vina-

court, le dernier jour de mars • 697.

HENRY

DE NELFVILLE.

1597. — 3 1 MARS.-Ill"^

Cop. — B. N. Fonds du Puy, Ms. 88, fol. 3ao. A MONS" DE SCHOMBERG,

CONSEILLER EN .MON CONSEIL O'ESTAT , CAPPITAINE DE CINQUANTE HOMMES D'ARMES DE .MES ORDONNANCES, SENESCHAL ET GOUVERNEUR DE LA HAUTE ET BASSE MARCHE.

Mons"^ de Schomberg , Ceulx de mon conseil m'ayant envoyé vostre lettre du xxni^ de ce mois, je la leur ay soudain renvoyée, avec mon

726 Lt:ïTRE8 MISSIVES

advis siu^ chacun point d'icelle, pour en resouldre la response; d'autant qu'ils sont mieux instruicts de tout ce qui s'est negolié avec les depputez de mes subjects de la Religion prétendue reformée, que je ne suis avec ceux qui sont icy prés de moy; joinct que j'ay Tesprit si occupé de la guerre et d'ennuy, voyant devant moy ma perte, que je n'ay entenderhent pour penser ny vaquer à aultre chose. Je vous renvoyeray donc à la cognoissance de ceux de mon dict conseil, et suffira vous dire que si mes bons subjects et serviteurs ne s'unissent pour me venir assister et servir en ceste occasion, je prevoy que je succomberay soubs le faict d'icelle. Car je ne me porte pas bien de ma personne, et suis assailly de tant de nécessitez et de faix que je ne sçay quasy plus à quel sainct me vouer, pour sortir de ce malheureux passage ; et si ceux de la dicte Religion continuent à demander chose que je ne leur puisse accorder sans diviser mes subjects plus que devant, ils augmenteront tellement ma peine et ma douleur , que je m'asseure qu'à la fin ils y auront regret. Car ils m'accableront d'ennuy, et m'osteront tout moyen de remédier au mal qui nous consomme. J'en ay voulu escrire mon advis à mon cousin le s"^ de la Trimouille, et aux s*"" du Plessis, de la Noue et Parabere, par les lettres que je vous envoyé pour leur faire tenir, qui sont en créance sur vous, que vous l'estendrés selon que vous jugerés estre à propos. Je me remets aussv pour ce qui concerne la négociation du duc de Mercure , tant pour la paix que pour la trefve et vostre retour par deçà, sur ce que ceux de mon dict conseil vous en manderont, pour vous dire que j'ay failly l'entreprise que j'avois dressée sur la ville d'Arras, pensant prendre revanche de ma perte. J'avois jà abbattu les ponts-levis de deux portes de la ville par où je les avois assaillys en mesme temps, et faict ouverture d'icelles avec les petars, faulte de meilleurs instrumens; mais les derniers pour faulser la herse nous manquèrent, de sorte que, après avoir opiniastré nostre effort une bonne heure et demye dedans les harquebusades, nous fusmes contraincts de revenir. Le cappitaine Baradas y a esté blessé; mais j'espère qu'il n'en aura que le mal. Je vouldrois pouvoir mieux faire, mais j'aime mieux tenter telles entreprises que

de demeurer oisif et du tout sur la defïensive, car cela acheveroit de désespérer nos gens et rendre les aultres insupportables. Je prie Dieu, Mons" de Schomberg, qu'il vous ayt en sa saincte garde. Escript à Vinacourt, le dernier jour de mars iSgy.

HENRY

DE NEUFVILLK.