A MONS" DE MALICORNE
Mons"^ de Malicorne, J'ay receu en ce lieu vos contre-lettres des xi* et xvii*^ du mois passé; et apprins par icelles les maux et misères que supporte mon pays de Poictou ; mais ceste calamité publique est maintenant si commune en mon Royaume qu'elle est quasy tournée comme en habitude partout, dont je porte un extrême et incroyable regret; et d'autant plus qu'il m'est assez malaisé de remédier, selon mon desir, aux afflictions des provinces si esloignées que la vostre, ne pouvant vacquer à toutes choses , si ce n'est que ceulx qui ont charge et commandement de moy en mes dictes provinces entreprennent la protection de mon peuple, chose pour quoy je commenceray ceste lettre pour vous prier d'en avoir soing et y apporter les meilleurs et plus salutaires remèdes qu'il vous sera possible, selon la fiance que j'ay en vous, ce pendant que de ma part je feray sonder le duc de Mercœur pour sçavoir si nous y continuerons la trefve ou retournerons à nos hostilitez accoustumées; dont je ne suis pas encore esclaircy ; et lorsque nous le serons, nous nous préparerons à l'une ou à l'aultre. J'ay bien esté informé par le s' de Schomberg des prétextes que prend le dict duc pour excuser les contraventions qui se commettent par les siens contre les articles de la trefve , et crois fermement que se sont couleurs, recherches contre la vérité, ne doubtant point aussy que vous n'en ayés adverty le dict s"" de Schomberg, pour le représenter où besoin sera; mais je désire que vous sçachiés de luy en quels termes iJ
est mainlenant pour le regard de la dicte trefve, pour que vous ladvertissiés des contraventions, pour s'en plaindre et souvenir si la dicte trefve s'y renouvelle; et différés de faire payer le dict duc de Mercœur de l'argent qui lui a esté promis, jusques à ce que vous soyés asseuré du renouvellement d'icelle, et que le dict duc ayt fait raison des levées de tailles, magasins, munitions, fortifications et aultres contributions qu'il a exigées en vostre gouvernement, sans avoir esgardaux plainctes que vous lui en avés faictes. Quant à l'excuse que font les prévôts des mareschaux et viceseneschaux de courir sus à ceulx qui tiennent les champs, sans mes lettres de commission, pour n'estre pas assez forts, ils ont véritablement quelque raison, et ne puis faire augmenter le nombre de leurs archers, pour ne surcharger mon peuple, qui en porte le payement et entretenement, et qui est d'ailleurs assez foulé , mais c'est à vous et au s"^ de Parabere à les assister et leur donner moyen de faire des captures nécessaires pour repurger le pays de ces picoreurs, ce que je vous prie de faire, et par vostre exemple et auctorité disposer le reste de la noblesse de la province à faire le semblable.
Pour commencer à remédier en ce qui despend de moy, je mande a mon cousin le mareschal de Brissac, qu'il retire près de luy ce baron de S^^-Geme, et ay faict le semblable commandement au s"^ de la Rochepot, pour le regard de la Crousille, nepveu de Villebois; et suis bien marry que l'un et l'aultre ayent tant faict de ravage en mon dict pays de Poitou sans mes lettres de commission. S'il s'en présente à i'advenir de ceste qualité qui veuillent faire le semblable, il me semble qu'il vous sera bien aisé de les tailler en pièces, sans vous excuser sur les connivences de la noblesse du pays qui vous doibt assister et qui ne veult monter à cheval; car s'il v en a aucuns refusans de ce faire, je veidx que vous m'envoyés leurs noms, affm d'en ordonner ce que j'adviseray raisonnable. Je ne désire en cela rien d'eulx que pour leur propre conservation et pour le salut et utilité publique, à laquelle il me semble que leur honneur et debvoir les obligent de ne deffaillir, quand il est nécessaire de servir à sa patrie. Je n'ay poinct encore ve!i Beaulieu nv la Corbiniere, et les attends neantmoins bien tost près
(le moy. Quant ils y seronl arrivez, je m'infornieray d'eulx de ce que vous leur avés donné charge de me représenter touchant l'exécution qui a esté faicte par le prevost de Fontenay sur ceulx de la garnison de la Garnache. Au demeurant, après la surprise et occupation de ma ville d'Amiens, je suis accouru en ceste frontière pour la sauver du péril dont elle estoit menacée, et pour repai'er, si je puis, la laulte que je n'ay pas faicte. J'y ay trouvé les hahitans fort disposez à la continuation de leur obéissance et fidélité; mais plus d'alarme que d'eflroy de l'occupation de la dicte ville d'Amiens, et croy que si je ne me feusse présenté, il fust possible arrivé pis. J'espère que Dieu me fera la grâce d'empescher les progrés de mes ennemys et regaigner encore sur quelques-unes des places qu'ils occupent, n'obmettant aulcune chose qui despende de moy poiu" y parvenir. Je vous prie aussy, de vostre part, veiller à la conservation de mon pays de Poictou, car je m'en repose entièrement sur vostre soing et sollicitude : priant Dieu, Mons"^ de Malicorne, qu'il vous ayt en sa saincte et digne garde.
HENRY
1597. — 3 Avi\ix..-K
Orig. — B. N. Fonds Béthune , Ms. 9037 , fol. 5 . . Cop, — Suppl. fr. Ms. 1009-2.
[ AU CONNÉTABLE
Mon Cousin, Je vous prie m'envoyer le prevost Rapin avec trente
archers, incontinent que vous aurés receu la présente, car je ne m'en
puis passer icy, estans payez pour servir en mon armée, où il se commet
infmis excès et desordres, par faulte de justice. Comme je ne vous
lais la présente à aultre fm, je ne la vous feray plus longue : priant
Dieu, mon Cousin, vous avoir en sa saincte garde. Escript à Vigna-
court, ce nj*^ avril i 697.
HENRY
DE NEUFVILLh..
LETTRES DE HENRI IV. tV. 9a
Orig. autographe. — B. N. Fonds Béthune, Ms. 9044, fol. gS. Copie. — Suppl. fr. Ms. 1009-2.
[ AU CONNÉTABLE
Mon Cousin , Il est très nécessaire de faire travailler aux fortifications de la ville et chasteau de Han, pour les inconveniens qui peuvent arriver à mon service, par faulte d'y pourveoir. Le s"" de Belin m'en a parlé, et je lui ay promis qu'il y seroit advisé. C'est pourquoy je vous prie, mon Cousin, faire en sorte que l'on ordonne quelque chose pour y besoigner; car je crains qu'il en arrive faulte, et vous jugés assez le préjudice qui en arriveroit à mon service. Sur ce, je prie Dieu, mon Cousin, qu'il vous ayt en sa saincte garde. Escript à
Pecquigny, le iij^ jour d'apvril iSgy.
HENRY
DE NEUFVILLE
1597. li AVRIL.
Imprimé. — Mémoires de messire Philippes de Mornay, in-d", t. II, p. 788.
[A M. DU PLESSIS
* Mons"^ du Plessis, Bien tost vous aurés de mes nouvelles par le s" de Vie, que je renvoieray par delà. La déposition du fourrier que vous avés pris, et de Carpentier, tous deux exécutez, a descouvert beaucoup de choses de très grande importance, et qui devroient faire modérer les demandes de ceulx de la Religion ; car sans doute nous sommes à la veille de beaucoup de maux, si Dieu n'a pitié de nous. Je fais de ma part tout ce que je puis, mais je suis si peu assisté que vous me plaindriés si vous voyés Testât auquel je suis. Encor suis-je en doute si l'on me donnera le loisir de pourveoir à ma santé comme
' Cette lettre était de la main du Roi.
j'en ay bon besoin, affin qu'après me trouvant niieulx puissé-je mieux vacquer à tout. A Dieu, Mons' du Plessis, le uij^ avril, à Paris.
lîKNRY.
Imprimé. — Mémoires de nussire Philippes de Morimy, iji-4°, t. II , p. 777. [ A M. DU PLESSLS. ]
' Mons" du Plessis, J'ay receu la vostre et veu celle que vous avés escripte à m"" de Mercœur sur la prise du courrier, et vostre response , que j'ay trouvée fort à propos. Incontinent que vous aurés appris et par sa déposition et par ses lettres l'occasion de son voyage, et ce qu'il y a de plus important, mandés-le-moy. J'ay veu ce que vous avés escript à Viçose touchant la response que vous dictes froide qu'a faict m"" de Scliomberg aux depputez de ceux de la Religion. Croyés, Mons" du Plessis, que si vous cognoissiés Testât de mes affaires, vous advoueriés que maintenant je ne puis davantage. Pour ce, je vous prie, et vous y conjure par vostre affection à mon service, de les y faire contenter, de peur qu'à faulte de cela je ne sois contraint de faire la paix avec les Espagnols, chose que vous sçavés à quoy je n'ay jamais voulu entendre et n'entendray que forcé.
Il y a huict jours que nous faillismes une entreprinse sur la ville d'Arras. J'avois conduict six mil hommes de pied et six cens chevaux jusqu'à trois lieues de la ville, ayant faict mettre la noblesse à pied, à une lieue, sans aucun bruict ; sy qu'il sembloit ceste entreprinse devoir réussir, car j'arrivay avec les petardiers sur la contrescarpe à la lune couchante, encore que de là au jour il n'y eust que demi-heure de temps ; mais par malheur les petardiers ayant chargé leurs fusées, l'entreprinse ne réussit. J'en ay encore quelques-unes pour ceste lune, lesquelles, j'espère, réussiront, et qui s'exécuteront tandis que je seray
' Cette lettre était de la main du Roi.
à Beauvais, où je m'en vais pour faire ma diette ; car j'en ay besoin, poui commencer à me sentir assaiily de la gravelle, de quoy je ne m'estois jamais senly, comme vous sçavés. Les aullres, j'y veux estre en personne. M"" de la Rivière^ m'a promis de me guérir de ce mal présent et de mes maux passez. Je serois très aise de vous avoir prés de moy, pour beaucoup de choses que je ne vous puis escrire, où vous me servirés très bien; et si vous voyés ma condition, vous la trouveriés pire que du roy de Navarre, car je ne suis assisté de personne. Mon infanterie est très leste, car depuis que je leur ay faict bailler des habillemens et des piques, vous les prendriés pour les vielles bandes espagnoles. Je vous prie encore un coup, et vous y conjure, de me venir trouver incontinent que vous aurés mis fm au traicté de reulx de la Religion. Croyés que je vous aime, et que vous me trouvères tousjours très disposé à le vous faire paroistre. A Dieu, Mons*" du Plessis, lequel je prie vous avoir en sa garde. A Picquigny, le
y" avril 1097
HENRY
mt
Orig. — B. N. Fonds Béthune, Ms. 9061, fol. 5. Cop. — Fonds Fontanieu, Ms. P. 78, fol. 47 recto; et Suppi. fr. Ms. 1009-2.
[AU CONNÉTABLE
Mon Cousin, Je leray icy ma feste\ puis je m'en iray à Beauvais pour me mettre de tout entre les mains de m"" de la Rivière, car en vérité ma santé en a besoing, me trouvant fort incommodé d'urie pesanteur de reins qui me menace de pis, si je n'y remédie. Je le pourray faire à Beauvais avec plus de repos qu'en ces quartiers, où la misère est si grande, à cause de la prise d'Amiens, qu'il est difficile
" Médecin du Roi.
La fête de Pâques.
d'y vivre sans grande inquiétude. Mais j'y laisseray nnon cousin le rnareschal de Biron, pour commander aux forces que nous avons mises ensemble pour tousjours tenir en subjection nos ennemys, commencer et designer les blocus qu'il fault que nous facions contre la dicte ville d'Amiens, pour couvrir les aultres provinces, et faire le mieuk (ju'il pourra. Il est vray que si nous ne pourveoyons au payement des dictes gens de guerre de pied et de cheval, chacun l'abandonnera et demeurera seul. Je m'attends à la provision que vous avés faicte du payement du troisiesme mois de mon armée pour contenter les gens de pied ; mais si vous n'y adjoustés quelque chose pour la cavallerie, il est impossible qu'elle y vive, tant l'avoine esl raie et sont toutes choses chères icy. Au moyen de quoy je vous prie, mon Cousin , y faire pourveoir, et surtout faire advancer noslre equippage d'artillerie, car sans cela nous ne ferons icy que nous consommer et perdre le temps. (3n m'avoit mandé que j'aurois à Paris trentecinq canons prests et pour tirer dix mil coups, dedans le xv* ou xxv*^ de may, dont j'estois fort resjouy ; touleslois le s' de S'-Luc me dit hyei que les controUeurs de l'artillerie luy ont mandé que tout l'ordre que l'on y a donné a esté de Jaire fournir mil escuz poiu abattre du bois pour y besongner, se plaignant du peu de compte que Ton laict de la despense de la dicte artillerie, et de faire advancer le dict équipage; ce qui m'a bien autant despieu que m'avoit consolé la première nouvelle. Et parce que vous ne m'avés rien escript de particulier de ce faict-là, je ne sçay auquel des deux advis je doibs adjouster foy, vous priant de m'en esclaircir par vostre première. Aussv s'il fault que nous facions les dicts blocus, il sera forcé d'y faire de la despense ; car il les fault faire promptement et à force d'argent, aultrement les paysans n'y viendroient travailler, et les soldats y mettroul la main encore plus mal volontiers; et nous n'avons point de pionniers pour y employer. Les dicts blocus estans bien faicts couvriront tout le pays, et le délivreront des courses et exactions que fera l'ennemy. (Test pourquoy il seroit raisonnable que les dictes provinces y contribuassent. 11 fault en faire deux, l'un qui rouvre la Normandie, et l'aullT^e
734 LETTRES MLSiiJVES
la France ; aullreinent il lault iaire estât que nous aurons leur cavallerie ordinairement aux portes de Rouen et de Dieppe et sur la rivière d'Oise. Je vous prie adviser avec ceulx de mon conseil quel chemin on doibt tenir pour disposer les provinces à entreprendre la dicte despense et les y faire contribuer, car je prevoy bien que je n'auray moyen d'y fournir de mes deniers ; de sorte qu'il est à craindre que ce qui est si nécessaire ne s'effectue point, si les dictes provinces ne se chargent de la dicte despense. Quoy advenant, il fault faire estât que mon armée demeurera tousjours engaigée aux portes de la dicte ville d'Amiens pour empescher seulement les dictes courses. Encores ne sçay-je si elle y pourra vivre; car si nous entreprenons quelque chose devant que les dicts blocus soyent parfaicts, ils sortiront en gros du dict Amiens, et attaqueront nos places qui sont en mauvais estât, de façon qu'ils nous contraindront bien tost de retourner. Je vous prie doncques y penser, mon Cousin, et m'en mander vostreadvis; et je vous diray que je suis très content du service que me faict en sa charge le cappitaine Hannibal^, et je vouldrois que vous envoyassiés en la sienne Esplandian, afin qu'il apprist à y commander et me servir aux occasions qui s'y présentent tous les jours ; car je sçay que vous désirés que ils se rendent dignes de me faire service, et cju'ils acquièrent de l'honneur. Je prie Dieu qu'il vous tienne, mon Cousin, en sa saincte et digne garde. Escript à Picquigny, le v*^jour d'avril 1597.
HENRY
DE NEl'FVILLE.
■ Annibal, seigneur delà Mélonset, le table, lequel avait six bâtards, outre ses second des bâtards de Montmorency, était, sept enfants légitimes, comme Splendian , fils naturel du conné-
Orig, — B. N. Fonds Béthune, Ms. 9061 , loi. 8. Cop. — B. N. Fondis Fontanieu, Ms. P. 73, foi. 5 o verso. Suppl. fr. Ms. 1009-2.
[AU CONNÉTABLE
Mon Cousin, Enfin l'argent de Galaty est arrivé icy aujourd'huy ; mais je n'ay receu les trois mil escuz que vous m'aviés escript avoir faict deslivrer des deniers trouvez en la maison de feu Vuydeville, au trésorier de l'extraordinaire des guerres, pour achever de payer les gens de cheval qui sont icy : dont je me trouve en grand peine, et sçay très mauvais gré k ceulx qui sont cause de ces retardemens; car sur vostre asseurance, j'avois promis à des cappitaines les payer devant que partir; auxquels il fauh maintenant que je mancque de paroUe , au dommage de mon service , car leurs compaignies se débanderont et ne se fieront plus à mes promesses. Je m'en plains à vous, mon Cousin, par la présente, laquelle je vous envoyé par ce courrier exprés, afïin que vous donniés ordre que les dicts trois mil escuz soyent apportez à Beauvais et y arrivent aussy tost que moy , qui y seray mardy ; car je parts d'icy demain pour m'y acheminer. J'ay trouvé aussy, quand j'ay voullu faire payer les compagnies des cappitaines Sallert et Campagnols , qui sont arrivez aujourd'huy, que l'argent du premier mois de leur solde a esté perdu dans Amiens, selon le dire des trésoriers, dont toutesfois ils ne parloient point auparavant; si bien que nous n'avons argent que pour leur faire faire une monstre, dont ils se plaignent grandement, se voyans plus mal traictez que leurs compaignons ; et veoy bien que je n'en seray pas quicte pour cela. 11 n'y a financier qui ne veuille que je croye avoir perdu ma bourse avec la sienne, à la prise de la dicte ville; de quoy il fault s'esclaircir. Pour fin de la présente , je vous diray que mon nepveu le comte d'Auvergne a rencontré et deffaict ceste nuict cinquante chevaux de l'ennemy qui estoient partys de Douriens pour entrer dans Amiens, et espère, s'ils continuent à faire bon guet, qu'il n'en passera point â
l'advenir qui ne luy rendent compte, ou à mon cousin le maresclial de Biion, que je laisse icy pour commander à mon armée en mon absence: priant Dieu, mon Cousin, quil vous tienne en sa saincte garde. Kscript à Picquigny, ce vj* jour d'avril 1097.
DE NEUrVILLE.
Orig. — B. N. Fonds Béthune, Ms. 9061, fol. 12. Cop. — B. N. Fonds Fontanieu , Ms. P. 73, fol. 53 recto. Suppl. fr. Ms. 1009-2.
[AU CONNÉTABLE
Mon Cousin, J'ay esté adverty qu'un certain personnage qui se fait appelier le baron de Traverse, levé un régiment de gens de pied, se disant avoir pouvoir et commission pour ce faire de mou cousin le mareschal de Biron ; et en ceste qualité a esté à Villers-Costerestz avec quelques soldats qu'il a ramassez, où il a pillé et saccagé un chacun ; et de là s'est acheminé vers Lagny-le-Sec , où il commet encores infmis excès, desordres et violences. Et par ce que je n'ay jamais ouy parler de luy que maintenant ; qu'il n'a aulcune commission de moy pour faire la dicte levée ; et que je croy qu'il sera encores moins advoué de mon dict cousin le mareschal de Biron, à ceste cause je suis d'advis et vous prie d'escrire à toutes les villes et lieux des environs où sera le dict baron de Traverse, à ce qu'ils ayent à s'opposer à luy; et aux gouverneurs d'icelles et gentilshommes du pays qu'ils s'assemblent et prennent avec eulx les prevosts des mareschauk et toutes les aultres forces qu'ils poiu-ront, pour courir sus et tailler en pièces les dictes trouppes ainsy ramassées, et s'il est possible qu'ils se saisissent de la personne du dict baron de Traverse, affin d'en faire faire punition et chastiement exemplaire, et delibvrer le pays de ceste vermine, qui le ruine et consume entièrement. Je vous prie doncques, mon Cousin, de donner ordre que ceste mienne intention soit exécutée promptement ; car vous sçavés combien telles
DE HENRI rV. 737
procédures sont de dangereuse conséquence ; et sur ce, je prie Dieu
qu'il vous ayt, mon Cousin, en sa saincte garde. Escript à Beauvais,
le ix*' jour d'avril i 097.
Mon Cousin, adressés ce commandement a m' de Bouteville, ou aultre ayant charge de moy au pays, affin que la justice soit faicte de ces voleurs.
Orig. — -B. N. Fonds Béthunc, Ms. 9061 , fol. lo. Cop. — B. N. Fonds Fontanieu, Ms. P. 73, fol. b?. verso; et Suppl. fr. Ms. 1009-2.
[AU CONNÉTABLE
Mon Cousin, ceste lettre vous sera rendue par le s"^ de S*-Luc, qui
s'en va par delà pour solliciter l'argent nécessaire pour l'équipage de
l'artillerie et la fortification des places de son gouvernement. Je vous
prie, mon Cousin, tenir la main à ce qu'il soit promptement depesché
et renvoyé en sa charge en mon pays de Picardie, où sa présence est
si nécessaire en ceste saison, qu'il ne s'en peut long-temps éloigner
sans apporter préjudice à mes affaires ^ Ce que je m'asseure que vous
sçaurés bien considérer, pour me donner en cela le contentement que
j'attends de vostre affection à mon service. Aussy ne vous en feray-je
la présente plus expresse : priant Dieu, mon Cousin, qu'il vous ayt en
sa très saincte et digne garde. Escript à Beauvais, le ix^ jour d'avril
HENRY
DE NEUFVILLE
' Nous avons dit que M. de Saint-Luc était alors grand maître de l'artillerie de France.
LETTRES DE IIENIU IV. IV. gS
Orig. — Bibliothèque de la ville de Vitré. Co})ie transmise par feu M. Cli. Labitte, professent
à la faculté de Rennes.
Imprimé. — Revue rétrospective , seconde série, 1. XI , p. 49. A MONS"^ LE MARQUIS DE COIJAÏQUEN,
L'UN DE ME.S LIEUTENANS AU GOUVERNEMENT DE MON PAYS ET DUCHÉ DE BRETAGNE.
Mons' le marquis. Sur les frequens advis qui me sont donnez des desseings qu'ont mes ennemys d'entreprendre sur ma ville de Sainct- Malo, j'ay estimé (maintenant que leur armée dressée en la coste d'Espagne est preste à faire voile) estre nécessaire que vous teniés soigneusement la main à ce que ma dicte ville ne soit despourveue et desgarnye des hommes, vaisseaux, vivres et commoditez qui peuvent servira la deffense et tuition d'icelle ; et pour ceste cause, j'ay trouvé estre fort à propos de vous mander et ordonner, comme je fais fort expressément par la présente , que vous ne soufFriés et permettiés qu'il sorte, pour quelque temps et jusqu'à ce qu'on ayt plus ample lumière des entreprises et projets de mes dicts ennemys, aulcun vaisseau, navire de guerre et deffense, dont on se puisse prévaloir pour tenir la mer et s'opposera l'arrivée, descente et approchement de la dicte armée ennemye ; ce que je deffends très expressément à tous les habitans de ma dicte ville et aultres, qui peuvent avoir les dicts vaisseaux dans le havre d'icelle, vous envoyant quant et quant les lettres particulières (jue je leur escris à ce mesme subject, affin qu'avec ce que je vous mande de leur faire entendre de ma part, ils nepuisseni douhter quelle est sur ce ma volonté : à l'entière exécution de laquelle m'asseurantqu'ils satisferont selon que je me promets que vous y tiendrés soigneusement la main, je prieray Dieu qu'il vous ayt, Mons"^ le marquis, en sa saincte garde. Escript à Paris, le xuj* jour d'avril i 597.
HENRY
POTIEli.
DE ffENRI [\ l^U
[ 1597.] — i5 AVRIL. — 1'*=.
Orig. autographe. — Collection de M. Alexandre Martin. Conimunication de M. Feuillet de Corichc.i
A MONS'' DE VILLEUOY.
Mons"^ de Villeroy, Je vous prie d'expédier inconlinent ceulx de la Religion et solliciter le faict de Zamet et d'Elbene , afin que M"" d'Esdiguieres commence à faire quelque chose, et donner ordre que l'argent de l'armée parte demain. Si vous avés des nouvelles, envoyés-lesmoy. Bonjour, Mons"^ de Villeroy. Ce xv^ d'apvril, à Sainct-Germain en
Laye.
HENRY
Ong. autographe. — B. N. Fonds Béthune, Ms. 9053, fol. i . Cop. — Suppl. fr. Ms. 1009-2.
A MON COMPERE LE CONNESTABLE DE FRANCE
Mon compère, Je vous prie de haster la depesche de ceulx de la Religion, et faire aussy que Ton expédie le faict de Zamet et d'Elbene, alïin que les affaires de m' des Diguieres soyent promptement expédiées et qu'il commence à faire quelque chose. Je vous prie aussy que fargent de l'armée parte demain. Assemblés cinq ou six des principaulx de mon conseil, affin d'adviser ce que vous aurés à dire à l'assemblée que nous faisons faire à Paris. Vous dires à Gesvres qu'il escrive aux lieutenans de Roy de Champaigne, et particulièrement à Praslin, affin qu'il taille en pièces les trouppes qui tiennent la campagne sans commission, et qu'il face punir les chefs. Surtout je vous recommande le baron de la Traverse. Faites maigrir vostre lévrier, car il ne peut hier courre. Nous trouvâmes trois loups au plus beau lieu du monde , comme vous dira m'" le Grand. Les niedecins me font reposer ce jour d'huy, pour recommencer demain. Bonjour, mon compère. Ce xv* avril à
Samct-Germain en Laye.
HENRY
Orig. autographe. — B. N. Fonds Bétliune, Ms. 9067 , foi. 12.
A MON COMPERK LE CONNESTABLE DE FRANCE
Mon compère, J'ay veii par vostre lettre, laquelle m'a apportée le lils de mon cousin le mareschal d'Ornano, l'advis que vous me donnés dv. la mort du viguier de Marseille, duquel j'accorde tres-volontiers la galère au chevalier vostre flls^ m'asseurant qu'il me servira en ceste charge autant bien que nul autre. Si le corps de la dicte galère appartient aux héritiers du dict viguier, nous adviserons, quand nous serons ensemble, ce qu'il en faudra faire. Je vous prie resouldre la depesche du s' de Vie, et donner ordre que le s" de Lesdiguieres soit asseuré des vingt mil escuz que Zaniet doit fournir : ce que je vous prie resouldre aussy promptement comme vous sçavés que l'un et l'autre importent à mon service. Je vous enverray demain Gesvres, sur ce que Gentil m'a dict de vostre part : et je prie Dieu qu'il vous ait, mon compère, en sa garde. Ce xvij*^ avril, à S*-Germain en Laye.
HENRY
Orig. autographe. — B. N. Fonds Béthune, Ms. 9070, fol. 3. Cop. — Suppl. fr. Ms. 1 009-2.
A MON COMPERE LE CONNESTABLE DE FRANCE
Mon compère, le s"" de Marin, qui vous rendra ceste-cy, est l'un de ceux qui m'a aussy bien servy que nul aultre à la réduction de ma ville de Paris en mon obéissance ; car luy seul y avoit des trouppes dedans, avec lesquelles il me servit à mon contentement. C'est pourquoy je le vous recommande comme serviteur que j'affectionne, et qui le mérite, pour vous prier, mon compère, de faire en sorte (ju'il
' Jules, bâtard de Montmorency, fils du connétable et de Catherine Guillens de Castellet, était clievalier de Malte.
soil bien assigné de ce qui luy fut par moy promis pour un si signalé
service. Je ne le vous veux recommander communément, comme son
affection à mon service n'estant nullement commune. Bonsoir, mon
compère. Ce xvij'^ avril, à Sainct-Germain.
HENRY
Orig. autographe. — B. N. Fonds Béthune, Ms. 9050, fol. 1 . Cop. — Suppl. fr. Ms. 1009-2.
A MON COMPERE LE CONNESTABLE DE FRANCE
Mon compère, J'escris au s"" de Villeroy, pour vous représenter comme dés il y a plus d'un an j'ay accordé à de Louans, secrétaire de ma chambre, un estât de contreroleur ordinaire de mes guerres, en recompense du service qu'il me faict près et soubs le s^ de Gesvres; auquel estât il a esté receu, et iceluy exercé en mon armée sans aulcun empeschement, sinon despuis un mois que, par arrest donné en mon conseil, le dict de Louans est frustré de ma grâce; et parce que ma volonté est que le don que je luy ay faict ne luy demeure inutile, je vous prie, mon compère, adviser le moyen qu'il y aura de contenter la veufve du defunct, laquelle trouble le dict de Louans, trouvant bon pour cest effect que celuy nommé par la dicte veufve et le dict de Louans demeurent tous deux pourveus; à la charge de suppression, vacquation advenant. Sur ce , Dieu vous ayt , mon compère , en sa garde , Ce xviij^ avril, à Sainct-Germain.
HENRY
Orig. autographe. — B. N. Fonds Béthune, Ms. 9067 , fol. 8. Cop. — Suppl. fr. Ms. 1009-2.
A MON COMPERE LE CONNESTABLE DE FRANCE
Mon compère, Je vois que les affaires tirent en telle longueui*, mesmes pour le faict de m"" de Lesdiguieres et aultres, auxquels l'on
ne peut donner ordre, que le faict de Tassignation du sel des s" Zamet et Cenamy ne soit vuidé, que nous sonnnes pour en perdre le fruict que nous espérions. C'est pourquoy je vous prie de le faire juger par ceulx de mon conseil des finances, au plus tost; auxquels vous ferés entendre que mon intention est que ce que je leur ay promis, par mes brevets et arrests de mon conseil, leur soit entretenu et conservé , attendu les services qu'ils me font; et pour le regard du s"" d'Elbene, je vous responds que je luy donneray tout contentement; et vous en reposés sur nioy. Ceste-cy n'estant à aultre lin , sinon pour vous prier de faire suivre ceste mienne volonté. Dieu vous ayt, mon compère, en sa garde. Ce xvnj* avril, à S*-Germain.
HENRY
Orig. autographe. — Arch. des Médicis , légation française, liasse 3. Envoi de M. le ministre
de France à Florence.
A MON COUSIN LE GRAND-DUC DE TOSCANE
Mon Cousin , J'ay esté requis et supplié par aulcuns de mes plus spéciaux serviteurs de vous escrire ceste lettre en faveur de Rodrigo Chymaynes, Portugais , qui est en prison à Florence , à la sollicitation de son oncle Fernando , et de son frère Sebastiano Chymaynes^ , afBn que vous avés agréable de luy donner audience, et sçavoir l'occasion de son emprisonnement. Et parce que la chose m'a semblé digne de recommandation et de considération, je vous ay bien voulu prier par ceste lettre de favoriser les dictes personnes en ce que vous jugerés qu'il sera raisonnable. Car j'entends que l'on le détient plus par passion que par aucune juste occasion que l'on en ayt, et qu'il n'a personne qui ose parler pour luy, joinct que sa femme est en grande nécessité, à l'occasion de son absence; et s'il se présente occasion d'user de semblable revanche à vostre recommandation, je le feray de très bon cœur:
' C'est probablement le nom de Ximenez, qui est ainsi francisé
DE HENRI JV. 743
priant Dieu, mon Cousin, qu'il vous ayt en sa très saincte et digne garde. Escript à Paris, le xyu]"^ jour d'apvril 1597,
HENRY
DE NEUFVILLE
Orig. autographe. — B. N, Fonds Béthune, Ms. 9083, fol. i. Cop, — B. N. Fonds Fontanieu, Ms. P. 78, foi. 66 recto.
A MON COMPERE LE CONNESTABLE DE FRANCE
Mon compère , Vous verres par celle que mon cousin le comte de S'-Paul m'escritpar son lieutenant, laquelle il vous porte avec celle-cy, comme un chacun se veult servir de la perte d'Amiens. Pour ce que ce seroit trop de perte que sa compagnie se rompist, d'autant qu'elle est très belle et bonne, je vous prie de faire prendre ce trésorier prisonnier, etluy faire faire justice; mais je vous en prie, mon compère, et d'affectionner cest affaire autant que je l'affectionne. Bon soir. Ce xvnj^ avril au soir.
HENRY
Cop. — Fonds du Puy, Ms. 407, fol. 22 recto, et Ms. 88, fol. 3i3 reclo. Imprimé. — Journal militaire de Henri IV, publié par ie comte de Valory. — 1821 , in-8°, p. 200.
