A MON COUSIN DOMP JOAN DE MEDICIS

Mon Cousin , Ayant esté sceu comme l'on a voulu faire entendre à mon cousin le grand duc de Toscane que la fortifEcation qui a nouvellement esté entreprinse en l'isle de Rotonneau près de Marseille en au dessoubs du chasteau d'If, se faisoit à mon desceu, et à desseing d'entreprendre sur les siens qui sont dans le dict chasteau d'If, et qu'en mesme temps il vous avoit falct partir avec ses galères chargées de gens de guerre, pour venir du costé du chasteau d'If (et cela a donné

' Ce Jean de Médicis était fils naturel Cette lettre est citée dans l'histoire de Tosde Cosme I". Il fut envoyé par le duc Fer- cane, de Galluzzi, t. III, p. 137, éd. in-é" dinand I" à l'île d'If avec cinq galères.

DE lIEiNfU IV. 769

un peu d'alarme à mes serviteurs qui sont par delà, que voslre voyage feust pour empesclier la continuation de la dicte fortiffîcation ) , et d'autant que l'information qui en a esté donnée à mon cousin n'est pas bonne, et que tenant son amitié chère comme je fais, je ne vouldrois donner ny recevoir subjects de l'altérer aucunement, je vous ay voulu depescher ce courrier exprés pour vous faire sçavoir par ceste-cy que la dicte fortification s'est faicte et continuée par mon exprés commandement, et non aultre desseing que pour tenir en plus grande seureté ma ville de Marseille et le port d'icelle et la préserver de surprise que y pourroient faire mes ennemys, et sans qu'il ayt esté rien entrepris ny faict desseing d'entreprendre contre ceulx du chastcau d'If, comme je n'ay point estimé en avoir occasion, n'ayant jamais interprété ce qui y est advenu de la part de mon cousin le grand duc que en bonne intention, ne me pouvant persuader que en cela ny en chose de plus grande conséquence il voulust offenser l'amitié et bonne intelligence qui s'est toujours si religieusement entretenue entre nous; croyant plustost que aucunement il y ayt de l'artifice de ceux qui ne nous aiment ny l'un ny l'autre. Pour ceste occasion, je vous prie ne vous laisser imposer aulcun autre advis contraire à ce que je vous en escris icy , or suivant ce, de ne rien entreprendre ny attempter contre la dicte fortification; au contraire, de la favoriser en tout ce que vous pourrés : m'asseurant que ce sera chose bien agréable à mon cousin, vers lequel je suis résolu de depescher dans peu de jours sur ce subject, ne doubtant poinct que les choses ne se passent à nostre comnum contentement, et que vous, qui estes assez informé de la profession de nostre amitié, n'y apporterés de vostre part tout ce qui en pourra despendre pour la conservation; considérant aussy quelles seroient les conséquences s'il en estoit usé aultrement, ce qui n'adviendra pas de ma part ny par les miens, qui sont tous bien informez de mon intention, et à laquelle ils ne contreviendront aulcunement ; vous voulant bien asscurer pour vostre particulier que vous aurés tousjours bonne part en l'affection que j'ay de long-temps vouée et promise à mon cousin et à ceulx qui luy appartiennent. Sur ce, je prie Dieu,

770 LETTREES M1SS1VE.S

mon Cousin, vous conserver en sa saincle grâce. Escript à Paris, le

dernier de niay 1097.

HENRY

FORGET

1597. — i^-^ JUIN.

Orig. — Arcliives de M. Paul de la Lande , au château de la Bonnetière près Loudun. Copie transmise par M. de Cliergé, président de la société des antiquaires de l'Ouest.

A iVlONS" DE BOISGUERIN,