COMMANDANT POUR MON SERVICE DANS MON CHASTEAU DE LOUDUN
Mons' de Boisguerin , J'ay entendu par ce porteur et veu par son instruction ce qu'il avoit charge de me représenter de vostre part, sur ce qui se passe en vos quartiers ; à quoy j'apporteray le remède ainsy que je verray estre requis pour le bien de monservice, louant beaucoup le debvoir dont vous usés en ce qui despend de vostre charge et que je me suis tousjours promis de vostre lidelilé et affection à mon service. C'est pom'quoy je désire me servir de vous, mesmes ayant commandé à mon cousin le duc de Montpensier de vous employer devant le siège de Mirebeau et commander au laict de l'artillerie : en quoy m'asseurant que me servirés de pareille affection que vous faites en toute aultre occasion, je ne m'estendray davantage, sinon pour prier Dieu, Mons"^ de Boisguerin, vous avoir en sa garde. A Paris, le
1*' jour de juin 1 69 7.
HENRY
POTIER
Orig. autographe. — A Londres, State paper office, antient royal letlers, vol. XXII, lettre 1^7. Copie transmise par M. l'ambassadeur de France à Londres et par M. Lenglet.
[ A LA REINE D'ANGLETERRE, j
Madame, Je porte tant de respect à vos conseils, poui' les preuves très signalées que j'av faictes de vostre amitié, que je les prefereray
tousjours à tous aultres. Car rien ne me peut faire croire que vous permetliés jamais , et moins voulliés la ruine de vostre meilleur frère et plus fidel amy, la conservation duquel sert comme de marque ou pour mieulx dire de trophée de vostre bonté , non moins que de vostre prudence. Je vous prie aussy de croire que je ne vous ay proposé mes nécessitez et représenté les termes auxquels elles me peuvent réduire pour sauver mon Royaulme d'une ruine pressante qui le talonne despuis la perte de ma ville d'Amiens, pour estonner voslre courage, ny pour vous esmouvoir par crainte ou par menace à me secourir. Jà à Dieu ne plaise que telles intentions entrent jamais en mon ame ! Je vous porte trop de respect, ma très chère sœur, j'ay trop esprouvé vostre amitié et suis aussy trop aliéné de semblables procédures. Madame, je ne vous affligerois de mon affliction, si je n'avois entière fiance en vous, et si je pouvois, sans vous, sortir de la perplexité en laquelle ce dernier malheiu- a reduict mes affaires. Ne vous défiés donc, je vous prie, de mon amitié ny de ma foy; vous n'en avés occasion, et je ne la vous donneray, s'il est possible. Au contraire, j'ay recours à vous et vous importune exprés pour avoir moyen d'éviter celle qui seule peut me contraindre d'en user aultrement. Croyez-le ainsy , Madame, s'il vous plaist; car mes actions le vous confirmeront, comme j'ay donné charge au s"^ de Beaux vous asseurer de ma part; et pour ce que je me fie grandement en luy, je luy ay commandé recevoir et rapporter vos intentions comme j'ay voulu vous faire représenter par luy les miennes : chose que je vous prie trouver bon qu'il face, devant qu'il s'arreste en la charge que je luy ay commise auprès de vous, en laquelle il s'acheminera bien test après le voyage. Je prie Dieu, Madame, qu'il vous ayt en sa très saincte et digne garde. Ce
II® juin, à Paris.
Vostre plus humble frère et affectionné serviteur,
HENRY
Cop. — Archives Nationales, sect. judic. Registres originaux du Parlement de Paris, conseil ,
vol. 287, fol. I 26 verso.
[ AU PARLEMENT DE PARIS
Nos amez et feaulx, Estans persuadez comme nous sommes de ceste exlresme nécessité de moyens pour fournir à Tentretenemenl de nostre armée, nous n'avons jugé aultre meilleur moyen d'y subvenir que de rechercher nos particuliers serviteurs et officiers de nostre service, par prest de leurs moyens , comme ceux qui ont plus de cognoissance des périlleuses conséquences qui peuvent advenir, si à faulte de payement notre armée se dissipe , maintenant que les ennemys sont en campagne avec une armée bien puissante et qui se renforce tous les jours. Nous avons, à ceste occasion, pendant ces derniers jours de séjour que nous avons faict par deçà, appelle à nous aulcuns de nos dicts serviteurs, auxquels nous avons faict la demande du dict secours; et y en a bien peu qui ne le nous ayt accordé ; mais d'autant que ce qui se pourra retirer des dicts particuliers ne sçauroit faire somme à beaucoup prés suffisante pour le besoing que nous en avons, et qu'il est aussy bien raisonnable, la despense estant pour le bien pulolic, que tous ceulx qui ont moyen d'y servir contribuent, nous avons advisé, pour éviter la longueur d'en faire les recherches particulières (que la nécessité qui est si pressente ne comporte pas ) , qu'il estoit plus à propos de faire en gênerai la demande aux compagnies du secours que nous desirons d'elles pour ceste occasion. Nous vous faisons ceste-cy pour vous requérir tous en gênerai de nous suljvenir, en ce besoing , de la somme de vingt mil escuz par prest, en faisant vous -mêmes le département de ce que chacun en debvroit porter ; nous asseurans que , pour estre la somme si modérée et à départir en si grand nombre d'officiers que nous avons en vostre compagnie, elle nous sera volontiers accordée, en estant mesmes le remboursement si certain et asseuré comme il est, l'ayant asseuré sur l'augmentation de nos aydes,
que nous avons nouvellement faicte pour cest efîect expressément, et donné ordre à nostre recepveur et payeur pour faire vostre remboursement à mesure que les deniers se recouvriront, selon et ainsy que vous ordonnerés. Mais il est nécessaire que le dict prest soit fourny dans le quinziesme ou vingtiesme de ce mois au plus tard ; aultrement il ne fera pas la moitié du fruict qu'il fera si nous le pouvons avoir dans le dict temps; attendans que ceulx de vostre compagnie qui auront faict particulièrement le dict prest soyent compris au gênerai : dont vous recerchons présentement, et à quoy nous vous conjurons (pour toute l'affection que vous nous avés et à cest Estât) de satisfaire présentement. Donné à Paris, le iiij'^jour de juin i^gy.
HENRY
FORGRT.
Ime
Orig. — Arch. de M. de Bernon, à la GuiHemaudière en Vendée.
A MONS" DE LA GUINEMArOIERE.
Mons' de la Guinemaudiere, C'est maintenant que tous mes bons serviteurs se résolvent de me venir donner ayde à repousser les anciens ennemys de cest Estât et reprendre sur eux ce qu'ils tiennent sur nous en mon pays de Picardie. M'acheminant présentement en mon armée, où j'appelle pour ceste occasion le plus de mes serviteurs que je puis, et vous tenant de ce nombre, je vous en ay bien voulu advertir. Je sçais bien qu'il y a assez de subject de vous employer par delà , et que vous m'y sériés bien utile; toutesfois, parce que je trouve encore l'honneur le plus grand de servir l'Estat devant moy, faictes en sorte là-dessus que vous vous y retrouviés, comme je vous prie, le mieux accompagné de vos amys que vous pourrés; car je sçais qu'il ne se passera pas long-temps qu'il ne s'offre l'occasion de bien vous employer, qui sera vous rendre participant de Thonneur que j'espère remporter sur mes ennemys. Sur ce, je prie Dieu, Mons"" de la Gui-
nemaudiere, de vous avoir dans sa saincte garde. Escript à Paris, le iiij*^ jour de juin lôgy,
HENIU .
1597.-4 JUIN. — IIK.
Cop. — B. N. Suppl. fr. Ms. 1000-2.
Imprime. — Œconomies royales, édit. originale, t. I", p. 246. — Vie militaire et privée de Henri /k,
Paris, an X, in-8°, p. 281.
[A M. DE ROSNY
Mon amy, Une aultre fois je vous donneray plus de loisir pour estre plus long-temps chez vous. Mes alïaires m'appellent en diligence à mon armée, et je vous fais ce mot, le pied à Testrier, pour vous prier, incontinent la présente receue, de vous en venir icy pour ayder à faire mes affaires; car j'y ay besoing de telles gens que vous, et c'est à ce coup qu'il faut que vous me faciès paroistre vostre affection, A Dieu, mon amy. A Paris, ce luj^juin,
HENRY
Cop. — B. N. Suppi. fr. Ms. 1009-2. (D'après l'ancien manuscrit de M. de Mandajor». )
[AU CONNÉTABLE
Mon Cousin, Je ne doubte point qu'aussy tost que je seray en mon armée, je ne sois fort pressé de tous les gens de guerre pour avoir leur payement. Je désire leur donner contentement et ce pendant une asseurance de toucher bien tost leur monstre ; ce qu'ils se promettront davantage quand les deniers destinez à cest effect seront paitys de Paris pour estre apportez à mon armée ; qvii me faict désirer que ce qui est dans les coffres du Louvre , et qui pourra estre receu dans deux ou trois jours, soit dans le dict temps envoyé dans ma ville de Compiegne , où vous ordonnerés de le faire garder jusques à ce que je commande qu'il soit apporté en mon armée. Vous ferés aussy porter au
dict Compiegne tout ce qui se recevra cy-aprés ou des prests ou des olFices nouvellement créez , à mesure que l'on recevra , jusques à vingthuit mil livres; à quoy je vous prie donner ordre et tenir la main à l'advancement des dicts prests. Je pars présentement pour alleràBeauvais, et seray demain de bonne heure à Cuvilly, où mon cousin le mareschal me doit venir trouver. Je vous feray souvent part de mes nouvelles.
Continués d'adviser à tout ce qui sera à faire pour le bien de mon service. Je prie Dieu , sur ce , qu'il vous ayt, mon Cousin , en sa saincte garde. Escript à Pontoise, le nij^ jour de juin 1097.
HENRY
POTIER
Cop. — B. N. Suppl. fr. .\js. 1009-2. (D'après l'ancien manuscrit de M. de Mandajors.
[AU CONNÉTABLE
Mon Cousin , Vous verres, par la lettre de Lentoz, ci-joincte, comme le siège de Monlhalin a esté levé, par le debvoir qu'ont faict les assiégez de se deffendre et la perte qu'ont faict les ennemys. Toutes les forces qu'ils ont à la campagne estoient au dict siège. J'ay receu lettres de mon cousin le mareschal de Biron, par lesquelles il mande qu'il continue de fortifier le logis où est à présent mon armée, et se loue fort du debvoir que faict l'infanterie, auquel il m'escript qu'il sera fort difficile de la contenir et d'en tirer service cy-aprés, si elle n'est payée. Qui me faict vous prier de travailler continuellement avec ceulx de mon conseil , pour faire le fonds du payement de ma dicte armée pour deux mois, tant des prests que d'aultres moyens qui se pourront trouver. Vous jugés assez, mon Cousin, combien ce secours m'est nécessaire, sans lequel mon armée ne peut subsister; qui me faict espérer que vous et ceulx de mon dict conseil rechercherés tous moyens pour faire le dirt fonds. J'espère voir demain mon dict cousin le ma-
reschai de Biron à Cuvilly, et de là vous mander la resolution que j'auray prise. Ce pendant je prie Dieu qu'il vous ayt, mon Cousin, en sa saincte garde. Escript àBeauvais, le inj*^ jour de juin 1597.
POTIER
