DE NAVARRE

Gappitaine Combes, Encores que l'occasion qui se présente de me faire service en ce siège soit assez urgente et importante pour convier les gens de bien qui ont du zèle et affection au salut de l'Estat, toutesfois voyant que vous ne veniés point, j'ay estimé à propos de vous faire ceste lettre , affin que vous advanciés vostre venue en ceste armée et vous hastiés auprès de vostre compaignie, m'asseurant que, puisque j'y suis en personne, exposant ma vie à toutes sortes de hazards , vous auriés du regret de demeurer en vostre maison et voir écouler tant de belles occasions qui s'offrent d'acquérir de l'honneur et de la réputation, sans faire paroistre vostre valem^ et mérite, et que quand vous ne sériés point appelle par deçà par le debvoir de vostre charge , le péril auquel se retrouve l'Estat vous serviroit d'vm assez puissant aiguillon pour ce faire. Ne failles doncq, incontinent la pre-

' Jean de Meslon , seigneur des Coin- honorablement dans la correspondance du

hes, fils de Pasquier de Meslon elde Mar- roi de Navarre. 11 avait été pourvu, en

guérite Peytault, était le frère cadet con- 1690, dans le régiment de Navarre, de la

sanguin d'André de Meslon, qui figure si compagnie dont lui parle ici le Roi.

sente, à vous acheminer, sur tant que vous aimés mon contentement et le bien de mon service , car vostre charge ne peut demeurer plus longuement sans vous. Je vous asseure que vous serés le bien venu. Escript au camp devant Amiens, le ij*^ jour de juillet 1697.

HENRY

Orig. — B. N. Fonds Béthune, Ms. 9061, fol. 54. Cop. — B. N. Fonds Fonlanieu, Ms. P. 78, foi. 66 recio; et Suppl. fr. Ms. 1009-2.

[ AU CONNÉTABLE

Mou Cousin, J'ay i'aict expédier au s" de Vie la commission que le

s"^ de Disimieu a désirée , et luy fais plus pour le contenter que pour

besoing qu'il fust d'esclarcir et justiffier son innocence; car il a pro-

ceddé avec moy en toutes choses comme un homme très affectionné

à mon service: aussy le tiens-je plein de telle intégrité etpreud'hommie

que je nentreray jamais en defFiance de ses actions, ainsy que je luy

escris en response de sa lettre; de quoy je pense qu'il demeurera

autant satisfaict comme je le suis de sa fidélité, de laquelle il m'a

rendu assez de preuve poui- rejecter toutes les impostures que l'on

pourroit mettre en avant pour m'en faire doubter : priant Dieu, mon

Cousin, qu'il vous ayt en sa sainçte garde. Escript au camp devant

Amiens, le nj* jour de juillet i 597.

HENRY

DE NEUFVILLE

Cop. — B. N, Fonds Béthune, Ms. 8955 , fol. 1 1 3 verso.

Cop. — Arch. de Belgique. Recueil de dépêches, etc. , adressées aux États généraux des Pays- Bas ou émanées d'eux. iSSS-iôgS, fol. 689. Envoi de M. Gachard, archiviste général.

A NOS TRES CHERS ET BONS AMYS, ALLIEZ ET CONFEDEREZ MESS*»* DES ESTATS GENER AULX DES PROVINCES-UNIES DES PAYS BAS.

Très chers et bons amys, alliez et confederez , J'ay tousjours escript au s"^ de Buzanval , gentilhomme de ma chambre et mon ambassadeur

résident auprès de vous, vous faire entendre Testât de mes affaires selon les occasions qui s'en sont offertes. A présent il vous dira comme j'ay entrepris le siège de ceste ville d'Amiens, les termes où j'en suis et les raisons qui m'ont mcu de m'y engager, lesquelles sont si pressantes et si forcées, que je ne pourrois conserver mon Royaulme nv ma réputation, prenant aultre conseil. Vous m'avés promis de vous mettre en campagne et assaillir de vostre costé nostre ennemy commun quand je feray le semblable du mien. Je vous semons maintenant de vostre promesse , sur l'asseurance et foy de laquelle j'ay fondé la resolution que j'ay prise. Je vous prie donc que j'en voye les effects sans remise ny retardement. Vous n'en recevrés pas moins de bien que moy-mesme, car nostre ennemy estant assailly en mesme temps de vous et de moy pourra moins résister à nos forces, quand mesme il auroit assemblé toutes les siennes; ce qu'il n'a pas encore faict et ne peut faire de six sepmaines, dedans lequel temps, si chacun veut faire son debvoir, nous gaignerons tel advantaige sur luy, qu'elles luy seront après inutiles et à grand charge. Parlant, ne perdons ceste occasion. Lorsque vous n'aviès tant de moyen d'endommager l'ennemy, je n'avois tant de besoing de vostre assistance et que vous n'estiès obligé à moy comme vous estes par nostre traicté d'alliance solempnellement juré, vous avés faict de belles et grandes entreprises, conduict de belles et fortes armées, et faict reluire vos armes contre nostre dict ennemy très heureusement. Quoy ! sera-t-il dict que vous faciès moins aujourd'huy que vous avés plus de moyen de y prouiFicter pour vous et pour vos alliez .^^ Je ne me suis pas promis cela de vous, principalement depuis nostre susdicte alliance, après laquelle j'ay recherché tout moyen de unir les forces et desseings de nos alliez contre nostre ennemy, estimant que c'estoit le vray et plus sûr moyen d'en avoir la raison. J'en ay souvent faict instance et remonstrance à ma très chère et très amée sœur la royne d'Angleterre; mais ses affaires ne luy ont permis d'embrasser ce conseil, ayant dressé ses voiles ailleurs, dont je luy souhaite toute prospérité, affin que ses armes et sa bonne volonté ne soyent inutiles à elle ny à la cause publique, selon son

(lesir et nostre besoing. Mais ne laissons, ce pendant qu'elle employé là ses forces, joindre les nostres ou les mettre enbesongne en mesnie temps du costé de deçà, et si vous n'avés moyen de le faire à part, de façon que vous pussiés endommager Tennemy, assistés-moy d'une partie d'icelle en ce siège, du succès duquel despend la conservation du meilleur et plus asseuré amy et allié que vous aiu'és jamais, qui defauldra plus tost à soy-mcsme qu'à la foy qu'il a donnée à ses alliez, tant fpi'il cognoistra qu'ils en useront de mesme en son endroict; vous priant ne concevoir aultre opinion de ma constance en la poursuicte de ceste guerre, quelque bruict et apparence du contraire qui se présente à vous, mais vous confier en ma parole, laquelle n'a oncques manqué à personne , comme elle ne fera encore à l'advenir, si Dieu m'aide, ainsy que vous dira le dict s'^ de Buzanval, auquel je vous prie adjousterfoy comme à moy-mesme, tant sur ce subjet que aultre que je iuy commande vous représenter : priant Dieu, Très chers et bons amys, alliez et confederez, qu'il vous tienne en sa saincte et digne garde. Escript au camp devant Amiens, le iij"*^ jour de juillet 1597.

HENRY

DE NELFVILLE.

1597. — r 5 JUILLET.

Ong. — Arch. des Médicis, légation française, liasse 3. Envoi de M. le ministre de France

à Florence.

A MONS'' DE GONDY