A MONS^ DE MILDMAY
Mons' de Mildmay, Il va se présenter des occasions très importantes à la R.oyne ma bonne sœur et cousine, vostre maistresse, comme à moy, tant pour la continuation de la guerre que sur le subject de la paix, dont je désire conférer avec vous comme il est nécessaire, tant pour son service que pour le mien. Partant, je vous prie vous rendre à Abbeville le plus tost que vous pourrés, affin d'estre plus prés de moy, pour mieulx entendre ce qui se passera; et m'asseurant que serés bien aise de me donner ce contentement, je ne feray la présente plus longue : priant Dieu, Mons*^ de Mildmay, qu'il vous ayt
' Ce paquet , formé de pièces relati- réponse de cet ambassadeur. C'est par
ves au siège de la Rochelle , sous Louis une erreur de classement que ces deux
XIII , n'est pas la place de cette lettre pièces se trouvent dans le paquet de l'an-
de Henri IV à M. de Mildmay et de la née 1628.
DE HENRJ JV. 809
en sa saincte garde. Escript au camp devant Amiens, ce ix* jour de
juillet 1 597.
HENRY
DE NEUFVILLE
Orig. — B. N. Fonds Béthune, Mss. 9061 , fol. 62. Cop. — B. N. Fonds Fontanieu, Ms. P. 78 , foi. 68 recto; et Suppl. fr. Ms. 1009-2.
[AU CONNÉTABLE
Mon Cousin, J'avois jà accordé au s"^ de Vitry, pour un de ses enfans, l'evesché de Meaulx, quand j'ay receu vostre lettre par ce porteur; ayant esté adverty, deux jours devant, de l'extrémité de l'evesque. Vous sçavés si elle ' est bien employée au dict s*^ de Vitry, m'estant si utile serviteur qu'il est. Il se présentera quelque jour quelque autre occasion de gratifTier vostre beau-frere ; mais je n'ay peu desnier au dict s"^ de Vitry ceste grâce, tant pour ses mérites que pour la promesse que je luy en ay faicte quand il partit pour aller en Auvergne , d'où il m'a escript qu'il espère me rapporter tout contentement de la part de mon nepveu le comte d'Auvergne. Je le désire infiniment, pour mon service et pour le bien que je veulx à mon dict nepveu, comme pour vostre satisfaction. Je prie Dieu, mon Cousin, qu'il vous tienne en sa saincte et digne garde. Escript au camp devant Amiens, le x*^ jour de juillet 1 597.
HENKï.
DE NEUFVILLE
' Ce féminin semble se rapporter au sous-entendue , par un genre d'ellipse mot grâce ou faveur dont l'idée est comme que nous avons déjà remarqué.
1597. l3 JUILLET.
Cop. — B. N. Suppl. fr. Ms. 1009-1.
Imprimé. — Œconomies royalex, t. I, p. 2^9,
[ A M. DE ROSNY
Mons"^ de Piosny, Vous m'avés faict très grand plaisir d'avoir remis à un autre temps vostre voyage de Bourgogne, suivant la prière que je vous avois faicte; car il me semble que j'en suis bien plus fort en mon conseil quand je sçay que vous y estes, et sans vostre présence je desespererois du payement du cinquiesme mois de mon armée, à quoy il faut nécessairement bien tost pourveoir, d'autant que si nos soldats n'ont de l'argent, ils ne s'assujettiront jamais aux tranchées, et en seray très mal servy. Il faut aussy que vous me faciès envoyer quatre ou cinq mil escuz pour continuer nos dictes tranchées, auxquelles il faudra employer jusqu'à dix mil escuz, oultre les dix mil escuz qui furent baillez à Erard lorsqu'il alla à Paris. Mais aussy j'espère qu'avec cela nous irons jusques dans les fossez d'Amiens, dont nous approchons tous les jours. Mais si nous n'eussions faict besogner nos soldats, à trente sols la toise, nous n'en serions pas si prés. Vous me ferés plaisir de vérifier davantage le faict du canon; s'il est vray que celuy à qui il a esté baillé en a fourny la matière et comment il luy a esté délivré, car je n'en suis pas content, et faudra que la Chevallerie m'en responde. Je remets le demeurant sur -la lettre que j'escris à ceulx de mon conseil, approuvant ce que vous avés faict pour le comte Bothuel : priant Dieu, Mons' de Rosny, qu'il vous ayt en sa saincte et digne garde. Escript au camp devant Amiens, le xiij^ juillet
HENRY
DE NEUFVILLE
Cop. — Biblioth. de l'Arsenal, Hist. litt. n' 077, Ms. de Conrart, vol. V, p. 167
A MONS" DE LIBERTAT
VIGUIER DE MA VILLE DE MARSEILLE
Mons'' le vlguier, Entre toutes les particularitez de ce qui est succédé avec les galères de Toscane sur le faict de ravitaillement du fort de Rotonneau, j'ay eu plaisir d'entendre le bon debvoir que vous y avés rendu et les preuves que vous y avés faicles de vostre valeur et dévotion à mon service; qui m'augmente tousjours la volonté de vous aimer et bien faire. C'est quelque chose d'avoir rompu la première pointe du desseing du seig' dom Jean de Medicis, et cela aura valu à faire cognoistre que les Marseillois ne sont pas deschus de la valeur de leurs ancestres. Mais il faut continuer et monstrer tousjours force et courage, afûn que, si quelqu'un vouloit entreprendre sur vous, il en perde l'envie; et est nécessaire que vous exhortiés vos concitoyens que, comme ils ont librement exposé leurs vies en l'occasion du dict ravitaillement, ils contribuent aussy de leurs moyens pour parachever le dict fort, et le mettre en bonne deffense; ce que nous jugeons que vous leur pourrés persuader sans beaucoup de difficulté, veu qu'il n'y a aulcun d'entre eux qui ne saiche bien comprendre la conséquence de la conservation du dict fort, et que s'il venoit à se perdre, ce seroit un trop grand advanlage aux ennemys sur nostre ville de Marseille. Sur ce, je prie Dieu, Mons"" le viguier, vous avoir en sa saincte garde. Escript au camp devant Amiens, le xxj^ juillet 1697,
FOKGBT.
joa
Cop. — B. N. Suppi. fr. Ms. 1000-4.
fniprinié. — Œconomies royales, édit. orig. t. I, p. 432.
