CIRCULAIRE SUR LA RETRAITE DU CARDINAL D'AUTRICHE
La présente est pour vous advertir comme nos ennemys vindrent lundy dernier, xv® de ce mois, avec une armée de vingt-mil hommes, pour secourir ceste ville, marchans entre leurs charriots (qu'ils avoient en grand nombre et la rivière de Somme) avec leur artillerie à la teste, en très bon ordre. Ils s'advancerent en ceste façon jusques à une canonnade de nostre camp , où nous ne nous contentasmes pas seulement de les attendre et recevoir, car nous feismes advancer une partie de nostre cavallerie et de nos gens de pied jusques au village du Longpré, esloigné de nostre dict camp de cinq cens pas, et jusques à ceux de la teste de leur armée; puis les feismes saluer à coups de canon, lequel à ceste fois nous avions fait placer contre le retranchement de nostre dict camp. Ce qui les arresta tout court et les feit changer de place, car ils s'estoient advancez jusques à la veue de nostre dict camp; et voyans qu'ils s'estoient retirez contre la coste, du costé de la rivière, d'où ils combattoient à coups de canon le pont que nous avions sur la dicte rivière, nous feismes passer delà l'eau quatre pièces, desquelles ayant tiré sur eux quelques coups, nous leur feismes encore changer de place; et la nuict estant venue, ils se retirèrent au village d'Arquelles, qui estoit derrière eulx; d'où ils sont partys trois heures devant le jour, sans battre le tambour ny sonner la trompette, et avec effroy, jusques à avoir délaissé leurs otoballes
' Des exemplaires de cette circulaire qui nous sont parvenus, les uns sont datés du 16, les autres du 17.
pour se retirer par le chemin qu'ils estoient venus. En estans advertys,
nous les avons poursuivys, ayant nostre armée en Ijataille, à coups de
canon, dont ils ont esté endonmiagez trois lieues durant; et s'ils
n'eussent rencontré une assiette advantageuse pour faire leur retraicte,
nous les eussions combattus. Nostre canon n'a laissé , pour cela , de
battre tousjours ceulx de la dicte ville, avec les gardes que nous
avions laissez aux tranchées, et avons prins deux de leurs ponts, avec
lesquels ils s'attendoient de faire passer des gens delà la dicte rivière
pour jetter dedans la ville. A quoy nous avions aussy si bien pourveu,
que, grâces à Dieu et aux gens de bien qui nous y ont assisté, leur
effort, qui a esté grand à la vérité, a esté inutile : de quoy vous
louerés et remercierés, comme nous, la bonté et justice divine, et
tiendrés la main que les feux de joye en soyent faicts en l'estendue de
vostre charge, en la forme accoustumée ^. Donné au camp devant
Amiens, le xvj^ jour de septembre iSgy.
HENRY
POTIER
Drig. — Archives du département de la Haute-Marne. Copie transmise par M. Valette , archiviste.
A NOS AMEZ ET FEAULX LES OFFICIERS DE NOSTRE JUSTICE ET LES MAIRE ET ESCHEVINS DE NOSTRE VILLE DE CHAUMONT EN BASSIGNY.
Nos amez et feaulx, vous aurés receu maintenant l'advis de rapprochement de nos ennemys qui estoient venu secourir nostre ville d'Amiens, et le succès de leur voyage avec leur retraite, dont vous aurés le discours particulier selon que nous vous l'avons promis. Nous espérons en la bonté de Dieu le faire suivre d'un meilleur advis de la réduction de cesle place, à laquelle sont, dit-on, disposez
* Le» divers exemplaires offrent quel- tost un discours particulier de tout ce qui
ques légères variantes. Dans ceux qui sont s'est passé. Ce pendant vous ferés part de
adressés à Mornay et à M. de la Chastre, cette bonne nouvelle à tous mes bons
on lit de plus : «Je vous envoieray bien subjects et serviteurs: priant Dieu, etc.»
les assiégez, nous en ayant aujourd'huy faicl offre, mais avec des
conditions que nous entendons estre modérées s'ils veulent sortir avec
nos bonnes grâces. Donné au camp devant Amiens, le xvuj*" jour de
septembre 1^97.
HENRY
POTIER
Cop. — Suppl. fr. Ms. 1009-1.
Imprimé. — OEconomies royales, édit. orig. 1. 1, p. 44o.
[A M. DE ROSNY
Mons'' de Rosny, Nous n'avons pas combattu le cardinal , mais nous l'avons empesché de jeter du secours dans ceste ville. C'est nostre but, qui nous est bien succédé, grâces à Dieu; mais si j'en eusse esté creu, il n'en eust esté quitte à si bon marché, car nous l'eussions combattu, et, comme je crois, battu. J'ay suivy le conseil des plus sages, et comme j'espère que cecy me donnera bien tost cette ville, je veux dire avec eux que je n'auray pas peu faict. Nous y allons travailler à bon escient; mais si vous ne m'envoyés bien tost de quoy faire faire monstre et payement à mon armée , elle se débandera. Toutes les compagnies de cheval et de pied y sont à présent complètes, voire plus fortes que le nombre ne porte ; c'est pourquoy il faut que vous m'envoyés du moins cent mil escuz pour y satisfaire. Tenés la main, je vous prie, que je les reçoive au plus tost. Souvenés-vous de la fausse retraite que fit le duc de Parme , quand il vint secourir Rouen. Il faut craindre que cestuy-cy en face de mesme, cognoissant quelle est Fardeur des François , comme ils se refroidissent et retirent , l'occasion d'une bataille estant passée. J'appréhende cela merveilleusement; c'est pourquoy il faut contenter ceux qui tirent solde, afin qu'ils tiennent pied-à-boulle. Partant je vous prie derechef en avoir soing. Vous avés bien faict d'avoir faict faire la déclaration en faveur des triennaux, dont vous m'avés donné advis, et sçay bon
DK HB:NRI IV. 847
gré au trésorier de Tcspargne Gobelin de la bonne volonté de continuer tant qu'il luy sera possible les advances qu'il a faictes jusques à présent, pour faire aller ma maison et contenter mes gardes. J'approuve aussy le marcbé que vous avés faict pour les vivres de l'armée; et si vous avés besoing de quelques lettres tant à ceux du Parlement que à aultres pour advancer mes affaires , me le mandant je vous les enverray. Mais je vous prie derechef que j'aye tost de quoy payer l'armée, et aussy que je sois secouru de pouldre à canon, car la provision que j'en ay faict commence à diminuer. Ayés soin pareillement du faict des Ligues , affin que fargent que nous y avons mis ne soit inutile : priant Dieu, Mons"" de Rosny, qu'il vous ayt en sa saincte et digne garde. Escript du camp devant Amiens, le xviij^ jour de septembre 1 5 9 7 .
HENRY
DE NElJFVfl.I.E.
Orig. autographe. — Londres, State paper oflice, antient royal lelters, t. XXII, lettre 198. Copie transmise par M. l'ambassadeur de France à Londres.
[A LA REINE D'ANGLETERRE
Madame , Dieu et le bonheur de vos armes dont j'ay esté assisté m'ont rendu ma ville d'Amiens. J'en ay arresté la capitulation aujourd'imy, que j'envoye au bon la Fontaine pour vous présenter, avec le discours véritable du succès de fentreprinse faicte par le cardinal Albert pour la secourir, pour lequel je m'asseure que vous jugerés comme moy que, s'il est venu en soldat, il s'en est retourné en prestre. Ce fut le quinziesme qu'il arriva, et n'attendit le seize pour s'en retourner. J'ay volontiers donné six jours de temps aux assiégez pour faller quérir; car je desirerois fort qu'il voulust revenir pour décider en un coup toutes vos querelles et les miennels. Madame, comme vos prosperitez seront tousjours les miennes, je vous prie aussy estre contente
que je me resjoiiisse avec vous de ceste victoire, au fruict de laquelle vous aurés tousjours telle part que
Vostre plus humble frere et serviteur,
HENRY
Ce xix*^ septembre, au camp devant Amiens.
Orig. autographe. — Archives de M. le duc de CriHon.
Cop. ~ B. N. Suppl. fr. Ms. 1009-4.
Imprimé. — Bouclier d'honneur, par le P. Bening; Avignon, i6i6, in-8°. — Journal militaire de Henri IV. pat le comte de Valory ; Paris, V. Didot, 182 1 , in-8°, p. 269.
