ET 7 MARS
Orig.— B. N. Fonds Bdthune, Ms. 9057, fol. 36, Cop. — Suppl. fr. Ms. 1009-2.
[AU CONNÉTABLE
Mon Cousin, Je crois que ceulx de mon Parlement auront verilié la descharge pour le s*^ de Bourcany et aultres gens de guerre qui sont dans Ancenis, suivant ce que je leur en ay escript de Chenonceaulx et la recommandation que leur en aurés faicte. Ceulx de Rochefort estans en la mesme resolution , j'envoye à ceulx de mon dict Parlement leur descharge pour la vérifier promptement, comme il est hesoing qu'ils facent auparavant que je me puisse ayder des dictes places qui m'ouvrent entièrement le chemin pour aller à Nantes, ne pouvant faire passer mes canons si les dictes places ne sont à ma dévotion. La vérité est que les uns et les aultres ont faict serment de fidélité, mais c'est à condition que je ne leur feray aulcun commandement, et qu'ils ne seront ohligez de m'obeïr, que les dictes descharges et abolitions ne soyent vérifiées. C'est pourquoy, mon Cousin, je vous prie de tenir la main à ce que la vérification s'en face promptement et sans aulcune longueiu? ny retardement, car de là despend la prinse de Nantes et réduction de tout mon pays de Bretaigne ; ayans tous les aultres gouverneurs envoyé vers moy pour traicter, lesquels se régleront sur ce qui aura esté faict en faveur de ceiUx d' Ancenis et Rochefort.
Arrivant ce jourd'huy en ce lieu, j'y ay trouvé ma cousine la duchesse de Mercur, laquelle remet à ma volonté tout ce qui despend du duc de Mercur son mary : à quoy la déclaration de ceulx d'Ancenis et de Rochefort les ont fort disposez. Je me serviray de ceste occa-
sion, et feray demain traicter avec ma dicte cousine. Sy,feray en sorte que le dicl duc de Mercur se départant du gouvernement de mon dicl pays de Bretaigne, je donneray contentement à tous mes subjects et establiray un bon et asseuré repos en iceile. Le beau commencement qu'il plaist à Dieu me donner en ceste entreprinse me faict espérer que dans peu de jours je seray dans ma ville de Nantes, et que le reste de mon pays de Bretaigne sera reduict en mon obéissance sipromplement, que je pom^ray dans un mois me rendre sur la frontière de Picardie, où je vous prie, mon Cousin, d'aller promptement et pourveoir à la seureté de mes villes, et empescher que mes ennemys n'exécutent aulcune entreprinse au préjudice de mon service. Après que j'auray faict traicter avec ma dicte cousine, je vous donneray plus particulier advis de la resolution qui aura esté prinse; vous priant, cependant, mon Cousin, de faire advancer l'exécution des dictes descharges et déclarations, et commander qu'elles me soyent incontinent renvoyées, faisant neantmoins, à l'instant de la dicte vérification , faire rendre grâces publiques à Dieu et feux de joye pour la dicte réduction, que je tiens certaine et asseurée, moyennant l'entérinement de nos dictes lettres et non aultrement : et je prie Dieu, mon Cousin, vous avoir en sa saincte garde. Au Pont de Ce, ce vj^ jour de mars
HENRY
POTIER
Mon Cousin, depuis la présente escripte, j'ay faict entendre ma volonté à la duchesse de Mercur, tant sur le gouvernement de Bretaigne, duquel je veulx disposer, que pour les gratifications que le duc de Mercur peut attendre de moy; en quoy il reste si peu de dificulté que je vous puis asseurer que nous serons d'accord dans ce jour d'huy : ce qui m'asseure entièrement de la Bretaigne , et que j'auray moyen d'estre dans un mois sur la frontière de Picardie, que je vous escriray plus particulièrement quand les articles seront signez. Du vij^ mars.
Imprimé. — Ilisloirc du cardinal dac de Joyeuse, par AuDEiiï ; Paris , i Gj'i , in- 4°, p. 27O.
