DE L'EVESGHÉ DU DICT LIEU
Mons" de Montbarot, Si j'ay mis peine de m'advancer jusqu'icy avec mon armée pour donner à ces bons serviteurs et subjects de mon pays de Bretaigne le contentement, repos et soulagement qu'ils y attendent de ma présence , je crois que de leur part ils se seront mis en debvoir de satisfaire aux moyens qu'ils m'ont asseuré de me fournir pour mon entretenement et de ma dicte armée au dict pays. J'en attends présentement les effects, ayant remis le payement du mois jà escheu et deu à mon armée sui' les premiers cinquante mil escuz qui me doibvent estre fournys; à fadvancement desquels il est besoing que vous teniés soigneusement la main pour ce qui despend de l'estendue de vostre charge, et mettiés toute peine que chacun contribue à sa taxe, soit pour les dicts cinquante mil escuz, que pour la continuation d'iceux, subsecutivement de mois en mois; faisant contraindre les plus tardifs , selon que leur mauvaise volonté le requerra: ce que je veulx croire toutesfois qu'ils ne permettront; ains espère que ressentans l'utilité et commodité de ma dicte armée, ils se mettront en debvoir de ne la laisser incommoder ou tomber en defnult ou nécessité : sur quoy m'asseurant que le s*" de Cusé vous
DE HENRI JV. 923
instruira particulièrement de mes intentions et espérance de vous
voir bien tost près de moy, je prieray Dieu qu'il vous ayt, Mons"^ de
Montbarot, en sa saincte garde. Escript à Angers, le x^ jour de
mars lôgS.
HEMIY.
POTIEr..
me
Ong. — B. N. Fonds Béthunc, Ms. 9037, fol. 77. Cop. — Suppl. fr. Ms. 1009-3.
[AU CONNÉTABLE
Mon Cousin, Si de vostre costé vous avés esté empesché à trouver de quoy payer le premier mois des forces que je vous ay laissées, et Testes encore non-seulement à contenter tous ceulx qui demandent de l'argent, mais aussy à pourveoir à ce qui est nécessaire, je vous asseure que je ne le suis pas moins par deçà; car comme vous sçavés que nous avions du tout fondé le pavement de l'armée que j'ay amenée, sur les offres et promesses que mes subjects de Bretaigne et des provinces circonvoisines m'avoient faict de me secourir et assister d'argent, je n'ay pas trouvé un escu prest pour y satisfaire, ny mesme le despartement des dictes levées commencé : de sorte que je n'ay aulcun moyen de payer mes forces, et sans l'ordre que nous avons donné à la fourniture des vivres devant que de partir de Paris, toute mon armée mourroit de faim; et quoique je face tout ce qui se peut pour reschauffcr ceulx qui doibvent fournir les dicts deniers , afTin de s'acquitter de leurs dictes promesses et pouvoir par ce moyen payer mon armée et la mettre en besongne à leur soulagement, je ne sçay qu'en espérer. Par où vous pouvés juger, mon Cousin, en quels termes je me retrouve, car il n'a pas esté apporté un seul escu de Paris, et il ne se trouve encore rien de receu en mes receptes générales et particulières de ceste année; et semble qu'il suffise à ceulx du pavs de m'avoir attiré par deçà et obligé ma réputation à les tirer du mal qui les presse.
Cela, mon Cousin, m'a faict prendre party d'accorder avec le duc de Mercure peut-estre plus promptement et à conditions plus advantageuses pour luy que je n'eusse faict, craignant que l'appréhension qu'il a eue de ma venue se changeast en une obstination quand il descouvriroit mos incommoditez et sçauroit mes forces demeurées inutiles et languir par faulte d'argent. Or, le dict accord est si advancé que j'espère qu'il sera résolu dedans aujourd'huy ou demain , à conditions qui ne me peuvent estre que utiles, puisque le dict duc de Mercure met entre mes mains le cliasteau de Nantes avec le gouvernement du pays et toutes les places qui luy restent, dont vous serés plus particulièrement adverty quand les articles du dict traictc seront signez. Cependant je vous diray que vous ferés bien de différer encores pour quelques jours l'achapt des chevaux d'artillerie pour lequel vous devés faire fournir dix mil escuz, ainsy que j'ay appris par les estats que vous m'avés envoyez avec vostre lettre du vi^ de ce mois, que je receus hier au soir; d'autant que, si nostre accord se faict par deçà, je vous enverray incontinent ceulx que j'ay faict lever pour y servir, et par ce moyen nous espargner les dicts dix mil escuz avec les aultres dix mil qu'il faudroit encore fournir pour le parfaict de l'advance des dicts chevaux d'artillerie. Aussy bien je ne vois plus que vous déviés estre fort pressé d'employer les dicts chevaux , ainsy que je puis juger par les advis que j'ay nagueres receus des s" de Bellievre et de Sillery; cai' le renfort an^ivé de nouveau à Calais, que l'on dict estre composé de quatre mil hommes , est bien moindre et am^a tout besoing de repos, devant que d'estre en estât d'estre mis en besoigue. Seulement je vous prie, mon Cousin, vous acheminer en ma frontière le plus tost que vous pourrés, pourveoir que les compagnies de cheval et de pied qui y sont ordonnées, mesmes celles des garnisons ordinaires, soyent complètes et facent leur devoir; que les places soyent munies de vivres le mieux que faire se pourra, et que chascun se tienne sur ses gardes. Quant aux picqs , pelles et boyaux que demandent les gouverneurs, vous leur en pouvés bailler de ceulx qui ont esté acheptez pour le siège d'Amiens, qui n'ont esté employez, ou leur en faire
achepter des deniers ordonnez pour voslrc estât, pour les parties inopinées, ou des revenans-bons des monstres que vous ferés faire, qui ne doibvent revenir à petites sommes si je suis bien servy aux dictes monstres; car je vous prie y tenir la main. Au demeurant, je trouve bon que vous meniés avec vous le s"" dlleudicourt, puisque vous avés jugé quil vous estoit nécessaire, et me remets à vous de disposer et ordonner de toutes les aultres despenses qu'il conviendra faire en mon armée , oultre celles qui sont portées par Testât que je vous en ay laissé, comme vous jugerés estre pour le mieux, car je neme fie pas moins en vous qu'en mov-mesmes, et vous sçavés que je ne puis d'icy vous secourir d'aultres fonds que celuy que je vous ay laissé, pour lequel faire valloir il faut que mon cousin le cardinal de Gondy et les s" de Boissise et de Vienne , qui demeurent à Paris , travaillent incessamment après vostre partement , selon les commandemens que je leur en ay faicts et les mémoires que ceulx de mon conseil m'ont dict leur avoir laissez; de quoy vous les admonesterez souvent pai' vos lettres, comme je feray de mon costé. Davantage, mon Cousin, j'estime que le bruict qu'il fault publier partout de l'accommodement des affaires de par deçà à mon contentement tiendra aulcunement en bride nos ennemys , quand bien ils auroient avec la volonté le moyen d'entreprendre sur ma frontière ; car ils s'attendront que j'y retourneray bien tost, estant desengagé d'icy; comme il est certain que je feray, mesmes s'ils se mettent aux champs. A ceste cause , je vous prie que je sois adverty diligemment de toutes occurrences : priant Dieu, mon Cousin, qu'il vous ayt en sa saincte garde.
Escript à Angers, le x^jour de mars 1598.
HENRY
DE NEUFVIT.LE.
1598.— i3 MARS. -K
Orig. — B. N. Fonds Bétliune, Ms. 9057, fol. 56. Cop. — Suppl. fr. Ms. 1 009-2.
[AU CONNÉTABLE
Mon Cousin , Envoyant ce courrier trouver le s"^ de Vie , pour luy
donner advis d'un desseing qu'ont mes ennemys sur ma ville d'Amiens,
je vous ay voulu faire ce mot, estimant que vous serés arrivé à Paris,
pour vous dire qu'encore que les articles soyent quasy tous d'accord
avec ma cousine la duchesse de Mercur, je ne puis neantmoins vous
donner plus de certitude et esclaircissement de la resolution du dict
traicté quej'ay faict par ma dernière, d'autant que le s"" de laPardieu\
qui est allé trouver le s*" de Mercur pour apporter sa resolution, n'est
encore de retour. Je vous en escriray dans deux ou trois jours avec
plus d'asseurance. Cependant je vous prie pourveoir à la frontière et
vous y rendre au plus tost, m'asseurant que vostre présence servira
beaucoup à la seureté de mes villes, pour l'ordre que vous donnerés
à la garde et conservation d'icell es. Sur ce, je prie Dieu, mon Cousin,
vous avoir en sa saincte garde. Escript à Angers, le xiij^ jour de
mars iÔqS.
HENRY
POTIER
' Albert Rousselet, seigneur de la Pardieu, etc., chevalier de l'ordre du Roi, commandeur de l'île de Ré, capitaine de trente hommes d'armes des ordonnances , lieutenant de la compagnie des gendarmes du maréchal de Retz, son oncle, avait pour père François Rousselet, seigneur de la Pardieu, et pour mère Méraude de Gon-
di. Il avait été élevé en Savoie, et était gentilhomme de la chambre du duc. 11 devint gentilhomme ordinaire de celle du Roi en i6o5, puis conseiller d'Etat et gouverneur des villes de Machecoul et de Belle- Isle. Il mourut en 1621. Son petit-fils, le marquis de Châteauregnaud , fut viceamiral et maréchal de France.
1598. — i3 M.\ES. — 11""=.
Orig. — B. N. Fonds Bétbune, Ms. 9057, fol. 52. Cop. — Suppl. Ms. 1009-2.
[AU CONNÉTABLE
Mon Cousin, J'envoye le commissaire Rozel au-devant des depputez des s'* Estais généraux des Pays-Bas, pour leur faire instance de remettre es mains du s"* Doubles à Rouen les deniers qu'ils apportent pour le payement de deux mois des regimens de gens de pied qu'ils entretiennent à mon service , à ce que le plus promptement que faire se pomTa ils reçoivent ce secours en la nécessité où ils sont reduicts, et se puissent, par ce moyen, fortifier et remettre en leur premier estât, ayant commandé au dict Rozel qu'ayant obtenu des dicts depputez les dicts deniers, il se rende en diligence prés de vous, pour vous en porter les nouvelles et exécuter la commission que je luy ay donnée de faire les monstres des dicts regimens selon et ainsy que vous luy commanderés , ayant cy-devant rendu un si bon debvoir et tant de diligence en la dicte charge , que j'ay occasion d'en demeurer très content et satisfaict : et n'estant la présente à aultre fm, je prieray Dieu qu'il vous ayt en sa saincte et digne garde, D'Angers, ie xiij^ de mars 1 698.
HENRY
DE NEUFVILLE
1598. — là MARS.
Orig. -- B. N. Fonds Bdthune, Ms. 9075, fol. 60. Cop. — Suppl. fr. Ms. 1009-2.
[AU CONNÉTABLE
Mon Cousin, Les s''* de Bellievre et de Sillery m'ayant escript qu'il leur a esté proposé par le père gênerai des cordeliers que, si je veulx bailler parole au cardinal d'Austriche que mes gens de guerre ne feront aulcune entreprinse sur les places du roy d'Espaigne, que le dict
cardinal promellra le semblable pour ceulx qui sont au service du dicl roy, pour la seurelé de mes places, j'ay advisé de me servir de ceste ouvertiu'e pour mieux garentir et asseurer ma frontière durant mon absence. Parlant, j'escris présentement aux dicts s*^ de Bellievre et de Sillery qu'ils en donnent ma foy et parole, quand ils auront receu celle du dict cardinal, et qu'ils vous advertissent incontinent de ce qu'ils en auront arresté, aïïin que vous en donniés advis à un cliascun pour s'y conformer et pourveoir qu'il n'y soit rien faict au contraire. Mais je vous prie, mon Cousin, de tenir ce faict secret, principalement jusqu'à ce qu'il soit bien résolu. Pour cela je n'entends pas que ion laisse de part et d'aultre à faire la guerre en la campagne, affin que l'on ne interprète ceste asseurance réciproque à une cessation d'armes; car vous sçavés que j'ay promis à mes alliez de ne faire paix, trefve ny cessation d'armes sans eidx, et je ne veulx leur donner aulcune barre sm^moy, ny occasion de s'en plaindre. Je ne vous escris la présente que pour vous adverlir de ce faict: partant, je prie Dieu, mon Cousin, vous avoir en sasaincte garde. Escript à Angers, ce xiuj*'
jour de mars 1698.
HENRY
PE NEi:FVlt.f.E.
Ong. — A Londres , State paper office. Volume de mélanges. Copies transmises par M. l'ambassadeur
de France et M. Lenglet.
[A M. CECYLL.]
Mons'^Cecyll, Envoyant le commissaire Rozel vers les depputez des Estats généraux des provinces unies des Pays-Bas, je luy ay commandé de vous voir en passant, et vous prier de ma part, comme je fais aussy par ceste lettre , d'advancer autant que pourrés vostre venue par deçà, où je vous asseure que je vous verray bien volontiers. En me remettant au dict commissaire à vous dire plus particulièrement de
mes nouvelles, je prie Dieu, Mons"^ Cecyli, qu'il vous ayt en sa tressaincte garde. Escript à Angers, le xv'^ mars 1 598.
HENRY
DE NEUFVILLE
1598. — l5 MARS. — 11""^
Orig. — B. N, Fonds Béthune, Ms. 9057, fol. 6S. Cop. — Suppl. fr. Ms. 1009-2.
[AU CONNÉTABLE
Mon Cousin, J'ay veu par vostre lettre du neufviesme ce que m'escrivés touchant les affaires de Savoye et l'opinion que vous m'escrivés du siège d'Aiguebelle ; sur quoy je vous diray que le duc de Savoye n'a entreprins le dict siège : ce que j'ay apprins par lettres du s*^ de Lesdiguieres, qui me donne advis que le duc de Savoye estoit entré en la Morienne seulement pour favoriser de la présence de son armée l'un de ses forts, pendant qu'il l'a faict munir d'hommes et de vivres , et que son armée est si foible et si harrassée , qu'il n'est en sa puissance de rien entreprendre. Quant à l'advis qu'avés eu des forces qui sont desparties par le roy d'Espagne pour la Picardie et la Bretaigne, j'espère, s'il en descend en Bretaigne, qu'ils y trouveront mes affaires si advancées qu'ils n'y feront auculnement effect important; comme je me veulx promettre que vous en empescherés ceulx qui sont descendus en Picardie, qui ne sont, au plus, que deux mil ou deux mil cinq cens nouveaux soldats. Je suis bien aise, mon Cousin, que vous soyés party pour aller sur la frontière, où je vous prie vous rendre incontinent, et pourveoir, par vostre présence et le bon ordre que vous y donnerés, à ce que jugerés nécessaire pour la seureté de mes villes; faisant mettre promptement dans les magasins les bleds que le munitionnaire Cadet est tenu de remplacer. Je remets à vostre prudence ce qui est requis pour la seureté de la dicte frontière, et tout ce qui est à faire pour le bien de mon service, vous asseurant que je
LETTRES DE HENRI IV. IV. 1 1 ~j
seray doresnavant en plus grand repos, saichant que vous estes sur la frontière, où je desirerois que fussiés assisté davantage et que vous eussiés plus de fonds pour le payement des garnisons et des forces qui sont prés de vous. Mais il fault, mon Cousin, faire de nécessité vertu, comme je suis contrainct de faire par deçà, n'ayant encore peu faire recevoir un seul escudes deniers de Bretaigne qui doibvent estre baillez à mon armée ; la levée desdicts deniers estant retardée , et les volontez de mes serviteurs refroidyes de prester, espérant s'en faire descharger, si le traité se resoidt avec le duc de Mercur. Voilà l'asseurance qu'on peut prendre sur les promesses des peuples. Je partiray demain pour aller à Ancenis , où j'estime passer les festes, ayant promis au duc de Mercur de n'estre dans ma ville de Nantes que mon esdict ne soit vérifié en mes courts de parlement de Paris et de Rennes. Les articles sont accordez ; ce qui reste sera résolu aussy tost que le s' de la Pardieu sera de retour, qui sera demain; dont je vous donneray incontinent advis : et ce pendant, je prieray Dieu, mon Cousin, vous avoir en sa saincte garde. Escript à Angers, le xv^ jour de mars
HENRY
POTIER
Orig. — B. N. Fonds Béthune, Ms. 9057, fol. 66. Cop. — Suppl. fr. Ms. 1009-3.
[AU CONNÉTABLE
Mon Cousin, Ayant le s"" de la Ville-Morel, présent porteur, remis en mon obéissance la tour d'Oudon, qui vous appartient, je l'ay, en faveur d'un si bon service, choisy pour commander en la dicte place . attendant vostre volonté ; vous priant, mon Cousin, en ceste considération, et que sa maison en est proche, aussy pour l'affection cpi'il porte à mon service, d'avoir agréable de luy accorder le commandement en la dicte place, duquel je vous promets qu'il s'acquittera fidel-
lement, et quoultre le soing qu'il aura de la conserver, il tiendra la main à ce qui vous touche, à vostre contentement, autant que nul aultre à qui vous la pourries commetre, oultre le bon gré que je vous en sçauray s'il reçoit ceste faveur de vous , que son courage a bien et légitimement méritée. Sur ce, je prie Dieu, mon Cousin, vous avoir en sa saincte garde. Escript à Angers, le xvij^ jour de mars 1698.
POTIER
Cop. — Généalogi* manuscrite de la famille de Boisjourdan. Envoi de M. Bauluères, à Laval.
