A NOS AMEZ ET FEAULX LES GENS TENANS NOSTRE COURT DE

PARLEMENT A PARIS

Nos amez et feaulx, Encores que nous n'eussions prins possession de nostre ville et chasteau de Nantes, nous avons tousjours neantmoins eu ferme asseurance que nostre cousin le duc de Mercœur satisferoit entièrement sur ce à nostre voulloir et intention, s'estant rendu prés de nous pour gage plus certain de sa parolle. En cela, nous vous avons faict entendre de ne différer les actions de grâces que nous voulons estre publiquement rendues à Dieu de l'heureux succès de ce traicté, que nostre dict cousin differoit d'exécuter entièrement, jusques à ce qu'il vist la veriffication que vous en avés faicte; laquelle receue , nous y avons aussy tost envoyé nostre cousin le mareschal de Retz, qui y a esté receu avec l'applaudissement d'un chascun et prins asseurance tant des dictes places que des habitans, comme vous le verres par la lettre qu'il nous en escript, que nostre cousin le cardinal de Gondy vous fera voir, avec lequel nous voulons, vous mandons et ordonnons que sans plus retarder vous ayés à faire rendre grâces à Dieu d'un succès si heureux à nos affaires, avec les feux de joye accoustumez tels que ce bon advis le mérite. Nous allons dés demain en nostre dicte ville de Nantes, et n'y ferons séjour que pour pourveoir à ce qui sera nécessaire pour le siège de Blavet, où les forces de la province sont desjà acheminées, et ordonner l'establissement de nos affaires en nostre dicte province, et visiter nostre ville de Rennes, pour de là reprendre nostre chemin vers la Picardie, où nous desirons nous rendre au plus tost pom* entreprendre sur nos ennemys, soit pour favoriser le traiclé de Vervins et le rendre autant plus advan-

lageux pour nostre service qu'il sera possible. Donné à Angers, le VI'' jour d'avril i Ô98.

HENRY

POTIEB.

Cnp. — Arch. nationales, sect. judic, Reg. orig. du Parlement de Paris (conseil), vol. 292,

fol. 278 recto.