A NOS AMEZ ET FEAIILX LES GENS TENANS NOSTRE COURT DE

PARLEMENT DE PARIS

Nos aniez et feaulx, La longueur des troubles qui ont affligé ce Royaume a apporté en iceluy un tel mespris de mon auctorité et de la justice, que plusieurs ont creu qu'il estoit loisible à un chascun d'exercej^ ses passions et de commettre toutes sortes de crimes impuniement. Ceux-là principalement sont tombez en ceste erreur qui , estans nez durant les dicts troubles, n'ont eu cognoissance de la vraie révérence et obéissance que les François souloient porter à leurs Roys et aux lois du Royaume; dont sont advenus plusieurs accidens publics et privez que nous n'avons peu jusques à présent esviter ny corriger selon nostre désir, à cause du support qu'ont tousjours trouvé les auteurs de tels crimes envers les factieux et leurs adberens, lesquels ont recueilly, embrassé et couvert tels malfaicteurs qui ont eu recours à eux pour s'en servir et fortifier en leurs pernicieux desseings. Mais puisque Dieu nous a faict la grâce d'achever et purger nostre Royaume des dictes factions, nous n'avons rien plus à cœur que de restablir nostre auctorité et justice à leur entière force et dignité : pour à quoy donner commencement, nous vous escrivons la présente, et la vous envoyons exprés par Guicliard, l'un de nos valets de chambre, par laquelle vous sçaurés que , ayant l'année passée commandé aux s" de Schomberg et du Plessis Mornay, la qualité desquels vous est assez cogneue, de prendre cognoissance et s'entremettre des affaires de nostre duché de Bretagne, lors travaillé diversement entre la crainte

de la guerre et l'espérance de la paix, de laquelle nous estions entretenus, nostre cousin le comte de Brissac, mareschal de France et nostrc lieuctenant gênerai au dict duché de Bretagne , estant venu en nostre ville d'Angers, s'y seroient aussy rendus les dicts s""* de Schomberg et du Plessis Mornay, à la prière de nostre dict cousin le mareschal de Brissac , lequel dcsiroit communiquer avec eux des dicts affaires de nostre province de Bretagne tant de la paix que de la guerre, le dict s"" du Plessis, nommément à ce convié par lettres particulières de nostre dict cousin, à luy envoyées par gentilhomme exprés, sur lesquelles il se seroit aussy-tost transporté en nostre dicte ville d'Angers , désireux de nous servir en ceste occasion comme il a tousjours faict en toutes aultres très fidèlement et à nostre grand contentement. Le lendemain xxvui*^ d'octobre qu'il fut arrivé en la dicte ville , ayant conféré tout le matin ensemble de nos dicts affaires, seroient allez disner de compagnie chez le s"" de la Rochepot; dont retournant le dict s"" du Plessis, peu accompagné et ne se doubtant de rien, retournant vers son logis, fut assailly de gens, appelle par les rues en plain jour et aux yeux d'un chascun par le s'" de Sainct-Phalle , non pour aultre cause que pour avoir veu certaines lettres escriptes en lieu duquel nous avons eu toute occasion de nous delTier, lesquelles luy auroient esté envoyées par les officiers de nostre ville de Monstreuil-Bellay, qui les avoient prises avec le porteur d'icelles, pour la mesme jalousie, sur le chemin de Mirebeau, affin d'en ordonner et faire ce qu'il jugeroit à propos pour nostre service ; dont son affection naturelle et la charge que nous luy avons donnée en la ville de Saumur et aux environs fobligerent d'avoir soing et prendre cognoissance et mesme d'en user comme il fit; de sorte qu'il ne s'attendoit à rien moins que à debvoir tomber en peine pour nous avoir faict ce service.

Neantmoins le dict s" de Sainct-Phalle, sans avoir esgard aux qualité et mérites du dict s" du Plessis, qui a cest honneur que d'estre de nos plus anciens serviteurs, de nostre conseil d'Estat, cappitaine de cinquante hommes d'armes de nos ordonnances et gouvernem' de la ville de Saumur, qu'il avoit esté mandé par le dict s*" de Brissac et

estoit en la dicte ville exprés pour nos affaires, que le dicl s' de Saincl- Phalle estoit beau-frere du dict mareschal de Brissac, à l'instance duquel le dicts"" du Plessis s'estoit acheminé en la dicte ville, et qu'il n'avoit peu faire moins pour son debvoir à nostre service que de prendre cognoissance des dictes lettres, comme il luy avoit représenté sur-le-champ, jusques à luy offrir plusieurs fois à luy en faire raison par les armes s'il ne s'estimoit satisfaict de ce qu'il luy en disoit : l'auroit neantmoins excédé et offensé en sa personne avec telle violence et oultrage que, sans la résistance qui luy fut faicte par aulcuns de ceulx qui suivoient le dict s"" du Plessis , il l'eust assassiné tout à faict. De quoy estans advertys , nous receumes le desplaisir et mescontentement que mérite un tel attentat commis contre nostre auctorité et en la personne d'un de nos plus fidèles serviteurs, pour la seule considération de nostre service ; qui fut cause qu'ayant sceu que le dict s'" mareschal de Brissac s'estoit chargé de la personne du dict s"^ de Sainct-Phalle et auroit promis de le nous représenter, nous depeschasmes devers luy un exempt de nos gardes exprés , par lequel nous luy commandasmes de luy deslivrer et mettre entre les mains le dicl s' de Sainct-Phalle , pour le mettre et garder dedans nostre chasteau de nostre dicte ville d'Angers; de quoy le dict s"" mareschal s'estant excusé, nous luy avons depuis réitéré le mesme commandement par le mesme exempt de nos dictes gardes; à quoy il n'auroit non plus satisfaict cjue au premier; et comme nous avions jà résolu nostre acheminement par deçà, nous nous promettions que y estans arrivez le dict s' de Sainct-Phalle nous seroit représenté par le dict mareschal; dont à ceste fin nous aurions faict commandement très exprés à ses principaux parens, leur faisans entendre combien nous estions à bon droict offensez, premièrement de foutrage faict par luy au dict s" du Plessis, secondement de la contumace et désobéissance ; mais par cela nous n'y aurions peu gagner davantage. Quoy voyant, et considérant combien il importe à nostre service que le dict mespris à nostre auctorité et commandement soit reprimé , après avoir mis ce faict en délibération avec nos cousins les marescliaux de France qui sont prés de

nous, et jugé avec eulx devoir estre traicté et puny comme un crime très énorme et un attentat faict à nostre auctorité , par la seule considération de nostre service , nous avons advisé vous en renvoyer et commettre la cognoissance , aflin d'y pourveoir par la voie de la juslice comme il convient : au moyen de quoy nous vous mandons et ordonnons, sur tant que vous affectionnés la conservation de nostre auctorité et estes obligez de faire justice à nos subjccts, d'embrasser vifvcment la punition de ce crime et y user de toute la diligence et sévérité requise, alTm que nous soyons satisfaicts, et que l'exemple qui s'en ensuivra serve à l'advenir de règle et de terreur à tous aultres; car en vain employerons-nous nos armes pour nous faire recognoistre et obeïr par les premiers de nostre Royaulme , comme Dieu les a encores favorisées à présent en nostre duché de Bretagne , si elles n'estoient secondées par nos officiers auxquels nous avons confié l'administration de nostre justice pour reprimer faudace et témérité de ceulx qui commettent semblables forfaicts. Partant, nous vous commandons derechef d'en faire vostre plain debvoir; mais d'autant que nous avons recogne u que nos officiers de la justice du siège de ceste dicte ville d'Angers, où le delict a esté commis, ont faict peu de compte d'y pourveoir, comme ils estoient tenus de faire, et que nous n'aurions pas occasion d'espérer qu'ils facent mieulx à l'advenir, nous voulons que vous commettiés et envoyés exprés sur les lieux un des conseillers de nostre court de Parlement pour en informer; et si c'est chose que vous ne puissiés faire si promptement qu'il est nécessaire poiu' en faire la justice aiissy diligemment que nous vous le mandons, vous adviserés d'y employer les officiers du plus prochain siège, comme sont ceulx de nostre ville de Tours, affin que la justice s'en ensuive telle qu'il est nécessaire pour reparer et chastier l'injure et offense faicte à nostre auctorité en la personne du dict s" du Plessis, et obvier aux accidens que l'impunité d'un tel acte pourroit engendrer, tant pour la suicte que pour l'exemple et conséquence d'iceluy; dont II est certain qu'il feust jà sorty des effects très préjudiciables à nostre service, si ceulx qui y ont interest n'eussent esté retenus de la révérence de

nos commandemens et de l'affection qu'ils portent au bien de nos affaires ^ Donné à Angers , le viij*^ jour d'avril i 698.

HENRY

DE NEUFVILLE

Orig. autographe. — Transcrit chez M. Lefèvre, libraire à Paris , et communiqué par M. Mon-

merquë,

A MON S" MARYON.

Mons*^ Maryon, Je désire que la punition se face bien rigoureuse de l'outrage et attentat qui fut dernièrement commis en ceste ville contre mon auctorité, en la personne du s' du Plessis, par Sainct-Phalle ; car, ayant cherché toutes voyes de m'asseurer de sa personne, il a plus monstre de desobeyssance que d'inclination à me satisfaire. Partant, je veux que ma court de Parlement en cognoisse, et qu'il sente la faulte qu'il a commise. Doncques tenés la main que la justice en soit faicte, suivant ce que j'en mande à ma dicte court par ce porteur, l'un

' Tout ce qu'il y avait de plus illustre en France, à la nouvelle de l'attentat commis contre Mornay, s'était empressé de lui faire des offres de service pour l'aidera en obtenir vengeance. L'indignation était si forte , et les amis qui s'offraient à lui si puissants, qu'il aurait pu aisément lever une armée pour arracher à sa lâche retraite l'homme qui l'avait outragé et que protégeait l'esprit de famille, dont l'abus ne fut jamais plus évident. Mais Mornay vit aussi que sa juste vengeance pouvait devenir la première étincelle d'une guerre civile, et il aima mieux ne pas faire courir à sa patrie un tel danger que d'obtenir une satisfaction complète de son outrage. Car, malgré tant d'ordres réitérés du Roi, l'affaire traîna en longueur, par les en-

traves que continua d'y mettre la famille, en tenant le coupable à l'abri de la justice ; et ce fut seulement en 1699 *î*^^ ^^ marquis deSaint-Phal, après avoir été mis , pour la forme, à la Bastille, fit à du Plessis- Mornay, en présence du Roi et de la cour, les excuses rédigées par le connétable et les maréchaux de France , qui furent estimées compensation suffisante de cet indigne attentat. «De ce, dit l'ancien auteur de la vie de Mornay, fut délivré acte à M. du Plessis, du commandement du Roi, signé par le Roi et contresigné par M. de Villeroy, secrétaire d'Etat, avec clause expresse que le sieur de Saint-Phal seroit tenu de prendre lettres de remission, comme de (juet à pens. »

de mes valets de chambre : car je le veux , et ne me sçamiés faire

service plus agréable , tant pour la suite et consecpience de cet attentat

que poiu? l'exemple. Sur ce, je prie Dieu vous avoir, Mons"" Maryon ,

en sa garde. Ce \iif avril, à Angers.

HENRY

1598.-— 8 AVRIL. -m'"^

Orig. — B. N. Fonds Béthune, Ms. 9068, fol. 27. [AU CONNÉTABLE.]

Mon Cousin , Encores que je saiclie que vous aviés eu le soing de faire distribuer aux troupes qui sont establyes pour la conservation de ma province de Champagne ce que je leur ay affecté des deniers ordonnez pour l'entretenement de mon armée et gens de guerre, estans tant sur la frontière de Champagne que celle de Picardie, neantmoins, sur la plaincte que m'a faicte mon cousin le duc de Nivernois de la nécessité que souffrent les dicts gens de guerre, et que pour le deffault de leur pavement ils sont contraincts de quitter mon service, je vous ay faict ce mot de lettre, pour vous prier tenir la main envers le s"" d'Hudicourt, (que j'ay laissé par delà avec charge d'avoir l'œil à l'acquittement de ce que j'ay ordonné pour les dicts gens de guerre) , à ce que ceulx de Champagne reçoivent le mesme et égal traictement que les aultres de Picardie, et les faire payer des deniers que je leur ay affectez, affm de les contenir en debvoir, du mieulx qu'il sera possible. M'asseurant que vous ferés, sur ce, soigneusement exécuter ma volonté, je prieray Dieu qu'il vous ayt, mon Cousin, en sa saincte garde. Escript à Angers, le vnj* jour d'avril

HENRY

POTIER

956 J>ETTRES MISSIVES

Oiig. autographe. — Fonds de M. Lefèvre, libraire à Paris. Communication de M. Monmerqué.

A MONS" MARYON.

Mons" Maryon, Ce mot est pour vous dire que vous me ferés service très agréable de tenir ia main que [l'on vérifie^] les lettres de déclaration que j'ay fait expédier à ma court de parlement , sur le brevet que je feis expédier le dernier de janvier, portant que ceux qui seront faits maistres des arts et mestiers prendront lettres de maistrise scellées, comme estant un droit des plus anciens de ceste Couronne. Faites donc tout debvoir à ce que les dictes lettres soient vérifiées, comme chose que je veux et dont je m'asseure que vous jugés assez la conséquence : et me promettant cela de vostre affection, je ne vous en diray davantage, pour prier Dieu vous avoir, Mons'" Maryon, en sa garde. Ce ix™^ avril, à Angers.

HENRY

1598. — i5 AVRIL.

Orig. — B. N. Fonds Béthune, Ms. 9037, foi. 82. Cop. — Suppl. fr. Ms. 1009-2.

[AU CONNÉTABLE

Mon Cousin , Estant arrivé hier en ceste ville , je vous en ay voulu donner advis, m'asseurant que vous participerés au contentement que j'en retire. Je fais estât d'y séjourner peu de jours, et aussy tost que j'auray donné ordre aux affaires de ceste province qui sont les plus importantes et pressées, je partiray pour m'en aller en Picardie; à quoy je me resoulds encores dadvantage , ayant veu la depesche que le s' du Belloy m'a apportée. J'ay remis à vous faire response sur les

' Il est nécessaire de suppléer quelque chose à cette phrase pour en compléter le sens, qui sans cela reste suspendu.

points contenus en icelle par aultre depesche que je vous envoyeray dans deux ou trois jours; cependant je vous diray que j'ay faictuiettre en vostre maison de Cliasteaubriant le s*" de S*-Gilles , ainsy que vous desiriés, et que j'ay esté curieux de sçavoir s'il y avoit de grands cerfs en vos forests , dont j'ay esté particulièrement informé par l'un des vostres, qui m'a asseuré qu'il se trouvera dix ou douze grands cerfs. J'espère prendre l'occasion d'en courre un ou deux avant que partir de ce pays : qui ne sera sans vous y souhaiter. Pendant le service que je feray en ceste ville, je pourvoieray à ce qui est nécessaire pour le siège de Blavet , ayant mandé icy mon cousin le maresclial de Brissac pour luy faire entendre sur ce ma volonté ; espérant donner tel establissement à mes affaires de deçà que je pourray partir dans la lin de ce mois. Ce pendant je vous prie continuer à me donner souvent advis de ce qui se passe sur la frontière : et je prieray Dieu, mon Cousin, vous avoir en sa saincte garde. Escript à Nantes, le xv^ jour d'avril i 698.

HENRY

POTIER

Orig. — B. N. Fonds Bëthune, Ms. 9068, fol 3; recto.

Mon Cousin , Je feray response aux lettres que vous m'avés escriptes par le s' de Belloy et par Castillon, vostre secrétaire, par aultre voye ; ceste-cy ne servira que pour vous faire sçavoir que le s" de la Corbiniere s'est plainct à moy de la rigueur de laquelle il dict que le gênerai des vivres qui est auprès de vous traicte le munitionnaire Poisblanc, encores qu'il ait faict paroistre avoir bien servy et satisfaict à son contract; de sorte qu'il remonstre qu'il meritoit d'estre gratifié plustost que aidtrement. Toutesfois , considérant que l'emprisonnement de la personne duquel il se plainct principalement a esté faict par vostre oi'dre , je veuix croire que vous l'avés permis et conunandé.

parce que vous avés jugé le debvoir faire ainsy pour mon service et la raison. Pour cela le dicl la Corbiniere se vouloit acheminer par delà , d'autant que ayant proposé et faict employer le dict Poisblanc en la dicte charge , il estime estre aidcunement responsable de ses actions, et partant estre tenu de deffendre son innocence ou reparer ses faultes. Mais sa présence icy m'estant encore nécessaire , je n'ay pas trouvé bon qu'il fist encore le voyage, comme je luy permettray qu'il face dedans peu de jours; mais je luy ay dict que je vous recommanderay la justice de ce faict, non pour faire préjudice à mes affaires, car je n'entends pas qu'il soit faict, mais pour empescher qu'il luy soit faict injustice. C'est donc ce que je vous recommande sur cesubject, mon Cousin; au reste, je vous prie faire distribuer du pain aux gens de pied des regimens qui ont esté entretenus jusqu'à présent des deniers des Estats generaulx des Provinces Unies des Pays-Bas, affin qu'ils ayent moyen de subsister et vivre en attendant que j'aye poiu'veu à leur payement par une sorte ou aultre. Je vous diray qu'il vaut mieux employer l'argent destiné au payement des regimens qui ne sont entrez en garnison, lesquels depuis vostre arrivée par delà ont tenu les champs, nonobstant vos commandemens, et faire fournir du pain aux aultres, que de le reserver pour ceulx-là, si vous ne pouvés trouver aulcun moyen d'y donner ordre; car il importe à mon service que les dicts regimens soient tenus en pied, sur les occasions qui se présentent par delà. Partant, je vous prie d'y pourveoir, et vous aurés bien tost de mes nouvelles sur ce faict. Quant aux plainctes de vostre compagnie de gens d'armes et de celles de chevaulxlegers d'Esplandian, je suis très asseuré que vous avés autant d'envie de les faire reparer que moy-mesme: de sorte que si je puis recouvrer les informations que l'on m'a dict que Ton me representeroit, je les vous envoyeray, affm que vous en ordonniés; mais le principal est, pour ceste heiue, que vous les retiriés auprès de vous, tant pour vous servir que pour en délivrer la campagne, comme je vous prie de faire. Pour quand nous serons ensemble , nous parlerons du licentiement de la compagnie du dict Esplandian. Pour celle du marquis de Tresnel,

vous avés par delà i'estat de la recette et despense du taillon de la

présente année que vous avés faict, devant nostre séparation : revoyés-le,

et jugés si vous pourrés y adjoindre la compagnie du dict marquis, et

en ordonnez; car j'approuveray tousjours ce que vous en ferés, tant

parce que je suis asseuré que vous ne ordonnerés rien qui ne soit

utile et raisonnable, que parce que je me repose entièrement sur

vous de la dispensation des dicts deniers. Je prie Dieu, mon Cousin,

qu'il vous ayt en sa saincte garde. Escript à Nantes, le xvij^ jour

d'avril lôgS.

HENRY

DE NEUFVILLE

me

Orig. — B. N. Fonds Béthune, Ms. 9068, fol. /jo recto.