AU DUC D'ESPERNON

Mon Cousin, J ay entendu avec très grand regret et desplaisir que vous ayés eu occasion de vous altérer contre le cappitaine Paul, qui commande dans le chasteau de Tarascon pour le s*" Alfonse d'Ornano, et vouldrois bien qu'il se fust comporté envers vous de façon que vous en feussiés demouré content, estant mon intention que vous soyés recongneu, en tout ce qui est de vostre gouvernement, par ceulx qui se disent mes serviteurs , comme représentant ma personne. Mais estant le dict chasteau baillé au dict s' Alfonse, pour son habitation particulière , où pouvoir loger sa femme et famille , cela a deu servir de quelque excuse, en vostre endroict, de la jalousie que le dict cappitaine, qui y est comme serviteur domesticque, a eu de ce qui luy est commis en garde ; mesme que la condition du temps l'a peu faire

entrer en quelque ombrage de vostre venue, et du logis que vous y voulés prendre; et possible quelques uns y peuvent avoir aydé par faulses suggestions, pour troubler davantaige mon service, par l'altération que cela pouvoit apporter entre vous et le dict s"" Alfonse. Et combien que ceste offense vous soit desplaisante avec raison, qui m'a aussy fort despieu pour l'amour de vous, toutesfois je vous prye , mon Cousin, la donner à mon dict service et à l'affection que un serviteur domesticque doibt à son maistre, et que vous la désirés des vostres; considérant que vous n'en sçauriés faire ressentiment qui n'altirast avec soy un grand préjudice au bien de mes affaires , ny en prendre vengeance plus honorable que de vaincre vostre comToux pour le respect de mon dict service, que je ne tiendray pas entre les moindres effects que vous rendes continuellement au bien d'icelluy; ce que je désire et vous prie aussy que vous estendiés encores jusques là , si l'on a donné quelque opinion au dict s"^ Alfonse que le veuilles déposséder du dict chasteau, de la luy vouloir oster, en luy faisant congnoistre que plus tost vous ayderés à le luy conserver, affin que, mettant son esprit en repos pour ce regard , il ayt autant plus d'occasion de se maintenir en bonne intelligence avec vous, comme je veulx croire qu'il s'en rendra soigneux observateur, quand il congnoistra que, de vostre part, vous la désirés. Et m'asseurant qu'en cela vous me donnerés le contentement que vous pourrés assez juger que je recepvray de veoir accommoder ce faict, avec la considération que le bien de mon dict service requiert, je vous diray, pour conclusion de la présente , qu'il sera l'un des plus agréables tesmoignages que vous me pourrés donner de l'affection que vous y portés en toutes autres choses : priant Dieu, mon Cousin, qu'il vous ayt en sa saincte et digne garde. "Escript à Dieppe, le xxvij^ jour de novembre 169 3.

HENRY

Imprim«^. — • Histoire yénéraU de Lançjiiedoc , par dom VaissÈte, t. V, vol. 32).