AUX ETATS GENERAUX DE LANGUEDOC

Très chers et bien amez , La congnoissarice que nous avons des grandes el excellentes qualitez qui sont en la personne de nostre très cher et amé cousin , le duc de Montmorency, n'a peu permettre que l'ayons laissé plus longuement esloingné de nous; ainsy nous sommes résolus de l'en approcher avec charge et honneur condigne à ses mérites, l'ayant pourveu de Testât et office de connestable de France, affin que sa vertu, employée en plus grand et haut subject, puisse produire ses efïécts plus utiles au bénéfice public de nostre Royaulme; et combien que la privation de sa présence, et du proffict que toute nostre province de Languedoc en recevoit en l'administration des affaires d'icelle , vous puisse avec quelque raison laisser un particulier regret de son partement, toutesfois vous aurés occasion de vous en consoler pour le regard de la commodité que sa dicte présence vous portoit , d'autant que la splendeur et autorité de sa charge, en quelque part qu'il soit, vous en peut produire beaucoup davantage, et mesme que vous pouvez estre asseurés que la bienveillance qu'il vous porte vous tiendra tousjours en spéciale souvenance et recommandation en son endroict. Vous entendrés au demeurant par luy la commission et l'ordre que nous avons donnés touchant le commandement et la conduite des affaires du dict gouvernement, en fabsence de nostre dict cousin, et attendant que nous y ayons aultrement pourveu , remettant neantmoins à sa prudence d'ordonner les choses particulières qui y écherront, et de laisser sur ce instruction à ceulx qui y doibvent servir, selon qu'il verra estre à propos. Comme nous nous remettons aussy sur luy de vous faire entendre aulcuns aultres poincts desquels nous luy faisons sçavoir nostre intention, affin qu'il les face resouldre avant son dict partement, ainsy que le bien de nostre service le requiert; en quoy nous nous promettons que ne vous rendiés moins prompts et

faciles que vous estes tousjours monstrez à nous donner conlenteinent en ce que nous avons désiré de vostre part. Aussy vous pouvés estre asseurez que comme vous vous estes en ce faisant rendus au plus recommandables entre nos subjects , vous recevrés tousjours de nous le plus favorable traictement qu'il nous sera possible, ayant bien voulu encores donner charge au s" de la Fin, conseiller en nostre conseil d'Estat, que nous renvoyons vers nostre dict cousin, de vous représenter particulièrement nos dictes réservations, dont l'avons bien amplement informé ; et pour ce vous luy adjouxterés en cela toute foy et créance, comme parlant de nostre part. Donné à Vernon, le vij*^ décembre i ÔgS.

HENRY

Cop. — B. R. Fonds Dupuy, Ms. 62, fol. 33 recto; et Suppl. fr. Ms. 1009-4. (D'après l'ancien

cabinet Joly de Fleury. )