CONSEILLER EN MON CONSEIL D'ESTAT ET MON AMBASSADEUR À VENISE

Mons' de Maisse , Oultre ce que vous verres des nouvelles de deçà par le dupplicata que je vous envoyé , je vous diray encores par la présente que , au lieu de la conclusion de la paix dont les depputez du duc de Mayenne avoient donné, au commencement de la trefve, espérance dans le premier terme d'icelle, il a voulu, sur la fin de la dernière prolongation, qui estoit pour tout le mois de décembre, la faire encores continuer jusques à la fin de mars , sans parler de traicter de paix, s'estant encores voulu ayder, pour m'y induire, du mesme prétexte que aux précédentes prolongations : que c'estoit poui* attendre response de Sa Saincteté; vers laquelle ayant tousjours différé d'envoyer, il est vraysemblable que cela a esté faict expressément pour, soiJds ceste couleur, gaigner temps , attendant que leurs forces estrangeres peussent estre prestes. Et cognoissant que pour toute autre considération que de la paix et repos du Royaume, la trefve m'estoit grandement préjudiciable, mesme que plusieurs ayant volunté, depuis ma conversion, de me recognoistre , estoient retenus de ce faire durant icelle, je n'ay estimé à propos de la faire durer davantage, bien que finalement le dict duc du Mayne se soit restreinct à la demander seulement pour tout ce mois, avec promesse de resouldre de la paix dans iceluy. Mais j'ay esté adverty de bonne part qu'il y estoit poulsé, oultre la raison susdicte, du désir de gaigner temps pour aller à Lyon, comme l'on luy en représente le besoing, et le danger qui ne se peut remédier que par sa présence; et pour v parvenir il ne faisoit diffi-

culte d'entrer en toutes promesses de traicter, poui'veu que la dicte trelve fust continuée , d'autant qu'il n'y avoit faulte de subjcct de rompre sur le faicl de la paix, quand bon luy sembleroit. Et neantmoins je luy ay offert, s'il veut traicter de la dicte paix dans ce mois, de faire surseance à trois ou quatre lieues du lieu où les depputez s'assembleroient, et, après qu'on seroit d'accord, une trefve generalle pour tant de temps qu'il leur fauldi'oit pour en envoyer donner compte à Sa Saincteté et pour le retour de celuy qui iroit, avec dix ou douze jours de séjour. Qui est la dernière resolution avec laquelle je renvoiay du lieu de Dampmartin, dés le premier de ce mois, ceulx qui y estoient venus de la part du dict duc du Mayne; depuis je n'en ay eu aucunes nouvelles.

Par mes dernières lettres vous aurés entendu la réduction volontaire de ceste ville en mon obéissance, à l'exemple du s'^ de Vitry, leur gouverneur. Estant audict Dampmartin , un bon nombre des habitans d'icelle m'y vindrent trouver pour me protester et jurer fidélité , avec une extresme ardeur et affection qu'ils monstrerent en mon endroict. La conclusion de leur propos fut, sans rien me demander de particulier, une très humble supplication qu'ils me feirent de venir en leur ville, remettant à quand je y serois de me représenter Testât de leurs affaires, pour y faire tel traictement et provision qu'il me plairoit. Je y vins coucher le premier jour de l'an; et si j'avois veu une très grande allégresse en ceulx que j'avois veus dehors, elle me fut encores tesmoignée semblable, à mon arrivée, de tous les habitans généralement ; de sorte que j'ay juste occasion de les favoriser de tout ce qui se pourra, comme j'ay commencé de faire sur quelques articles qu'ils m'ont présentez, dont le premier est qu'il n'y aura poinct autre exercice de religion que la catholicque, lequel je ne leur ay moins volontiers accordé qu'ils me l'ont demandé. Peu de jours avant l'expiration de la trefve, le duc de Mayenne avoit faict approcher les regimens de Granval, Lures et Montplaisir, qui pouvoient faire six ou sept cens hommes, premièrement de ceste ville, pour tascher à les y faire entrer, puis vers Paris, pour les jecter dans Pontoise, faisant porter aux oreilles

DE HENRI ÏV. 85

du s' (rAllaincourl' que je le voullois assiéger. Toulesfois il ne les voulut recevoir, de sorte qu'ils ont demouré trois ou quatre jours logez dans les villages de ces quartiers-îà, jusques à ce cjiie, le dernier jour de la trefve expiré, le s"" de la Noue, avec quelques trouppes de sa garnison, les alla charger et les mit en routte, encores qu'ils feussent trois fois davantage. Il y demoura environ cent morts sur la place et grande quantité d'armes jectées à terre par ceuk qui s'enfuyoient. Le dict duc de Mayenne a mis hors de la ville de Paris Daubray, Passart et Marchant, qui estoient de leurs coUonelz. C'est un bel exemple pour les aultres villes. En cest endroicl je feray fm : priant Dieu, Mons' de Maisse , vous avoir en sa saincte garde. Escript à Meaulx,

le v^ jour de janvier lôg^-

HENRY

REVOL

Orig. — B. R. Fonds Béthune, Ms. 9132, foi. 9. Cop. — B. R. Suppi. fr. Ms. 1 009-2.

A MONS« DE HUMIERES,