A LA VILLE DE POICTIERS

Très cliers et bien amez , Après que les depputez par vous envoyez vers nous ont esté ouys en nostre conseil , que nous avons laissé en nostre bonne ville de Paris, pour le soulagement des personnes qui voudront traicter d'aulcunes affaires publiques ou particulières, pendant le voyage que nous sommes venus faire en ce pays, et que les articles de vos remonstrances et supplications y ont esté veus et examinez, pour nous en donner advis, que sur le contenu en iceulx les s""* de Saintré, Martlie et le Franc, du nombre de vos depputez, nous sont venus trouver au nom de tous , comme aussy le s'^ de Sautray, de la part de nostre cousin le duc d'Elbeuf , et nous ont de bouche faict entendre la resolution qu'avés prinse de nous rendre doresnavant la lldclité et obéissance que vous recognoissés nous debvoir comme à vostre Roy légitime, et laquelle ils nous ont prestée et asseurée de vostre part, selon la charge que voys leur en avés commise, ce que le dict s' Sautray a pareillement faict au nom de nostre dict cousin: sur quoy nous vous dirons que nous avons esté très joyeux d'estre par ce moyen rendu certain de vos bonnes intentions et que les avons receues, comme un bon père embrasse cordialement ses enfans, lorsque rentrans dans leur debvoir ils luy donnent occasion d'oublier les offenses qu'ils luy peuvent avoir faictes , vous asseiu'ant que m'en don-

naiit vostre desclaration et nous en rendant les eiTects, comme nous croyons que vous ne voudrés user d'aulcune inlermission ou retard, non seulement que nous ne voulons aulcunement nous souvenir de ce qui s'est passé cy-devant, mais que vous recevrés de nous tout ce qui sera pour le bien, commodité et avantage de vostre ville, tout le plus favorable traictement qu'il sera possible. Vous en aurés le premier tesnioignage par la response que vos depputez vous rapporteront à vos articles, à quoy nous remettant et à ce que nous avons donné charge aux dicts s""^ de Saintré, Marthe et le Franc vous dire plus particulièrement de nostre intention et bonne volonté à vostre endroict, dont nous nous asseurons que vous feront fidèle rapport, nous n'estendrons sur ce davantage la présente , qui vous servira d'asseurance de nostre bienveillance, en attendant les effects que vous en ressentirés à mesure que les occasions s'en présenteront. Donné au camp devant Laon,

le xvj*^ jour de juin i 69^.

HENRY

Cop. — Collection de feu M. Auguis.

Imprimé. — Histoire de Poitou, par Thibaddeau, t. V, p. 210.