AUX OFFICIERS DU PRESIDIAL DE POITIERS

Nos amez et feaulx, La resolution qui nous a esté apportée de la part de nostre ville de Poitiers par les depputez de tous ordres et estats d'icelle , de se réduire soubs nostre obéissance , nous a convaincu que non seulement vous y avés donné un asseuré tesmoignage, volontaire consentement, mais aussy que vous y avés contribué par tous les moyens qui ont peu despendre de vous pour y faire incliner le peuple, sai chant que le rang que vous tenés en la dicte ville luy est de tel respect que vostre exemple , en ce qui regarde Testât d'icelle , luy est comme un enseignement certain de ce qu'il doibt faire. Nous avons, oultre cela, esté advertys particulièrement que vous avés faict tout le debvoir qui se pouvoit désirer, en sorte que nous avons toute occasion

de vous sçavoir tout bon gré de ce qui en est, et que nous en avons tout contentement. Aussy vouspouvés croire que le vostre en accroislra de jour en jour par la participation que vous avés au puljlic, que la conservation de nostre auctorité porte avec soy et pour le lustre qu'elle donne à vos charges, qui ne peuvent, hors icelle, avoir ferme subsistance ny fondement, et que nous vous ferons volontiers ressentir les effects de nostre faveur et libéralité, aux occasions qui s'en offriront, comme à présent nous vous avons volontiers accordé vos supplications et demandes, qui nous ont esté présentées par les dicts députez. Aussy nous remettons, en ce qui touche le gouvernement de vostre ville et pays, à la personne de nostre cousin le duc d'Elbœuf, de vous dire nostre volonté que nous luy avons fait entendre, ensemble de toutes aultres choses qui concernent le bien de nostre service au dict pays. Nous ne nous estendrons sur ce davantage par la présente , nous confiant en leur fidélité et suffisance pour bien vous représenter le tout.

Donné au camp devant Laon, le xvj^ juin i ôqA.

HENRY

Cop. — A Londres, State paper ofTice. France. Transcription de M. Lenglel.

[A M. DE BEAUVOm.j

Mons' de Beauvoir, Les s" Rogers Willems et Edmond ne sont arrivez auprès de moy que depuis trois jours, et le messager Symond le jour suivant, nous ayant trouvé les deux armées si proche, que depuis dimanche nous sommes aux canonades et fréquentes escarmouches les uns contre les aultres; et si le camp de l'ennemy n'estoit fort et de difficile accès, comme il est, nous n'eussions tant attendu de venir à un combat gênerai. Ce que le dict Willemes et Edmond [m'ont dit] est assez conforme à ce que par vostre dernière depesche j'ay entendu que vous aviés appris de leur charge , m'ayant dict et mesme baillé par escript, que la Royne , ayant faict recognoistre par iceluy Willems Testât de Brest, et voyant le danger où il est de se

perdre, el ce havre tomber entre les mains de l'Espagnol, a résolu d'envoyer un bon nombre de ses meilleurs vaisseaux, et jusques à sept mil hommes, ou plus s'il est besoing, pour empeschcr l'achèvement des forts que les dicts Espagnols y font et les en chasser, pourveu que je y veuille envoyer mon cousin le duc de Montpensier avec mil ou douze cens chevauix, deux mil hommes de pied, oultre les forces qui sont dans le pays, offrant encore après cest exploit, qu'elle espère se pouvoir faire en deux mois, d'y entretenir, pour pouvoir poursuivre l'entière réduction d'iceluy sous mon obéissance, autant de force qu'il y en aura de ma part. L'advantage qu'il y a pour mon service à ceste proposition me doibt assez mouvoir d'y apporter tout ce qui peut despendre de moy pour l'effectuer; et quand mesme il n'y auroit si avant qu'il fait du mien, le debvoir et les obligations que j'ay à la dicte dame méritent bien que je m'efforce aussy de faire ce que je puis pour son contentement; ce que j'ay en telle affection que je n'attendrois d'y estre convié, si j'avois les moyens de moy-mesme, comme je les pourrois avoir si je n'avois affaire que de ce costé-là. Mais je me trouve assailly en mesme temps par trois divers endroits avec grandes forces, le roy d'Espagne s'estant obligé à cela par promesses envers le Pape, pour le tenir tousj ours plus bandé à favoriser ses desseings; et d'autant que, ne pouvant résister assez puissamment partout, il me seroit moins difTicile de pouvoir couvrir avec le temps ce qu'il auroit occupé en la Bretagne, où il me fait la guerre, que pai^ les forces d'Espagne , dont les embarquemens et passages peuvent avoir des incommoditez , que ce qu'il avoit gaigné du costé de Picardie et de mes frontières d'Italie, pouvant toujoius faire venir en chascun des dicts endroicts des forces d'Italie, d'Espagne, d'Allemagne, de Suisse , et de ses Pays-Bas et Franche-Comté , pour y conserver ses conquestes; pour ces considérations je résolus à faire le plus fort teste où je voyois le péril plus grand pom^ l'advenir, avec beaucoup de regret neantmoins d'estre contrainct me mettre sur une foible défensive en Bretagne, pour ne pouvoir mieux, puisque je me voyois comme abandonné el hors d'espérance du secours de la dicte dame.

Mais puisqu'elle fait cognoislre d'y vouloir donner une si bonne assistance , l'interest plus pregnant et la nécessité que j'ay de me tenir le plus fort que je puis ailleurs, n'empeschera que je face ce que je pourray pour recueillir le fruict de sa bonne volonté , estant poiu* cest eflect content de me passer auprès de moy de la personne de mon cousin le duc de Montpensier, lequel j'attendois en ceste armée avec les forces qu'il me pouvoit amener de Normandie, après la réduction de Honfleur et Tancarville, comme je luy avois mandé de me venir trouver; mais je donneray ordre demourer les forces, et venir mon dict cousin avec une troupe de cavallerie seulement, pour la seureté de son voyage , afin de pouvoir traicter et arrester avec luy du dict voyage de Bretagne et le renvoyer incontinent pour s'y acheminer, où j'espère qu'il pourra aller accompagné de sept à huict cens chevaulx, qui suffiront avec cinq ou six cens qu'il trouvera dans le pays, et de deux mille hommes de pied au moins, oultre les forces qui sont desjà dans iceluy. Qui est la response avec laquelle je renvoyé ledict Willems, pour le faire entendre à la dicte dame, laquelle je désire que vous remerciés en mon nom de ceste bonne volonté et faveur, et que en l'asseurant qu'il n'y aiu-a point de faulte que la dicte resolution ne soit suivye et exécutée de ma part, vous la supplierés de vouloir faire partir ses vaisseaulx [et] gens de guerre de si bonne heure qu'ils se puissent rendre au dict pays aussy tost que mon dict cousin , pour en pouvoir tant plus tost tirer, avec les aultres qui y seront, le bon effect et service qu'elle désire pour le bien de mes affaires et pour faire perdre à cet ambitieux ennemy le pied qu'il veut prendre si prés d'elle, pour après le faire ressentir en son royaume de ses iniques desseins. Ce pendant je pourveoiray que, avant le temps qu'elle prétend retirer ses dicts vaisseaulx et retrancher ses forces, il y en ayt de mon costé le nombre porté par nostre contract, ou plus grand si je puis, pour achever d'en chasser les Espagnols, puisqu'elle me veut faire ce bien de m'y continuer sa bonne et favorable assistance; la suppliant croire que rien ne me séparera jamais de la bonne intelligence à laquelle le bien commun de nos affaires, les particulières obligations que je luy en ay, me tiennent

lié avec elle; et si elle en désire plus estroicte asseurance que celle que nous avons réciproquement donnée , elle cognoistra mon intention en cela tousjours conforme à la sienne , quand elle me fera l'honneur de la me faire entendre.

Au demeurant, par ma dernière lettre, dont le duplicata est avec la présente, je vous ay donné advis de Testât où nous estions du siège que j'ay mis devant ceste ville de Laon, et le deslogement de l'armée espagnole de ses retranchemens de la Capelle , sans s'estre encore lors avancée qu'à my-chemin du dict lieu à Guise , qui me tenoit en doui)te si c'estoit en intention d'attaquer quelque place ou de venir à nous. Mais le duc de Mayenne estant revenu de Bruxelles, ils marchèrent tout à coup et se rendirent en deux jours prés de la Fere, où le jour suivant ils passèrent la rivière à environ demy-lieue en deçà du dict lieu. Cela fut cause que , sans lever le siège , ayant laissé nos tranchées bien fournyes, je me suis logé prés du champ de bataille que j'avois choisy, du costé où je pensois qu'ils pouvoient prendre leur passage, s'ils vouloient venir au combat. S'estans reposez un jour, ils deslogerent, la teste tournée du costé d'Anisy-le-Chasteau ; qui nous donna opinion qu'ils vouloient aller loger au dict lieu, lequel leur eust esté advantageux , mesme pour la voisinance de Soissons , Noyon et aultres places qu'ils tiennent, d'où ils pourroient tirer des commoditez de vivres, dont ils pastissent. Toutesfois, dimanche dernier, xij^ de ce mois, ils se vinrent camper sur le hault et au bas d'une montagne où finit la forest, moins d'un quart de lieue loing de mon dict logis ; qui nous faict tenir la pluspart du jour en bataille et nous campe si prés d'eux, où nous sommes encores, que le canon donne facilement de l'une armée à l'aultre; dont par l'advantage d'une montagne qui est un peu plus avant, à costé du nouveau champ de bataille que j'ay pris, sur laquelle nostre artillerie est placée , les ennemys sont beaucoup plus endommagez que nous, et s'y sont aussv faict plusieurs escarmouches, tant le dict jour que les suivans , où les nostres ont tousjours eu l'advantage. Mesmes il s'en fit une avant-hier très furieuse , et qui dura prés de quatre heures ; de laquelle le s"^ Willemes peut parler, comme s'y

estant trouvé, où ce qu'il y eut de nos gens de pied, qui n'estoient pas cinq cens hommes sur la fin , et beaucoup moins auparavant , firent si courageusement, que avec la bonne conduicle que ils firent, ils firent quicter aux ennemys, qui estoient huict cens piquiers et autant de mousquetaires et arquebusiers, un bois, duquel ils avoient chassé un corps de garde que je y faisois tenir, d'environ quarante soldats, plustost pour vedette que pour opiniaslrer le combat, et les remenerent battans jusqu'à cinquante pas de leurs retranchemens, où leur armée estoit en bataille, sans qu'ils osassent plus revenir aux mains, estant le dict bois demeuré en nostre pouvoir avec plusieurs morts et blessez des leurs , qu'ils n'eurent le courage d'emporter; mais depuis nous les ont envoyé demander.

Lundy dernier, mon cousin le duc de Longueville, accompagné d'environ trois cens chevaulx et deux cens hommes de pied, leiu* enleva un convoy de six vingts chariots chargez et environ quarante charettes de vivandières, en un village entre la Fere et Han, ayant desfaict et mis en route l'escorte, qui estoit d'environ quatre cens chevaux, deux cens hommes de pied, dont en demeurèrent prés de deux cens morts sur la place , avec nombre de prisonniers, entre lesquels est le s' Desclozeaux, gouverneur de Noyon, et un collonel de lansquenetz qui est fort blessé. Gela a grandement accreu la disette de vivres en laquelle ils estoient desjà reduicts, et en sont en telle extrémité qu'ils se trouvent fort empeschez de ce qu'ils doibvent faire; car de venir au combat, ils n'ont pas faict cognoistre jusqu'icy le vouloir bazarder, et semble que leur but estoit de nous vaincre par leur patience et tolérance , ou jetter quelques hommes dans la ville , pour nous en faire perdre l'espérance et le moyen de la prendre ; mais j'espère qu'ils se trouveront deceus de l'un et de l'aultre, et que, s'ils ne viennent k la bataille, la faim les forcera de se retirer les premiers. Le dict s"^ Willems vous en pourra dire plus de particularitez : et sur ce , je prie Dieu vous avoir, Mons de Beauvoir, en sa saincle garde. Escript au camp devant Laon, le

xvij'' jour de juin iSqA.

HENRY

Cop. — B. H. Fonds Fontettc. Portefeuille VI, pii-ce 74. Et Suppl. fr. Ms. 1000-3.

Cnp. — Bibliothèque de Reims, Ms. de Lacourt, t. IV, n" 44. Envoi de M. Louis Paris, bibliothécaire et correspondant du ministère de l'Instruction publique.

Imprimé. — Mémoires de h Liçiue, t. VI, p. 129. — Journal militaire de Henri IV, publié par M. de

Valori, p. 245.

Mons"" d'O \ Vous aiirés entendu, par le commissaire la Varenne, la defaicte de six cens hommes de pied, lesquels mes ennemys vouloient hier faire entrer dans ma ville de Laon. Une heure après le parlement du dict de la Varenne, je fus adverty de la defaicte entière du convoy lequel mes ennemys vouloient faire venir de la Fere en ]eur armée. Il y avoit du dict convoy deux cens quatre-vingts charrettes, chargées de vivres, pouldres et houlets, qui avoient pour escorte mille trois cens hommes de pied, partie Espagnols, Wallons et lansquenetz, et trois cens chevaulx. Le jour précèdent j'avois eu advis que le dict convoy se preparoit, et aussy tost je donnay charge à mon cousin le mareschal de Biron de prendre huict cens Suisses, quelque infanterie françoise, avec mes chevaulx légers, pour empescher le passage du dict convoy, et le desfaire, s'il se pouvoit. Mon dict cousin s'est si

' François d'O , seigneur d'O , de Fresnes et de Maillebois , chevalier des ordres du Roi, fds aîné de Jean d'O et d'Hélène d'Hiers, l'un des courtisans le plus en faveur auprès de Henri III, avait été maître de sa garde-robe et premier gentilhomme de sa chambre , puis surintendant des iinances , gouverneur de Paris et de l'Ilede-Francc. Ayant des premiers reconnu Henri IV, il conserva sans interruption la surintendance des finances, et à la réduction de Paris reprit l'exercice de son gouvernement; mais il mourut au mois d'octobre de cette même année, après avoir

scandalisé la cour, la ville et l'armée par ses profusions, ses débauches, et par l'ostentation d'un luxe que faisaient paraître encore plus révoltant la misère publique et le dcnûment dans lequel il laissait la personne même de Henri IV. La plupart des mémoires contemporains parlent de son excessive dépravation. Quant à ses concussions, de Thou assure qu'elles furent beaucoup moindres que ne le croyait le public, parce que non-seulement il dissipa entièrement les grandes richesses qu'il avait reçues de ses pères , mais mourut insolvable, en laissant des dettes énormes.

clignement acquitté de ceste charge , qu'après avoir attendu une nuict et un jour le dict convoy, combien que leur escorte fust composée de plus grand nombre d'hommes qu'il n'avoit avec luy, hier, environ les cinq heures du soir, les chargea, et les trouva si résolus de se deffendre que le combat dura une heure entière. Leur infanterie espagnole soutint le premier efibrt, par lequel ils ne purent estre rompus; qui fut cause que mon dict cousin mit pied à terre , comme firent la noblesse et chevaulx-legers qu'il avoit avec luy, et en mesme temps donna si courageusement, comme firent aussy les Suisses, qui estoient conduicts par le s" de Sancy, qu'ils emportèrent tout ce cjni se trouva d'infanterie prés du dict convoy. Lorsque ceste charge fut faicte, il n'y avoit que la moitié du dict convoy et de l'escorte entrez dans la forest, qui furent aussy chargez. En mesme temps le s"" de Givry, qui commandoit au reste de la cavalerie et qui estoit en son embuscade , chargea celle des ennemys et ce qui restoit à entrer dans la forest, qui fust pareillement deffaicte, s'estant toute la cavalerie des dicts ennemys mise en fuicte , laquelle fut poursuivye jusque dans les portes de la Fere, ayans esté la plupart tuez et les aultres noyez. Ceste deffaicte a esté si grande, qu'il s'est recogneu de sept à huict cens hommes morts, et le reste s'est perdu par la forest, n'ayant esté prins de tous leurs gens de guerre que deux cappitaines. La perte que mes ennemys ont receue par ceste deffaicte , tant par leurs hommes que par leurs munitions, dont ils avoient extresme nécessité, les a fait resouldre de quitter leur camp retranché, ce qu'ils ont fait ceste nuict, ayant commencé de desloger avant la my-nuict. Je monte présentement à cheval avec mil chevaulx et quatre ou cinq mil hommes de pied, pour aller à eulx. J'espère les rencontrer-, et si l'occasion s'offre d'entreprendre sur eulx, ne la laisseray passer. Je logeray demain mon armée pour continuer mon siège. Ma dicte armée est grande , et tous mes serviteurs pleins de courage et de volonté de me servir. J'espère que Dieu me fera la grâce de les bien employer, pourveu que je sois assisté du moyen que j'attends par vostre diligence , tant pour les munitions que pour les deniers, suivant les depesches que je vous ay cy-devant

envoyées : en quoy ni'asseurant estre servy de vous selon voslre affection accoutumée, je vous prieray seulement user en cela de telle diligence qu'il est requis pour le bien de mon service. Vous communiquerés la présente au s'" de Chiverny, mon chancelier, et mes serviteurs. Au camp devant Laon, le xvuj* jour de juin i Ôg/i.

HENRY

REVOL

1594.-— 18 JuiN.-lI'"^

Orig. — Arch. de M. le marquis de BourdeiUe. A MONS« DE BOURDEILLE.

CAPPITAINE DE CINQUANTE HOMMES D'ARMES DE MES ORDONNANCES, SENESCHAL ET GOUVER- NEUR DE MON PAYS DE PERIGORD.

Mons"" de BourdeiUe , Vous aurés entendu comme, après avoir esté rechercher Tarmée espagnole jusques à la Capelle , depuis la perte de la dicte place, pour essayer de les attirer au combat sans qu'ils feissent jamais semblant de sortir de leurs retranchemens, je me résolus de venir mettre le siège devant ceste ville de Laon, comme je feis dés le XXV™® may, estimant que le duc de Mayenne , qui avoit son second fils dedans, ne le vouldroit laisser perdre, et que cela les pourroit faire resouldre d'y venir et en naistre l'occasion que je desirois de le combattre. J'ay demouré devant environ dix jours, faisant nos approches avant qu'ils soient deslogez du dict lieu de la Capelle , ce qu'ils avoient retardé quelques jours davantage pour attendre le duc de Mayenne, qui estoit allé à Bruxelles vers l'archiduc Ernest, d'où dés qu'il feut de retour ils marchèrent, et en trois ou quatre journées vinrent loger en deçà de la Fere, y ayant passé la rivière d'Oise; de là s'estant advancé en un aultre bois un peu plus prés de nous, enfin le dimanche xii^ du présent ils se vindrent camper au bout de la forest, sur le pendant et au bas de la montagne, environ une lieue prés de Laon. Je m'estois, le jour devant, approché de ce costé avec mon armée, sans lever le siège, ayant laissé les tranchées bien gardées et fournyes, pour me trouver au devant des dicts ennemys et prendre mon logis et champ

de bataille selon ce que je verrois qu'ils feroienl, comme aussy tost que je veis son camp assis j'en feis de mesme , si prés que les coups de canon donnoient dans l'armée l'un de l'aultre ; et avons demouré ainsy cinq jours à nous escarmoucher, où nous avons tousjours eu l'advantage, sans qu'ils ayent entreprins de passer plus avant, contre l'asseurance que le dict duc de Mayenne avoit donnée aux assiégez de me faire lever le siège, ou mourir en la peine.

Dieu voulut que le mesme jour de dimanche mon cousin le duc de Longueville, lequel j'avois renvoyé le joiu- précèdent avec environ trois cens chevaulx et deux cens hommes de pied, leur enleva, entre la Fere et Han , un convoy d'environ six vingts chariots et quarante charrettes chargées de vivres, qu'ils faisoient venir de Guise et aultres lieux, et délit l'escorte qui les conduisoit, laquelle estoit d'environ quatre cens chevaulx et deux cens hommes de pied, dont il en demeura une partie sur la place, et grand nombre de prisonniers. Cela commença à les incommoder en leur armée, de sorte qu'ils ont esté prés de trois jours sans avoir du pain ; qui apportoit un grand murmure et commencement de mutinerie , laquelle eust passé plus oultre , sans l'espérance d'un aultre grand convoy qu'ils avoient de nouveau

faict dresser ^

Je suis monté à cheval avec mil chevaulx et de quatre à cinq mil hommes de pied pour leur aller gagner la teste , ne les pouvant prendre en queue à cause de la forest où ils marchoient; mais, d'autant qu'il m'a fallu faire un grand tour, je n'ay peu faire telle diligence qu'ils n'eussent desjà passé au delà de la Fere. Seidement le s"^ de Vitry, que j'avois faict avancer avec vingt-cinq ou trente chevaulx, en a taillé en pièces quarante des dicts ennemys, à la veue et tout prés d'un régiment d'Espagnols qui faisoient la retraite avec les dicts quarante chevaulx ^ sans qu'ils se soient jamais tournez.

Là se trouvent reproduits littérale- gées de vivres, pouldres et boulets... » jus-

ment les deux tiers environ de la lettre à qu'à : « ayant commencé de desloger

M. d'O, depuis , « Il y avoit dudict convoy avant la my-nuicf. » deu.x. cens quatre-vingts charrettes char-

Hier au matin, au point du jour, il m'advint encore un bonheur, que cinq cens hommes de pied qu'ils avoient faict couler par la forest pour aller jeter dans Laon s'elfroyerent au sortir d'icelle, oyant l'alarme que donna une vedette qui se tourna de ce costé-là, de sorte qu'ils se rompirent eux-mesmes, laissant leurs armes et se jetant à travers le bois, où ils furent si tost suivis, qu'il en fut tué et pris une bonne partie. Ainsi ceulx de Laon, se voyans descheus de l'espérance en laquelle l'on les avoit mis d'estre deslivrez , auront à présent occasion de penser à leiu" salut par aultre voye, et crois qu'ils ne tarderont longuement à s'en laisser entendre. J'ay fait rendre grâces à Dieu de ces bons succès, comme les recognoissant de sa main, et vous en ay bien voulu advertir pour faire faire le semblable, et rendre tous mes bons serviteurs de delà participans de ceste bonne nouvelle : priant Dieu, Mons' de Bourdeille, qu'il vous ayt en sa saincte garde. Escript au camp devant Laon,

le xvuj^ j^^ï' ^6 j^iii ' ^9^-

HENRY

REVOL

Orig. autographe. — B. R. Fonds Béthune , Ms. 9115, fol. 74. Cop. — B. R. Fonds Fontanieu, Ms. P.-^S, fol. Sg verso. Et Suppl, fr. Ms. 1009-3.

A MON COUSIN LE DUC DE NIVERNOIS

Mon Cousin, Je vous envoyé la copie d'un advis que je viens tout

présentement de recevoir. Je vous prie d'estre icy demain de bon

matin , afin que nous advisions ensemblement de ce que nous aurons

à faire. Bon soir, mon Cousin. Ce xxj™^ juin, à dix heures du soir, à

S*-Vincent ^

HENRY

' C'est l'abbaye de Saint-Vincent, près de Laon.

1594. — 2k JUIN.

Orig. — Papiers des anciennes archives de Lyon , conservés dans cette ville. Copie transmise par

M. Dupasquier.