A MON COUSIN LE DUC D'ELBEUF

Mon Cousin, je vous ay cy-devant escript comme je desirois que vous me vinssiés trouver', et mesme, si ce que vous voulés amener avec vous ne pouvoit estre si tost prest, que vous ne laissassiés de vous advancer devant, avec vostre train seulement. Oultre le désir que j'ay bien grand de vous avoir ici prés de moy, l'occasion de l'arrivée du s' de Maiicorne me fairoit désirer particulièrement que vous vous y trouvassiés , afin de terminer et régler ce qui sera de vostre charge et de la sienne, et qu'il n'y demeure rien d'indécis. Pour ceste mesme raison je vous fais ceste recharge, et vous prie d'arriver icy auparavant que le dict s' de Maiicorne s'en retourne, ce qui ne sera peut-estre pas beaucoup différé, parce que je le renverray quand je partiray pour mon voyage de Lyon, dont je suis très pressé. Ce sera vostre contentement, (juand avec luy les choses seront réglées , à ce qu'il n'y arrive pendant mon absence aucune incertitude. Quant au régiment que vous avés par deçà, je vous prie de le faire advancer le plus diligemment que vous pourrés pour se rendre à mon armée, à laquelle je fais prendre le chemin de Bourgogne. Je ne veux, au reste, oublier à vous dire que je suis adverty qu'il y a encores en ma ville de Poitiers plusieurs gentilshommes qui estoient des plus affectionnez au party de la Ligue, lesquels neantmoins n'ont point fait le serment de

Voyez ci-dessus la lettre du 6 octobre, p. 221.

fidélité : ce qu'il est nécessaire qu'ils faceiit, pour oster le souspçon que l'on en pourroit avoir; à quoi je vous prie de donner ordre, comme aussy, avant vostre parlement, à tout ce que vous en jugerés nécessaire pour la seureté et conservation de la ville pendant vostre absence, et ce avec l'advis de ceux de la ville. Je crois que le s"" de Chaton vous aura adverty comment tout le reste de vos expéditions est prest et résolu. Ce ne sera pas en cela seulement que vous recognoistrés ma bonne volonté; mais, en tout ce que vous rechercherés, la trouvères toute disposée à vostre contentement. Sur ce, je prie Dieu, mon Cousin , vous avoir en sa saincte garde. Escript à Paris, le xviij*^ octobre 1 Scfli.

HENRY

1594. l8 OCTOBRE. — II'"^

Cop. — A Londres, State paper office. France. Transcription de M. Lenglet.

[A M. DE BEAUVOIR

Mous*" de Beauvoir, J'ay grand regret de voir partir ce porteur sans vous porter au moins de quoy payer une partie des debtes que vous avés esté contrainct de créer par delà pour mon service. Je vous avois destiné un certain moyen de faire argent, duquel j'estimois que vous sériés secouru ; mais il n'a pas reussy, par les raisons que vous dira ce porteur, et non faulte d'affection de ma part. Je recognois aussy qu'il y va de ma réputation autant et plus que de vostre commodité, oultre le désir que j'ay tousjours eu de vous gratiffier; mais je suis maintenant si chargé d'affaires et enveloppé de tant de dif&cultez et nécessitez, qu'il ne m'a esté possible de faire mieux pour ce coup; dont je vous prie croire que je suis très marry, et désire que vous faciès un effort contre cette nécessité, qui vous donne le loisir d'attendre que je pourvoie à vostre contentement, et, en ce faisant, esprouviés qu'elle ne procedde de faulte de cognoissance de vostre mérite, ny de bonne volonté de vous bien traicter. Prenés donc courage, je vous prie, et vives en espérance que je ne seray pas tousjours si court de moyens

de bien faire à mes serviteurs et à moy-mesme. Vous ne demeureiés pas aussy tousjours en la peine en laquelle vostre affection à mon service vous a reduict. Je vous envoie une lettre de ma main, adressante àlaRoyne, ma bonne sœur et cousine, pour vostre congé, afin quelle ayt agréable que vous faciès un voyage par deçà, pour donner ordre à vos affaires. Vous tirerés d'elle ceste permission si à propos cpi'elle en demeure contente.

Enfin mon cousin m"" le maresclial d'Aumont a eu la raison du chasteau de Morlais, comme je crois que la dicte dame aura eu advis par les siens. J'estime qu'il aura depuis faict attaquer le fort que les Espagnols ont faict prés de Brest , car il m'a escript qu'il s'y acheminoit, et luy ay commandé de ce faire. M"^ de S'-Luc s'en ira aussy bien tost, faisant partir les Suisses pour gagner les devans, de sorte que la Royne , madame ma bonne sœur, sera satisfaicte pour ce regard comme il a esté promis. Surtout je vous prie faire en sorte que la laissiés contente de moy ; et quand je vous auray veu, j'adviseray à pourveoir, à vostre advis, à tout ce qui sera nécessaire de faire pour me conserver son amitié et bonne grâce, que aulcuns seroient peut-estre bien aises de me faire perdre. Mais j'espère tant de sa prudence, et me confie aussy tant au respect que je luy porte en mon ame et luy veux particulièrement rendre par mes œuvres , qu'elle ne prestera l'oreille à telles personnes, comme de mon costé je ne luy en donneray jamais occasion. Je remets le reste à vostre venue : priant Dieu, Mons' de Beauvoir, qu'il vous ayt en sa saincte et digne garde.

HENRY

1594. 18 OCTOÈRE. — III™*.

Orig. — Archives de M. le marquis de Bournazel. Copie transmise par M. G. Beihomme, archiviste

de la Haute-Garonne.

A MONS"^ DE BOURNAZEL

Mons' de Bournazel , Je vous ay cy-devant faict entendre les bonnes raisons que j'avois de tenir le s*^ de Cornusson pour mon serviteur,

et qu'en cesle considération je l'avois confinné et restably en son estât de seneschal de Thouloiise , vous ayant par mesnie moyen mandé de tenir bonne intelligence avec luy, pour ce qui se pourroit présenter par delà pour mon service, comme il m'a fait sçavoir que vous avés faict, vous estant offert de l'assister de tout ce qui pourroit despendre de vous en toutes les occasions qui sortiroient pour le bien et advancement de mon dit service. Dont je vous ay bien voulu tesmoingner par ceste-cy que je vous en sçay fort bon gré, estant ce en quoy je constitue ma principale force, que en la bonne correspondance de mes bons serviteurs dans les provinces, mesmement de ceulx qui y ont les charges ou y tiennent les premiers lieux. Je vous prie donc continuer ceste bonne intelligence avec le dict s"" de Cornusson, et en ce qu'il vous fera cognoistre estre de mon dict service vous y employer de tout vostre pouvoir. Ce n'est pas que mon intention soit de rompre la trefve qui est en Languedoc, parce que c'est une foy publique que je veulx estre observée. Mais si aulcuns des villes et lieux qui sont encores occupez se vouloient réduire , et qu'à ceste occasion l'on leur voulust comTe sus, j'entends bien et désire qu'ils soient assistez, et que pour ce faire , si le dict s"" de Cornusson vous recherche de faider de vos forces, que vous le faictes, comme il a mesme charge de faire de celles qu'il peut avoir, si vous en avés besoing pour mesme occasion. Sur ce, je prie Dieu, Mons' de Bournazel, vous avoir en sa saincte garde. Escript à Paris, le xviij*^ jour d'octobre lôgA-

HENRY

Orig. — Arch. de M. le baron de Fourras, au château de Moussoulens, près Carcassonne. Copie transmise par M. G. de Glausade , correspondant du ministère de l'Instruction publique.

[A M. DE MOUSSOULENS.]

Mons"^ de Montsolens ' , Encores que vous ayés jusqu'icy suivy le

François de Saint-Jean, de la maison soulens, en 1682, par son mariage avec d'Honous, était devenu baron de Mous- Catherine de Voisins, fille de Durand de

parti (le mes ennemys, sy est-ce que je ne laisse pas de priser et estimer les bonnes qualilez que j'entends estre en vous, et ay grand regret de les voir employées ailleurs qu'à mon service. C'est pourquoy je vous veulx bien exhorter de vous recognoistre désormais, suivant l'exemple de tous les plus gens de bien de la Ligue, qui se sont reduicts à leur debvoir. Vous n'avés plus de raison de vous opiniastrer au contraire , estant le prétexte de la religion , dont on vous a si longtemps abusé , maintenant du tout osté ; et ne pensés pas que vostre réduction et recognoissance , pour estre tardifve , laisse de m'estre bien agréable. Pourveu qu'elle soit vraye et sincère, cela suffira pour vous rendre capable de ma bonne volonté , dont les effects vous seront communs et faciles, indifféremment comme à mes aultres bons serviteurs. Sur ce, je prie Dieu, Mons"" de Montsolens , vous avoir en sa saincte garde. Escript de Paris, le xviij^ jour d'octobre lôg/i.

HENRY

Minute. — B. R. Fonds Saint-Germain Hariay, vol. 1187, fol. 209 recto.

Cop. — Généalogie de la famille Frémyn. Communication de madame la baronne Willauniez ,

née Frémyn.

Cop. — Biblioth. de Reims. Cabinet des Mss. Envoi de M. Louis Paris, bibliothécaire, corre.spon-

dant du ministère de l'instruction publique.

A FREMYN'

Frémyn , Je vous sçay bon gré de la peine que vous continués à

Voisins, baron de Moussoulens. Il fut, suivant dom Vaissète , un des plus fougueux, ligueurs du Languedoc, où il servit sous le duc Antoine-Scipion de Joyeuse , comme lieutenant de sa compagnie de gendarmes en iSSg, comme l'un de ses conseillers en iSgi, et l'année suivante

comme maréchal de camp de son armée.

A la mort de ce duc, en 1692, il fut un des chefs ligueurs qui déterminèrent le P. Ange, capucin, son frère, à sortir du couvent pour le remplacer. Les avances que lui fait ici Henri IV prouvent la prépondérance qu'il avait dans son parti.

' Antoine Frémyn, d'une famille de seigneur du château et maison-forte de Champagne citée dès le xv* siècle, était Bailleux. Il fut nommé le 6 novembre i6o5

prendre, de conforter la dame de Sainl-Pol^ en la bonne volonté que j'ay sceu qu'elle est de me recognoistre et rendre obéissance, en se jectant avec ses enfans en ma protection; car vous faictes en cela non seulement rofiice d'un bon subject et patriote^, qui a son honneur et son devoir envers Dieu, son Roy et pays en singulière recommandation, mais aussy de vray et fidel amy de la dicte dame et de sa maison, ce qui vous tournera tousjours à louange, tant pour l'affection que vous a porté feu son mary, que pour ce que ceste œuvre est de soy très bonne et digne d'un homme de bien. Or, affîn que la dicte dame ayt tant plus occasion de continuer en ce propos et de l'effectuer, je suis content, m' ayant donné sa foy pour elle et son fds, de me remettre et confier du tout à elle de la garde de la ville et citadelle de Mezieres, et partant en faire expédier le gouvernement au nom de son dict fils, à la charge qu'elle me respondra de la place, que non seulement il n'en mesadviendra, mais aussy que j'y seray servy et obey très fidèlement , moyennant quoy vous l'asseurerés que j'auray tel soing d'elle et de sa maison, qu'elle aura occasion de s'en louer. Davantage je suis content de luy accorder jusqu'à 80 mil escuz pour la récompense des frais qu'a faicts son mari , tant à la fortification de la dicte place qu'en aultres endroicts et occasions qui méritent considération. Mais j'entends que sur la dicte somme elle contente celuy ou ceulx qu'elle retiendra dedans la dicte place pour la garder, qu'elle estimera mériter recompense ou gratification. Cette somme est si notable, mesme en ceste saison, et luy confiant la garde de la dicte place, que je m'asseure qu'elle en recevra et recognoistra la gratification comme elle mérite. Pour le regard des aultres articles dont il m'a esté parlé de sa part, je m'en remettray à la response faite au mémoire qui nous a esté naguieres envoyé , que je feray effectuer, pour vous

conseiller secrétaire des commandements le comté de Rethel. Il avait été tué, comme

et finances de la reine Marie de Médicis. nous l'avons dit, par le duc de Guise, le

Cette dame était la veuve de Saint- 2 5 avril de cette année. Pol, fait maréchal de France par le duc ^ La date de l'emploi de ce mot est à

de Mayenne, et à qui ce prince avait donné constater.

dire que je désire que vous paraclieviés ce service et que j'en aye

response et asseurance au plus losl; comme vous l'avés par ceste-cy,

que je recognoistray à jamais le debvoir que vous avés fait, à vostre

advanlaige. Je prie Dieu, Fremyn, qu'il vous ayt en sa saincte garde.

Escript à Paris, le xxij*^ jour d'octobre i Sg/i.

HENRY

DE NEUFVII.I.E.

Orig. — Arch. municip. de Saint-Quentin. Envoi de M. E. Janin , archiviste-palcf-ographe.

A NOS CHERS ET BIEN AMEZ LES MAYEUR, ESCHEVINS, MANANS ET HABITANS DE NOSTRE VILLE DE S^- QUENTIN.

Chers et bien amez, Ayant esté advertys que nos ennemys font contenance de se vouloir approcher de vos quartiers, nous avons incontinent mis ensemble bon nombre de gens de guerre, que nous envoyons en nostre ville de S*-Quentin , sous la charge et conduicte du s"" de Vie, cappitaine de cinquante hommes d'armes de nos ordonnances et gouverneur de S*-Denys, pour nous faire suite auprès de nostre très cher cousin le duc de Longueville , et demeurer auprès de vous tant et si longuement que nous estimerons que sa présence y sera requise et nécessaire. C'est un gentilhomme plein de courage et de valeur, fort expérimenté, et en qui nous avons toute fiance. Donnés ordre qu'il soit logé et recueilly avec les dictes forces en nostre dicte ville, comme le requiert l'occasion de son voyage et le désir que nous aurons tousjours de vous pr.oteger contre ceulxqui vouldroient attenter quelque chose contre vous. Donné à Paris, le xxvij^jour d'octobre 1 Ôg/j ■

HENRY

DE NEUFVILLE

Orig. — Papiers provenant des anciennes archives de Lyon et conservés dans celte ville.

A NOS TRES CHERS ET BIENS AMEZ LES CONSULS ET ESCHEVINS, MANANS ET HABITANS DE NOSTRE VILLE DE LYON.

Très chers et bien amez , Nous avons présentement receu vostre

despesche du dix-huictiesme de ce mois, et avons desplaisir que la précédente ayt esté perdue, et le s^ de Place, vostre depputé, prins par les ennemys. Il seroit à propos, sans plus faire courir ceste fortune à vos concitoyens, pendant que le péril des chemins continuera, de vous servir de la poste ordinaire, et pour les choses de conséquence que vous nous voudrés faire entendre, vous ayder du chiffre du s' de Bellievre. Nous espérons que vous aurés bien tost ceste communication plus facile, et que vous nous le pourrés expliquer vous-mesmes, et entendre nos volontez de nostre propre bouche, n'ayant pas moins de regret que vous, que nostre acheminement ayt esté si longuement différé. Mais le plat pays de delà ayant desjà tant souffert, et nostre ville de Lyon encore plus, d'y aller seulement joindre nostre nécessité à la leur, nous avons estimé que, au lieu du soulagement que l'on attend de nostre présence, elle ne leur seroit qu'à plus grande oppression, si nous partions sans quelque provision pour tenir nostre armée, que nous y menons , en règle et discipline ; dont il n'y a autre moyen que de la faire payer : qui est l'unique affaire qui nous a retenu icy pour y pourveoir ; en quoy les difficultez se sont trouvées si grandes (pour estre toutes les ressources dont le secours de moyens souloit venir, du tout espuisées et taryes) que , pour quelque soing et peine qui y dust estre employée, il ne s'y est peu rien advenir plus tost que maintenant, que nous estimons y avoir esté auculnement pourveu, ne nous restant plus rien qui nous retienne de partir, que un peu de temps qu'il nous faut encore pour laisser et establir en ces provinces de deçà l'ordre nécessaire pour pourveoir aux affaires qui y peuvent sm'venir. Mais quels qu'ils puissent estre, n'appréhendés point qu'ils nous retiennent davantage que pour cela; considérant assez que nostre présence ne peut estre en nul autre lieu tant nécessaire qu'elle est par delà, où nous faisons estât de nous rendre, au plus tard, dans le xx*' ou xxv*^ du prochain, ayant desjà fait acheminer nostre armée devant, du costé de la Bourgogne; et pourveoirons aux affaires de deçà, en sorte que rien ne nous pourra retirer d'avec vous, que nous n'y ayons accomply nostre desseing, qui est de vous laisser en tranquil-

lité et repos. Nous vous exhortons et prions cependant de ne perdre point patience , vous confians en nostre parole , à laquelle nous ne manquerons point. En attendant, vous aurés tousjours nostre cousin le Connestable, qui est, après nous, la meilleure assistance que vous pourries désirer. Faictes donc encore cest effort de vertu, de résister pour un peu de temps contre cest orage, puisque vous voyés si proches du port que vous avés tousjours désiré ; et tenés ce qui peut despendre de vous tout préparé, affin que, à nostre arrivée, nous puissions, sans perdre de temps, nous mettre aussy tost à la besogne, et entreprendre à bon escient contre les ennemys, qui auront, comme nous espérons, donné plus d'appréhension qu'ils ne feront de mal : qui est ce cpie nous vous dirons pour ceste fois. Donné à Paris , le xxviij*^ jour d'octobre 159/i. HENRY.

FORGET

Minute. — B. R. Fonds Saint-Germain Harlay, Ms. 1187, fol. 2i3 recto.