A MON COUSIN LE MARESCHAL DE BRISSAC

Mon Cousin, J'ay esté adverty de très bon lieu que le cappitaine d'Auzis, qui est en garnison à Corbeil , a traicté avec mes ennemys pour leur livrer la ville, et qu'ils ont encores espérance de tirer leur profit de l'intelligence qu'ils ont avec luy. Pour à quoy remédier, comme il est nécessaire pour mon service, je vous prie ne faillir incontinent que vous aurés receu la présente, de mettre hors de la dicte ville le dict d'Auzis avec sa compagnie , et, en sa place , y recepvoir et loger le cappitaine Dorniac, avec celle que je luy ay commandé de mettre sus , de pareil nombre que l'autre ; et je emploieray le dict d'Auzis ailleurs, s'il se purge de ceste accusation; ce que j'auray agréable qu'il face. Mais ce pendant ne failles pas de le faire sortir de la dicte ville, car c'est chose qui importe trop à mon service, auquel je sçay que vous estes si affectionné que, encores que le dict d'Auzis vous soit recommandé , vous ne fauldrés à obeïr à mon commande-

2^12 r.ETTRES MISSTVRS

ment et recepvoir en sa place le dict Dorniac : priant Dieu, mon Cousin, qu'il vous ayl en sa saincte et digne garde.

HENRY

Orig. — Arcli. du canton de Berne. Copie transmise par M. l'ambassadeur de France en Suisse.

A NOS TRES CHERS ET GRANDS AMYS , ALLIEZ ET CONFEDEREZ LES ADVOYERS , CONSEIL ET COMMUNAUTÉ DE LA VILLE ET CANTON DE RERNE.

Très chers et grands amy s, alliez et confederez, Comme j'ay esté contrainct de séparer les gens de guerre de vostre nation qui sont en mon Royaume, pour mieux m'en servir aux occasions qui se présenteront, me confiant en la personne du s' Hans Jacob de Diesbach, tant pour vostre considération que pour son mérite , j'ay voulu luy donner le commandement sur quatre compagnies et la sienne, pour accompagner mon cousin le duc de Bouillon, en l'armée duquel je luy ay donné charge ; et d'autant que , poin- ce faire , il a fallu tirer sa dicte compagnie du régiment du colonnel Galaty, je vous prie trouver bon que j'aie faict la dicte distraction et donné la dicte charge au dict Hans Jacob Diesbach, laquelle j'ay mieux aimé luy commettre qu'à un aultre, pour de plus en faire paroistre en sa personne festime que je fais de vostre amitié, fhonorant du dict commandement et l'employant à la dicte armée sous la charge de mon dict cousin le duc de Bouillon ; et vous m'obligerés à vous sçavoir d'autant plus de gré du bien que mes affaires recevront auprès de mon dict cousin , de fassistance du dict Diesbach, auquel je vous prie faire sçavoir que vous avés agréable qu'il m'aye obeï et contenté en ceste occasion; et je m'en revancheray quand il s'en présentera une pour vostre contentement, comme vostre plus asseuré et meilleur amy. A tant je prie Dieu, Très chers et grands amys, alliez et confederez, vous avoir en sa saincte et digne garde. Escript à Sainct-Germain en Laye, le uf jour de novembre i594-

HENRY

DE NEIJFVII.LE.

Orig. autographe. — Archives pontificales du Vatican. Copie transmise par M. Marine, des comtes de Marini, archiviste de la sainte Eglise romaine. Envoi de M. l'ambassadeur de France.

Cop. — Arch. du département du Nord. Envoi de M. Le Glay, archiviste. A NOSTRE TRES SAINCT PERE LE PAPE.

Très salnct Père,

Comme je recognois tenir de la seule grâce de Dieu et de l'inspiration de son Sainct-Esprit , la vérité de la religion catholique , apostolique et romaine, de laquelle j'ay faict profession, en intention d'y vivre et mourir, sans que les armes trop foibles de mes ennemys, ny aultres considérations mondaines y ayent eu part, je m'estime aussy d'autant plus obligé , mesmes après tant de prosperitez et advantages qu'il luy a pieu me despartir, de régler toutes mes actions au pied de ses divins préceptes et commandemens, et principalement celles par lesquelles je puis obtenir la bienveillance de Vostre Saincteté. C'est pourquoy, si tost que mon cousin le cardinal de Gondy, à son retour de Rome, m'eut ouvert les moyens d'y pouvoir parvenir, dont le refus qu'en avoit rapporté mon cousin le duc de Ne vers m'avoit quasv désespéré, tout ainsy que s'il m'eust ressuscité de mort à vie, j'embrassay ce conseil, d'entière affection, sans m'arrester aux choses passées ny balancer sur les futures; et depuis, corftme j'ay sceu que Vostre Saincteté l'avoit eu agréable, j'ay esté encores plus consolé, car je me promets tant du désir que j'y employeray pour m'en rendre digne et de vostre bonté et droiture, que j'attelndray, à ce coup, à mon désir. Mais d'autant que les grandes affaires que j'ay sur les bras ne m'ont encores donné le loisir et la commodité d'achever ce bon œuvre comme j'avois délibéré, et que je sçay par expérience n'y avoir faulte de gens par delà qui s'estudient de mis calomnier, j'ay pris la hardiesse de supplier Vostre Saincteté, par la présente, d'excuser ce retardement, ne l'imputer à changement ny faulte de bonne volonté, révérence et obéissance de ma part envers Elle et le Sainct-Siege, mais croire que

j'ay telle envie de m'acquitter de ce debvoir dignement, puisque Voslre Saincteté Ta agréable, que je ne seray content que je ne l'aye accomply comme ma conscience et mon honneur m'admonestent de faire, poiu' le repos d'icelle et le bien gênerai de la Chrestienté, ainsy que je supplie Voslre Saincteté permettre à d'Ossat de luy exposer plus amplement de ma part, suivant le commandement que j'ay advisé de luy en faire, comme à mon subject; lequel, je m'asseure, s'en acquittera fidèlement. A tant, je prie Dieu, Très sainct Père, qu'il veuille maintenir, garder et préserver longuement et heureusement Vostre Saincteté au bon régime, gouvernement et administration de nostre mère Saincte Eglise. Escript à S'-Germain en Laye , le viij*' de novembre 169/1.

Vostre très humble et devol fils,

Imprimé. — Mémoires pour servira l'histoire de Brelacjne, par dom MORICE, 1. 11/ col. 162c.

A NOS TRES CHERS ET BIEN AMEZ LES DEPPUTEZ DES TROIS ESTATS DE NOSTRE PAYS ET DUCHÉ DE BRETAIGNE.

Très chers et bien amez , Par les dernières lettres que nous vous avons escriptes , vous avés suffisamment recogneu comme pour le seul bien et repos de nostre province de Bretaigne, dont la conservation nous est si chère et recommandée, nous ne voulons laisser perdre aucune occasion pour le moyenner; et que sur celle que la Royne, nostre très chère et très amée sœur, nous faict entendre qu'elle offre de pouvoir, par un traicté , moyenner quelque bonne reconciliation et paix entre nous et son frère le duc de Mercœur, nous envoyons présentement à Ancenis aucuns des principaux de nostre conseil, pour, par fentremise de nostre dicte sœur, traicter avec ceulx qu'elle nous a promis faire convenir de la part de son dict frère à cest effect, la part que bon nous sembleroit. Et affin que rien ne se passe au desadvantage du bien, utilité, repos et soulaigement de nos subjects de la province,

nous avons esleu les présidents Ilarpin et de la Grée comme personnes capables et bien instruits de Testât des affaires de la dicte province , et non moins affectionnez à la conservation d'icelle, leur mandant présentement s'acheminer au dict Ancenis , vous en ayant ce pendant voulu donner advis, affin qu'auparavant leur partement vous les instruisiés amplement de tout ce que vous penserés importer à nostre service, bien, repos et contentement, affm de le procurer et en tirer tout l'advantaige qu'il sera possible d'estre traicté, conformément aux instructions que nous mettrons ez mains des dicts depputez; en quoy si nous remettons par trop de la grandeur de nostre auctorité, vous debvés d'autant prendre de créance de l'extresme désir que nous avons de vous concilier, et moyenner un bon et asseuré repos en vostre province, aimant beaucoup mieulx prejudicier à nostre particulier que défaillir au bien si grand et apparent qu'une paix et concorde entre tous nos subjects et la reconciliation de nous et du duc de Mercœur vous peut apporter; ce qui vous doibt d'autant patiemment faire supporter quelques légères conditions auxquelles nous et nos depputez pomrons nous laisser aller, si nous recognoissons qu'autrement on ne puisse recueillir le fruict que nous promectons de ce traicté : attendant l'heureuse issue duquel, nous prions Dieu, Très chers et bien amez, qu'il vous ayt en sa saincte garde. De S*-Germain en Laye, le ix^ jour de

novembre i ôg/i.

HENRY

POTIER

Ime

Minute. — B. R. Fonds Saint-Germain Harlay, Ms. 1187, fol. 221 recto.

[A M. DE SILLERY

Mons' de Sillery, Vous serés seulement asseuré par ceste-cy que j'espère m'acheminer à Lyon si tost que le duc de Bouillon sera revenu du voyage qu'il est allé faire pour tendre la main aux forces qu'envoient à mon secours les Estats des Pays-Bas. Il aura donné jusqucs auprès de

Naniur et ne tardera plus guère à revenir. Ce pendant je iray jusques à la frontière de Picardie, que Tennemy menace tousjours, mais n'ose attaquer tant que il me sentira par deçà. L'on me mande du costé de Lyon, que le gouverneur de Milan doibt amener en France les forces qu'ils ont assemblées en Italie, et qu'il n'attendoit que les Napolitains et Hespagnolz que avoit rapportez le Doria, pour s'y acheminer. Sur quoy il me semble que il ne sera que bien à propos que vous faciès courre le bruict que je veulx faire une nouvelle levée de six mille Suisses pour mon service, estant à Lyon, quant les autres approcheront; car c'est bien ma délibération. Mais quand encores vous en advancerés le bruit, cela servira à contrepoiser les ostentations et bravacheries de mes dicts ennemys, lesquels regorgent de telles vanilez, qui leur ont souvent proffité. Je vous ay cy-devant escript un mot touchant le comté de Bourgongne , sur lequel j'auray à plaisir d'entendre vostre advis. Partant esclarcissés-m'en par vos premières , comme je l'attends d'estre de toutes occurrences, et mesme du nom du colonel et du cappitaine qui commandent à ceste dernière levée que le roy d'Hespagne a faicte par delà , laquelle est de présent prés de ma frontière, pour servir en l'armée avec laquelle mes ennemys font estât d'assiéger mes villes ; dont il ne sera que bien à propos aussy que vous faciès sentir quelque chose à leurs cantons, pour essayer s'il y auroit moyen de les aflToiblir de ceste trouppe. Je prie Dieu, Mons"" de Sillery, qu'il vous ayt en sa saincte et digne garde.

HENRY

Imprimé. — Mémoires pour servir à l'histoire de Bretagne, par dom Morice , t. IV, col. 1621.