GOUVERNEUR ET MON LIEUCTENANT GENERAL EN CHAMPAGNE ET BRIF

Mon Cousin, Je vous ay escript ces jours passez pour vous donner advis tant de ma conversion que de l'espérance que j'avois de faire une trefve générale. Despuis, la resolution s'en est ensuivye , et je vous envoyé cy-enclos les articles de la trefve, vous priant de la faire exactement observer en vostre gouvernement, si tant est que mes ennemys du dict pays l'observent de leur part , ainsy que le duc de Mayenne a promis qu'ils feront; mais si mes dicts ennemys ne veulent recepvoir et observer la dicte trefve, vous continuerés à vous opposer à leurs desseings, et à leur faire la guerre. Je vous prie m'advertir au plus tost des desportemens de mes dicts ennemys ; et soit qu'ils observent la dicte trefve ou non, faites veiller soigneusement à la conservation des places de vostre charge, selon qu'avés faict jusques icy; affîn que mes dicts ennemys ne puissent rien faire au préjudice de mon service : ce que m'asseurant que ferés, je prie Dieu qu'il vous ayt, mon Cousm, en sa saincte et digne garde. De S'-Denys, ce premier jour

d'aoust 1693.

HENRY

POTIER

[1593.]— /i AOÛT.

Copie, — A Londres, Slatc paper ofTicc, ccjlection intitulée : French correspondance. Copie transmise par M. Lenglet.