AU MARÉCHAL D'AUMONT

Mon Cousin, L'agent de la Royne résidant prés de moy m'a faict plaincte des contrainctes dont on use contre les subjects de la dicte Royne, pour leur faire payer les nouveaux droicts et impositions

mises sur les marchandises, depuis et à l'occasion des presens troubles, au préjudice et contre mesmes les articles et traictez accordez en leur faveur sur ce subject; pour lequel il y en a jà esté emprisonné quelques-uns d'iceulx dans ma ville de Morlaix ; ce que je trouve fort mauvais, et m'a faict vous escrire subitement la présente pour vous mander de faire cesser promptement les contrainctes, et faisant mettre en liberté ceulx qui à ceste occasion seroient emprisonnez, et exempter les subjects de la dicte Pioyne de toutes levées et impositions qui se prennent sur les marchandises aultres que les anciens droicts et accoustumez auparavant les dicts presens troubles, conformément aux dicts traictez. Le dict agent m'a pareillement faict instance pour le recouvrement de deux canons qu'il m'a dict estre dans Guingamp et appartenir à sa maistresse. Je désire que les dicts canons luy soyent rendus, et à cest effect remis es mains du s"" Norris ou de telle aultre personne qui aura charge de la dicte Royne de les recepvoir, pour en cela et en toutes aultres occasions luy donner autant de contentement que je désire : à quoy vous me ferés service très agréable d'y tenir la main au plus tost, et je prieray Dieu qu'il vous ayt, mon Cousin, en sa saincte garde. Le . . . novembre i Sg/i. -

HENRY

Minute. — B. R. Fonds Saint-Germain Harlay, Ms. 1 187, fol. 220 recto.

[A M. DE SIPIERRE.]

Mons"^ de Sipierre, En attendant que le s*" de Fagin, vostre beau-frere, retourne par delà, par lequel je vous feray sçavoir de mes nouvelles plus particulièrement et à mes bons serviteurs du pays, j'ay bien voulu vous faire sçavoir par ceste-cy, que j'ay chargé le s"" de Praslin vous faire tenir, la resolution que j'ay prise de m'acheminer bien tost par delà, où je fais dés à présent advancer mon armée, soubs la conduite de mon cousin le mareschal de Biron , qui aura charge de moy

de reprendre en passant certains petits forts dont j'ay entendu que

Tenisse s'est emparé du costé de Chastillon. Et d'autant que mon dict

cousin pourra avoir besoin de pièces d'artillerie qui sont^ en vostre

place , pour cest efléct, et de vostre compagnie et garnison, je vous prie

tenir le tout en estât, pour l'en assister quand il vous mandera, en

favorisant ceste exécution de tout vostre pouvoir. Je prie Dieu, Mons""

de Sipierre , qu'il vous ayt en sa saincte et digne garde. A S -Germain

en Laye, ce novembre 1694.

HENRY

Orig. — B. R. Fonds Bétliune, M. 9115, fol. 58. Cop. — B. R. Suppl. fr. Ms. 1000-3.

A MON COLSIN LE DUC DE NIVERNOIS ET DE RETHELOIS