GOUVERNEUR ET MON LIEUTENANT GENERAL EN CHAMPAIGNE ET BRIE

Mon Cousin, Depuis que je suis arrivé en ceste ville j'ay apprins que l'entreprinse qu'avoit mon cousin le duc de Longueville n'a reussy, et que le deffault est arrivé par un accident lequel rend le regret et déplaisir plus grand, voyant la dicte entreprinse faillye après avoir esté si dextrement conduicte jusques à l'exécution, ainsy que vous verres par le discours cy-enclos, lequel mon dict [cousin] m'a envoyé. Le s" d'Humieres en avoit une autre , laquelle a aussy peu reussy ; mais le deffault en estant venu pour n'avoir bien compassé leur temps, la dicte entreprinse n'a esté découverte par les ennemys, non plus que celle qu'avoit mon cousin le duc de Bouillon, laquelle n'a aussy reussy par la faulte des guides qui avoient esté baillez par le s"" de Saponye. Je ne trouve estrange telles faultes, car elles sont ordinaires; et de plusieurs pareils desseings il en réussit peu. Mon dict cousin le duc de Bouillon a faict entrer les forces qu'il conduict en mon Royaume. Celles de mes ennemys viennent de Luxembourg, le long de la frontière, pour joindre l'armée qui est devers le Cambresis, laquelle je sçay pour certain estre fort diminuée, et que toutes les dictes forces

estaiis ensemble, il n'y en aura que dix mil hommes. J'espère estre après-demain à S*-Quentin et sçavoir plus au vray Testât de leurs dictes forces. J'ay mandé mon dict cousin le duc de LongueviUe pour me venir trouver, comme aussy fera mon dict cousin le duc de Bouillon. Je feray entendre à l'un et à l'autre ce qu'ils auront à faire pour mon service. J'ay aussy apprins que ceulx de Soissons ont tiré leur canon et fait feu de joie, sur l'opinion qu'ils ont eue que j'estois prins , au mesme temps que des voleurs du dict Soissons furent prins au port de Chatou : qui faict congnoistre quel estoit leur desseing. Ceulx du dict Soissons sont en extresme nécessité de vin. Quand j'auray estably les garnisons ez environs de la dicte ville, ainsy que j'ay résolu, leur nécessité croistra davantage. Le duc de Mayenne n'est arrivé au dict Soissons, comme lebruict a couru. J'espère aller aujourd'huy coucher à Chaulny et demain à S -Quentin, d'où je vous manderay de mes nouvelles. Ce pendant je prie Dieu qu'il vous ayt, mon Cousin, en sa saincte garde. Escript à Compiegne, le ij^ jour de décembre i ôyy^.

HENRY

POTIEK.

Orig. autographe. — B. R. Fonds Béthune, Ms. 91 15, fol. i. Cop. — B. R. Fonds Fontanieu, Ms. P. 73 , fol. 27 verso. Et Suppl. fr. Ms. 1009-3.

A MON COUSIN LE DUC DE NIVERNOIS

Mon Cousin, Je vous prie prendre la peine de vous trouver avec ceulx de mon Conseil, lorsque m' le Chancelier mandera les presidens de la cour et mes gens pour leur bailler les lettres que je leur escris, par lesquelles je me plains que l'on n'a encores publié ma dernière déclaration sur l'edict de la paix de l'an mil cinq cent soixante et dix-sept, afin d'autoriser de vostre présence le commandement que je leur en fais, et tenir main, comme vous avés bien commencé, que mon intention soit mieux suivye et exécutée qu'elle na esté; et vous me ferés un singulier plaisir. Et pour recompense,

je vous asseureray de la prise du fort de Croson, advenue par assaull

le xYii*^ du passé , où tous les Espagnols qui le gardoient ont esté

taillez en pièces. A quoy l'on adjoute que dom Juan estant venu à leur

secours, a depuis encores esté combattu de faict, et pris prisonnier

par le mareschal d'Aumont. Dont je m'asseure que vous ne serés non

plus marry que je le suis de le vous escrire; et ne le seray jamais de

vous faire paroistre par effect combien je vous aime. Sur ce, je prie

Dieu, mon Cousin, qu'il vous ayt en sa garde. Ce viij*^ décembre, à

S*-Quentin.

HENRY

Orig. — B. R. Fonds Béthune, Ms. 9115, fol. 64. Cop. — B. R. Suppl. fr. Ms, 1009-3.

A MON COUSIN LE DUC DE NIVERNOIS ET DE RETHELOIS