A MESSIEURS DE LA VILLE DE PARIS

^ Messieurs, Je vous escris volontiers, car je vous estime comme le miroir et Tabregé de ce Royaimie ; et non toutesfois pom* vous informer de la justice de ma cause, que je sçay vous estre assés cogniie : au contraire, pour vous en prendre à tesmoings, vous <pii, par la multitude des bonsyeulx que vous avés, pouvés voir et pénétrer profondément tout ce qui se passe en cest Estât. Vous sçavés quel jugement a fiiict le Roy, dés le conunencement , des aucteurs de ces misères , quels il les a prononcez et dedarez à vos oreilles : il vous requeroit de Tassister contre eulx, comme ennemis publics; et c'estoit lors que sa volonté estoit entière et libre, premier que la violence eust rien gagné sur luy. Tout le changement qui y est venu despuis, je sçay que vous Tavés imputé, non à son vouloir, mais à leur force. Et, de faict , je suis bien adverty, qu^estans peu après requis de fournir aux fraix de ceste guerre , vous avés bien seu respondre que ces troubles n V voient oncques esté de vostre advis; que c^estoit à ceulx qui les mouvoient, non à vous, à en porter les frais : response que vous n'avés pas aocoustumé de faire , quand v(ms pensés qu'il est question, ou du service du Roy, ou du bien du Royaume ; car jamais subjects ontils esté plus liberaulx pour ce regard que vous? Mais, certes, quand vous apercevés que vos deniers ne vont pas aux réparations, comme quelques fois on vous fait croire, mais à la ruine du Royaume ; quand vous voyés clairement qu'on ne vous demande pas vos bagues pour fournir à la rançon d'un roy François ou de ses enfans,, ou d'un

' «Faite par M. du Piessis. » (Mémoires de Momay.)

roy Jean , mais pour estemdre le sang et la postérité de France , pour réduire vostre Roy en servitude et en prison , or, je sçay très bien que le Roy vous en aura sceu gré ; et tous bons François ont ceste obligation en vostre endroict; mais j*y en ressens pour moy ime très spéciale poiur le rang que Dieu m^a ordonné en ce Royaume , et pour estre, puisqu'il luy a pieu, des enfans de la maison. Jugés quel besoing il nous estoit de ceste guerre 1 Vous sçavés que cest Estât se rendoit de jour en jour capable d'une paix; s^ii falloit rien remuer en la religion, sans rien altérer, il ne falloit qu'appeler im bon concile; si, au maniement de cest Estât, le Roy n'eust pas refusé d'ouvrir .une assemblée d'estats; et, pour couper le chemin à ces mal-heurs, vous sçavés que je m'y suis soubmis par déclaration expresse, mesme de vuider par un duel ce que les perturbateiurs eussent peu particulièrement prétendre contre moy.

Ceulx donc qui ont refusé ces beaux moyens sont les aucteurs de la guerre, et d'une guerre non nécessaire, et donc injuste; moy, qui les ay desirez, et qui volontiers m'y suis soubmis, me sens deschai^é de tous les maulx qui en viendront. Car des moyens légitimes, on a pris plaisir de me réduire aux extremitez extrêmes; tellement que les armes que j'ay en la main sont naturelles et nécessaires, et donc très justes. Comparés en somme mon obeyssance à leur rébellion, ma grande patience à leur précipitation , mes modestes actions à leurs passions immodérées ; et vous proposés sur tout cela quels ils sont en ce Royaume , et quel j'y suis. Vous conclurés qu'il m'est faict un tort inestimable , dont il n'y a gentil-homme en ce Royaume qui ne s'efforçast, et à qui il ne feust permis, d'en avoir raison. Je le dis avec vérité : j'en appréhende les conséquences ; je voy que les innocens en souffriront. Mais soubvenés-vous tousjours que mes ennemis sont ceulx qui ont esté desclarez ennemis du Roy et du Royaume ; qu'ils ont troublé le repos, appelé les estrangers, fait exterminer les domestiques, emprunté les ennemis et employé leurs moyens, non à ma ruine seule, mais à la confusion de cest Estât. Lors, Messieurs, vous imputerés à leurs offenses tous les inconveniens que peut ame-

ner une juste deflPense ; vous leur sçaurés mauvais gré des maulx consecutife, comme vous les recognoissés aucteurs et causes des premiers. De moy, je me desplairay en mon mal-heur, de ne pouvoir deschasser ie mal universel de cest Estât sans quelques maulx. Je me plairay pour le moins en mon intégrité, qui les ay voidu rachepter de ma vie, qui la sentiray tousjours bien employée pour la conservation de cest Estât et de vous tous.

Or, Messieurs, je vous diray pour la fin, que j'attends et attendray tousjours de vous tout ce qui se peut et doibt de vrais François, et de la règle exemplaire des François. Attendes de moy pareillement tout ce qui se peut et doibt d'un prince François et d'un prince chrestien, pour l'union de l'Eglise, le service du Roy mon seigneur, le bien du Royaume, le soulagement du peuple, et le contentement de tous les gens de bien. Je prie Dieu, Messieurs, qu'il ait pitié et compassion de ce Royaume, et nous doint à tous un bon conseil, poiu* sa gloire et nostre propre bien. Amen.

De Montauban, ce premier janvier i586.

Vostre meilleur et plus affectionné amy,

HENRY