A MESSIEURS DU TIERS ESTAT

^ Messieurs, Je n'ay pas besoing de grand langaîge pour vous faire entendre la justice de ma cause. Ressouvenés-vous que, lorsque ces remuêmens sont advenus, nous vivions en paix, et de jour en jour allions en oiieulx. Ressouvenés-vous, nonobstant qu'ils fussent directement contre moy, que je n'ay pas bougé huict mois durant, que ma patience a passé toute borne. Ressouvenés-vous que j'ay veu les armes mesmes qui me dévoient estre plus propices , joinctes à mes ennemis et acheminées contre moy, premier que de me résoudre à me desfendre. Et je vous jure. Messieurs, que Thorreur d'une guerre civile, et Fapprehension sensible des misères et calamitez qu'elle produict, me rendoit stupide et insensible à mon dommage propre, si je n'eusse aperceu que ma trop longue patience toiunoit en danger et en ruine à ce Royaume, donnant loisir aux perturbateurs d'y faire violemment tout leur plaisir. S'il a esté question de la Religion, je me suis soumis à un concile; si de plainctes concernantes cest Estât, à une assemblée d'estats. J'ay désiré mesme de tirer sur ma personne tout le péril de la France, pour la sauver de misère, m'estant esgalé de mon plein gré à ceulx que nature m'a rendu inférieurs ; au lieu que de leur propre interest ils ont faict une calamité commune, de leur querelle particulière une confiision publique. J'aurois à me plaindre de ce que mes justes offres n'ont esté receuës. Je m'en plains à vous, pour vous toutesfois, et non pour moy; je plains les extremitez où l'extrême injure qu'on me fait

' t Faite par M. du Hessis.» [Mémoires de Momay.)

m'aura reduict, de ne me pouvoir deffeiidre, sans que le peuple innocent en souffre. Je plains ma condition, que, pour garentir ma vie , il faille que vous senties du mal et de la peine : vous pour le soulagement et bien desquels j'estois prest à respandre mon sang, si mes ennemis n'eussent mieulx aimé se rachepter d'un combat où je les appellois, par un parricide contre cest Estât, par une combustion universelle. Mais je me console, que vous sçaurés bien considérer que la nature des maulx est telle, qu'ils ne peuvent pas estre guaris sans quelques maulx; que vous en sçaurés attribuer la cause, non pas au chirurgien qui a but de guarir, mais à celuy qui a faict la playe, et en ceste playe par conséquent toutes les douleurs qui s'en ^isuivent; que dans peu de temps, au reste, Dieu me fera ceste grâce, après tant de traverses , de voir cest Estât puiçé de ceulx qui le travaillent; de vous voir aussi jouir d'un repos certain et assetu*é, qui nous fasse en peu de temps oublier tous les travaulx passez.

Jugés, je vous prie, par les effects, des intentions des hommes. Pour vous faire aplaudir à ces troubles, ces gens vous vouloient faire espérer qu'ils reformeroient les abus des finances, qu'ils diminûeroient les tailles et subsides, qu'ils rameneroient le temps du roy Louis XII; et des-jà, qui les eust voulu croire, ils se faisoient smnommer Pères du peuple. Qu'est-il advenu? Leur guerre, après vous avoir rongé estrangement de toutes parts, s'est veûe terminée par ime paix, en laquelle ils n'ont pensé qu'à leur particulier, et ne s'y est faict aulcune mention de vous. Leur paix, qui pis est, s'est tout aussi tost tournée en une guerre contre ceùlx qui demeuroient paisibles, par laquelle le Roy est contrainct de doubler les imposts, le peuple exposé en proye aux gens de guerre, la France obligée, si Dieu n'y met tost la main, à estre meurtrière d'elle -mesme. Car qu'est aultre chose l'edict qu'ils ont extorqué, qu'une nécessité imposée au Roy de ruiner son peuple, de se desfaire soy-mesme de sa main ? Au moins, s'ils ne vouloient soulager le peuple, que ne se contentoient-ilsde l'avoir abusé ? Et que leur avoit-il faict pour l'accabler? On couvre ce mal d'un zèle de l'Eglise. L'ardeur de ce zèle se devoit monstrer en une cha-

rite, et la cbarité en runion des deux Religions. Quelle charité, qui n'a pensé qu'à exterminer? quelle ardeur de zèle qui embrase sa pa* trie, qui met en combustion tout un Estât? Cependant sous ombre que le Clergé aura payé quelque somme d'avance pour donner courage à commencer la guerre, la voilà en train; ce sera au pauvre peuple à courre. Deux cens mille escus ou envircm Tauront obligé, pour Tadvenir, aiAx millions. Aulcuns du Clergé en somme, au regret du Roy et mesme de leur corps, pour leurs passions particulières, auront conclu le marché tous seuls , en auront faict avancer les arrhes; ce sera au pauvre peuple à le tenir, et à parfoumir le reste, à quoy qu'il monte; à caluy qui n'en peut mais, qui en porte le donunage et n'en attend point le fruict, à supporter tout le faix et endurer tout le mal qm en viendra.

Messieurs, je vous répète cecy : je stiis né prince chrestien; j'ay cerché et proposé les voyes chrestiennes pour composer cest Estât et réunir l'Eglise. Je suis né François; je compastis à vos manlx; j'ay tenté tous les moyens de vous exempter des misères civiles; je n'espargneray jamais ma vie pour les vous abréger. Je sçay que pour la phis part vous estes assubjectis sous ceste violence; je sçay que vos volontez sont serfves; je ne veulx vous imputer vos actions. Vous estes François ; j'aime mieulx vous imputer vos volontés. Je ne vous demande à tous, qui selon vostre vocaticMi estes plus subjects à endurer le mal que non pas à le faire, que vos vœux et vos souhaits, et vos prières. Priés Dieu, Messieurs, qu'il distingue par ses jugemens ceulx qui cerchent le bon-heur ou le mal-heur de cest Estât, la calamité ou la prospérité pubhque. Quant à moy, je le prends à tesmoing que je ne désire que le bien de ce Royaume et de vous tous. Je le prends pour juge si ambition ou passion particulière a poussé ou animé aidcunement mes armes.

De Montauban, ce premier jour de janvier i586.

Vostre bien affectionné et asseuré amy,

HENRY

Cop. — Bihlioth. deToBTS, ancien manuscrit des Cannes, cotéM, n*50, Lettres hishiritpus, p. 3i6-

Communiqué par M. le préfet Cop. — B. R. Suppl. fr. Ms. 1009^.

împrimé. — Mémoires de messire Philippes de Momay, etc, édit. de 1624 , in-i**, p. 698. EiMémoirts de la Lig^» 1. 1, p. 3o8.