JUIN. — II

Orig. — B. R. Fonds Béthunc, Ma. 8857 , fol. 8d recto. A MON COUSIN MONS» DE MATIGNON.

MARESCHAL DE FRANCE

Mon Cousin, Ceulx de la Religion qui sont demeurés à Florence m'ont faict de grandes plainctes de ce que la compagnie du capitaine Caillonet, quavez mise en garnison dans la dicte ville, est la plus part logée chez eulx, tellement qu'il n'y a pas dix logis des catholiques qui n'en soyent exempts. Qui est cause que je vous envoyé ce porteur, le capitaine Loursian , qui est de ma compaignie , pour vous faire entendre les particularitez de ce mauvais traictement ; ayant luy mesme le dict capitaine Caillonet logé chez luy et chez son frère. Il vous dira aussy comment ceulx de la dicte Religion ne sont admis à faire la garde comme les aultres, et que ceulx des troupes d'Agen et aultres soldats de la Ligue ont leur entrée et sortie libre dans la dicte ville. Tellement qu'il semble que la dicte compagnie soit pour entretenir mesfîance et division plus tost que l'union qui doibt estre entre concitoyens , et que ce soit à ceulx de la Religion qu'on en veuille plustost qu'aux ennemis de l'Estat et à ceulx de la Ligue. Partant, je vous prie , mon Cousin , y pourveoir et oster ce bigarrement, faisant exempter ce dict porteur, pour estre de ma compaignie , et sur tout de mettre quelque règlement entre les soldats, qui vivent à discrétion. J'en ay parlé plus particulièrement au s' de Montaigne; qui me gar-

dera de vaus en faire la présente plus iong;ue y que pour prier Dieu vous avoir, mon Cousin, en sa irez saincte et digne garde. De S.^ Foy, ce vj* jour de juing 1686.

Vostre plus afiectionné cousin et meilleur amy,

HENRY