CHEVALIER DE L'ORDRE ET GRAND C HA SI BEL LA» D'ASCI.ETEIUU

Mon Cousin, Il y a quelque temps que j'escripvis à la Royne, de Testât de mes affaires, et à vous particulièrement, duquel je congnois le zele et l'affection envers les pauvres esglises de France, qui en leurs afflictions n'ont pas reccu peu de soulagement par vostre moyen. Lors nous estions en grande difficulté de nous résoudre; car, d'une part , nous craignions d'eslre subjects à diverses calomnies, prenant les armes pour nous défendre, et, de l'autre, nous voyous les préparatifs de nos ennemys tout evidens pour noslre extresme ruine. Mais, certes, à peu de jours de là, ils nous ont bien osté de ceste perplexité : car, non contens de plusieurs entreprises, dont toutesfois ils ont failly la pluspart, en exécutant seulement quelques-unes de petite importance, ils ont mis, tant en Dauphiné qu'en Languedoc, armée et artillerie en campagne, assiégé et battu places, couru sus aux pauvres gens de la Religion qui estoient dedans les villes. Dont nous avons esté contraincts de recourir à nos armes pour rompre, au mieux que nous pourrions, le cours de ces malheureux desseins. En cest estât, comme au support ordinaire de la Religion, nous avons recours à Sa Majesté, tant pour luy faire entendre nos justes douleurs que pour la supplier très humblement d'y vouloir, par sa bonté, apporter quelque secours et remède. Et pour cet effect ay depesché vers elle le sieur du Plcssis, mon conseiller et chambellan ordinaire., lequel je vous prie (pree que

le tout seroit trop long à discourir) croire de tout ce qu'il vous di ra et declarcrade ma part, comme si c'cstoit moi-mesme. Ce que je vous puis adjouster icy, mon Cousin, c'est que je vous prie de toute mon affection d'employer vostre auctorité et prudence pour nous faire biéntost sentir les effects de la bonté et bénignité de Sa Majesté, vers laquelle nos pauvres esgliscs jettent perpétuellement les yeux. Et en ce, outre l'obligation qu'en gênerai elles vous auront, vous m'aurez de plus en plus obligé à reconnoistre ce bon office en toutes occasions où me voudrei employer. À tant, mon Cousin, je feray fin, saluant bien affectueusement vos bonnes grâces, et prieray Dieu vous donner, en santé, beureuse et longue vie. De Lectoure, le mf avril jÔ8o l.

Vostre plus affectionné cousin et par&ict amy, HENRY.

1580. l5 AVRIL.

Cap. — B. R. Fonds Bricooe, Mm. J07, fol. igi recto.