VERS LE 12 DÉCEMBRE

Orig autographe. — B. R. Fond» Wtl.unf. Mi. 8828. fol .r» ttelo. Cop. — B. R. Suppl. fr. Mi. I009-*.

A MON COUSIN MONS* DE MATIGNON

MABESCIIAL DE FRANCE.

Mon Cousin, Je suis bien marry des desordres, violences et contraventions à l'edict, qui se commectent ordinairement avec impunité. Si Basas eust esté maintenu en Testât porté par l'edict et suivant nos conventions et promesses, signées de nous, cela ne scroit advenu. Mais un mal attire l'autre. A Bazas on a mis en garnison vingt, entre autres gens, condamnes à mort par la justice; on y a faict venir deux ou trois prevostz à la fois, pour intimider ceux de la Religion; on leur a faict entendre que, pour leur seureté, ils en debvoient sortir. Les aultres ont esté chassez , de sorte qu'il y a grand nombre des principaulx habitants dehors et qui n'y peuvent rentrer avec seureté. Je treuve mauvais que Le Casse use de courses et violences et qu'il fasse prisonniers. C'est chose à quoy il faidt pourveoir. Mais je serois bien d'avis qu'on en usast suivant ce que j'ay faict entendre à mons' de Bellievre, parce que sans forces on ne pourrait en venir à bout; qui apporteroient une altération grande, laquelle n'est aucunement convenable en ce temps. De sorte que quelque autre voie sera plus expédiante, ainsy que j'ay prié le dict s' de Bellievre vous escrire plus particulièrement. Entre les maulx il est besoing de choisir le moindre, et je vous prie, mon Cousin, que ce soit le plus tost que faire se pourra. J'attends la response du Roy mon seigneur sur la prorogation du temps des villes de seureté, et sur le payement des guarnisons qui y sont. Je vous prie, mou Cou-

si n, donner ordre que ce pendant elles puissent vivre. Et lorsqu'elles seront payées, ceux de qui on aura pris les vivres seront satisfaicts: et le service du Roy se fera trop mieux, cherchant doulcement telz moyens et en usant sans aigrir les choses, que envoyant des prevostz sur les lieux pour cmpescher ceux des dictes guarnisons de recouvrer des vivres pour subvenir à la nécessité, qui n'a point de loy. Car je leur ay permis d'en prendre où il y en aura, avec asseurance de les payer. Attendant la rcsponsc et mandement de Sa Majesté , m'asseurant, mon Cousin, que vous le vouldrez faire ainsy, je ne vous en diray davantaige, si ce n'est pour vous prier de vous asseurer tousjours de la bonne volonté de

Vostre plu» affectionné cousin et asseuré aniy,

HENKY.

Imprime. — IsVrti Je Henri IV. etc. ptitifa par jV. L P. P»ri». 1 81 4, ia-i » , p, 116.

[A MONS» DE VERAC]

Monsr de Verac, J'ay escript un paquet de lettres à mon frere, monsieur le Prince; et parce que je le vous adresse, je vous prie hien aflectionnement les luy faire tenir seurement. Si mons' de Clervant ue passe chez vous à son retour de la Court, pour vous faire entendre les responses qu'il aura obtenues du Roy mon seigneur aux articles et cahiers des Eglises, je le vous feray sçavoir sitost qu'il sera icy. Mais ce pendant asseurez-vous de ma bonne volonté et amitié en vostre endroict, laquelle je vous feray paroistre lorsque les occasions s'en présenteront, d'aussy hon cœur que je prie Dieu vous avoir, Monsr de Verac, en sa saincte et digne garde.

Vostre meilleur et plus affectionné amy,

HENRY

Du Mont de Marsan, le xujc décembre 1 583.

1583. l4 DÉCEMBRE. — l**.

Orig — Arch. de M. le baron de Scorbiac, A Montauban. Copie trausmiac par M. Gustave de Clausade, correspondant du ministère de l'Instruction publique.

A MONS» DE SCORBIAC

CONSeil I I I', DO M» MON .sfl«.\El !.. EN SA COURT DU PARLEMENT DE TIIOL'LOUSE ET CUBM DE LA JUSTICE ESTABLIE EN LANGUEDOC.

Monsr de Scorbiac, Je vous ay cy-devant escript pour favoriser ie capitaine Us en un affaire qu'il a en vostre chambre de Lisle. Maintenant j'ay bien voulu encor un coup vou9 prier luy départir la mesme faveur qu'il m'a dict que luy avés portée en ma considération au procez qu'il a contre Fortis de la Fourcade, et avoir la conservation de son bon droict pour bien recommandé en justice, et de croire que je seray bien aire de m'en revancher quand l'occasion se présentera , d'aussy bon cœur que je prie Dieu, Mons' Scorbiac, vous avoir en sa saincte et digne garde. Au Mont de Marsan, ce xiuj* décembre 1 583.

Vostre bien bon et asseuré »my, HENRY.

1583.— \k DECEMBRE. — II""

Orig. — Arch de M. le baron de Scorbiac, a Monlauban. Copie transmise par M. Gustave de Clausade, correspondant du ministère de flnatruction publique

A MONS* DE SCORBIAC

CONSFILLM» DU ROI MON SEIGNEUR. EN SA COURT DE PARLEMENT DE THOLLOl «: ».T CR4MMI DE LA JUSTICE ESTABLIE EN" LANGUEDOC.

Mnnsr de Scorbiac, Tant plus ma lettre sera courte, tant plus vous recommanderay-je affectueusement la damoiselle de Forges, qui a ung procès en vostre compagnye. A laquelle je vous prie faire. voir, par effect, que ma recommandation ne luy est inutile. Elle vous en aura obligation, et |e recognoistray volontiers les bons offices que

vous lux despartirés, et d'aussy bon cœur que je prye Dieu vous avoir, Mons' de Scorbiac, en sa saincte garde. Du Mont de Marsan, ce xnij' décembre 1 583.

Vostre bien bon et asseoré amy, HENRY.

1583. \ 7 DÉCEMBhE.

Orig. — B. R. Fonds Bétonne , Mv 8800 , fol. 64 rvclo.

A MON COI SIN MONS* DE MATIGNON

MAHfcSCHAL DE »RANCE.

Mon Cousin , Vous dictes que le Roy trouve mauvais que j aye reprins la possession de ma ville et maison du Mont de Marsan, demeure ordinaire de mes prédécesseurs, et que Sa Majesté trouve bon de continuer la garnison que vous avez mise en la ville de Bazas. Je crois qu'il est si grand observateur de son edict de pacification , comme il faict assez entendre par toutes ses lettres et escripts, que, estant ceste action toute contraire à son edict, conférences et aux reglemens et accordz passez entre nous, il ne le pourroit avoir commandé sans qu'on luy ait desguisé et mal interprété mes actions, et sans luy avoir donné occasion de tirer telles conclusions sur de faulx advis et presuppositions, et luy avoir celé la façon et modération dont j'ay usé en me remectant en ma maison. Tout cela ne peut tendre qu'a me rendre odieux et m'esloigner de sa bonne grâce. De quoy je ne puis estre que trez mal content, et que de ceste façon on veuille à mes despens se faire valoir. On avoit auparavant desguisé ou mal exposé à Sa Majesté ce que j'ay faict à Tartas; et pour le regard du Casse, après que j'ay prins tant de peine, en personne, à raser et applanir ses fortifications, on a faict entendre à Sa Majesté que je n'ay faict aultre chose que les esgratigner. J'espère quElle en cognoistra la vérité et qu'à la fin Elle en sera esclaircie , à la confusion de ceulx qui me veullent troubler, et que, suivant sa bonté acoustumée, Elle Lirraia de bexhi iv. — i. 76

- m'en vouldra faire la raison. Vous mettez en oultre quelque garnison dedans Condom, et de ceste façon vous environnez ma maison de Nerac de tous coustez. Je ne sçais ce que vous entendez faire , ne quelle auctorité vous voulez prendre en mon gouvernement; de quoy je vouldroys bien estre promptetnent esclaircy. Au reste , mon Cousin, je vous ay mandé que les soldatz qui sont és villes de seuretc sont reduietz à la faim, parce qu'estans en places povres et desgarnies de commoditez, ils n'ont aucun moyen de vivre, n'ayans rien receu jusqu'icy depuis quatre mois de leur entretenement, dont les deniers sont neantmoins imposez et levez. Il n'y a encorcs esté pourveu. Mess" de la ville de Bordeaulx m'en ont faict parler; je ne puis sinon les remettre à ceux qui disposent desdicts deniers, car la nécessité presse, et ne peut attendre davantage. Sur ce, je prieray Dieu, vous tenir, mon Cousin, en sa saincte et digne garde. Du Mont de Marsan, ce xvij« décembre i683.

Vostre bien affectionné et asseuré amy,

HENRY

1583. l8 DÉCEMBRE.

Orig. — Arch. de M. te comte H. C. de Meslon. Envoi de M. le secrétaire général de U préfecture

de U Gironde.

[ A MONS» DE MESLON

Monsr Melon , Parce que les maire et procureur de la ville de Bordeaux me sont venus trouver, et m'ont promis de s'employer à ce que vostre garnison , et aultres estans des villes de vostre costé, seront payées pour le plus tard dedans quinze jours, je l'ay aussi asseuré que, durant le dict temps seulement, je patienteroys et ne permettroys qu'il fust rien innové d'extraordinaire. A ceste cause, et sçachant que la nécessité est grande dedans Montsegur, je vous prie, si vostre santé peut permettre, vous y transporter, et donner ordre pour le moins à ceulx de la citadelle, à faire tant avec les babitans, qu'ils aident aux soldats, en sorte qu'ils ne tombent en nécessité durant le

dict temps; et cela faict, je désire que vous me veniez trouver, parce que je seray bien aise de vous voir, et ay à parler avec vous. Ce que nVasseurant que vous ferés, attendu la presse que je vous en fays, je ne vous en diray davantage , si ce n'est pour prier Dieu vous tenir, Mons' Melon , en sa saincte et digne garde. Escript au Mont de Marsan, ce xvuje jour de décembre i583.

Vostre bien bon et asseurc auiv .

HENRY

Orig. - B. R. Fond. BélhuDe. M* SSÙO , fol. 66 recto.

MARESGHAL PC riUSCE.

Mon Cousin, Je vous ay prié par cy-devant de donner ordre au payement des garnisons des villes de seurclé , lequel on ne leur peult justement desnier ne retarder, tant parce que les deniers en sont imposez, levez et receuz, que aussy parce que, quelque chose qu'on puisse alléguer, ilz ne peuvent sortir des places, qu'il ne soit arresté de les remettre, et que les commissaires ne soient venuz pour les reprendre. Il y a davantage, que la nécessité est la plus inviolable de toutes les-loix, et passe par dessus , et ne peult longuement attendre, ainsi que j'ay commandé à mon secrétaire Viçose vous faire plus particulièrement entendre : sur lequel me remectant, je prieray Dieu vous tenir,

Mon Cousin, en sa saincte et digne garde. Du Mont de Marsan, le xix« jour de décembre i683.

Vottre plut affectionné et asseuré amy, HENRY.

Orig. — Arcb de M. le baron de Scorfaiar, à Montauban. Copie tnntmuc par M. Guataie de Claoude, correspondant du ministère de rinMrurlion publique.

A MONS" DESCOIUHAC,

CONSEILLER DO ROY MO» SEIGNEUR. EN SA COURT DE PARLEMENT DE THOCLOt SE ET COCRT DE l.'EDICT ESTAOLIE À LISLE D'ALBIGEOIS.

Mous' d'Escorbiac, Parce que je voy que, par faillie de bonne sollicitation et poursuicte, les affaires et procès que j'ay et pourrons avoir en vostre ebambre demeurent en arrière ou son» mal conduietz, dont advient quelque foys qu'à ceste occasion j'en ay mauvaise issue, j'ay advisé de'commettre quelque bon et diligent solliciteur en vostre dicte ebambre, qui [rende] ceste sollicitation distincte d'avec celle du parlement de Thoulouze. Et parce que je sçay l'affection que vous m'avez tousjours demonstrée et au bien de mes affaires, j'ay bien voulu vous escrire la présente , pour vous prier de m'en vouloir eboisir et nommer ung qui soit fidèle, et propre pour ceste ebarge; désirant en avoir ung de vostre main. N'estant la présente à aultre fin, je prieray Dieu vous avoir, Mous' d'Escorbiac, en sa saincte et digne garde. Du Mont de Marsan, ce xx' décembre 1 583.

Vostre meilleur et plus affectionné tniy.

HENRY

1583. — a 5 DÉCEMBRE.

Cop. — Bibltolb. de Tour», ancien manuscrit des Carme» , cote1 M, n"50. Lrttrri Auforifyri, p. iJ.j,

Communiqué par M. le préTet-