A MESS" DES EGLISES DE

Mess", Vous sçavez comme, cest esté passé, le sr de Clervant a esté par moy despesebé, a la requeste «le plusieurs Eglises de ce royaulme, vers le Roy mon seigneur, pour remonstrer et poursuivre

beaucoup d'affaires concernans leur bien et repos , et l'entretenemcnt de la paix, fondés principalement sur la circonstance du temps, regardans plusieurs exécutions et inexécutions de l'edict qui pressoient, [afin] de rechercher les moyens d'y remédier et s'en resouldre, et de s'adresser à Sa Majesté pour y pourvoir. A laquelle le dict s' de Clervant aurait présenté les rcquestes, rcmonstrances et cahiers, tant generaulx que particuliers desdictes Eglises, sur ce dressez. Desquels, despuis quelques jours , estant de retour auprès de moy, il aurait rapporté la response ; en laquelle y a plusieurs poincts qui requièrent une communication de conseils et resolution commune, suivant ce que vous scavez qui lui accordé en l'assemblée dernière, tenue à Sainct Jehan d'Angely, de ne resouldre les choses communes qu'en commun; ce que j'ay despuis gardé et veulx tousjours observer très religieusement. C'est ce qui m'a faict escrire présentement à toutes lesdictes Eglises, et à vous particulièrement pour vous prier bien affectueusement, Mess", de vouloir choisir, nommer et depescher de vostre part un desputé, ou desputez, qui soient personnaiges qualifiez, capables et suffizament instruits et auctorisez sur tout ce qui concerne le bien, repos et conservation desdictes Eglises, tant pour le présent que pour l'advenir, afin de se trouver en l'assemblée générale d'icelles, que j'ay advisé tenir, avec le bon plaisir et consentement de Sa Majesté, qui l'a toujours trouvé bon et approuve, en la ville de Montaulban, au vingtiesme de mars prochain. Lequel lieu m'a semblé, pour beaucoup de considérations, propre pour ladicte convocation et assemblée ; afin d'illec resouldre par ensemble et d'un commun advis , de tout ce que dessus. Ce que me promettant que vous aurez pour agréable , et que vous donnerez tout l'ordre qui y est requis, sans y faillir aux temps, ne y user de difficultez et retardemens, et d'aultant plus volontiers que la saison vous y doibt exhorter et convier d'clle-mesme , je ne m'estendray davantage en ce propos, si ce n'est que par mesme moyen pourront estre pesées et examinées les plainctcs, remoustrances et raisons d'aulcunes Eglises, se disant estre surchargées par la taxe et cotisation des deniers impo-

ses sur icelles en vertu de la commission du Roy mon seigneur, pour l'acquit des dettes des estrangers et aultres, afin d'y pouvoir apporter quelque expédient qui tourne à la satisfaction et contentement d'icelles; n'y ayant voulu ne peu pourvoir, quelque instance qui m'en ait este faietc, d'autant que c'estoit chose accordée et arrestéc entre leurs desputez en une assemblée générale, et tjue lesdictes levée et exécutions se font par commission de Sa Majesté. A quoy il m'estoit impossible de toucher; comme aussy les poursuictes et payemens desdictes taxes et cotisations ne peuvent estre présentement interrompus ne retardez à l'occasion de ladicte assemblée prochaine, et jusqu'à ce qu'en icelle, d'un commun consentement il y ait esté ad visé et pourveu de nouveau. M'asseurant, Messra, qu'en chose si nécessaire, que le bien de la paix, le temps et vostre debvoir requièrent de vous, vous ne vous rendrez aucunement lents ne tardifs, je prieray Dieu vous avoir en sa saincte garde et protection. Escript au Mont de Marsan, le xxv* de décembre i583.

[HENRY

[ 1583. — a 6 DÉCEMBRE. ]

Orig. «olographe. - B. II. Food» Béthune. M.. 8328. fol. .3 recto. Cop. — B. R. Suppl. fr. Ma. 1009-4.

Mon Cousin, J'envoye le sieur dTolet, présent porteur, vers le Roy pour l'informer de mes actions1, qui ne seront jamais contre le bien de la paix ne son service; et espère qu'en estant bien esclaircy, il voudra que toutes choses soient remises en Testât porté par son edict de pacification et qu'il soit bien observé de tous costés. De quoy j'ay bien voulu vous advertir, comme celluy qui est

Vostre bien affectionné cousin et asseuré amy ,

HENRY

1 Le» instructions au sujet de cette justification sont du a 5 décembre.

Orig. — Arch. de Mauriac (CtDUl ). Copie transmise par M. Delalo, procureur du Roi