A MESSIEURS DES LIGUES SUISSES

Magnifiques Seigneurs, J'envoyay, il y a quelque temps, le sr de Segur vers une bonne partie des princes et Estatz de la religion reformée pour les visiter de ma pari , et préparer le chemin à une bonne reconciliation de toutes les EgUses et réunion des confessions tl'icelles. J'espere, Dieu aidant, que son voyage n'aura poinct esté inutile, de quoy je vous ay cy-devant adverlis. Mais d'aultant que le

dict voyaigc est beaucoup advancé, et depuis quelque temps il a pie» à Dieu appeler à soy monsieur mon cousin l'Electeur Palatin, et mis monsieur le duc Casimir, son frère, en de grands affaires ( pour estre le faix de toute ceste maison tombé sur luy, et la dignité et fauctorité d'iccllc), j'ay advisé de l'envoyer visiter, tant pour la précédente cause, que pour me condoloir avec luy de la mort de feu monsieur mon cousin, et luy offrir de ma part, en ses affaires, tout ce qui estoil en moy et qui despendoit de mon pouvoir. C'est pourquoy j'ay despesché présentement le sr de Buzenval, gentiiliommc île ma chambre , présent porteur, avec exprez commandement de vous visiter et saluer de ma part, et d'employer à cest effecl une partie de son voyage, afin de vous faire entendre le désir que j'arque ce qui a esté proposé et mis en avant pour la reunion de nos confessions vienne à quelque bon effect, à ceste occasion, demander vostre conseil, et vous prier d'apporter le zele, et affection que vous avez tousjours demonstrez en tout ce qui touche le faict de la Religion, à l'advancement de ceste œuvre si utile, voire nécessaire à toute la ebrestienté, qui est digne de vous et de vostre prudence et pielé. Je luy ay aussi donné charge de vous faire entendre Testât de uoz affaires et de noz églises, duquel je cognois qu'il est d'aultant plus important que soyez bien deuement advertis, que je ne doubte poinct que ceulx qui tasebent par tous moyens de les troubler et ruiner au dedans n'exercent les mesmes praticques au dehors pour les rendre odieuses aux eslrangers. J'estime tant, Magnifiques Seigneurs, voz graves et saincts jugemens, que, quand vous serez bien au vray informez de tout ce qui se passe par deçà, vous maintiendrez toujours nostre innocence contre tous ceulx qui la voudroient arlificieusement calomnier, et mettrez peine pour l'entière aflection que portez à ceste couronne, que la volonté qu'a montrée le Roy au maintienement de la paix jusqu'à ceste heure ne soit traversée et altérée par ceulx qui, servans à leurs desseings et passions particulières, laschent à tourner ses bonnes intentions en quelques mauvais effects contre le bien et repos de cest Estât. Je vous prieray donc, Magni-

Tiques Seigneurs, de croire le dict s' [de Buzenval] de tout ce qu'il vous dira de ma part, et de me tenir au nombre d'un de voz plus affectionnez amys, qui désire par toute occasion de vous en donner de trez bonnes et Irez certaines preuves.

[HENRY