A MONS» DE SEGUR

Mons' de Segur, Je loue Dieu de ce qu'il donne sy bon commencement à vostre négociation et bénit vos labeurs. J'ay tousjours espéré cela de vostre zele à l'advancement de la gloire de Dieu, et de vostre affection si entière à mon service. Je vous prie continuer et y apporter tout ce que vous pourrez, car il est temps de mettre la main à la besoigne, et de n'oublier rien au logis, puisque nostre innocence mesme et obéissance nous nuict. Nostre cause est si juste que je m'asseure que Dieu la favorisera et que les princes cbrestiens et tous les gens de bien nous aideront à la soustenir, non-seulement pour l'interest qu'ils y ont, mais principalement parce que c'est la cause de Dieu plustost que la nostre.

A Dieu, aimez toujours

Vostre bien affectionné maistre et parfaict amy.

HENRY