A RAYONNE

Mons' de Trignan , Tay receu la lettre que vous m'avés escripte le xn* du présent, et esté bien ayse de la bonne volonté que vous avez envers moy, non poinct que j'en doubtassc, mais pour ce que telle recommandation desnote la fermeté d'icclle, en laquelle je vous prie continuer, sans entrer en opinion que je reçoive Milan rapport qu'on me pourroit faire de vous pour le croire avant que vous ouir. Car je me garderay de juger de ceste façon , vous asseurant que vous n'avez occasion d'estimer que aulcun me soit venu dire de vous chose indigne d'un gentilhomme d'honneur. Que si vous avez receu quelques lettres du Roy mon seigneur et de moy, elles tendent plus à la déclaration de son bon plaisir, pour l'auctorité qu'il m'a donnée en ce gouverne-

ment de Guyenne, que pour vos taxes. Et quoy que ce soit, vous pourrez tenir pour certain que je vous seray amy et vous tiendray en la réputation d'un gentilhomme d'honneur et fidèle suhject du Roy mon dict seigneur. A ceste cause ne cessez de faire charge et procéder aux observations que avez en commandement, y employant tous ceulx qui y sont tenus, sans espargner cculx de ma vicomte de Marcnnc \ selon qu'ils y peuvent estre tenus de tout temps, vous priant tenir la main qu'ils ne soient surchargez3. Et d'aultant que la lettre du corps de la ville de Bayonne n'a d'aultre argument que la vostre, je vous prie leur communiquer ceste cy, afin qu'ils cognoissent que je veulx et entends ine conformer au bon plaisir de Sa Majesté et ] tion, comme je fay; priant Dieu vous donner, Mons' grâce. A Agen, ce xxij* jour de décembre 1 576.

Vostre bon amy.

HENRY